Ghada Sayed

Ghada Sayed Family&Parenting Coach (ICF)
Positive Discipline Educator for Parents (PDA)
Empowering Moms to live better life
لنا في ترك الأثر حياه ❤️

17/04/2026

ذكريات يوم الجمعه 😍

15/04/2026

أثناء رحلة تربيتنا لأولادنا أحيانا كتير بيكون جواهم كلام و أفكار ماتقالتش.
سكوتهم و تنفيذهم لأوامرنا مش معناها أبدا إن الدنيا تمام و انهم كويسين.
إقبلوا ولادكم زي ما هما
كل طفل ليه شخصيته المميزه الخاصه بيه لوحده
إبنك أو بنتك مش نسخه منك و لا نسخه من حد
هو نسخه منفرده لوحدها مش متكرره
كفايه أوامر أوامر طول اليوم
كفايه توجيه طول الوقت على الصغيره قبل الكبيره
إدوهم مساحتهم الخاصه اللي بيها يقدروا يتعاملوا معانا بشخصيتهم الحقيقيه و هما مرتاحين
ركزوا على مميزاتهم هتشوفوهم بعيون تانيه خالص ❤️

#اقبلوا ولادكم و حبوهم زي ما هما
#مش لازم ولادنا يكونوا على مزاجنا
#رفقا

12/04/2026

الدراسات العلميه الحديثه أثبتت إن الإيقاع السريع لحياتنا يؤثر سلبا على المخ و الحاله المزاجيه للإنسان.تلاقي نفسك دايما في حالة توتر و قلق و جري ما تعرفش أصلا ليه و لا عشان ايه؟
النتيجه إنك بتستنزفي في مخك و أعصابك و صحتك النفسيه و الجسديه.دايما في إحساس بعدم الراحه مش مبسوطه و لا عارفه تستمتعي بأبسط الأشياء و لا عارفه تشوفيها أصلا.
جربي تهدي إيقاع يومك من غير سرعه و لا استعجال
جربي تعملي نفس الحاجات اللي بتعمليها يوميا بس أبطأ شويه و إنت مركزه في تفاصيلها.
جربي تعملي يوميا mental vacation انك تقعدي من ١٠ ل ٢٠ دقيقه يوميا في مكان هادي خالص و لوحدك بعيد عن أي مشتتات و غمضي عينك و فكري و تخيلي انك في مكان حلو بتحبيه.كأنك على البحر مثلا و ركزي في باقي المناظر الطبيعية اللي هتكون حواليكي و شوفي تأثير ده على يومك و صحتك النفسيه و إنتاجيتك هيكون ازاي.
#صحتك النفسيه أهم 😍

الحمد لله كان ليا نصيب أحضر مؤتمر Mindos مع ترابط و إللي اجتمع فيه نخبه من أفضل الناس في المجال النفسي و التربوي و كمان ...
10/12/2025

الحمد لله كان ليا نصيب أحضر مؤتمر Mindos مع ترابط و إللي اجتمع فيه نخبه من أفضل الناس في المجال النفسي و التربوي و كمان العلاقات.
خرجت من المؤتمر مشحونه بطاقه و بمعلومات و وعي أكبر و أعمق لمواضيع كتير مهمه و مختلفه.
ممتنه لكل كلمه إتقالت و لكل فكره فرقت جوايا و لكل حد من ال speakers سلافا سليم،آلاء نصيف،د.عماد رشاد،د.مصطفى النحاس،د.محمد طه،ياسمين فاروق،هبه السواح.كلهم اتكلموا عن خبرة سنين طويله كلام حقيقي طالع بصدق من القلب.
الوعي نعمه،العلم نعمه، فاللهم علمنا ما ينفعنا و انفعنا بما علمتنا و زدنا علما و نورا.

13/11/2025

إحنا بنزرع في ولادنا قيمة السعي و بنعززها لما نقدر مجهودهم و تعبهم بغض النظر عن النتيجه.
ده بيعلمهم انهم يستمروا و يفضلوا يحاولوا و ما يستسلموش رغم الإحباطات اللي طبيعي هيمروا بيها في حياتهم.

🕊️
إحنا بنزرع في ولادنا قيمة السعي و بنعززها لما نقدر مجهودهم و تعبهم بغض النظر عن النتيجه.
ده بيعلمهم انهم يستمروا و يفضلوا يحاولوا و ما يستسلموش رغم الإحباطات اللي طبيعي هيمروا بيها في حياتهم.
لما أكافئ ابني أو بنتي على سعيهم، حتى لو ما وصلوش
أنا كده بعلّمهم الإيمان الحقيقي…
إن اللي عليهم السعي ثم السعي
و إن التوفيق ييجي من رب العالمين في الوقت الصح. لما أكافئ ابني أو بنتي على سعيهم، حتى لو ما وصلوش
أنا كده بعلّمهم الإيمان الحقيقي…
إن اللي عليهم السعي ثم السعي
و إن التوفيق ييجي من رب العالمين في الوقت الصح.

13/11/2025

إحنا بنزرع في ولادنا قيمة السعي و بنعززها لما نقدر مجهودهم و تعبهم بغض النظر عن النتيجه.
ده بيعلمهم انهم يستمروا و يفضلوا يحاولوا و ما يستسلموش رغم الإحباطات اللي طبيعي هيمروا بيها في حياتهم.
لما أكافئ ابني أو بنتي على سعيهم، حتى لو ما وصلوش
أنا كده بعلّمهم الإيمان الحقيقي…
إن اللي عليهم السعي ثم السعي
و إن التوفيق ييجي من رب العالمين في الوقت الصح. 🌸

20/10/2025

✨
ما تستعجليش النتايج…
اللي بتزرعيه النهارده هتلاقيه بكرة بس في وقته الصح 🌱
التربية محتاجة صبر.. ثم صبر.. ثم صبر


#الاستمرارية

العلاقه الزوجيه مش هتفضل طول الوقت كلها حب و سعادهفي أيام بتكون كلها حب و ضحك و هدوء و استقرار و أيام تانيه بيكون فيها ت...
30/08/2025

العلاقه الزوجيه مش هتفضل طول الوقت كلها حب و سعاده
في أيام بتكون كلها حب و ضحك و هدوء و استقرار و أيام تانيه بيكون فيها توتر و قلق و زعل و ده مش معناه ان العلاقه بايظه بالعكس ده طبيعي جدا زي حال الدنيا كلها،أوقات كده و أوقات كده.
بلاش ننبهر باللي بنشوفه حوالينا في بعض الأوقات
بلاش نتأثر بالصور و الفيدوهات اللي مركزه على جزء واحد بس من العلاقه و أحيانا كتير مش بيكون حقيقي.
ركزوا على علاقتكم انتم و اتعلموا ازاي تعدوا الأوقات الصعبه و تحافظوا على اللي بينكم.

#علاقات زوجيه
#مش كل اللي بتشوفه حقيقه
#ليس كل ما تراه كما يبدو
#

الحمد لله بفضل الله و توفيقه أصبحت ميسرا للعلاقات الزوجيه معتمد من ال PDA.إيمانا مني أننا عشان نطلع جيل من الأسوياء و ال...
05/08/2025

الحمد لله بفضل الله و توفيقه أصبحت ميسرا للعلاقات الزوجيه معتمد من ال PDA.إيمانا مني أننا عشان نطلع جيل من الأسوياء و الأصحاء نفسيا من خلال التربيه لازم نبدأ بينا إحنا الأول و بعلاقتنا ببعض كزوجين،علاقتنا ببعض كزوجين محتاجه تكون مبنيه على التراحم و التفاهم، إدراك إحتياجات كل طرف و إحترامها، وعي و فهم أعمق لطبيعة الرجل و المرأة و اللي بالتالي هينعكس على شكل العلاقه بين الزوجين و هينعكس أكيد على علاقتنا بأولادنا و طريقة تربيتنا ليهم و توفير بيئه آمنه مطمئنه لأفراد الأسره جميعا.
هي دايره ماينفعش نفصلها عن بعض لأن العلاقات الزوجيه و التربيه في رأيي ماينفعش ينفصلوا عن بعض لتحقيق أسره بينها حب و إحترام و ترابط قوي.و ده اللي أغلبنا بيسعى ليه و بيتمناه.
كل الشكر و التقدير و الحب و الإحترام لمعملتي القديره و الغاليه على قلبي ميس ❤️.
اللهم إني أسألك علما نافعا و عملا متقبلا، اللهم استخدمني و لا تستبدلي في كل ما تحب و ترضى و يسره لي و وفقني فيه.

21/07/2025

"هو أنا كأب أو أم، لما أغلط مع أولادي... أعتذر لهم؟ ولا أنا فوق والمفروض هما اللي يتقبلوا أي حاجة بعملها؟"

:الحقيقة اللي محتاجين نواجهها
الاعتذار مش ضعف
والتصالح مع ولادنا مش بينقص من قيمتنا
ولا يقلل من احترامهم لينا

....... لما تعتذر لابنك
لما تحاول تصالحه بأي طريقة حتى لو زي ما قالت في الفيديو "بطبق سلطه"
:أنت بتقوله من غير كلام
أنت غالي عليّ🔸️
أنت مش مجرد كائن لازم يسمع الكلام و بس🔸️
أنت شخص ليك احترامك وقيمتك عندي🔸️
️إنت مهم🔸️

لأن لو ابنك أو بنتك ما حسّوش إنهم مهمين عندك
ولا أي اهتمام في الدنيا هيملأ الفراغ اللي جواهم
ولا أي حب من الناس هيعوّضهم.

الطفل اللي ما حسش إنه "كفاية" عند أهله
هيفضل طول عمره مش حاسس إنه "كفاية" لنفسه
ولا لأي علاقة يدخلها.

ابني ابنك من جوا❤️
مش غلط إنك تعتذر
مش غلط إنك تصالح
!الغلط… إنك تسيبه ينكسر



#خليك قدوه لأولادك بالإعتذار


💔لما الخوف يزيد الكلام بيوجع في الفيديو ده سمعنا الأم بتقول!!!"هوه إنت بتعرفي تعملي حاجه؟"كلمات طالعة من خوف الأم… لكن و...
14/07/2025

💔لما الخوف يزيد الكلام بيوجع
في الفيديو ده سمعنا الأم بتقول
!!!"هوه إنت بتعرفي تعملي حاجه؟"

كلمات طالعة من خوف الأم… لكن وقعها زي السهام على قلب بنتها.
بدل ما توصلها رسايل دعم، وصلتلها رسالة إنها" مش هتقدر،مش هتعرف،إنها فاشله و إنها كمان ضعيفه"!!!!

الخوف على أولادنا شعور طبيعي،
لكن لازم ننتبه إن خوفنا ما يتحولش لكلام يهز ثقتهم في نفسهم.

لأن الكلام بيعيش جواهم… وبيصنع نظرتهم لنفسهم!

💡إزاي نتعامل مع خوفنا من غير ما نأذيهم؟

▪︎ نعبّر عن خوفنا من غير ما نهاجم شخصيتهم
▪︎ نركّز على الموقف نفسه مش على الشخص "الإبن أو الإبنه"
▪︎ نديهم ثقة ودعم بدل النقد والتحذير المستمر
▪︎نديهم الفرصه إنهم ياخدوا القرارات بنفسهم و يخطأوا و يتعلموا و يتحملوا المسؤوليه فيوصل ليهم فكرة "أنا قادر " "أنا أستطيع" بالتالي يثقوا في نفسهم.

مثال: بدل ما نقول " هو إنت بتعرف تعمل حاجه"
نقول:
💬 "أنا واثقه فيك و عارفه انك هتعرف تتصرف لو حابب رأيي أنا موجود هتلاقيني جنبك"

التربية مش بس نصايح… التربية بناء علاقة وصورة نفسية سليمة ❤️

و إنت فكرتي قبل كده إزاي كلامك ممكن يأثر على إبنك أو بنتك؟

شاركينا رأيك أو موقف حصلك 👇


#احمي صورتهم عن نفسهم

Address

Cairo

Website

Alerts

Be the first to know and let us send you an email when Ghada Sayed posts news and promotions. Your email address will not be used for any other purpose, and you can unsubscribe at any time.

Shortcuts

Share

Category