AM Real Estate

AM Real Estate Contact information, map and directions, contact form, opening hours, services, ratings, photos, videos and announcements from AM Real Estate, Real Estate, Third District, villa 249, Beni Suef.

ايه ام للخدمات العقارية.نعرف احتياجات العملاء سواء للسكن او الاستثمار ونتميز بالخدمات العقارية ذات العائد المجزى.نحن وكيل لأحد افضل مطورى العقارات فى بنى سويف.
خبرة كبيرة فى مجال التشطيبات بأفضل الخامات واقل اسعار وبامكانيات العميل نستطيع تنفيذ ما يحتاجه.

انتظروا مفاجأة ايه ام ريال... فى افضل موقع تجارى ادارى فى شرق النيل.. بلا منازع.. فى ايه ام انت اكيد كسبان
25/12/2024

انتظروا مفاجأة ايه ام ريال... فى افضل موقع تجارى ادارى فى شرق النيل.. بلا منازع.. فى ايه ام انت اكيد كسبان

100 نصيحه قبل ما تشطب شقتك :------------------------------------------1. حاول تخطط لكل تفصيله قبل ماتبدأ شغل.2. ارسم فرش...
22/12/2024

100 نصيحه قبل ما تشطب شقتك :
------------------------------------------

1. حاول تخطط لكل تفصيله قبل ماتبدأ شغل.
2. ارسم فرش افتراضي للشقة عشان تقدر تحدد أماكن مخارج الكهربا و السباكة صح.
3. المطبخ من أهم الفراغات في الشقة بلاش تضيق مساحته عشان توسع الريسبشن.
4. حاول توسع المطبخ على قد ماتقدر.
5. اعمل حسابك تجيب ترابيزة أكل صغيرة في المطبخ دي أهم من ترابيزة السفرة.
6. اهتم بالليفينج أكتر من الريسيبشن.
7. مش لازم تجيب بوفيه و نيش.. الجزامة أهم.
8. الدييب فريزر و المايكروويف أساسيات أكتر من الصيني اللي ماحدش بيستخدمه.
9. لو شقتك ضيقه ماتعملش حمام ضيوف عشان الضيوف اللي مش بييجوا غير مرة في السنة.
10. البورسلين قطع الليزر في مصر أثبت فشله.. هات سيراميك نوع كويس أفضل.
11. سيراميك الجوهرة أفضل من كليوباترا بمراحل.
12. لو معاك فلوس و هاتجيب بورسلين يبقى تختار نوع محترم و فرز أول و يتركب صح بمادة لزق مش بمونة.
13. لو ما اخترتش البورسلين صح و ركبته صح هيفك من الأرض بعد سنتين.
14. لو حابب تدلع شقتك ركب hdf في الغرف.. هتنبسط.
15. لو مش حابب تدلع شقتك على الأقل ركب hdf في غرفة النوم.. صدقني هتنبسط.
16. لو شقتك مجروحة من الجيران ماتنساش الستاير البلاك أوت.
17. البراقع و البلتكنات اللي حماتك هتختارها دي بطلت من 15 سنة.
18. الدهانات السبونج مش أحلى حاجة في الدنيا.
19. ورق الحائط الـ 3d هايل بس ماتكترش منه.
20. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.
21. الشبابيك الألومينيوم عملية أكتر من الشبابيك الخشب.
22. لو هتركب شبابيك ألومينيوم إختار أي قطاع غير قطاع السعد.
23. الألومينيوم بيتدهن ألوان كتير غير البيج و الأوف وايت على فكرة.
24. لو معاك فلوس ركب شاتر على الشبابيك الألومينيوم.
25. غرفة النوم الرئيسية ركب للشباك بتاعها زجاج دبل.
26. عدي النقطة اللي فاتت و مش لازم تعرف السبب.
27. حاول في شقتك تكتر من إستخدام الخامات الطبيعية و تقلل الخامات الصناعية بتفرق كتير في الإحساس بالراحة.
28. الشبابيك الجرار بتساعد على سهولة الفرش و لكن بتقلل الإضاءة و التهوية.
29. الشبابيك المفصلية بتزود الإضاءة و التهوية بس هتصعب عليك الفرش.
30. لو شقتك واسعة اعمل شبابيك مفصلي و لو ضيقة اعمل الشبابيك جرار.
31. الشبابيك الـ pvc جميلة و بتعيش.
32. لو شقتك في منطقة مقطوعة ركب كاميرات خارجية مابتتكلفش كتير على فكرة.
33. ماتجيبش نيش.
34. معابر الأبواب مهمة عشان بتمنع الصوت و الضوء و الحشرات.
35. إختار أبواب خشب كويسة عشان ماتندمش و باب الشقة هاته باب مصفح لو معاك فلوس.
36. خلي النجار يركبلك جوانات كاوتش لكل الأبواب عشان بتمنع التراب و الصوت.
37. كل الشبابيك احقن حواليها فوم من الخارج و سليكون من الداخل عشان الحرارة و الصوت و التراب.
38. الجيبسوم بورد بيتعمل بيه حاجات كتير غير الأسقف على فكرة.
39. الجيبسوم بورد حاجة أساسية بس تستخدمه صح لما تحتاجه.
40. أكتر حاجة هتخلي شقتك شيك هي توزيع الإضاءة صح.. خلي حد مخصص يوزعلك الإضاءة.
41. اهتم إنك تشتري شفاط محترم للمطبخ.
42. الشفاط اللي بيركب فوق البوتاجاز شكله حلو و شيك و بس.
43. ماتركبش في الأرضيات السيراميك المستطيل اللي شبه الباركية عشان بيقوس و بيجير.
44. لو عاجبك السيراميك اللي شبه الباركية ركب hdf هتتبسط صدقني.
45. اعمل حساب كل تفصيله في تأسيس الكهرباء و ماتنساش الدش و التليفزيون و التليفون و النت.
46. اعمل حسابك لتأسيس التكييف حتى لو مش هتشتري تكيييف.
47. بلاش دهانات مط و بلاش دهانات لامع.. النص لمعة أو الربع لمعة أشيك بكتير.
48. آخر صيحة في الديكورات حالياً هي الأسقف السترتش اللامعة.
49. لو عاوز تدلع مكان معين في شقتك ممكن تعمل ديكورات بـ CNC .
50. اختار كل حاجة قبل ماتبدأ تنفيذ أي حاجة.. دي قاعدة أساسية.
51. أسس اسكيب و شطب جوتن.. ده في الدهانات.
52. مافيش أشيك ولا أرقى من الدهانات السادة بس تختار الألوان صح.
53. بلاش تعمل تفاصيل كتير في الحوائط و الأرضيات و الديكورات عشان تعرف تفرش حضرتك.
54. أي حاجة مط بيبان عليها التراب.. لازم تبقى عارف ده كويس.
55. لو الأبواب الخشب شكلها حلو ادهنها أستر و لو شكلها مش حلو ادهنها لاكية مغسول.
56. القاعدة الذهبية في إختيار أكر و كوالين الأبواب " الغالي رخيص"
57. القاعدة اللي فاتت دي برضه تنطبق على الخلاطات و الإكسسوار و النواكل.
58. الزجاج العاكس للشبابيك بيحجب 50% من الإضاءة.
59. الزجاج العاكس للشبابيك بيعكس الصبح بس مابيعكسش بالليل.
60. ألوان السجاد- ألوان الستاير- ألوان الفرش- ألوان الأبواب و الشبابيك- ألوان الموبيليا- ألوان دهانات الحوائط و الأسقف- ألوان الإكسسورات و الأنتيكات و التحف و الصور و البراويز... كل الحاجات دي ليها علاقة ببعض ولازم تنسقها صح عشان شقتك ماتبقاش ملعلطة.
61. حاول على قد ماتقدر تشتري كل لمبات الشقة لمبات ليد.. هتدفع مبلغ كبير بس هتوفره في فواتير الكهرباء.
62. لو هتجيب سخان كهرباء هات سعته كبيرة.
63. السخان الفوري مناسب بس في المطبخ لأنه بيستهلك كهرباء كتير.
64. في تأسيس الكهرباء ماتشتغلش غير بسلك السويدي الأصلي.
65. في تأسيس السباكة مواسير التغذية أكواثيرم أو باننجر و مواسير الصرف الشريف.
66. رخامة المطبخ هاتها جرانيت مش رخام.
67. الأحواض و القاعدة المعلقة بيدوا وسع للحمام و أسهل في النضافة.
68. إشتري الخلاطات و الصيني و النواكل للحمام و المطبخ قبل ما السباك يأسس.
69. لو بياض المحارة وحش و فيه مطبات أو شرخ حاول تعالجه قبل الدهانات.
70. لو بياض المحارة لسه فيه عيوب مش عارف تعالجها إستخدم معجون أسمنتي قبل الدهانات.
71. و انت بتقسم شقتك و بتفرشها إهتم براحتك و سعادتك أكتر من إهتمامك بالضيوف لأنك إنت اللي هتعيش في الشقة طول العمر مش الضيوف.
72. لو مش هتركب باب مصفح لباب الشقة يبقى يفضل تعمل باب حديد حماية.
73. ماتنساش تركب سلك لكل الشبابيك عشان الحشرات.
74. السلك الفايبر بيتقطع و السلك الصلب بيصدي.. هات سلك صلب و ادهنه عشان مايصديش.
75. لو عندك غرفة أطفال.. ادهنها لون يمشي أولادي أو بناتي.
76. قبل ماتفرش شقتك خد خطيبتك أو مراتك و روحوا أيكيا في التجمع الخامس مش هتشتروا منه حاجة بس هتطلعوا بأفكار حلوة جداً هتوفر عليكوا.
77. إهتم جداً بسقية السيراميك و يفضل تشتري مادة سقية جاهزة و إوعى تلون أسمنت السقية بأكسيد.
78. قفل حوالين البانيو و الحوض و القاعدة و عند جميع زوايا و أركان الحمام و المطبخ بمادة حقن فواصل من شركة سيكا.. صدقني هتعيش مبسوط بعدها.
79. بلاش تخلي سخان واحد يغذي الحمام و المطبخ مع بعض عشان كل ماتدخل تاخد دش مراتك هتفتح حنفية المطبخ و هتتلسوع.
80. البيبة في المطبخ حلوة عشان التنضيف و وحشة عشان الحشرات و الروائح و السدد.
81. الكرانيش الجاهزة (فيوتك) أفضل 100 مرة من الجبس البلدي.
82. بلاش أباجورة جنب السرير.. ركب 2 أبليك على الحيطة أجمل و أشيك.
83. إختار أماكن و مناسيب برايز الكهرباء بعناية عشان دي من أكتر الحاجات اللي هتضايقك لو ما اخترتهاش صح.
84. بالنسبة للموبيليا حاول تخلي كل الأدراج القريبة من الأرض ليها مفاتيح عشان الأطفال بيعشقوا الأدراج.
85. الغسالة في الحمام ولا في المطبخ.. في المطبخ ولا في الحمام.. إشتري دماغك و خلي مراتك اللي تقرر عشان تعيش في سلام.
86. خلي خطيبتك أو مراتك هي اللي تختار الألوان عشان فعلاً هما بيشوفوا ألوان الرجاله مابتشوفهاش.
87. الـ "ليلاه و البستاج و الفستاج و البيربل و البينك و الأوف وايت و الأون وايت و الأكسيديه و الجراي بيج" دي بعيد عنك درجات ألوان عن البنات أما بالنسبة للرجالة اسمها سمني و عسلي و بصلي و كموني و لموني و مشمشي و فسدقي و حمصي و برتقاني و أي حاجة ليها علاقة بالأكل.
88. ركب فلتر في المطبخ عشان مية الشرب في مصر غير صالحة للشرب.
89. لو الشقة اللي تحتك متشطبة أو ساكنة نبه على العمال اللي في شقتك مايخمروش مونه على الأرض عشان هتنشع على الشقة اللي تحت و جارك هيطلع يتخانق معاك.
90. لو الشقة اللي فوقك لسه ما اتشطبتش ابقى اتأكد إنه هيعزل الحمام و المطبخ و يختبر السباكة كويس.
91. إعزل الحمام و المطبخ عزل أسمنتي أسهل و أفضل و أرخص.
92. بلاش تمعجن الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط.
93. ماتساش تركب منشر في مكان بيوصله شمس عشان مهم.
94. لو شقتك راكب فيها أبواب وحشة و مش معاك فلوس تغيرها ركبلها وشوش MDF .
95. لو الحمام بتاعك ضيق ماتركبش بانيو.. قفل كابينة شاور بيلت إن عملية و هتديلك مساحة واسعة.
96. الشركات المنتجة لمواسير السباكة المحترمة ممكن تيجي تعملك إختبار ضغط للمواسير و تديلك ضمان مدى الحياة ضد التسريب و عيوب الصناعة.. دي حاجة مهمة.
97. اعمل حسابك إن تكلفة تشطيب الشقة هتعدي ضعف الرقم اللي انت كنت عامل حسابك عليه.. دي قاعدة لم و لن تتغير.
98. لو عاوز تحسب تكلفة تشطيب شقتك قبل ماتبدأ بشكل تقريبي إضرب صافي مساحة الشقة في 2000 ج أو 2500 او 3000 دي هتطلعلك التكلفة بالتقريب حسب طبعاً إختياراتك و مستوى التشطيب اللي هتعمله.
99. لو جبت مهندس شاطر و محترم و أمين يشطبلك الشقة هتشتري دماغك و توفر وقت و فلوس.
100. ماتآمنش لصنايعي.. خليك فوق دماغه.. الا لو ثقة ١٠٠%

- لو هتشطب شقتك قريب خد بالك من النصايح دي 😉
- لو مش هتشطب منشن ل صاحب اللي داخل علي جواز وهيشطب شقته 😍
- لو مش هتشطب ومفيش حد من صحابك داخل علي جواز ..شير يمكن غير يستفيد..منقول...

نصائح للمبتدئين فى الاستثمار العقارى:١- حساب جميع التكاليف– لا تقتصر تكاليف الاستثمار العقاري على شراء عقار ما. فهناك تك...
19/12/2024

نصائح للمبتدئين فى الاستثمار العقارى:
١- حساب جميع التكاليف
– لا تقتصر تكاليف الاستثمار العقاري على شراء عقار ما. فهناك تكاليف أخرى يجب وضعها في الاعتبار بما في ذلك تكاليف الصيانة الأساسية والسنوية، بالإضافة إلى نفقات التجديد، والمرافق، والرسوم.

٢- تحديد الخطة والأهداف
إعادة بيعه مرة أخرى بأرباح. أم يرغب في شرائه من أجل تأجيره. كما يجب أن يحدد نوع العقار الذي يريد شراءه. هل هو عقار سكني أم تجاري.

٣- اختيار الموقع المناسب
– الموقع هو عامل رئيسي في نجاح الاستثمار العقاري. فليس من المنطقي أن يشتري المستثمر عقاراً ما لمجرد أن سعره مناسب. كذلك يجب إجراء البحث اللازم للتأكد من أن العقار في موقع متميز تتوافر به جميع احتياجات الأشخاص.

٤- تقليل المخاطر
– من الممكن أن يعتمد المستثمر على شركة ذات مسؤولية محدودة لشراء العقار أو العقارات التي يرغب في شرائها بدلاً منه. وبذلك إذا حدث أي شيء للعقار فلن يتحمل المستثمر عواقب ذلك وحده، بل ستساعده الشركة على إدارة المخاطر.

٥- زيادة قيمة العقار
– عندما يستثمر أي شخص في عقار ما، فقد يرغب في النهاية في بيعه. وسواء كان سيبيعه بعد وقت قصير أو طويل من شرائه. فمن المؤكد أنه سيرغب في بيعه بثمن أعلى مما اشتراه به. لذلك من المهم زيادة قيمة العقار من خلال إجراء تجديدات به، فبهذه الطريقة يمكن تحقيق ربح من بيعه.

٦- إعداد قائمة تتضمن أرقام
هواتف الأشخاص ذي الصلة

– يشمل ذلك مديري العقارات، المحامين، وكلاء العقارات، المقرضين، وأي أشخاص آخرين. قد يحتاج إليهم المستثمر، بمن في ذلك السباكون وعمال الصيانة والإصلاح.
٧- تقييم الاستثمار
هي خطوة استباقية ممنهجة تستعرض تحديد العائد المتوقع في المستقبل من الاستثمار العقاري.

التقييم الصحيح للاستثمار يمنحك رؤية واضحة مبنية على معلومات ودراسات تحليل السوق العقاري في المملكة.
أيضًا تحليل وتقدير رأس المال من البداية يمنحك الأمان والاطمئنان طوال فترة الاستثمار العقاري.
٨- حركة السوق
لا بد وأن تسأل نفسك قبل أن تدخل في عالم العقارات . ما هو حال وحركة السوق خلال الفترة الأخيرة. وما هي توقعات حركة السوق الفترة المقبلة؟

٩- تقدير التغيرات في السوق
لا بد وأن تفهم جيدًا بأن السوق العقاري مثله مثل أي سوق آخر يتعرّض لتغيّرات متواصلة تصاحبها تقلبات في الأسعار.
وهنا يجب أن تتفهم حركة السوق والظروف وكافة العوامل التي تؤثر بالسلب والإيجاب في عالم استثمار العقارات.
ويقول الخبراء في عالم استثمار العقارات أن أفضل وقت لشراء العقارات عندما يكون سعرها منخفض وبعدها يمكنك بيعها عندما يزيد عليها الطلب.
١٠- سعر السوق
يفضل الشراء بسعر أقل من سعر السوق خاصة إذا كنت تفكر جدياً في الشراء والبيع خلال فترة قصيرة.
وبالطبع فإن الاستثمار الجيد من أبرز سماته شراءه بسعر أقل من سعر السوق حتى تتمكن من تحقيق عائد جيد فيه عند بيعه.
١١- استشارة ذوي الخبرة
واحدة من أهم النصائح الفعالة لتحقيق نجاحات في استثمار العقارات. مشاورة ذوي الخبرة في كل الخطوات مثل المقاولين وشركات معاينة العقارات. من أجل تحديد سعر العقار المناسب وتقديم تقرير وافي بحالته لتحقيق أفضل نتائج استثمارية.
AM Real Estate

شقة دور ثان طاله على مسطح اخضر مش مجروحة 155 مترالسعر 18000 ويوجد تسهيلات فى السدادللاستفسار اترك رسالة ونوافيكم بالتفاص...
18/12/2024

شقة دور ثان طاله على مسطح اخضر مش مجروحة 155 متر
السعر 18000 ويوجد تسهيلات فى السداد
للاستفسار اترك رسالة ونوافيكم بالتفاصيل

الحى التالت بجوار كافيه بريك.المتر 12000 ويوجد تسهيلات فى الدفع.للاستفسار اترك رسالة ونوافيكم بالتفاصيل
18/12/2024

الحى التالت بجوار كافيه بريك.
المتر 12000 ويوجد تسهيلات فى الدفع.
للاستفسار اترك رسالة ونوافيكم بالتفاصيل

Address

Third District, Villa 249
Beni Suef

Website

Alerts

Be the first to know and let us send you an email when AM Real Estate posts news and promotions. Your email address will not be used for any other purpose, and you can unsubscribe at any time.

Shortcuts

Share

Category