11/11/2020
عارف لم يجيلك هاتف في المنام يقولك علي حاجه تعملها.
انا بقي جالي الهاتف وانا صاحي. وقالي اطلع خدلك لفه في حدائق اكتوبر.
ولان صحتي علي قدها قلت اقسمها علي يومين. وبدءت من صنية البترول متجه ناحية الحي الايطالي.
اول حاجه صادفتني علي اليمين. اعمال حفر في مربع الأرض الفضا اللي بين اليكو وشركة البترول.
ولان الموضوع محتاج استفسار لقيت مهندس واقف
صباح الفل يا هندسه.
صباح الفل.
هو الحفر ده تبع ايه.
ده مول الحسن علي مساحة 2500 متر.
الحسن الحسن نفسه بتاع مول الحسن اللي في 247. ايوه هو نفسه
ونفس المول بنفس الشكل.
طيب اشطه
مفيش 50 متر هتلاقي مول طويييييل ومليان محلات ومبني 3 ادوار. وقدامه مساحه كويسه.
ده بقي مول اليكو سيتي.
ومشيت لم وصلت ارض المستثمرين. عديت 8 مولات وكلهم مساحاتهم معقوله جدا. ده غير مول المستثمرين. اللي شوفته مكتات بصراحه هيبقي حاجه جامده.
انا كنت بشوف بعين بعد سنتين تلاته اه يعني بعد ما المولات دي تشتغل حلها والطرق تترصف والاشغال يزيد.
شوفتها لم شوفت مدينة نصر سنة 95 اللي كنت تشوف النصب التذكاري واقف لوحده وبعديه بمسافه تلاقي شوية عمارات
بس بصراحة عندنا بقي الشوارع أوسع بكتير ومنظمه اكتر بكتير.
ولم وصلت للمخابرات قلت الف للناحية التانيه. وادخل عند رحاب اكتوبر.
المنطقه دي يا ناااااااس هيدخلوها بتزاكر بعد كده. ايه الوهم والخيال والجمال اللي هتبقي عليه المنطقه دي.
هتبقي أنظف واكبر مراكز تسوق في أكتوبر. كلها. بعد مول مصر ومول العرب. المنطقه دي لم نحب نتفشخر وحد يسئلنا انت جايب البنطلون ده منين أو البلوزه دي منين. هنقول واحنا متانعرين جايبينه من المولات اللي عند رحاب اكتوبر.
من باب أنها هتبقي براندات وضرب نار
ومش بعيد اللي ساكنين هناك يبصولنا كده ذي ما بتوع حي الزمالك بيبصو لبتوع ميت عقبه. أو بتوع وكالة البلح.
هتبقي في حدائق اكتوبر اربع شوارع ملهمش حل.
كنز وجلف وبيتا من أوله لاخره
منطقة رحاب اكتوبر. وصن كابيتال.
الحي الايطالي من طريق آلفيوم وتدخل النايل سات لم توصل الواحات.
وزويل من الواحات لم تاخد طلعة الدائري الاوسطي.
نصيحه. اللي عنده شقه. ارض. بيت في الأماكن دي خاصتا. وفي حدائق اكتوبر عامتا. انت في ايدك كنز بس اصبر عليه شويه.
بحبك يا حدائق اكتوبر.
