https://www.facebook.com/103099109254091/

Infosa

Name: Infosa
Address: Bujumbura, Bujumbura, BI
Telephone: +25762897931

Agence de presse

18/01/2023

IFOTO Y'UMUNSI

Kur'uyu wa kabiri igenekerezo rya 17 nzero 2023, Umukuru w'Igihugu Evariste NDAYISHIMIYE yarakiriye, i Bugendana, mu Ntara ya Gitega aho ariko arangurira imigambi y'uburimyi n'ubworozi, Patiri Godfrey Nzamujo yatanguje ikigo Songhai gikorera mu gisata c'uburimyi n'ibidukikije.

Ico kigo gikorera mu gihugu ca Bénin.

18/01/2023

PRIMUS LEAGUE YAGARUTSE

Kuva kuwa gatanu igenekerezo rya 20 nzero 2022, Inkino z’ihiganwa rikuru ry’umupira w’amaguru mu Burundi Primus League zizosubira gutangura. Ni inkino za mbere zitangurira igice ca kabiri c’ihiganwa rya 2022-2023.

Izo nkino zizoba ku munsi wa gatanu, kuwa gatandatu no kuw’Imana, ku bibuga biri hagati mu gihugu.

13/01/2023

ASUBIYE KWANDIKA AMATEKA

Ni Umurundikazi Sandrine NIYONKURU akinira umurwi wa TUT FC mu gihugu ca Misiri, yinjije ibitsindo bitanu wenyene, mu rukino umurwi wiwe wariko utana mu mitwe n'umurwi GOUNA FC.

Muri urwo rukino rwabaye kur'uyu wa gatanu igenekerezo rya 13 nzero 2023, umurwi TUT FC watsinze GOUNA FC ibitsindo umunani ku busa (8-0).

Sandrine NIYONKURU yatanze kandi umupira uvamwo igitsindo.

Sandrine NIYONKURU aciye akwiza ibitsindo bitandatu mu nkino zibiri akiniye umurwi wiwe.

13/01/2023

KOMINE RUMONGE IRAMUTSWA MUSITANTERI MUSHASHA

MINANI Augustin niwe aramutswa komine Rumonge kuva kur'uyu wa gatanu igenekerezo rya 13 nzero 2023.

Yatowe n'abajenama 34 Ku bajenama 37 bari bitavye ibikorwa vy'amatora.

Minani Augustin asubiriye Jeremie Bizimana yakuwe muri ayo mabanga yagirizwa kwononana amatungo y'igihugu.

13/01/2023

UMUKURU W’IGIHUGU YAGENYE UWUJEJWE INGENDO MU BIRO VY’UMUKURU W’IGIHUGU

Fierté GAKIZA niwe yagenywe n’itegeko ry’Umukuru w’Igihugu, Inomero 100/004 ryo kuwa 12 nzero 2023, ngo abe uwujejwe ingendo mu Biro vy’Umukuru w’Igihugu.

Fierté GAKIZA asubiriye Ambassadeur Edouard BIZIMANA yari yagenywe muri ayo mabanga kw’igenekerezo rya 10 ukwezi kw’umunani 2022.

13/01/2023

: IHURIRO RY’URWARUKA MU BURUNDI RIRASHIMIRA UMUKURU W’IGIHUGU

Ihuriro ry’Urwaruka mu Burundi CNJB rimenyesha ko Umukuru w’Igihugu Evariste NDAYISHIMIYE yasubiriye kwerekana ko arajwe ishinga n’iterambere ry’urwaruka ku mugabane wa Afrika.

Ihuriro ry’Urwaruka mu Burundi rimenyesha ko ivyo vyemezwa n’igikorwa yakoze mu gushira umukono kw’Ibwirizwa ryinjiza Uburundi mu masezerano agenga n’urwaruka ku mugabane wa Afrika.

Umukuru w’Igihugu Evariste NDAYISHIMIYE yashize umukono kw’Ibwirizwa ryinjiza Uburundi mu masezerano agenga Urwaruka kw’igenekereo rya 9 nzero 2023.

Ayo masezerano yemejwe i Banjul muri Gambiya, mu mwaka wa 2006.

13/01/2023

: IKIGO PAEEJ CATANGUJE UBUDANDAJI BW’INYAMA Z’INKOKO

Ubwo budandaji bwitwa CHICKEN PAEEJ bukorerwa ku cicaro c’ikigo PAEEJ kiri mu gisagara ca Gitega, muri Karitiye Bwoga.

Ikigo PAEEJ kimenyesha ko ikiro c’inyama y’inkoko kigurishwa amafaranga ibihumbi cumi na bibiri vy’amarundi (12 000 Frbu).

Mu ntumbero yo gushikana izo nyama z’inkoko ku bakunzi bazo bo mu ntara ya Gitega, ikigo PAEEJ kizoba kiriko kiradandaza izo nyama zokeje kur’uyu wa gatanu igenekerezo rya 13 nzero 2023 à kuwa gatandatu igenekerezo rya 14 nzero 2023, mu kabare Brother’s Bar, ahahora hitwa American Corner.

13/01/2023

: ABARUNDI BABIRI BASHIZWE KU RUTONDE RW’ABAZOHAGARIKIRA CHAN 2022

Ni Pacifique NDABIHAWENINAMA, umuhagarikizi wo hagati, na Emery NIYONGABO, umuhagarikizi wo ku mpande z’ikibuga, batowe ngo bazobe mu bahagarikira inkino za CHAN 2022 zizobera mu gihugu ca Algerie.

Ribicishije ku rubuga rwayo rwa Facebook, Ishirahamwe ry’Umupira w’Amaguru mu Burundi FFB ryasohoye ubutumwa bwo gukeza abo bahagarikizi babiri.

Izo nkino zitangura kur’uyu wa gatanu igenekerzo rya 13 nzero 2023, zizorangire kw’igenekerezo rya 4 ruhuhuma 2023.

Igihugu c’Uburundi giheruka kwitaba inkino za CHAN mu mwaka wa 2014, izo nkino zabere mu gihugu ca Afrika y’Epfo.

12/01/2023

: CRISTIANO RONALDO YAHAWE ISAHA IZIMVYE NK'IKIMENYETSO C'IKAZE

Iyo saha ifise agaciro k'amafaranga arenga umuriyoni umwe n'igice w'amadorare, ni ukuvuga amafaranga arenga imiriyaridi zine z'amarundi.

Amakuru dukesha ikinyamakuru Les Annonces du Foot, amenyesha ko iyo saha ikozwe mu butare bwa Diamant ikagira n'ibice ikozwe mu nzahabu.

Ayo makuru amenyesha ko abanya arabiya saoudite bamuhaye iyo saha ari kumwe n'umukenyezi wiwe Georgina Rodriguez nk'ikimenyetso c'ikaze mu murwi Al Nassr.

12/01/2023

: FIFA YASOHOYE URUTONDE RW'ABAKINYI BAZOTORWAMWO UWARANZE 2022

Urwo rutonde ruzotorwamwo umukinyi yigenjeje neza kurusha abandi mu mwaka wa 2022 rugizwe n'abakinyi 14.

Ata gitangaje kirimwo, urwo rutonde ruriko umukinyi Lionel Messi na Kylian Mbappé.

Urutonde rwose rwa FIFA ni uru:

Sadio Mane: Senegal
Kylian Mbappe: France
Lionel Messi: Argentine
Karim Benzema: France
Julian Alvarez: Argentine
Jude Bellingham: Angleterre Kevin De Bruyne: Belgique
Erling Haaland: Norvège
Hakimi: Maroc
Vinicius Junior: Brésil
Lewandowski: Pologne
Luka Modric: Croatie
Neymar: Brésil
Salah: Egypte.

Umugabane wa Afrika ufise abakinyi batatu kuri urwo rutonde.

Ku rundi ruhande, Ubufaransa, Brésil na Argentine bafisemwo abakinyi babiribabiri.

Kuri urwo rutonde, umukinyi Cristiano Ronaldo akaba atabonekako.

12/01/2023

REGIDESO YASHIZE AHABONA AMANOMERO Y'ABAYOBOZI

Ishirahamwe REGIDESO rimenyesha ko ari mu ntumbero yo gutsimbataza intwaro ibereye mu bisata abanyagihugu bitura.

Amanomero yashizwe ahabona ni iyo Umuyobozi Mukuru, Umuyobozi ajejwe amazi, Umuyozi ajejwe umuyagankuba.

Izindi nomero zashizwe ahabona ni iz'uwujejwe abakozi, Umuyobozi ajejwe intwaro n'ubutunzi, Umuyobozi ajejwe ubudandaji, Umuyobozi ajejwe gutunganya ivy'amazi mu gisagara ca Bujumbura, iy'uwujejwe gutunganya ivy'amazi mu gisagara ca Bujumbura, Umuyobozi ajejwe imigenderanire n'abanywanyi.

12/01/2023

UMUHUZA W'ABARUNDI ARIYAMIRIZA UWITWA MUGISHA FABRICE GAEL

Umuyobozi ajejwe igisata co kumenyesha amakuru mu biro vy'umuhuza w'abarundi, amenyesha ko uwo MUGISHA Fabrice Gaël ariko asaba amahera avuga ngo nayo gutunganya ihiganwa rya Miss Inter-Universités 2023, yitwaje izina ry'umuhuza.

Mw'itangazo ivyo biro vyasohoye, bimenyesha ko Umuhuza w'Abarundi atari mw'itunganywa ry'iryo higanwa Miss Inter-Universités 2023.

Ibiro bijejwe kumenyesha amakuru mu biro vy'umuhuza w'abarundi bimenyesha ko MUGISHA Fabrice Gaël yandikira abarwizatunga n'amashirahamwe abasaba gushigikirwa mu buryo.

Umuhuza w'Abarundi asaba abantu bose kwicunga kuko abariko bakora ivyo ata yindi ntumbero bafise atari gucafuza urwego rw'Umuhuza w'Abarundi.

Ibiro bijejwe kumenyesha amakuru mu biro vy'Umuhuza w'Abarundi bimenyesha ko vyamaze kwitura Umushikirizamanza Kizigenza wa Republika kugira abakurikirane.

Address

Bujumbura
Bujumbura

Telephone

+25762897931

Website

facebook.com

Alerts

Be the first to know and let us send you an email when Infosa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Infosa:

Shortcuts

Want your business to be the top-listed Realtor/realty Service in Bujumbura?

Infosa

18/01/2023

18/01/2023

13/01/2023

13/01/2023

13/01/2023

13/01/2023

13/01/2023

13/01/2023

12/01/2023

12/01/2023

12/01/2023

12/01/2023

Address

Telephone

Website

Alerts

Contact The Business

Shortcuts

Share

Category