04/11/2022
FADLIGA MAALINKA JIMCAHA IYO AADAABTEEDA
Jimcaha waa maalin fadli badan, waayo waa ciidda muslimiinta, oo ay ku kulmaan masaajidka iyagoo kakala yimi meelo kala fog si ay u dhagaystaan xuska Alle iyo wacdiga Imaamka. Qofka haduusan dhageysan wacdi muddo dheer qalbigaa mirira marka xigana ka awdma
Nabiga (SCW) wuxuu yiri:
(Dadka hadii eeyan ka joogin ka tegidda ay ka tegeyaan salaadaha jimcooyinka Ilaahay wuxuu ka dabooli doonaa quluubta, kadibna waxay noqonayaan kuwo kheyrka halmaansan.)
Jimcadu waxay ka mid tahay xilliyada samadu furan tahay oo hadduu addoonku ducaysto Ilaahay ka aqbalayo ducada. _gaar ahaan xilliga galabkii_
Nabiga (scw) wuxuu yiri:
(Maalin ay qorraxi soo baxdo waxaa u kheyr badanmaalinta jimce, waayo waa maalintii la abuuray nabi Aadam, waana maalinta jannada la geliyay,waana maalintii janada laga soo bixiyey, qiyaamaduna dhici mayso maalinaan jimco aheyn)
Alle kor ahaaye wuxuu noo dardaarmay in loo degdego salaadda jimce marka laysugu yeero wuxuuna Alle yiri:
(Kuwa Alle iyo xaqa rumeeyow marka la adimo salaadda jimce u degdega xuska Alle kana taga wax kala iibsiga sidaasaa idiin kheyr roon haddaad tihiin kuwo wax garanaya)
Haddaba waxaa habboon in loo darbado jimcaha oo qofka muslimka ah uu qubeysto oo weyso qaato, Nabiga (Scw)wuxuu yiri:
(Qof kasta oo muslim ah waxaa ku waajibay inuu qubeysto maalinta jimcaha iyo inuu ku labisto dharkiisa kuwa ugu wanaagsan, iyo inuu iscarfiyo hadduu heli karo)
Maadaama jimcaha loogu talagalay in dadka la wacdiyo lana waaniyo waxaa waajib ah in la dhageysto khudbada imaamka, mana banaana in la hadlo ama la buuqo intey khudbadu socoto nabiga (scw) wuxuu yiri:
(markuu Imaamka khudbeynayo, Ruuxii saxiibkii ku yiraahda “aamus” waa mid micno darro ah)
Hadduuse qof qaldamo oo uu hadlo ama buuqo waxaa waajib ah in laga aamuso intey khudbadu socoto kadibna si xigmad leh loogu sheego.
By: hon mahamed ilkadahab
