واقع مشقلب Reality Flip

واقع مشقلب Reality Flip Don’t get dizzy from the world’s flips; just laugh along. لا تدع شقلبات العالم تصيبك بالدوار

08/06/2026
حضرت فحياتي شحال من مرة لشي صديق توفى ليه الاب أو الأم ديالو وكنشوفو صابر والناس كتعزي فيه ودمعة وحدة مانازلاش وكنت كنتع...
08/06/2026

حضرت فحياتي شحال من مرة لشي صديق توفى ليه الاب أو الأم ديالو وكنشوفو صابر والناس كتعزي فيه ودمعة وحدة مانازلاش وكنت كنتعجب حتى جات نوبتي 💀

شخصيا فاش توفى الوالد وقع لي نفس البلان كتشوكا و كترفع وفنفس الوقت كينزل عليك واحد الصبر انت براسك مكتستوعبوش وكتلقاك كتصبر فخوتك و فعائلتك وكتستقبل التعازي وترد على الناس بواحد الضبط رهيب للنفس والمشاعر ..

وراها مباشرة كتجي واحد اللحظة كتوضر فيها كتولي غا حاني راسك وغادي فالطريق فين الله واعلم تنگولو ليها بالدارجة ( كطج ) رجليك لي غادين بك بدون وجهة كتبقى سارح و كتشوف الناس والدنيا كحل وبيض

ولكن من بعد فاش كتبدا تخوا عليك الدنياوو كتلقا راسك مريح بوحدك فبيتك عاد كتجي ساعتك لي كتنفس فيها حتى انت وكتخرج ديك الغمة وكتبدا القرجوطة طلع وتنزل بوحدها وخا كتعيا تقاوم كتلقا راسك كتبكي بحال شي دري صغير فجوف الليل .. داك البكاء كيكون شديد كنعقل تي شورت ديالي كامل عمرتو فالبالكو وكنت كنتمنى مايجي عندي تا واحد يواسيني لأن داك الثقل ديال الفراق خاصو استفراغ طويل بدون انقطاع ..

من تما كتعرف بلي أي واحد شفتيه صابر وواقف فالجنازة راه ماشي حيت ممقصحش را غا مازال مبنج بالصدمة و غادي يتفرگع فاش يسالي هاد الصداع كامل وتخوا عليه الدنيا ..

الله يرحمهم ويرحم جميع أموات المسلمين ويصبر كل واحد شرب وذاق من هاد الكاس !

15/01/2026

#امي #أمي ♥️ #رشيد

Address

Abu Dhabi
00000

Website

Alerts

Be the first to know and let us send you an email when واقع مشقلب Reality Flip posts news and promotions. Your email address will not be used for any other purpose, and you can unsubscribe at any time.

Shortcuts

Share

Category