Dhaloota Abbaa Jifaar

06/01/2023

Obbolawwan baga ayyaana qillee geessan!

20/09/2022

Mootii koo

16/05/2022

Gaafan Du'e Sarbaa ijoollee
Jimmaa keessatti na awwaalaa!

16/05/2022

Gaafan Du'e sarbaa ijoollee
Jimmaa keessatti na awwaalaa!

16/05/2022

Gaafan Du'e sarbaa ijoollee
Jimmaa keessatti na Awwaalaa!

31/03/2022

18/03/2022

Osoon an siif jiruu
Maaliif sitti qorraa
Anatoo siif jiraa
Dhufteen raftuu narraa

Harka koo boraafattee
Sirritti na hammattee
Silaa qorri sin tuquu
Hirriba nagaa raftee

Jireenya kophaa dhiisii
Kottuu na waliin ciisii
Yoo guyyaa sittin tollee
Halkan kottu qaxxisii

Maal abbaashee yaaddoftaa
Kophaa! kophaa! koo jettee
Na waliin dhufteen raftuu
Harka natti marattee

Yaadaan ofin fixinii
Anis akkuma keetii
Sirriittin si barbaadee
Ciisa kophaa jibbeetii

Maaliif namaan mar'iattaa
Yaada kee situ beekaa
Namni hammaa namaan toluu
Walirraa nama eegaa

Mataa of dhukkubsitee
Yaaddoon maa of qaaqiltaa
Osoon ani siif jiruu
Mee akkam kophaa bultaa

Yeroo na waliin raftuu
Hin muusoftuu hin mugduu
Waan araada kee ta'ee
Yoo suusoftes hin dhabduu

Qaamni kee si lallaafee
Kan ergasii dadhabuu
Natu soorata laataaf
Dawaasaa kanin qabuu

Isa na yaadaa turtee
Yaadannoo erga yoomii
Guntuta keen ichimaa
Buruksee akka loomii

Isan osoon si hawwuu
Si argadhe waggaattii
Hidhii kankee nan hodhaa
Akka muca sawwaattii

Gaafan siyaadaa turee
Dugdaanin lafa ciisaa
Har'a sooressummaa koo
Laphee kee gubbaan ciisaa

Gaafan kophaa koo buluu
Wayaan qaldiin nan gahuu
Har'a yoo qullaa bulles
Kunoo qorri nun dhahuu

Sillee bagan hambisin
Waaqni kankee kophaatti
Natti marattee raftaa
Kunoo akka bofaattii

Baguma na argattee
Silaa kan kophaa teessuu
Kee guyyaan gammachuudhaa
Yeroo galgalli geessuu

Anis bagan kee ta'ee
Osuman si gunja'uu
Akka nan miine beeki
Miidhamnaan lafaan ka'uu