سكن مصر مدينة الشروق

10/08/2026

تعديل
بعد شكاوي عدة تم وصول المكبس و رفع كل الزبالة في سكن مصر

نرجو الاهتمام المستمر و المرور اليومي للمتعهد و خاصة المكبس للحفاظ علي نظافة المكان

10/08/2026

السيد مهندس محمد زكريا
احنا مقدرين طبعا مجهود حضرتك و التطور الكبير اللي بيحصل في المدينة بشكل عام

و لكن بسبب اهمال بعض الموظفين او العمال عن اداء وظيفتهم دي بتكون النتيجة للاسف
صناديق الزبالة مليانة علي الاخر
و المكبس مش بييجي اكتر من يوم
و شركة انفيرو ماستر بتبعت عربية ربع نقل تفضي ربع او نص الصندوق بالكتير
بالتالي صندوق الزبالة بيتملي بسرعة جدا
و احنا في الصيف طبعا مع الحرارة الريحة بتكون صعبة جدا

و المشهد اتكرر كتير جدااا و خاطبنا المسئولين عن المتعهد و خلافه دي مش اول ولا تاني مرة للاسف

و بشهادة الكثير من السكان ان المكبس بيمر من الطريق الرئيسي جمال عبدالناصر و لا يدخل سكن مصر و الاسكان الاجتماعي
و من الوارد ان المسئول عن المكبس يبلغ سيادتكم ان المكبس بيمر يوميا في سكن مصر و ده غير صحيح
ممكن يبلغنا مر امته و سكن مصر متغطيه بالكامل بالكاميرات نعرف صحة الكلام من عدمه

لذا نرجو من سيادتكم الضغط علي مسئولي رفع صناديق القمامه في سكن مصر و الاهتمام بالمكان و علي الاقل المرور يوميا
مش يوم اه و اتنين لا
نرجو حل المشكلة حل جذري

جهاز تنمية مدينة الشروق

22/07/2026

اخييرا تم طرح المحلات المتواجدة بسكن مصر للمزاد العلني

20/05/2026

12/05/2026

🚨 إوعى تعمل كده لو كلب عضّك… حتى لو الناس حواليك بيقولوا كده بثقة.! ⚠️
90% من اللي بيتعضوا من كلب في مصر… بيعملوا نفس الغلطة أول 5 دقايق

في عز زحمة الكلام عن أزمة الكلاب في شوارعنا والجدال اللي مبيخلصش بين (المحبين والمعارضين) في فجوة وعي مرعبة ممكن تضيع حياتك في ثانية إحنا مش قدام مجرد جرح إحنا قدام سباق مع الزمن ضد فيروس (السعار) اللي لو تمكن من الجهاز العصبي بتبقى نسبة الوفاة 100%.. ملوش علاج في العالم كله 🛑

الخطورة مش في العضة بس الخطورة في سيستم الجدعنة"
الغلط اللي بنشوفه في الشارع من الناس اول ما تلاقي حد اتعض من كلب : 👇
🚫 أوهام الإنقاذ اللي بتسرّع الموت:
📍كتم الجرح بالبن : أول ما حد بيتصدم بمنظر الدم بعد العض .. تلاقي اللي بيجري ويقولك اكتم الجرح بسرعه بشوية بُن عشان النزيف يوقف
بس الحقيقة أن البُن بيعمل سدادات خشنة بتحبس لعاب الكلب الملوث بالفيروس جوه الأنسجة وبتحميه من الماية والمطهرات. إنت كدة بتخزن الفيروس جوه جسمك وبتديله الأمان عشان يوصل لأعصابك أسرع

📍 مشكلة الرباط الضاغط : بتشوف الناس بتربط فوق العضة بحزام أو قماشة جامد جداً فاكرين إن اللى دخل جسمهم سِم و بيمشي في الدم وعايزين يمنعوه يوصل للقلب بسرعة

بس الحقيقة أن فيروس السعار (Rabies) بيمشي في الأعصاب (زي سلك الكهرباء) مش في الدم. الربط ده مش هيوقفه ثانية واحدة لكنه هيقطع الدورة الدموية عن إيدك أو رجلك تماماً لحد ما تموت الخلايا وتعمل (غرغرينا) تضطرنا للبتر.. وإنت لسه في خطر السعار

📍جريمة خياطة الجرح: أحياناً الجرح بيكون واسع فالناس تجري على دكتور (مش متخصص) عشان يلم الجرح ويخيطه فوراً
و الحقيقة أن خياطة جرح عضة الكلب مُحرمة طبياً في البداية لأن الفيروس ده (لاهوائي) وخياطة الجرح يعني إنك بتقفل عليه الأوكسجين وبتوفر له البيئة المثالية عشان يتكاثر بجنون جوه جسمك

✅ تعالى بقي أقولك البروتوكول المنقذ (إزاي تدمر الفيروس قبل ما يدمرك) :
1️⃣ الصابون هو (السلاح السري): الناس بتستهون بالصابون وبتبحث عن مطهرات غالية لكن العلم بيقول إن فيروس السعار محاط بغلاف دهني الصابون هو المادة الوحيدة اللي بتعمل (Dissolve) وتذويب للغلاف ده فتدمر الفيروس فوراً. اغسل الجرح بماء جاري مع اى نوع صابون لمدة 15 دقيقة متواصلة.. الخطوة دي أهم خطوة قبل خطوة المصل نفسه

2️⃣ سيب الجرح ينزف ويتهوى: النزيف البسيط في الأول مفيد لأنه بيطرد اللعاب لبره. والجرح لازم يفضل مكشوف وممنوع تغطيه ببلاستر أو شاش مكتوم نهائياً .. لازم يفضل مكشوف

3️⃣ سباق الـ 24 ساعة: لازم تتوجه بعدها فوراً لمستشفى (الحميات) لعمل اللازم المصل (Immune Globulin) بيتحقن حوالين الجرح لمحاصرة الفيروس واللقاح بيتاخد بجدول محدد لبناء المناعة

🔑 الخلاصة
حياتك مش مجال للتجارب ولا للوصفات البلدي. السعار ملوش فرصة تانية.. الماية والصابون والمصل هما طوق النجاة الوحيد.
♻️المنشور ده لازم يوصل لكل بيت في مصر.. شير (Share) فوراً معلومة واحدة صح ممكن تنقذ روح من مصير مأساوي
✍🏻منقول للفائدة
لو اعجبكم المنشور اكرموني بالصلاه والسلام على سيدنا محمد

27/04/2026

خطوط السير الخاصة بالباصات الجديدة في مدينة الشروق

27/04/2026

22/04/2026

بشري سارة لكل سكان مدينة الشروق

قريبا حل مشكلة المواصلات بإذن الله

21/04/2026

شكر خاص لجميع الملاك المتعاونين ملاك سكن مصر مدينة الشروق

شكرا علي تعاونكم جميعا و تشجيعكم للسعي للإرتقاء بالمكان ووقوفكم جنبا الي جنبا

بإذن الله بعد زيارة السيد المهندس / محمد زكريا و دعمه المستمر للمكان
هيتم حل جميع المشاكل قبل و بعد اهل مصر جميعا ( نظافة - صيانة - امن - زراعة … و غيرهم من المشاكل )

التعاون بين الجيران هو اللي بيجعل المكان أفضل و أفضل
و كذلك سهولة المطالبة بالحقوق الخاصة بالمكان و تنفيذها

نرجو التعاون الدائم بين الجميع و ان نكون علي قلب رجل واحد للسعي للأفضل دائما و هو ان نجعل سكن مصر مكان نفتخر بالمعيشة فيه

شكرا للجميع 🙏