28/02/2026
الحرب بين أمريكا وإيران مش خبر سياسي عادي…
دي معادلة بتأثر على الاقتصاد العالمي بالكامل.
أول تأثير مباشر بيكون على أسعار النفط…
وأي ارتفاع في الطاقة معناه زيادة في تكلفة النقل، الحديد، الأسمنت، التشغيل…
يعني تكلفة إنشاء أي مشروع جديد بتعلى.
وده بيخلينا قدام احتمالين:
1️⃣ المطورين يزودوا الأسعار في المراحل الجديدة.
2️⃣ أو يقللوا المعروض لحد ما الصورة توضح.
في نفس الوقت، المستثمرين عالميًا بيدوّروا على ملاذ آمن.
الذهب بيطلع… الدولار بيتذبذب… البورصات بتتوتر…
والسؤال هنا:
فين الأصل اللي بيحافظ على القيمة في وقت القلق؟
الإجابة ببساطة: الأصل الحقيقي…
الأرض… والعقار.
التاريخ بيقول إن العقار في فترات عدم الاستقرار مش بيقع…
هو ممكن يهدأ شوية… لكن قيمته الحقيقية بتظهر بعد العاصفة.
اللي بيشتري وقت الهدوء أو بداية القلق…
بيكسب لما السوق يستقر ويرجع الطلب أقوى.
الخلاصة:
الأزمات وقت مهم جدا للبحث والتقصي والإستفادة بشكل كبير منها.
ربنا يحفظ مصر وتمر الأزمة بسلام علينا كلنا.🙏
— بيشوي إسحق
Senior Property Consultant
