22/06/2017
" اشتريت عقار بهدف الاستثمار و مع الزمن احتجت أبيعه وبقالى أكتر من سنتين عارضة و مفيش اى تفاعل معاه ومضطر ابيعه بأقل من تمنه لنفس الشركة الى اشتريته بيها او على الاقل مش هبيعه بتمنه "
- الاستثمار محتاج قناص !
لو حبيت تدخل فى مجال العقارات بغرض الاستثمار ... خد منى شوية النصايح دى :-
* اولاً :- بما إنك اخترت انك تستثمر فشيل من دماغك تصنيف العقارات زى " شقة ، محل تجارى ، أرض .... الخ " و ركز على المفهوم الكبير " العقار ".
* ثانياً :- بما انك اخترت انك تستثمر فشيل من دماغك بردة انك تسكن فى الشقة اللى هتشتريها ( ولو إن عامل انك ترضى تسكن فى نفس الشقة ده عامل مهم اثناء الاختيار ولكنه مش الاساسى )
* ثالثاً :- فرق ما بين حاجتين
- انك عاوز تخلى فلوسك فى عقار و خلاص أفضل من انك تشيلهم فى بنك علشان تواكب زيادة اسعار العقارات مع انخفاض قيمة الجنية.
- وانك عاوز تكون مستثمر فى العقارات ومركز فى ده ومعندكش مانع تجرى أكتر من معاملة فى وقت قصير .
* رابعًا :- رابعاً دى هتركز فيها لو كنت اخترت الجزء التانى من ثالثاً .. انك عاوز تكون مستثمر ، و أول خطوة هى إن فلوسك تكون حاضرة مش لسة هتحضرها او تجمعها علشان " صاحب القرش صياد "
* خامساً :- وانت بتختار ما بين العقارات المعروضة عليك ... فلازم تكون كسبان فيها دلوقت .. مش قدام .. ( يعنى لو الشقة ثمنها 200 الف جنية ، فمتاخدهاش لو مش هتكون بـ 180 ألف ) وده أول مكسب ليك .. وهو إنك لو هتبيعها انهرده بأقل من تمن السوق ( بـ 190 الف جنية يعنى أقل من تمن السوق بـ 10 الاف جنية ) هتبيعها بسرعة و هتكون كسبت 10 الاف جنية و هتلاقى مش بس اللى عاوز يسكن يشترى منك .. لا ده كمان ممكن مستثمر زيك او تاجر ;)
الموضوع لسه هكمله ولكن فى #ملحوظة على الشويه دول
- إياك تستغل حاجة الناس علشان تكسب انت ، يعنى تكون الشقة بـ 200 ألف و انت علشان عارف صاحبها مزنوق تضغط عليه . متاخدش حاجه الا برضا علشان ربنا يباركلك.
لايك وكومنت وشير والحاجات دي 🤗
