سَكَن - SAKAN

22/01/2026

لو مش هتقدر تعمل Dressing بسبب صغر المساحة أو زيادة التكلفة اعمل الدولاب Built in هيفرق معاك جدا في مساحة غرفة النوم والاحساس بالاتساع 👌

18/01/2026

ناس كتير بتسأل متر التشطيب بكام؟
بس للأسف سؤال حضرتك ملوش إجابة لأنه سؤال ناقص 🤷
لما بتيجي تشتري شقة في بلد معينة مش بتسأل الشقة بكام في البلد دي وخلاص لا بتسأل شقة مساحتها كذا ودور كذا في شارع كذا واخده ناصية في العمارة الفلانية بكام،ونفس الكلام في أي سلعة بتتعامل معاها بتحدد نوعها ومستواها وتفاصيلها عشان يتحط السعر بناءا على المواصفة المطلوبة أو إني هحط مواصفات بمزاجي وأقول لحضرتك السعر كذا بس وقتها متسألش ليه عملت ده ومعملتش ده لأن حضرتك محددتش حاجة معينة .
دايما أعرف هتاخد ايه بكام ده هيريحك من خلافات كتير لما تسعر بدون توصيف، ويحميك من خداع وغش ممكن تتعرضله بسبب عدم معرفتك بالقيمة اللي هتاخدها مقابل التمن المدفوع🫰
حتى لو مش عارف ايه الصح اللي ممكن يتعمل اطلب من اللي هيقدملك الخدمة يوضحلك هتاخد ايه مقابل التمن ده عشان لما تحب تقيم من أهل الخبرة تبقى عارف هتسأل عن ايه👌

#سكن #تشطيبات #ديكور #عقار #عمارة

17/01/2026

16/01/2026

من أكتر المشاكل اللي بتواجهنا في بيوتنا مشكلة الرطوبة وأول خطوة لعلاجها هو علاج الأسباب وبعد كده الجزء الوقائي لتجنب حدوثها مرة أخرى،دي شقة سكنية فيها رشح وفيها رطوبة نتيجة نتيجة عدم عزل أرضية الحمام ووجود تسريب مياه فطبعا تم تفوير السباكة وعمل تأسيس جديد وسيتم عمل عزل لمنع حدوث المشكلة مرة أخرى وحماية الهيكل الخرساني وطبعا العزل مادة بتققفل مسام الخرسانة لمنع تسرب الماء فمش هينفع نعمله في وجود رطوبة في الحوائط والخرسانة اللي هتتعزل لأن الماء هيتحبس وإما يخرج على سقف الجار السفلي أو على الحوائط ويؤدي إلى تقشير الدهانات وتمليح الحوائط مرة أخرى ومن أجل تسريع عملية تجفيف الرطوبة استخدمنا بشبوري عشان يسرع عملية تبخر الماء لاسيما إن المكان غير معرض للشمس ونظرا لبرودة الجو.

-سكن ..جمال يدوم.
تابعنا لمعرفة كل ما هو مفيد وجديد في عالم البناء والتشطيبات.

11/01/2026

لك أن تتخيل إن ده الكابل العمومي اللي كان مغذي شقة كاملة بنشطبها بتكييفاتها وإنارتها وأجهزتها، الكابل معجون ومتفرتك،وللأسف لما بنقول للناس بلاش تسترخص في التأسيس سواء في أقطار السلك أو نوعيته يقولك أنا جربتها ونفعت وكنت مشغل تكييف على سلك ١.٥ مم وشغال زي الفل عملت كابل عمومي ٤مم وشغال زي الفل.
🌟نجاح تجربتك مش دليل على صحة نظرك ومنطقك هي ماشية بالستر مش أكتر .
-سكن..دليلك للتشطيب المناسب.

#سكن #تشطيبات #ديكور #تشطيب

10/01/2026

متختارش لون من صورة 👇
الصورتين لنفس اللون بس ظاهرين كأنهم لونين مختلفين،والأسباب كتير منها اختلاف الإضاءة ودرجتها وتوزيعها، اختلاف التصوير من كاميرا لكاميرا،اختلاف العرض من شاشة لشاشة،لذلك لما تختار لون شوفه في الكتالوج على الطبيعة أو اعمل منه فواتير عينة قبل ما تدهن منه المساحة بالكامل👌
-سكن..دليلك للتشطيب المناسب.
#سكن #تشطيبات #ديكور #ألوان2026 #دهانات2026 #تشطيب

10/01/2026

دفن ده ولا مش دفن 🤔

09/01/2026

أكثروا من الصلاة والسلام على النبي-صلى الله عليه وسلم-
أكثر ولا تمل تكفى همك ويغفر ذنبك..🍂

06/01/2026

موقع جديد انتظرونا بعد التشطيب ⏳️🫰
إن شاء الله هنطلع بنتيجة تبهركم 🌟
#سكن #تشطيبات #ديكور #معماري #تعديل #تطوير

03/01/2026

من بند البياض في أحد مواقعنا شغل على بؤج انتظرونا بعد التشطيب 👌
#سكن #تشطيبات #ديكور #فرش

02/01/2026

معلومة للتوضيح بيحكمنا في التشطيب نقطتين مهمين:
-ميزانية العميل
-ذوق العميل
وارد يكون المكان يطلع منه شغل جميل بس الميزانية تكون محدودة فنضطر نتغاضى عن بعض التفاصيل التي لا تخل بالاستخدام.
ووارد تكون الميزانية عالية لكن رغبة العميل واحتياجه يكون محدد بتفاصيل معينة في النهاية بنحترم رغبته بعد التوضيح إن كان في أمور هتترتب على إختياره.
حاجة كمان :مفيش حاجة اسمها عايز اعرف شقة مساحتها كذا تصرف كام تشطيب لأن عادي ممكن تصرف ٢٠٠ ألف وممكن تصرف ٢ مليون في نفس المساحة فالتكلفة بتتحدد وفق التصميم أو المستوى المطلوب في التشطيب.

01/01/2026

نبدأ 2026 بتسليم وحدة سكنية على المفتاح بمركز طما بتفاصيل بسيطة وهادية 🔑

-سكن..سلمنا طوب نسلمك على المفتاح
للتواصل والاستسفسار : ‎0115 188 9107
#سكن #تشطيبات #ديكور #سوهاج #طما