29/08/2021
في مارس ٢٠١٥ اعلن سيادة الرئيس عن بناء عاصمة جديدة لمصر تكون عاصمة ذكية من مدن الجيل الرابع
في مارس ٢٠١٦ و بعد الغاء المشروع القديم مع الشركة الاماراتية "اعمار" و اعلان تنفيذ العاصمة بشركات و تمويل مصري بالكامل بدأت المعدات تنزل للموقع
٥٠ كم من قلب القاهرة العاصمة العجوز .. ٥٠ كم جوا قلب صحراء قاحلة محدش فكر يسكن فيها قبل كده و لو حد فكر هيتقال عنه مجنون رسمي
مدينة ضخمة ١٨٠ الف فدان يعني مرة و نص قد دولة سنغافورة و ٧ مرات قد العاصمة باريس و ٤ مرات قد العاصمة واشنطن و مرتين قد العاصمة القاهرة
شوية شخبطة على ورق مع شوية رسومات و تصميمات و مساحة شاسعة من الاراضي .. مع شوية احلام و طموحات و رؤية مستقبلية و نية صادقة للتغيير
بيقابلهم تشكيك و احباط و تريقة و سخرية واتهام بالـ"فنكوش" و تمني للمشروع بالفشل قبل حتى ما يظهر للنور
في اقل من خمس السنين كان فيهم المهندس و العامل المصري بيشتغل بايده و سنانه ، الشغل ٢٤ ساعة في اليوم ، شغل بدون توقف حتى في عز أزمة وباء كورونا الشغل كان مستمر و رمال الصحراء اللي اتروت بعرق الرجال تشهد
بنية تحتية بتتمد ، طرق بتتشق ، انفاق بتتحفر تحت الارض لكابلات الكهرباء و الاتصالات و الانترنت فائق السرعة ، مباني بتطلع من تحت الارض ، ابراج بتناطح السحاب
جامعات عالمية أمريكية مجرية سويسرية انجليزية المانية كندية ، مدن رياضية و استادات عالمية ، مدن خيل و حدائق ضخمة و منتجعات فخمة ، مدن ثقافية و فنية و ابراج و فنادق و مولات و مدن طبية على اعلى مستوى ، قطارات مُعلقة 🚝 و قطارات كهربائية خفيفة 🚊 و أخرى سريعة 🚄
انهاردة و بعد خمس سنين بس شركة العاصمة بقى معاها سيولة في محفظتها اكتر من 6 مليار دولار و بتستعد للطرح خلال سنتين في البورصة بحجم أصول يوصل ل 250 مليار دولار كأكبر شركة عقارية في الشرق الأوسط و افريقيا ومن ضمن اكبر 500 شركة في العالم
"انا ببني دولة في العاصمة الادارية والعلمين العالم كله هيتفرج عليها ، باذن الله هيكون شيء له العجب هيقولوا عملتوا ده ازاي ، بكرة هتبقى و هتشوفوا" | عبدالفتاح السيسي.
