07/10/2025
حابة اكتب بعض الملاحظات للي بيعرض شقة سوا سمسار او مالك
(بوست نفسي الف به كل الجروبات والله)
اولا: بلاش كذب فالبيع رزقك محدش هياخده غيرك، والكذب بيتمثل في كذا نقطه
1️⃣الشقة مساحتها 70م وهي متجبيش 55م ولما يلاقي نفسه اتحبس في خانه شكلها وحش،،،، اصل البلكونات والمناور والسلم والشارع محسوبين🤔
هو انا هحط عفشي في المناور وع السلم وفي الشارع ولا في الشقة حضرتك من الامانه قول صافي كذا...
2️⃣تكون 2 غرفه وريسبشن يقول 3 غرف وريسبشن قطعتين.... تيجي تبص في الفديو تلاقيهم حجرتين بس... تساله فين ال3 يقولك فتحتها ع الصالة علشان تبقي قطعتين 😂 طب ما من الاول قول 2غ وريسبشن قطعتين لية تكذب وتقول 3غ ولا حول ولا قوة الابالله العلي العظيم
3️⃣كاملة العدادات
تبص يمين شمال ما تلاقيش غاز... تسال عنه يقولك الماسورة جججججججوا الشقة 😂 تسال علي الميه يقولك مجمع... والعكس ساعات كهربا يقولك مقايسة ولا حول ولاقوة الابالله العلي
4️⃣يكتب تشطيب الترا لوكس... تفتح الفديو تلاقي الشقة عادية جدا طب لية وغير مبهره بالمره؟!
5️⃣تلاقي الاعلان لو سمحتم بدون وسيط بدون وسييييييط مش عاوز سمسارة والتواصل مع المالك مباشرة وتتواصل خاص تلاقيه يقولك عمولتي كذا، تقوله مش قلت بدون وسيط يقولك مانا الوسيط 😂ومش عاوز وسيط تاني 😂 ولا حول ولا قوة الابالله العلي العظيم
6️⃣تلاقي الشقة في الفديو شرحه وبرحه وكبييييييرة اوي، تروح ع الطبيعه تلاقيها ضيقة وصغيرة، رغم انها ممكن تكون حلوة وحلوة جدا كمان، بس ع الطبيعه قفلت متها لان الفديو عامل ابعاد مكبراها وخلاني شفتها احلى فكرهت الطبيعه يتاعتها
بصوا يا جماعه دي نصيحه لله والله محدش هياخد رزق حد، ولا تفكر انها فهلوة انك تضحك علي حد بصورة او بمواصفات بالكذب ماهو محدش اهبل
واللي هيجي ع الطبيعه هيشوف الحقيقه بنفسه ويمشي.
يعني وفر وقتك ووقت غيرك لو تسمح
ثانيا: بتكتبوا كل التفاصيل معادا اهم حاجه يا سعر يا عنوان
بنيه يعني رفع البوست وماهو الا رفع للضغط والله
ثالثا: التواصل خاص او رقم هاتف واتس للجادين
نتواصل ماسنجر تقولوا واتس ونتواصل تقولو رن نتنرفز عليكم تقولوا معكوش تمن مكالمه هيبقي معاكم رقم شقة 😂لا مانا مش خطيبتك حضرتك وداخل تختبرني ارزع ام المعلومات ورزق ام الشقة هيجي والله 😂
بس كدة🤝🏻
🤐 #بقلمي
وياريت ننشر الكلام دا لكل حد ضايق ابونا وفقع مرارتنا في عرض ڤلته المصون للبيع 🙂
