29/08/2025
ازموینو ملي ادارې عمومي رئیس الحاج دوکتور شیخ عبدالباقي حقاني په خپل کاري دفتر کې افغانستان لپاره د ترکیې هېواد د ماموریت مشر او شارژدافیر"چنک اونال" سره ولیدل.
په یاده لیدنه کې دواړو لورو د افغانستان او ترکیې هېوادونو په دوستانه اړیکو، ګډو کلتوري او مذهبي ارزښتونو او افغانستان سره بېلابېلو برخو کې د ترکیې په همکاریو خبرې وکړې.
ازموینو ملي ادارې رئیس الحاج دوکتور شیخ عبدالباقي حقاني وویل: ترکیه نه یوازې دا چې افغانستان سره یې په مختلفو بشري او علمي برخو کې د پام وړ مرستې ترسره کړي، بلکې دواړه هېوادونه ګډ مذهبي تړاو سره لري او افغانستان تل هڅه کړې چې په اسلامي نړۍ کې د یاد هېواد له علمي تجربو څخه ګټه پورته کړي.
ازموینو ملي ادارې رئیس وویل: افغانان ترکیې ته د یو ښه دوست په نظر ګوري او همدا لامل دی چې یاد هېواد په سیمه کې د افغانانو لاس نیوی کوي.
د ترکیې هېواد شارژدافیر ښاغلي چنک اونال په خپلو خبرو کې افغانستان سره په بشري او پوهنې برخو کې د ترسره شویو همکاریو په اړه معلومات وړاندې کړل او ډاډ یې ورکړ چې ترکیه هڅه کوي بېلابېلو برخو کې افغانانو سره خپلو همکاریو ته دوام ورکړي.
