22/08/2022
👈 لو شقتك مساحتها صغيرة !!! ومش عارف تفرشها ازاى صح 🤔😢 ؟؟ شوف البوست دا هايفرق معاك جداً 😊👇
1 - علشان تعرف تفرش الشقة صح فى حالت مساحتها صغيرة يبقى لازم نتفق على قاعدة تخليها عندك طول ما احنا ماشين فى تشطيب وفرش الشقة , ان اى الوان هانستخدمها فى اى حاجة فى الشقة من اول الارضيات للسقف لابواب الغرف او غيره او حاجة فى الشقة تكون الوان فاتحة ومحايدة 🧡ودا طبعا ليه اسبابه .
2 - فى حالة إن حضرتك عندك الفرصة فى تقسيم مساحة الشقة ,لازم تستغل كل متر فى الشقة الإستغلال الأمثل بحيث إننا ننفذ الأولويات الأول زى ( غرفة نوم رئيسية – مطبخ – حمام – غرفة معيشة / صالون – غرفة نوم آخرى ) وبعدها يجى ( ريسبشن منفصل – حمام ضيوف وهكذا.. 👌 ) .
3 - نيجى بقى للألوان 🎨, زى ما اتفقنا هانستخدم الوان هادية ومحايدة , طيب لو حضرتك عايز استخدم الوان غامقة مفيش مشكلة بس بنستخدمها بصورة قليلة جدا وفى الألوان القوية لازم تستعين بحد لإنها فى الحالة دى بتستخدم بس بنسب بسيطة 🤏 .
4 - يفضل إستخدام لون موحد للحوائط والسقف ولو السقف لون والحوائط لون يبقى تكون اللوان متقاربة جدا من بعضها 😊.
5 - فى حالة إستخدام ورق حائط والستائر واى اقمشة مستخدمة تكون تفاصيلها بسيطة وصغيرة , لأن غير مفضل تفاصيل كتير فى المساحات الصغيرة 👌.
6 - إستخدم خامات تدى الإحساس بالإتساع زى 🤔, كل الخامات الفاتحة , اللى فيها لامعة , المرايات , الخامات الشفافة مثل الزجاج , الأخشاب اللى درجة لونها فاتحة 🧡.
7 - إستخدم طراز يكون يتجه للبساطة , اى طراز فيه تفاصيل كتير ابعد عنه احسن ✨🧡.
8 - فى قطع الأثاث 🪑, إستخدم أثاث يكون بسيط فى الحجم والتصميم ويفضل تكون الوان الخشب وقماش التنجيد تكون الوان فاتحة برضه , إستخدام كنب أكثر من الفوتيهات ويفضل إن طربيزة السفرة تكون مستديرة والقرصة بتاعتها من الزجاج وكراسى السفرة تكون صغيرة وتصميمها بسيط 👌, حاجة أخيرة ومهمة يفضل إستخدام أثاث تكون مرتفعة عن الأرض يعنى مثلا ليها أرجل ويكون فى فراغ تحتها حاجة بسيطة طبعا بتدى احساس حلو بالإتساع .
9 - وفى الإضاءات ✨, لو تقدر وعندك إمكانية إنك تكبر مساحة الشباك علشان تزود من الإضاءة الطبيعية لإنها بتتدى إمتداد بصرى أكبر وبالتالى إحساس بالإتساع فى الغرفة , وهنا بنعتمد على إضاءة صفرا وبيضا وطبعا يفضل إستخدام وحدات إضاءة حجمها صغير 😊, نصيحة أخيرة فى الإضاءة لا يفضل نهائياً إستخدام إسبوت كتير فى السقف زى ما بنشوف لإن دا بيعمل دوشة كبيرة وتشتت للعين وبيكون شكلها سئ جداً .
10- خدها قاعدة كدا لازم التصميم ميكنش فيه كركبة ولا زحمة يعنى ميكنش فى " أسلاك باينة – عناصر ملهاش أهمية – إكسسورات ملهاش لازمة " 👍.
11- إستغل الأركان إنك تعملها أماكن للتخزين بصورة رأسية .
12- راعى مسارات الحركة كويس 👏.
13- إستخدم كورنيشة تكون تفاصيلها وتصميمها بسيط ولو حضرتك هاتعمل جيبسوم بورد ياريت يكون سقوطه وتصميمه عن السقف بسيط جدا بلاش بهرجة دا فى الأخر بيطلع شكل شئ جداً .
14- إستخدم أرضيات تفاصيلها تكون بسيطة والوانها تكون فاتحة ولو خامتها ليها لامعة يكون أفضل .
15- يفضل إستخدم أبواب ألوانها تكون فاتحة أو أبواب مكسية بمرايات أو أبواب جرارة زى ( pocket door – accordion door ) 🚪.
16- إستخدم ستارة تكون الوانها فاتحة ومتقاربة مع لون الحائط 👨🎨.
17- إستخدم سجاد يكون تصميمه بسيط وميكنش كبير علشان يدى مساحة للأرضية إنها تظهر .
18- لو هانستخدم إكسسوارات يفضل طبعا إنها تكون بسيطة فى التصيم ويفضل إستخدام المرايات لإنها بتدى إحساس بالإتساع 🖼.
19- النباتات من أهم العناصر اللى ممكن نستخدمها فى المساحات الصغيرة هى النباتات لإنها بتدى حياه للغرفة 🌿.
20- وضع التلفزيون يفضل إن هو يكون معلق أو يكون فى مكتبها عمقها صغير ( المهم ميكنش فى أسلاك باينة ) 🖥.
21- إستغل البلكونة كأنها غرفة منفصلة ✨.
22- لو المساحة فى الحمام ضيقة يفضل إستخدام كابينة شاور مش بانيو ويفضل كمان نعمل تخزين تحت الحوض ومقاسات الحوض التواليت متكونش كبيرة 🤝.
23- المطبخ لازم فى المساحات الصغيرة تصميم الدواليب يكون مدروس جدا مع إستخدام ألوان فاتحة ويفضل عمل الكاونتر او الرخامة بلون فاتح .
24- اخر حاجة علشان عارف إنك تعبت حاول تستخدم فكرة أثاث متعدد الأغراض ✍️ زى كنبة ممكن تتفرد لسرير علشان لو جالك ضيف هايبات عندك .
👈استنوننا فى البوست اللى الجاى 💪😍 .
واتمنى فعلا تكونو استفدتو 🧡❤️ .
