Hassan El masri

09/08/2026

البنك رفض يمول عقارك ؟؟يمكن السبب مش فيك !!
مش كل رفض سببه الدخل ❌❌
في أسباب تانية كتير ممكن تؤدي للرفض ومعظمها بيكون خارج إرادتك لـو:

📍 القسط أكبر من قدرتك على السداد
البنك مش بيبص على المرتب بس ، لكن بيحسب دخلك الشهري والتزاماتك الحالية (قروض - كريدت كارد - أقساط عربية...)
يعني هل هتقدر تدفع القسط كل شهر بدون ضغط؟

📍العقار نفسه فيه مشكلة
مش كل رفض بيكون بسبب العميل ممكن العقار
عليه نزاعات قانونية - مخالفات - أوراقه ناقصة
أو غير قابل للتسجيل: وركز جدا في النقطة دي لان البنك عمرة ما يمول عقار غير مسجل

📍تقييمه أقل من السعر المطلوب.
ممكن تقييم البنك يكون أقل من السعر اللي اتفقت عليه مع البائع، وساعتها هتحتاج تدفع فرق من جيبك وبتالي البنك هيرفض.

📍 تاريخك الائتماني مش كويس
ودي من أكتر الأسباب المنتشرة لو كنت:
بتتأخر في سداد أقساط.
متأخر في سداد الكريدت كارد.
عليك شيكات أو التزامات متأخرة.
البنك هيشوف إنك عميل عالي المخاطرة.
حتى لو قفلت القرض بعد كده، تاريخ التأخير بيكون ظاهر في التقرير الائتماني لفترة.

وهنا دوري اني اساعدك تعرف إزاي تجهز ملفك، وإيه العقارات المناسبه للتمويل العقاري، عشان تزود فرص موافقة البنك من أول مرة.
اكتبلي في الكومنتات كلمة "تمويل عقاري"
#تمويل #عقاري #عقاريه #عقاريون

28/06/2026

تشتري عقارك بمقدم 5% ولا 10%؟ 🤔
طيب تقسط على 3 سنين ولا 10 سنين؟

متستعجلش بالإجابة... ❌⚠
لأن مش كل مقدم قليل هو أحسن اختيار، ومش كل قسط شهري شكله مريح يبقى الأنسب ليك.
في سلسلة "بيت المصري" هتعرف إزاي تختار نظام التقسيط الأنسب ليك، وإيه الأسئلة اللي المفروض تسألها للبائع قبل الشراء.

📍 الدفعات السنوية
أكبر فخ بيقع فيه المشتري، لأنها أكبر جزء بيعطلك وممكن تبقى أكبر ضغط مالي في النظام كله.
عشان كده محتاج تسأل على الـ3 حاجات دول:

💡قيمة الدفعات
💡كل سنة ولا كل سنتين؟
💡تبدأ من أول سنة ولا بعد الاستلام؟

📍هل القسط ثابت ولا مرتبط بمراحل الإنشاء؟
أفضل قسط ممكن تدفعه هو غير مرتبط بالإنشاءات، لأن نسبة الأمان فيه عالية جدًا، ويفضل لو تدور على مطور بيقدم استلامات فورية أو قريبة.

📍مدة التقسيط
مش دايمًا أطول مدة هي الأفضل، لأن كل ما مدة السداد زادت لازم تسأل على:
💡هل السعر ثابت؟
💡هل في فوائد أو زيادات؟
لأن المهم هو إجمالي التكلفة، مش عدد السنين.

لو عايز تعرف أكتر عن باقي الأسئلة الخاصة بالقسط المناسب، تابعنا خلال الأيام الجاية.
#مستشارك #عقار #عقارات

20/06/2026

ازاي بحسبة بسيطة يضحك عليك وتدفع اكتر من السعر بـ حوالي 10% او 15%❌❌❌

ببساطة مش كل السعر اللي يتقالك هيكون السعر الوحيد اللي هتدفعه وده لان في مصاريف مستخبيه في العقار محدش هيقولك عليها لازم تخلي بالك منها :

✅ وديعة الصيانة:
دي بتبقى نسبة (غالباً من 5% لـ 10%) من تمن العقار، بتدفعها مرة واحدة عند الاستلام أو بتتقسط، ودي عشان مصاريف صيانة الكومباوند أو المشروع مستقبلاً.

✅ مصاريف التسجيل والضرائب:
سواء كانت ضريبة تصرفات عقارية (2.5%) أو مصاريف التسجيل في الشهر العقاري، دي مبالغ بتدفعها للدولة ولازم تكون عارف مين اللي هيتحملها (البائع ولا المشتري).

✅ عمولة البروكر أو الوسيط
لو بتشتري من خلال وسيط، تأكد من النسبة المتفق عليها وموعد دفعها (وهي في الاغلب نسبه من تمن العقار)

✅ مقايسات المرافق: (كهربا، مية، غاز)
ساعات بتدفع مبالغ "تأمين" أو "تركيب عدادات" منفصلة عن تمن الشقة.

✅مصاريف النادي والجراج:
في بعض الكومباوندات اشتراك النادي والجراج ممكن يكونوا إجباري وبأرقام كبيرة مش مذكوره من البداية

عشان كده نصيحتي ليك 💡💡
دايماً ضيف من 10% لـ 15% زيادة على ميزانيتك الأساسية لتغطية المصاريف دي
لو عندك تجربة مع مصاريف اتفاجئت بيها، احكيلنا عنها في الكومنتات!
#عقار #مستشارك

14/06/2026

النهارده مش جاي أقولك تشتري دهب دلوقتي ولا تستنى، ولا حتى هخيرك بين الدهب والعقار.
في البوست ده هنتكلم عن إزاي الدهب ممكن يكون طريقك للعقار. 🏡✨

ولو فاكر إن المكسب في الدهب إنك تبيعه بسعر أعلى من اللي اشتريت بيه... تبقى غلطان ‼️ لأن نجاحك الحقيقي بيبدأ لما تحول المكسب ده لأصل ثابت يفضل معاك سنين ويحققلك قيمة حقيقية على المدى الطويل.

صحيح إن الدهب بيحافظلك على قيمة فلوسك، خصوصًا لو لسه المبلغ اللي معاك مش كافي لشراء عقار. لكن السؤال الأهم:
بعد ما قيمة مدخراتك تزيد... إيه الخطوة اللي بعدها؟ 🤔

هنا بييجي دور العقار.
وخصوصًا لو العقار بالتقسيط، لأنه من الأنظمة القليلة اللي تقدر من خلالها تحوّل قيمة الدهب لمقدم، وتبدأ أول خطوة فعلية في التملك أو الاستثمار.

بمعنى أبسط:
بدل ما تفضل تشتري دهب كل فترة بمبالغ صغيرة،
ممكن تبيع الدهب وتستخدم قيمته كمقدم لعقار،
وبعدها تحول المبالغ اللي كنت بتخصصها للدهب إلى أقساط في أصل بتمتلكه
بالفعل.

💡وخليك فاكر، على مدار السنين شفنا تقلبات كتير في أسواق مختلفة، لكن العقار فضل واحد من أكتر الأصول اللي الناس بتلجأ لها للحفاظ على قيمة أموالها وتنميتها على المدى الطويل.

الفكرة مش إنك تملك دهب أكتر... الفكرة إنك تستخدم الدهب كأول خطوة عشان توصل لأصل أكبر وعائد أقوى.

#مستشارك

#عقارات
#عقار

13/06/2026

خطوة واحدة هتزود قيمة عقارك
وتكسبك وانت لسه ساكن فيه

وهي ببساطة:
تشوف المكان اللي بتشتري فيه رايح على فين

في ناس بتختار على أساس السعر القليل
وبعد فترة تكتشف إن المكان
لا خدمات… ولا طلب

طيب إزاي تعرف المكان رايح على فين؟ 🤔

اسأل على:

هل في طرق رئيسية قريبة؟

في ناس ساكنة فعلًا ولا لسه؟

في خدمات بتتفتح؟

في طلب على المنطقة ولا لأ؟

عشان كده ناس كتير بقت تبص لمناطق زي
حدائق الأهرام وأكتوبر

إنت أول حاجة بتسأل عليها إيه؟
السعر… ولا المكان؟ 👇

#مستشارك #عقارات #عقار

10/06/2026

ليه تختار بين امكانياتك وطموحك وممكن تقسط عقارك؟؟🤔
أكبر غلطة إنك تستنى لحد ما تبقى جاهز لأن الأسعار مش بتستنى ولا الفرص

تقسيط العقار حاليًا هو الطريقة الأذكى لانه هيساعدك تاخد قرارك بدري وتدفع على راحتك
‌✅ في القسط بتثبت سعر المتر لسنين قدام وبرضو بتحافظ على السيولة اللي معاك
✅ ولو انت مش من الناس اللي بتحوش ولا عارف تاخد خطوة، القسط هيساعدك تلتزم وتدخر فلوسك إجباري

بس خليك فاكر متمشيش ورا قسط شهري مبهر ولا مدة تقسيط طويلة
احسب حسبتك صح واختار اقرب مدة تقسيط تقدر عليها

لو عايز تعرف تبدأ منين اكتبلي في الكومنتات" بداية"
#مستشارك #عقارات #عقار

26/05/2026

كل عام وأنتم بخير عيد أضحى مبارك 💙🐏
أتمنى لكم أياما مليئة بالفرح والطمأنينة وأن يعيده الله عليكم وعلى أحبابكم بالخير واليمن والبركات

23/05/2026

Timer News - تايمر نيوز الموقع الأكثر تطورا ومصداقيه شكرا جزيلا 👏💙
شكر خاص للصحفي العظيم Sayed Hassan 💙💙

من النجاح إلى التميز.. حسن المصري يحصل على دورة إدارة المبيعات العقارية
اقرأ التفاصيل في أول تعليق 👇

22/05/2026

مش مهم وقفت قد ايه ولا حتى وصلت لفين ؟؟
المهم انك لسه مكمل💪🏻✅
من خلال دورة إدارة المبيعات العقاريه مع الدكتور الكبير تامر محفوظ
RECAP💪🏻👏✅

20/05/2026

مشاكل التسليم مفيش اكتر منها في السوق العقاري ⚠️⚠️
لو عايز تعرف ازاي تتجنب مشاكل التسليم وايه حقوقك في الحاله دي كمل الفيديو للأخر 👏✅