29/06/2026
اللي قايل الشبهة 👇 دي و الله ما عارف اوصفه ب ايه
يلا عشان مانضيعش وقت و خلينا نرد رد أوسع و نقول كيف مات العشرة المبشرين بالجنة بشكل عام عشان نفهم
👈 بس يا عزيزي الاول هاختبرك ،. كم عدد العشرة المبشرين بالجنة ⁉️⁉️ فكر و رد عليا 😀
يلا نبدأ....
1️⃣ ابو بكر الصديق ،. مات مريضا على فراشه
2️⃣ سعيد بن زيد . مات مريضا على فراشه
3️⃣ ابو عبيدة بن الجراح . مات مريضا بالطاعون
4️⃣ سعد بن أبي وقاص . مات مريضا على فراشه
5️⃣ عبدالرحمن بن عوف،. مان مريضا على فراشه
6️⃣ عمر بن الخطاب ، اغتاله ابو لؤلؤة المجوسي وهو يصلي الفجر (( واحد مجوسي قتله تمام ؟؟ مش مسلم خالص)) بالتخطيط مع الهرمزان المجوسي و جفينة النصراني
7️⃣ عثمان بن عفان رضي الله عنه (( قتله المتمردون ،. ناس خوارج خرجوا على الدولة ولم يثبت ابدا اشتراك اي من الصحابة او ابناء الصحابة في قتله
👈 الوحيد الثابت انه اشترك في التمرد عليه من ابناء الصحابة هو محمد بن ابي بكر الصديق،. و لكنه ثبت انه تراجع و ترك المشهد خالص قبل اغتيال الخليفة عثمان و بذلك عصمه الله من دم عثمان رضي الله عنه
👈 طيب نسأل السؤال اللي بيسالوه ،. هو ليه محدش دافع عن عثمان و سابوه يتقتل ؟؟ و الصحابة كانوا فين ساعتها ؟؟
الاجابة هي / كان فيه عدد من الصحابة و ابناء الصحابة بالفعل دافعوا عن عثمان و حاولوا حمايته زي الحسن و الحسين رضي الله عنهما و غيرهم و لكن أصدر الخليفة عثمان نفسه نهي واضح ان محدش يتدخل من الصحابة ولا ابناءهم علشان عثمان مكانش عايز يحصل سفك دم في مدينة رسول الله صلى الله عليه وسلم و يكون هو السبب فيه فالصحابة طبعا التزموا اوامر الخليفة
غير ان الوقت دة كان موسم الحج و معظم الصحابة اما في الحج او في الجهاد و مكانش فيه جيوش في المدينة المنورة،. لان طبيعي متكونش فيه جيوش ف المدينة المنورة،. لزمتها ايه ؟؟
غير ان كان فيه عدد من الصحابة كانوا في التجارة
ف الصحابة مكانوش قاعدين ع السوشيال ميديا زي حضرتك كدة ،. لاء كانوا مش موجودين اصلا اما في الجهاد او الحج او التجارة. ، و كانت المدينة المنورة في التوقيت دة الصحابة اللي فيها مش كتير
غير ان ٣٠٠٠ متمرد مسلح دة جيش لوحده ،. و خلى المدينة المنورة نفسها تخرج عن السيطرة
8️⃣ 9️⃣ الزبير بن العوام و طلحة بن عبيد الله
بعد اغتيال الخليفة عثمان رضي الله عنه خرج الزبير و طلحة مع السيدة عائشة بجيش للبصرة (( للأخذ بثأر عثمان رضي الله عنه) مش لقتال الخليفة الجديد علي بن ابي طالب (( واخد بالك يا ابو جهل يا صاحب الشبهة) ؟
طب ليه البصرة؟ ؟ لان المتمردين كانوا من البصرة و الكوفة و مصر فقالوا يبدأوا بالبصرة
و لما عرف الخليفة علي،. راح وراهم بجيش بسرعة يمنعهم عشان متحصلش كارثة (( لان المتمردين مش واحد ولا ٢ ولا ١٠،. دول الف واحد ف البصرة لوحدها و كل واحد وراه قبيلته )) ف كان رأيه مش اننا مناخدش بثأر عثمان ❌ لاء
و لكن نتحد الاول و نجمع الجيوش تحت قيادة واحدة و بعد كدة نقدر ناخد بثأر عثمان
و وبالفعل قدر يقنع جيش السيدة عائشة بكدة و اتفقوا انهم هايباتوا الليلة دي في المعسكر و بكرة كل واحد هايرجع مكان ما جه
المتمردين نفسهم عشتن يولعوا الدنيا قسموا نفسهم نصفين. ، نصف اندس في معسكر الخليفة علي.،. و جزء اندس في معسكر السيدة عائشة
و مرة واحدة خرجوا يحاربوا بعض
فالجيشين افتكروا ان كل طرف غدر بالتاني و الجنود من هنا على من هنا مسكوا ف بعض
و خصوصا ان كانت بالليل و مفيش كهرباء اكيد يعني ولا نور ولا حد شايف حد فكله نزل ضرب ف بعضه عشوائي
و علي رضي الله عنه مش فاهم فيه ايه و كل اللي ف دماغه انه عايز يوقف الحرب دي بأي طريقة.،. راح ضارب سهم في جمل السيدة عائشة عشان يقع و الناس تلتف حول الجمل ،. لان دي ام المؤمنين
و بالفعل الحرب انتهت بالشكل دة
لكن قبل انتهاء الحرب ، و اثناء الفوضى اتقتل طلحة بسهم مجهول و رُوِى أن طلحة لما قُتِل ورآه علي بن أبي طالب مقتولًا؛ جعل علي يمسح التراب عن وجهه، وقال: «عَزيزٌ عليَّ، أَبا محمد، أَن أَراك مُجَدّلًا تحت نجوم السماءِ»، ثم قال: «إِلى الله أَشكو عجرِي وبُجرِي»، وترحم عليه، وقال: «ليتني متُّ قبل هذا اليوم بعشرين سنة»، وبكى هو وأَصحابه عليه، ورُوِى أن عليًا قال: «بشروا قاتل طلحة بالنار.»
👈 طب هل اللي رماه بسهم هو مروان بن الحكم ⁉️ الرواية دي ذُكرت بالفعل و لكم تحت اسم 💥 الروايات الضعيفة،. و بالتالي غير ثابت ان مروان الذي قتله
بااعكس ادلة نفي انه قتله كتير جدا غير ان مروان اصلا كان مع طلحة في نفس الجيش ( و نفى ابن كثير و ابن العربي و غيرهم ان يكون لمروان يد في ذلك)
اما الزبير رأى ان يخرج من ساحة المعركة خالص و يبعد عن القتال و لما خرج،. خرج ورا الزبير واحد اسمه ابن جرموز و قتله غدر و لما علم علي بكى علي بن أبي طالب وقال: سمعت رسول الله ﷺ يقول: «بشر قاتل ابن صفية بالنار
🔟 علي بن ابي طالب
قتله واحد من الخوارج اسمه عبدالرحمن بن ملجم ،. اغتاله في المسجد وهو داخل للصلاة
👈 ايه بقى علاقة الصحابة او الجيل الأول بالشبهة دي 👇 ولا لازم ندلس و بس ولو مدلسناش نتحرق ؟؟
