27/10/2025
السلام عليكم
نصائح للمقبلين علي شراء شقة او وحدة سكنية /
اولا بتتأكد ان انت ليك حصة في الأرض
ثانيا الشمس مهمة جدا جدا جدا للسكن اهم من دخول الهواء نفسه. .
اهم اتجاه هو الاتجاه الشرقي يليه الاتجاه الشمالي يليه الغربي يليه القبلي او الجنوبي...
افضل اتجاه للوحدة السكنية لو هتشتريها ع شارعين او اتنين فيو
يكون الشرق الشمالي دي ممتازة بتاخد نسبة 85٪ ف النفع والإفادة من شمس الشروق واتجاه الرياح
تاني اتجاه غربي شمالي دة نسبته 60٪
تالت اتجاه هو شرق غرب دة نسبته 60_65٪
*رابع اتجاه شمالي ودة نسبته 60٪
*خامس اتجاه يكون شمال جنوب دة بيعمل مسار حركة ممتاز من الشمال للجنوب ودة نسبته 70٪ دة اللي بيخليك تستفاد صح من اتجاه حركة الهواء في الشمال طبعا دراسة اماكن الفتحات صح في التصميم المعمارى ووضعها في اماكنها المظبوطة بيساعد اكتر مسارات الهواء انها تتحرك بطريقة صح..
اتجاه الأخير هو القبلي أو الجنوبي ودة غير مفضل الا لو مضطر بفيو مميز مثلا لاندسكيب مثلا شارع هادي مثلا منطقة مهمة مثلا انهار، بحور كدة..
**ملحوظة مهمة **
لو هتشتري شقة دور اخير اتأكد انه عزلها عزل حراري ورطوبة وفرق السعر يستاهل ضعف مرتين او تلاتة قيمة عزل السقف الاخير..
فرق سعر الوحدة ف الدور الاخير عن باقي الشقق 20٪
افضل الأدوار ف المناطق المفتوحة التاني والتالت والرابع..
افضل الأدوار ف الكومبوندات التاني والتالت والأول علوي...
الدور الأرضي مفضل ف حالة فيه كبار سن او حالات خاصة او فيه افادة من حديقة ملحقة..
باقي الأدوار تزيد أهميتها او تقل على حسب المطل او الفيو ..
**ملحوظة 2**
خلي بالك
من التهوية /التهوية لو كانت طبقا لقانون البناء انت كدة مستفاد من التهوية حتى لمنافعك..
او المناور او التهوية غير قانونية ( ارجع لقانون البناء الخاص ببلدك) بيقل في السعر جدا بنسبة لا تقل عن 15٪ عن فرق الوحدات السكنية الآدمية او المطبقة لقانون البناء..
*فيه ملاحظات تانية بتتعرف في الموقع نفسه*
زي سوء التصميم المعمارى نفسه للوحدة السكنية وسوء توزيع المساحات وكذلك سوء اماكن الفتحات أو عدم وجود خصوصية داخل الوحدة السكنية نفسها او علاقتها بالوحدات المجاورة..
كل المحددات دي بتحدد قيمة سعر الوحدة السكنية..
فيه وحدات سكنية غير آدمية لا تستحق ربع تمنها المعروض تؤتي بالأمراض لساكنيها ع ممر الزمن..
اتمني يكون البوست دة مفيد
