19/02/2020
فيه شركات كتير بتلجأ لعقود اذعان.. يعني الشركة بتثبت في العقد كل حقوقها وتقيد المشتري بالتزاماته.. وفي نفس الوقت بنود التزاماتها بتبقى غير واضحة ( مثلا في المجال العقاري بنود التشطيب غير واضحة .. الشرط الجزائي على الشركة حال التأخر عن موعد التسليم برقم لا يناسب الضرر على المشتري.. ووضع فترات سماح لموعد تسليم العميل تتجاوز ثلاثة أشهر.. و و و ... الخ )
متمضيش عقد مش ضامن حقوقك في أي منتج... متمضيش عقد اذعان.. فريق المبيعات اللي حيقولك صيغة عقدنا ثابتة ومش ممكن تعديل العقد لما تطلب بند يثبت حقك .. سيبهم وامشي مهما كانت المغريات... اي شركة محترمة بتتفهم طلب العميل المنطقي وبتحققه.
من حق الشركة تحط شرط فاسخ وتضمن حقها حال عدم التزام العميل .. لكن العميل من حقه يعرف هو حيستلم ايه وامتى ويتطلع على كل ما يخص المنتج .
رضا العميل ملهوش علاقة بس بطريقة الإستقبال والتواصل والرد .. رضا العميل بيتحقق بأفعال والتزام و تكاليف.
و مبقاش رفاهية زي زمان .. النهاردة العميل عنده بدايل كتير وبيفهم و يقدر بجد يكبرك ويقدر مجهوداتك او يحجم عن التعامل معاك هو و دايرة معارفه.
