24/04/2026
أنتت قاعد عادي في أمان الله…
بتتف*ج على التلفزيون 📺
وسرحان…
بتفكر إزاي هتوفر مصاريف المدرسة…
إزاي هتجيب لبس لبنتك…
إزاي هتسد إيجار الشقة…
وفجأة…
📞 ييجي لك اتصال
“معاك فلان الفلاني من شركة كذا…
إحنا عاملين مسابقة عشوائية بمناسبة مرور 10 سنين على تأسيس الشركة
وبنتصل بأرقام عشوائية
والرقم بتاع حضرتك طلع من ضمن الأرقام الفائزة
وألف ألف مبروك… حضرتك كسبت 15,000 جنيه”...........................................
طبعًا أول حاجة هتيجي في بالك:
“أكيد هيقول لي حوّل 1000 عشان نحولك الـ15,000”
أو:
“أكيد هيطلب مني رصيد… أو بيانات… أو أي حاجة”
لكن لأ…
هنا النصب أذكى من كده 😶...........................................
هيقولك بمنتهى الهدوء:
“لا يا فندم…
ولا هتدفع حاجة
ولا هتعمل أي حاجة خالص
حضرتك بس تروح أقرب منفذ فوري
أو فرع رئيسي
وتقول لهم الكود كذا... 15,000 جنيه
وبس كده المبلغ هيتصرف لحضرتك”...........................................
أنت تستغرب…
وتقول:
“بجد؟”
يرد عليك بثقة:
“بجد يا فندم…
حضرتك روح بس وهتستلمهم فورًا”...........................................
فتنزل فعلًا…
وأنت فرحان
وحاسس إن ربنا بعتلك ف*ج من عنده 🤲
تروح السوبر ماركت اللي تحت البيت
أو أي مكان فيه ماكينة فوري
وتقول للراجل:
“كود كذا… 15,000 جنيه”
الراجل يكتب
ويخلص العملية
ويبص لك بابتسامة ويقول:
“تمام يا فندم…
اديلي الفلوس لو سمحت”...........................................
هنا بقى…
الصدمة 💥
“إيه؟!
أديك الفلوس؟
إزاي؟!
المفروض أنت اللي تديني الفلوس!”...........................................
لكن الحقيقة إنك اتضحك عليك
الكود اللي اتقالك…
ماكانش كود “استلام”
كان كود “تحويل”
يعني لما قلت للراجل:
“كود كذا… 15,000 جنيه”
أنت كده حولت 15,000 جنيه فعلًا
على الرقم أو الكود اللي النصاب بعته لك...........................................
وفي اللحظة دي…
المبلغ خرج
والنصاب اختفى
والراجل صاحب المحل؟
مالوش دعوة بالحكاية دي كلها
هو بالنسبة له:
في عملية تمت
وفي 15,000 جنيه لازم يدفعوا
ومش هيسيبك
إلا لما ياخدهم منك...........................................
يعني أنت ما كسبتش 15,000 جنيه…
أنت خسرت 15,000 جنيه
في دقيقة واحدة...........................................
ودي واحدة من أخبث طرق النصب الموجودة حاليًا
لأنها بتلعب على 3 حاجات في نفس اللحظة:
الطمع المشروع
أنت مش طماع…
أنت فرحت إن ربنا فرّجها
عنصر المفاجأة
القرار بيتاخد بسرعة
قبل ما تلحق تفكر
الثقة الزائفة
لأن النصاب ما طلبش منك “تحوّل له” مباشرة
بل خلاك تعملها بنفسك
وأنت فاكر إنك بتستلم..............................................
دي واحدة بس من طرق النصب
اللي للأسف لسه شغالة وبتجيب نتيجة مع ناس كتير جدًا...........................................
وقريب هنتكلم عن الطريقة دي
وغيرها من طرق النصب الإلكتروني
والألعاب الإلكترونية
والاحتيال
في حلقة جاية من Podcast 360 🎙️...........................................
خلي بالك…
ووعي غيرك
