شركة أصول لإدارة المشروعات

شركة أصول لإدارة المشروعات Contact information, map and directions, contact form, opening hours, services, ratings, photos, videos and announcements from شركة أصول لإدارة المشروعات, Real Estate, مصر, Alexandria.

أصول لإدارة المشروعات هي شركة متخصصة في تطوير وإدارة المشروعات الزراعية الاستثمارية،
نعمل على تحويل الأراضي إلى أصول منتجة من خلال التخطيط والتنفيذ والتشغيل الاحترافي،
بهدف تحقيق عوائد مستدامة وقيمة مضافة طويلة الأجل للمستثمرين

27/05/2026

كل عام وأنتم إلى الله أقرب عيد أضحى سعيد على كل متابعينا 🐑🐏❤️❤️

جمعةًمباركةًعلى حضراتكم صباحكم تفائل مقدمناش حل غير اننا نعمرها باذن الله إيديكم معانا الكاب دا شياكة بس 😂😂 كدة كدة مش ع...
24/04/2026

جمعةًمباركةًعلى حضراتكم
صباحكم تفائل
مقدمناش حل غير اننا نعمرها باذن الله
إيديكم معانا
الكاب دا شياكة بس 😂😂
كدة كدة مش عامل حاجة فى الشمس
Goouda Shaban Kamh

19/04/2026

أصلها ثابت وفرعها فى السماء
سبحان الله أرض الأشجار المباركة التين
والزيتون والنخيل
كل مكان فى مصر ملئ بالخيرات والحياة حتى فى أقسى الظروف دايما الأمل موجود
الصمود والصبر والعزيمة والإصرار مجرد كلمات لحد ما تتحط فى مواقف تفهمك معناها كويس
الأمل ف الله دايما والسعى والأخذ بالأسباب
إعمل اللى عليك وإرضى بالنتيجة اى كانت ربنا فى يوم هيبعتلك أكثر مما
تتمنى
طالما بتسعى وعندك ثقة فى الله لا تنتهى

Goouda Shaban Kamh
#الكويت #البحرين #زيتون #مصر

17/04/2026

للناس اللى بتعانى من نسب ملوحة مرتفعة سواء فى المياه او التربة الحل كالتالى

• في التربة الرملية، الملح بيتجمع دايماً عند نهاية بلل النقاط.
• لو وقفت الري فجأة، الملح ده بيرجع للجدر بـالخاصية الشعرية وبيحرقه.
• الحل هو الري بانتظام وعدم ترك الأرض تجف تماماً في المناطق المالحة.
• رية غسيل كل 15 يوم بتدفع الأملاح دي لطبقات الأرض البعيدة وتحمي النبات.

بالنسبة لإخواتنا اللى حابب يزرع زيتون على المسافات التقليدية او المتعارف عليها غير الأصناف المكثفة أصناف الزيتون الجديدة...
15/04/2026

بالنسبة لإخواتنا اللى حابب يزرع زيتون على المسافات التقليدية او المتعارف عليها
غير الأصناف المكثفة
أصناف الزيتون الجديدة في مصر… فرصة
حقيقية لزيادة الإنتاج 🇪🇬

في ظل التغيرات المناخية وارتفاع درجات الحرارة 🌡️، أصبح اختيار الصنف المناسب من أهم عوامل نجاح زراعة الزيتون، وليس مجرد عامل ثانوي.

📌 ومن هنا جاء دور مركز البحوث الزراعية في استنباط أصناف جديدة تناسب الظروف المصرية.

🌳 أهم الأصناف ومميزاتها
🟢 أولًا: أصناف التخليل (مائدة)
جيزة 91
جيزة 97
جيزة 102
✨ المميزات: ✔️ حجم ثمار كبير ومناسب للتخليل
✔️ جودة عالية في التصنيع (لون – قوام – طعم)
✔️ إنتاج منتظم نسبيًا
✔️ تحمل جيد للظروف البيئية

🟡 ثانيًا: أصناف الزيت
صنف 48
صنف 66
صنف 69
✨ المميزات: ✔️ نسبة زيت مرتفعة 🫒
✔️ جودة زيت ممتازة
✔️ إنتاجية عالية مقارنة بالأصناف التقليدية
✔️ تحمل نسبي للجفاف والملوحة

🌱 لماذا هذه الأصناف مهمة؟
📌 هذه الأصناف تم تطويرها من خلال:
دمج أصناف مصرية متحملة
مع أصناف عالمية عالية الجودة
👉 يعني: إنتاج أعلى + جودة أفضل + تحمل للظروف الصعبة

⚠️ نصيحة مهمة جدًا للمزارعين
❗ اختيار الصنف وحده لا يكفي
لازم تراعي:
🌡️ ساعات البرودة في منطقتك
💧 نظام الري
🌱 نوع التربة
👉 لأن نفس الصنف ممكن:
ينجح جدًا في الساحل
ويفشل في المناطق الدافئة

💡 التوصية العملية
✔️ لو هدفك تخليل → اتجه لأصناف جيزة
✔️ لو هدفك إنتاج زيت → اختار الأصناف الزيتية الجديدة

✔️ استشير متخصص قبل الزراعة
🤝 الخلاصة
زراعة الزيتون في مصر لم تعد تعتمد على الأصناف التقليدية فقط…
بل على أصناف محسنة + إدارة ذكية + اختيار الموقع المناسب
🌿 الاستثمار في الصنف الصحيح = فرق كبير في الإنتاج والدخل

هنساعدك تبنى أصول وهنعرفك اللى معظم الشركات مخبياه عليك
#زيتون #السعودية #قطر #الكويت #البحرين

14/04/2026

نصيحة لكل واحد بيفكر ياخد أرض ويشتغل في استصلاح الصحراء 🌿

1 الأرض مش رخيصة… الغلط فيها هو اللي غالي-ما تشتريش بعينك، اشتري بتحليل.-التربة والمياه هما الحكم الحقيقي… ولو تقدر اسمع من جيران الأرض قبل أي سمسار.
2 المية هي الحياة… والباقي تفاصيل-لو الميه ضعيفة أو ملوحتها عالية، أي مجهود بعد كده هيبقى على أرض هشة.
3 الصحراء مش فاضية… الصحراء محتاجة تتغذى-إنت مش بتزرع بس، إنت بتبني تربة من الأول: مادة عضوية، كمبوست، وتحسين مستمر.
4 متزرعش اللي نفسك فيه… ازرع اللي يقدر يعيش-اختار محاصيل تتحمل الظروف (زيتون، نخيل، أعشاب طبية)… مش اللي شكله حلو في الصور.
5 الري مش خرطوم وخلاص-كل نقطة مية محسوبة… والتنقيط مش رفاهية، ده أساس الحياة في الصحراء.
6 الصبر مش ميزة… ده شرط دخول-الأرض مش هتديك من أول موسم. اللي مستعجل غالبًا بيخسر.
7 العمالة الصح = نص النجاح-اللي فاهم في الأرض مش زي اللي بيشتغل وخلاص… الغلط هنا بيكلف كتير.
8 احمي أرضك من نفسك-زيادة سماد أو ميه ممكن يبوظ أكتر ما يصلح… الصحراء بتحاسب.
9 احسب الخسارة قبل المكسب-فيه مواسم هتقع فيها… المهم إنك تعرف تقوم. اللي داخل على مكسب سريع يراجع نفسه.
10 خليك قريب من أرضك-الصحراء مبتحبش الغياب… كل ما تبعد عنها، هي بتبعد عنك.

وفي الآخر…
الاستصلاح مش مشروع وخلاص…
ده علاقة طويلة.

يا تكمل للنهاية… يا ما تدخلش من الأساس.

مهزلة المستريحين مستمرة…الكوميالمجموعة الدوليةأيمن سليمانالجابرالبصيرة – مطروحالأسماء بتتغير…والنهاية واحدة:💸 فلوس بتضيع...
14/04/2026

مهزلة المستريحين مستمرة…

الكومي
المجموعة الدولية
أيمن سليمان
الجابر
البصيرة – مطروح

الأسماء بتتغير…
والنهاية واحدة:

💸 فلوس بتضيع
💔 ناس بتدفع عمرها كله

⸻

📦 الصندوق الأسود

في كل قصة… في حاجة مستخبية:
• أرباح وهمية
• فلوس بتتدوّر
• عقود محدش فاهمها
• مفيش أصل حقيقي

⸻

الحقيقة ببساطة:

لو حد بيقولك أرباح كبيرة وسريعة…
اسأله: الأصل فين؟

⸻

🌱 البديل الصح:

الأرض مش بتوعدك بأرقام خيالية
بس بتديك أصل بيكبر

⸻

إحنا مش بنخوفك… إحنا بنفوقك 👌

12/04/2026

ليه مزارع الشركات بتكسب جامد… ومزارع الأهالي بالعافية بتلم نفسها؟

والكلام ده مش تنظير…
معظمنا ف المجال شاف او عاش التجربتين 👇

⸻
1️⃣ الكيماوي والرش
في الشركات: شغل نضيف، مركبات أصلية، داخل بمناقصات وسعر أقل
في الأهالي: أي حاجة ممكن تدخل… وممكن تبقى “مضروبة” كمان
👉 نصيحة: حلّل كل حاجة بتدخل أرضك… مش كل عبوة تتصدق

⸻

2️⃣ الوقت = فلوس
في الشركات: الساعة محسوبة
في الأهالي: نص اليوم بيضيع… ومحدش حاسس

⸻

3️⃣ التقليم
نفس الفرقة… بس شغل الشركات غير!
طب ليه؟! رغم إن الأهالي بتدفع أكتر! 🤔

⸻
4️⃣ الغلط له تمن
في الشركات: في حساب وردع
في الأهالي: “عدّيها وربنا يسهل”
والنتيجة؟ نفس الغلط بيتكرر

⸻
5️⃣ التسويق
الشركات بتبيع بعلم وخطة
الأهالي بتبيع على قد الظروف

⸻

6️⃣صاحب القرار
في الشركات: فاهم زراعة أو حواليه ناس فاهمة
في الأهالي: فلوس موجودة… بس خبرة قليلة
👉 ودي بتكلف كتير جدًا

⸻

7️⃣ العمالة
في الشركات: كل واحد معروف ومسؤول
في الأهالي: شغل عشوائي… ومفيش سيطرة حقيقية

⸻
8️⃣ المتابعة والرقابة
في الشركات: متابعة مستمرة
في الأهالي: أول ما تتابع… العامل يحس إنك “مضايقه”

⸻

9️⃣ المرتبات
رغم إن الشركات بتدفع أقل…
إنتاجيتها أعلى بكتير!

⸻

🔟 إدارة العمالة
أكبر نزيف في مزارع الأهالي = العمالة
مش في عددهم… في إدارتهم

⸻

الخلاصة 👇

الموضوع مش شركة ولا أهالي…
الموضوع نظام

لو اشتغلت بعقلية “هسيبها تمشي”
هتفضل بتدفع تمنها كل موسم

ولو اشتغلت بنظام ومتابعة
حتى على مساحة صغيرة… هتكسب

⸻

إحنا مش بنقارن… إحنا بنفوقك
عشان تبني أصل… مش مجرد مزرعة 👌

أكبر خطر في الاستثمار الزراعيمش في الأرض…الخطر في العقد اللي بتمضي عليهفي شركات كتير شاطرة جدًا في التسويقبس الأذكى منها...
10/04/2026

أكبر خطر في الاستثمار الزراعي
مش في الأرض…
الخطر في العقد اللي بتمضي عليه

في شركات كتير شاطرة جدًا في التسويق
بس الأذكى منها…
هي اللي بتأمّن نفسها في العقد… مش أنت
أنا شفت ناس بتبكى عشان تتخارج وتاخد فلوسها بعد سنين وبعد ما ضاعت قيمتها فى التضخم

قبل ما تشتري… اسأل نفسك:

أنا بشتري أرض فعلاً؟
ولا داخل في التزامات أنا مش شايفها؟

خد بالك من 3 حاجات دول:

🔻 رسوم مفتوحة
كلمة “تقنين” شكلها بسيط
بس ممكن تتحول لسلسلة مدفوعات ملهاش نهاية لو لم يتم توضيحها

كلمة "رعاية وإشراف "تخوف لو مش واضحة
كلمة "مشاركة" افهم النسبة ومقابل ايه

🔻 إدارة مش بإيدك
أرضك باسمك… بس القرار مش قرارك
سنين وانت متفرج

🔻 موقف قانوني غير واضح
ورق ناقص أو وضع غير مستقر
يعني مخاطرة حقيقية على أصل المفروض يحميك

🔻قبل ما تدخل لازم تعرف ايه اللى هيحصل لو حبيت تخرج

خلينا نكون واضحين…

إحنا في أصول مش بنبيع أرض وخلاص
وحتى لو مش هتشتغل معانا…

نقدر نقولك رأينا بكل صراحة
ونفهمك تمشي إزاي صح
وتأمّن نفسك قبل أي خطوة

ليه؟

لأننا ببساطة لفّينا وشوفنا السوق ده من جوه
وشوفنا أخطاء ناس كتير وقعت فيها

وعندنا خبرة حقيقية
مش مجرد كلام تسويق
هنقولك اللى نعرفه بما يرضى الله

إحنا مش بنخوفك…
إحنا بنفوقك

في الآخر…

في ناس بتدفع فلوسها وهي فاهمة
وفي ناس بتدفع تمن إنها مفهمتش

اختار تبقى أنهي واحد 👌

Goouda Shaban Kamh
#الكويت #مصر #قطر #السعودية

Address

مصر
Alexandria
21111

Website

Alerts

Be the first to know and let us send you an email when شركة أصول لإدارة المشروعات posts news and promotions. Your email address will not be used for any other purpose, and you can unsubscribe at any time.

Shortcuts

Share

Category