17/10/2026
INAMA Y'UMUTEKANO YO KUR'UYU WA GATANU IGENEKEREZO RYA 16 GITUGUTU 2026
Kugayira cane bamwe mubenegihugu bashatse kugwanya abajejwe umutekano mugihe bariko bakora akazi bajejwe, kudatinya kurenguka canke kwitura imbere y’ubutungane mugihe ukenewe canke mugihe warenganijwe n’uwariwe wese kuko ubutungane butunganiriza uwariwe wese kandi bukaba ari ubwa bose, kubana dushirahamwe narirya ikibano ciza ariyo nkingi y'iterambere, Kutaraza umuntu wariwe wese atagira ibimuranga naho yoba ari Umurundi canke Umunyamahanga, kubana biciye imbere y’amategeko, kudasubirira ubutungane mukwihanira,
bose bakorera k’Umutumba bamenye ko batwarwa cokimwe n’abandi barundi bose kandi mugihe barondeweko amakori n’amatagisi boyariha atagahato kandi batarinze kugorana kuko ariyo agaruka gukora ibikorwa vyo kuramira abenegihugu, kutaba intambamyi yo kutemera ko bimba imifurege bacishamwo ama tuyaux azana amazi k’umutumba avuye mugisagara ca Rumonge neza na neza kumazi ariko yegeranirizwa ku Rukinga aho ni kubantu bariko bashaka kwanka ko bimba aho bayacisha, uwurwanya iterambere iryariryo ryose rifasha umwenegihugu azobihanirwa, kurwanya urudandaza rwo mukinywabi #(Frode) kuko uwuzorufatirwamwo azohanwa hisunzwe amategeko, aba nabo batahure ko batwarwa nk’abandi barundi bose kandi nabo bonafasha muguhagararira amahoro n’umutekano biciye mubo bunguruza ndetse n’ivyo bunguruza, gukorana munyabune muguhagararira amahoro n’umutekano, gufashanya m'ugukomeza ikibazo c'amazi narirya iterambere ridukomokako rikongera rikatugarukirako,
Gushigikira ibikorwa vyo kwubaka akazu ka ku narirya indwara z’ivyaduka zituruka kw’isuku rike ari nyinshi ndetse no gusanura narirya abenegihugu bariko bitanga kubijanye n’amatafari, abafise umuyagankuba mw’isoko ni kuwukuraho vyihuta mumvo yo gukinga ibibazo vy’umuriro mw’isoko Nkuru ya Mutambara ndetse no gutereka ibidandazwa neza hagasigara inzira ikwiye yocamwo imodokari.
Kwiyegereza abo dutwara bose kandi tunabatunganirize m'ubudasa bwabo kandi tutaravye amamuko yabo, Abarongozi bose bategerezwa gufata iyambere mukuja imbere y’abo barongoye mubikorwa vy’iterambere rirama.
Umukuru w'Umutumba akaba yasozereye inama ashimira bamwe mubenegihugu bagiwe imbere n’Intwaro k’Umutumba bagize ico bakora bakagombora abanyamutumba 2 bari bafatiwe mubitaro bitandukanye aho babarihiye amafaranga arenga gato imiriyoni cumi na z’ibiri #(12.000.000Fbu) z’amarundi akanasaba ko hakiriyo uwundi munyamutumba akiri mubitaro nihagera aho ataha baze bitange mugushigikira Intwaro k’umutumba kugirango afashwe aheze atahe m’umuryango,
Iyo nama ikaba yari yatewe iteka n’Umunyambanga w’Umugambwe uri k’ubutegetsi -FDD k’umutumba n’uwuserukira Urunani rw’amashure yo k’umutumba Mutambara