26/07/2017
توصيف السلم " 3Flight stair " :
1- بنفتح نموذج جديد في برنامج الساب وندخله ال Grids أبعاد السلم من اللوحه المعماري .
2- بعدها نرسم البلاطه بكامل المساحه بأمر Quick ونفرغ الباكيه اللي في النصف لأنها بتمثل فانوس السلم .
3- المفروض تكون متخيل شكل السلم قبل ما ترسم . نحسب المناسيب :
بنحسب ارتفاع القائمه = ارتفاع الدور 3 متر / عدد القوائم وليكن 18 =16.60 سم . بعدها نحسب منسوب اول صدفه 6 قوائم في 16.60 = امتر وكذلك منسوب تاني صدفه(2.00) واخيرا منسوب بسطه الدور الاول(3.00)
4- بعدها هتحدد بلاطه اول صدفه بعد اول قلبه سلم وكذلك تحدد معها نقاط الاتصال بينها وبين القلبه اللي قبلها واللي بعدها . ومن قائمه Edit- Move- Z=1 . نفس الكلام مع تاني صدفه وال Z=2 . وبعدها نحدد 3 باكيات الخاصه ببسطه الدور الاول وتعملها Move ب Z=3 . وبأمر Replicate تعمله لأول باكيه ب z=-3 .
5- نرسم الاعمده بأمر رسم الفريم من الاربع اركان للسلم . وتوصف ركائزها Hinge .
6- بعدها نرسم الكمرات . ممكن ترسمها مكسره من البلاطه . او ترسمها تحت تشيل الحائط والسلم يرمي علي العمود مباشره .
7- بعدها خطوات سهله معاده خطوات توصيف القطاعات وتوصيف الاحمال طبعا من قائمه Assign .
8- خطوه مهمه وهي نتيجه استخدام امر Move المحاور ال Local بتتغير عن بلاطه لاخري فمن المهم انه يكون نفس المحور اتجاه في جميع البلاطات علشان في تحليل العزوم M11 , M22 يكون مضبوط . فمن علامه صح اللي فوق نظهر Local Axes للبلاطات وبعدها نحدد البلاطات اللي محورها مختلف غالبا بتكون بلاطه قلبه السلم . ومن قائمه assign-area-Local axes نلف المحاور 90 .
وبعدها تعمل 5 خطوات التحليل عادي جدا مع الاخذ في الاعتبار مستوي الحل 3D .
