Kero Barakat Real Estate

30/07/2026

لو تعرف الليله بتتأجر هنا بكام قولي ف الكومنت ؟

28/07/2026

استقبل مطار الغردقة الدولي، اليوم الثلاثاء، 107 رحلة طيران دولية تقل آلاف السائحين من مختلف الجنسيات، وسط استمرار النشاط السياحي بمحافظة البحر الأحمر. وتصدرت الأسواق الأوروبية، خاصة ألمانيا وبولندا والتشيك وإيطاليا، حركة الوصول.

28/07/2026

الموج ريزورت - Almouj Resort
هو من اقوي المشاريع ف الفتره الحاليه وده لانه بيحققلي المعادله الكامله المسؤله عن اى استثمار ناجح ف الغردقه.

01116159701

25/07/2026

بما ان بقالي فتره ملاحظ بإن معظم اللي عايز يشتري عقار حاليا بيحط أولوية للاستلام الفوري او القريب قبل اي حاجة
فقررت اعمل تلخيص لمشاريع الغردقه هجمع فيها كل العقارات الاستلامات الفوري
هبدأ بالمتاح لكل الشاليهات الاوضه وصاله بمنطقة الاحياء
ملحوظه الاماكن دي انا مقتنع بيها من حيث التشغيل والتأجير ( رأي شخصي عن دخولى للأماكن دي)
لو عايز destination معينة او product type معين قوله في التعليقات.

Selena Bay

اوضه وصاله – فيو بحر جانبى
استلام فوري
بـ 3,576,000 كاش – مفروش بالاجهزه
ــــــــــــــــــــــــــــــــــــــــــــــــــــــ
Lavanda Beach

اوضه وصاله – فيو بحر جانبي
استلام فوري
بـ 3,367,000
مقدم 40% والباقي علي سنتين
ــــــــــــــــــــــــــــــــــــــــــــــــــــــ
Juliana Beach

أوضه وصالة – فيو بول وبحر
إستلام فوري
بـ 4,300,000 كاش
ـــــــــــــــــــــــــــــــــــــــــــــــــــــــ
Laquinta Beach

استوديو 42م فيو بول وبحر جانبي
إستلام فوري
3 مليون كاش


011 16159701

12/07/2026

ليه العالم كله سايب بلده ومختار الغردقة؟

في الفيديو ده هتشوف الغردقة من منظور تاني خالص.

المدينة اللي اتحولت من مصيف لـ "وجهة أولى" للمصريين والأجانب للاستقرار الكامل.

لأن اللي بيقول كده الأرقام.. لما مطار واحد يستقبل أكتر من 12 مليون زائر في سنة، ويدخل في توب 3 أزحم مطارات إفريقيا، يبقى الموضوع مش مجرد "سياحة"
الذكي اللي قرر إنه يكون ف الصفوف الاولي من المتملكين عقار هنا وإنت لسه عندك فرصة !!

10/07/2026

10/07/2026

أوعي تشتري من المطور ده وإلا هتخسر فلوسك ❌❌

ملاحظ الفترة الأخيرة وانتشر جداً موضة "الهجوم والشتايم" على المطورين العقاريين بقت هي الأسهل لعمل ريتش وتفاعل.
تطلع تنتقد بعنف وتغلط في المطور X أو Y ،والبوست يولع كومنتات، والريتش يعلى وعملاء تكتبلك تم.. بس السؤال هنا: على حساب إيه؟

خلينا نرجع لأصل الشغلانة ونفتكر أساسيات السوق:

العلاقة تكاملية: لا المطور يقدر يستغني عن البروكر، ولا البروكر يقدر يشتغل من غير مطور، والعميل في النهاية محتاج الاتنين عشان ياخد القرار الصح. إحنا في مركب واحدة.

أه مفيش مطور كامل: مفيش مطور معندوش عيوب أو أخطاء، دي طبيعة أي بيزنس.
بس في مطور بيحاول يصلح، بيعدّل من أخطائه، وبيهندل مشاكله عشان يرضي العميل.

الأمانة فين قبل الـ Reach: لما يكون كل همك تجيب "Lead" أو عميل عن طريق إنك تشوه مطور أو تغلط فيه، فصدقني.. ده بيعتبر من أسوأ وأرخص أنواع التسويق.
العميل الذكي هيفهم إنك بتبيع لقطة، مش بتقدم استشارة حقيقية.

اللي عايز أقوله:
إن نراعي ربنا في الكلمة اللي بنقولها.
الريتش بيروح وبييجي، والتفاعل اللحظي بيموت، بس سمعتك المهنية ومصداقيتك قدام نفسك وقدام المطورين والعملاء هي اللي بتعيش.

خلينا نكبر بالسوق، وننقد بمهنية وبدون تجريح، لأن "البيزنس اللي قايم على الهدم.. عمره ما بيبني اسم."

10/07/2026

الغردقة كلها معروضة للبيع؟.. الحقيقة المنسية وراء "وهم" الركود العقاري
​لما تشوف بوست زي ده بيسأل: "هي إيه كمية الأراضي والشقق اللي معروضة للبيع دي؟ هي الغردقة كلها معروضة للبيع؟".. للوهلة الأولى كمشتري ممكن يجيلك إيحاء إن في "فقاعة" أو إن الناس بتهرب من العقار والعرض أكتر من الطلب.
​بس الحقيقة؟ الكلام ده غلط تماماً، والواقع عكس كده تماماً.
​خليني أقولكم كممارس في السوق ده يومياً إيه اللي بيحصل ورا الكواليس، وليه بيجيلكم الإيحاء ده:

​وهم الـ 10 بوكرز لعقار واحد

​الحقيقة إن العقار الواحد في الغردقة ممكن يكون بيسوقله 10 أو 12 فرد في نفس الوقت. لما تدخل جروب عقاري وتسأل عن شقة بمواصفات معينة، تلاقي 20 شخص باعتينلك نفس الشقة بالظبط!
هذا التكرار بيخلق "إيحاء بصري ونفسي" إن العقارات كتير ومش بتتباع، في حين إنها شقة واحدة بس اللي بتلف على الكل بسبب غياب التنظيم والتخصص.

​الغردقة عليها طلب مرعب.. لدرجة العجز! 📈

​مدينة زي الغردقة حالياً بتعيش أزهى فتراتها الاستثمارية، والطلب عليها محلياً ودولياً فوق الوصف.
أنا شخصياً دايماً بيتطلب مني من عملاء "أنواع عقارات معينة بمواصفات خاصة" وبقعد بالأيام والأسابيع أدور عليها ومش بلاقيها من كتر ما السوق شغال وسريع!

المشكله إن المجال بقا "بيعة وكوميشن
​ليه وصلنا للصورة دي؟ لأن للأسف المجال بقا مستباح من ناس كتير دخلته لمجرد إنها "عايزة تبقى بتاعة كله".
الموضوع اتمسخ وبقى عبارة عن جري ورا بيعة وعمولة وسريعة، بغض النظر ببيع إيه ولمين!

وإن العميل بمجرد ما يسأل عن حاجة، البروكر يستلمه "زن ورن" متواصل كأنه لقى صيدة كل همه يطلع منها بقرشين وخلاص! الأسلوب ده مش بس بيطفش العميل.. ده بيرخّص منتج غالي وقيم جداً زي العقار.

​كلمة من القلب لكل زميل في المهنة:
​يا جماعة، المجال ده مهم جداً.
الخدمة اللي بيقدمها "الوسيط العقاري المحترف" هي خدمة ذات قيمة عالية جداً وصناعة قرار مصيري.

​العقار مش شقة وحيطان: العقار ده هو "السكن" والأمان، أو "تحويشة العمر" اللي العميل بيأمن بيها مستقبله ومستقبل أولاده. دي حاجة غالية جداً ومقدسة.
​دورك مش بياع: كل عميل بيدخل كلمك عنده "هدف" أو "مخاوف" أو "حلم".
دورك كبروكر محترف إنك تسمعه كويس جداً، وتفهم احتياجه، وترشده لهدفه.. ولو هو مش عارف هدفه، إنت بنظرتك وخبرتك بتساعده يكتشفه.
​الخلاصة:

الغردقة مطلوبة ومحط أنظار العالم. بس السوق محتاج "إحسان"، محتاج "تخصص"، ومحتاج وسيط يراعي ربنا في خطوة العميل الاستثمارية.
​افتكر دايماً.. إنت بتساعد الناس تلاقي "أمانها"، فقدم الخدمة دي بالشكل اللي يليق بيك وبيقيمتها.

09/07/2026

اختار تكون وسط ناس وجودهم في حياتك يخليك تطلع أفضل نسخة من نفسك، مش ناس تفضل تفكرك بحدودك.

ناس لما تتكلم معاهم تلاقي طموحك بيكبر، وثقتك بنفسك بتزيد، ويشوفوا فيك قدرات يمكن أنت لسه ما اكتشفتهاش.

أصعب تأثير ممكن يقابلك مش من اللي بيحاربك بشكل مباشر، لكن من اللي يزرع جواك فكرة إن أحلامك أكبر منك، أو إنك وصلت لآخر إمكانياتك.

الحقيقة إن البيئة اللي حواليك بتشكل طريقة تفكيرك، وبتأثر في قراراتك، ومع الوقت بتساهم في صناعة الشخص اللي هتبقى عليه.

اختار دايمًا الناس اللي تدفعك لقدام، وتفكرك إن لسه عندك مساحة تكبر، وتتعلم، وتحقق أكتر.

26/06/2026

الكلام ده قولته وهفضل أقوله علشان يفضل مسمع فدماغك وانت بتاخد القرار
خسارة فلوسك بتبدأ من اختيارك للـ "أرخص" أو المظاهر.

السوق العقاري في الغردقة مليان فرص، بس للأسف مليان كمان ناس بيخسروا عشان بيغفلوا عن أهم تفصيلة: مين هيشغل العقار بعد الاستلام.

لو بتدور على الأرخص والعروض الوهمية، متزعلش لما عقارك ميتأجرش.
لاكن لو بتدور على استثمار بجد، لازم تدخل مشاريع اللي اتنفذت سابقآ، وتدخل المكان وتشوف جودة الادارة والتشغيل بنفسك.