Mohamed Hassan - Property Guide

Mohamed Hassan - Property Guide محمد حسن - مستشار عقاري
بقدم محتوى ونصايح عقارية مبسَّطة تساعدك تفهم السوق وتختار صح قبل ما تشتري او تستثمر

02/11/2025

من حوالي ٣ سنين في عميل تعمد انه يتأخر عليا ويستفزني كمان ولحد النهاردة مفهمتش السبب الحقيقي
كان في شقة في منطقة في أكتوبر كنت عامل ليها إعلان وكلمني عميل قالي انه عاوز يتفرج عليها وهو اللي حدد ميعاد المعاينة
قالي نتقابل الساعة ٣
وبالفعل انا كنت موجود في الموقع الساعة ٣ الا ربع (انا رخم في المواعيد) ملتزم اوي انا 😅
اتصلت عليه الساعة ٣ بالدقيقة رد وقالي جاي فالطريق وعدى ١٠ دقايق كلمته تاني قالي انا خلاص داخل عليك
الساعة بقت ٣ ونص وكنت فعلا خلاص هتحرك وامشي لقيته بيكلمني انه وصل ونزلت من العربية وسلمت عليه وانا مبتسم وهو وشه مش مديني اي مشاعر خالص (بوكر فيس) ورحبت بيه بكل حماس وفرجته على الشقة وعجبته ولكن كان طول المعاينة بيسأل اسألة صعبة وبطريقة مس_تفزة جدا وانا من جوايا متعصب جدا وحاسس اني عاوز اسيبه وامشي (لكن اكل العيش بقى) 😄
وفي آخر المعاينة قالي على فكرة انا كنت قاصد اتأخر عليك وقاصد است.فزك عشان اشوف ردك فعلك
هو الحمد لله اشترى الشقة بس انا لحد النهاردة مفهمتش هو ليه عمل كده
بس انا عارف انا ليه عملت معاه كده
تابعني لو عاوز تعرف

18/10/2025

الناس كتير بتسأل: “هو السوق دلوقتي فرصة ولا لأ؟”
والإجابة دايمًا بتبدأ من السؤال الأهم: إيه نوع العقار اللي يستحق الاستثمار؟

الفرصة مش في كل مشروع جديد،
الفرصة في المشروع اللي بيجمع بين المكان الصح + المطور الموثوق + التوقيت المناسب.

📍 المكان:
ما تركّزش على الشهرة… ركّز على المستقبل.
المنطقة اللي النهارده هادية، ممكن تبقى بعد سنتين او تلاتة مركز حركة لو فيها خطة تطوير أو بنية تحتية قوية.
وافتكر من كام سنة بس في ناس كان بيتعرض عليهم يشترو في منطقة زي الشيخ زايد وكانو بيقولو عليها صحرا 😅

🏗️ المطور العقاري:
اسم الشركة مش كفاية، شوف تاريخها في التسليمات، وجودة التنفيذ، وهل بتلتزم بالمواصفات اللي وعدت بيها ولا لأ
وأوراق الملكية مظبوطة ولا لأ والعقد بينك وبين الشركة مهم اوي تفهم بنوده كويس

💰 نظام السداد:
كتير بيتخدع في الأقساط المريحة من غير ما يحسب الضغط الشهري بعد كده.
الموضوع مش إنك “تقدر تدفع النهارده”، لكن “تقدر تكمّل بكرة”.
ولازم تبقى حاسبها صح وعارف القيمة الفعلية للفلوس اللي بتقسطها دي كام (NPV)
هنتكلم عنه بالتفصيل في بوست لوحده

🎯 الهدف:
لو استثمار، يبقى فكر في العائد وإمتى تقدر تبيعه بسعر أعلى ولو هتأجره يدخلك افضل عائد.
لو سكن، ركّز على الراحة وجودة الحياة مش بس السعر.

اللي بيبص للعقار كـ قرار مالي محسوب مش كـ حلم لحظي، هو اللي دايمًا بيكسب.

استنى البوست الجاي 🔜
هنتكلم فيه عن أكتر 3 أخطاء الناس بتقع فيها قبل ما تشترك في مشروع عقاري،
وأولها للأسف… بيتكرر كل يوم

18/10/2025

🏠 إزاي تعرف العقار اللي فعلاً يستحق الاستثمار فيه؟

مش أي مشروع جديد يبقى فرصة،
ومش أي سعر "مغري" يبقى صفقة.

الفرق دايمًا بيكون في التفاصيل اللي محدش بياخد باله منها 👇

قبل ما تقول “هشتري”، لازم تسأل نفسك
1️⃣ المشروع فين بالظبط؟ المكان مش بس “منطقة حلوة”... لازم تبص على مستقبلها
2️⃣ الشركة المنفذة سمعتها عاملة إزاي؟ والتسليمات السابقة كانت في ميعادها؟
3️⃣ طريقة السداد مناسبة لخطتك ولا هتضغطك بعدين؟
4️⃣ والأهم… هل هدفك استثمار ولا سكن؟ لأن كل هدف ليه حساباته المختلفة

الناس اللي بتفهم ده هي اللي بتكسب من العقار مش مرة واحدة… لأ، كل مرة.

طبعا كل نقطة من دول وليها حسابات وهنتكلم بإذن الله في كل نقطة على حدى

استنى البوست الجاي 🔜
هنتكلم فيه بتعمق اكتر عن نفس الموضوع

18/10/2025

🏡 سوق العقارات في مصر

سوق العقارات في مصر من أكتر الأسواق اللي فيها فرص… بس كمان من أكترها اللي محتاجة فهم ووعي
فيه ناس بتكسب كويس جدًا لأنها درست السوق وعرفت إمتى تشتري وإمتى تستنى
وفيه ناس تانية بتخسر لمجرد إنها اعتمدت على سمع كلام أو إعلان شكله حلو

السوق بيتغيّر بسرعة… الأسعار بتتحرك، المشاريع بتزيد، والأنظمة الجديدة كل يوم بتظهر
لكن السؤال الحقيقي هنا
إزاي تعرف تميّز بين الفرصة الصح والمخاطرة اللي شكلها مغري؟

وده بالظبط اللي هنتكلم عنه في البوست الجاي 👇
خليك متابع، لأن الجاي هيكون عن إزاي تحدد العقار اللي فعلاً يستحق الاستثمار فيه

Address

6 October City
6 October City

Website

Alerts

Be the first to know and let us send you an email when Mohamed Hassan - Property Guide posts news and promotions. Your email address will not be used for any other purpose, and you can unsubscribe at any time.

Shortcuts

Share

Category