Oromia police Voice

20/06/2026

Humna Poolisii: [Eegdota Ummataa)

Humni poolisii seera kabachiisuu qofaan kan daangeffame miti; akkasumas seera haala gaariin kabachiisuu, yakka ittisuu, ummata eeguudha. Harka mul’ataa seeraa, dha’annaa onnee haqaa, gaachana nagaa ti. Sirritti yoo itti fayyadamnu nagaa ni mirkaneessa; yeroo miidhamu sodaa uuma.

Humna poolisii eenyu akka itti fayyadamu, akkamitti, kaayyoo kamiif akka fayyadamu irratti hundaa’uun humna sirnaa yeroo tokkotti hawaasa tokko baraaruu ykn balleessuu danda’u waan ta’eef adda.

Humni poolisii hojiiwwan gurguddoo sadan armaan gadii ni raawwata: 1.1.

• Raawwii: Lubbuu, bilisummaa, fi qabeenya lammiilee tiksuu. Poolisiin hawaasa qaroome fi rakkina gidduutti toora ittisa jalqabaati.

• Ittisa: Yakki osoo hin uumamin dura dhaabuu; kunis argamuu, odeeffannoo walitti qabuu, hawaasa waliin wal amantaa uumuu gaafata.

• Eegumsa: Sirna hawaasummaa eeguu, tasgabbii hawaasummaa misoomaa fi haqaaf barbaachisaa ta’e mirkaneessuu.

Aangoon poolisii yaad-rimeewwan gurguddoo afur irratti hundaa’a: 1.1.

• Tiyoorii Waliigaltee Hawaasummaa: Aangoon poolisii ummata irraa dhufa-lammiileen bilisummaan isaanii poolisiin akka eegamu tumsu.

• Max Weber’s Theory of Legitimate Power: Poolisiin qaama aangoo seera qabeessa mootummaan humna fayyadamuuf qabu calaqqisiisu qofaadha.
• Broken Windows Theory: Rakkoon xixiqqoo jeequmsaa osoo hin to’atamne yakka cimaa fiduu danda’a. Poolisiin rakkoolee xixiqqoo osoo yakka gurguddaa hin ta'in furuu qaba.
• Poolisii Hawaasa Bu’uureffate: Aangoon kan argamu sodaa osoo hin taane amantaa irraati. Poolisiin humna fayyadamuurra tajaajila kenna.
Dhaabbileen poolisii ciccimoo fi naamusa qaban faayidaa barbaachisoo hammana hin jedhamne kan kennan yoo ta’u; isaanis: Tokkoffaa, hawaasa nagaa uumuu fi amantaa hawaasummaa sadarkaa olaanaa horatu. Lammaffaa, nagaa fi sirna kan guddisan yoo ta’u, kunis dabaree isaatiin guddina dinagdee fi invastimantii ni guddisa.itti fifa....✍️

20/06/2026

😭Taatee 😭 Gaddisiisaa😭

🙈Barataa Reeffa Haadha isaa Manatti Dhiisee Qormaata fudhate; seenaa onnee Namoota boochise, Khalid jedhama.

🙈 Barataan kun umurii mana kurnanii keessa jira Khaalid Qaasim jedhama; obboleeyyan quxusuu 2 fi Haadha isaa waliin, Bulchiinsa Mag Shaggar, kutaa Magaalaa Eekkaa Xaafoo keessa jiraachaa jira.

🙈 Dubbiin Haadhaa jabduudha; haati Khaalid yeroo akka malee dhukkubsattetti, ilma ishee Khaalid ofitti waamtee waada akkas jedhu galchite " Ani Waan fedhe ta'us Qormaata kutaa 8ffaa waggaa guutuu barachaa turte akka hin dhiisne" jettee waadaa galchite.

🙈 Khaalidis; dhukkuba hamaa Haadha isaa ilaalaa Rifannaa keessa kan ture, waadaa onnee Haadha isaa akka hin cabsineef fudhate, qormaanni eegaluuf sa'aatii muraasatu hafe keessatti haati isaa du'aan boqotte.

🙈 Khaalid du'a tasaa Haadha isaatiin gadda guddaa keessa gale, Gadda isaa kana keessatti waadaa Harmee koo hin gatu jedhee jedhee garaa isaa ciniinnatee, Qormaata ganama Reeffa Haadha isaa mana kaa'ee, imimmaan isaa duguuggataa gara galma qormaataatti qajeele,

🙈 Qormaata ganama dhiibbaa xiinsammuu guddaan xummuree gara awwalcha Haadha isaatti deebi'uun Haadha isaa awwaallatee, Qormaata waaree boodaas fudhate,

🙈 Mucaan xiqqaan kun umurii kanatti itti gaafatamummaa hanga kana ga'u itti kenname ni baate, Haadha Khaalid lubbuu ishee waaqayyo haa haa maaru jechaa, Khaalidifis waaqayyo jajjabina haa keennu.

18/06/2026

Poolisiin Oromiyaa meedaliyaa Gootummaa sadarkaa 1ffaa Abbaa Goota keenyaa Saajiin Dani'eel Faayisaa obboo Faayisaa Ijjiguuf kenne.
‎
‎Waxabajjii 10/2018
‎
‎ Sirna kenninsa meedaliyaa Gootummaa kana irratti Jeneraal Dirribaa Mokonnin Ajajaa Walii galaa Poolisii Oromiyaa,
‎Itti Aanaa Komishinaraa Jeneraalaa fi Hoggaana Qajeelcha Muummee Bulchiinsa Humna Namaafi Loojistiksii Poolisii Oromiyaa Komishinaar Itti Aanaa Abbabaa Laggasaa ,Itti Aanaa Ajajaa walii galaa fi Itti gaafatamaa Qajeelcha Muummee Ittisaa yakka Poolisii Oromiyaa Itti Aanaa komishinaraa Darajjee Bayyisaa, Qondaaltonni Olaanoon Poolisii Oromiyaa akkasumas Maatiin wareegamaa argamaniiru .

‎Jeneraal Dirribaa Mokonnin ergaa dabarsaniin saajiin Dani'eel Faayyisaa goota addatti gotni kun goota saba kana goota biyyaa kanatiif wareegameedha jedhan.
Saajiin Dani'eel Faayyisaa lafa kana irratti seena hojjete darbeera kanaf seenan bara baraan yaadata jedhaniiru.

Itti Aanaa Komishinaraa Abbabaa Laggasaa ergaa dabarsaniin Saajiin Dani'eel Faayisaa nageenya naannoo fi biyyaa keenyaaf kan wareegame hojii goota tokko irra eegamu hojjete kan darbee fi seenaan isaa bara baraan kan yaadatamuu ta'uufi meedaliyaa Gootummaa sadarkaa 1ffaa maati isatti kan kennamee ta'uu himaniiru.

‎Jeneraal Dirribaa Mokonnin meedaliyaa Gootummaa sadarkaa 1ffaa sartifikeetii isaa waliin,Gulantaa Itti Aanaa saajiin irraa garaa Saajiini,akkasumas kennan mallaqaa maatii goota kanaatiif kennaniiru.

Saajin Daani'eel Fayyisaa Ijjiiguu Abbaa isaa obboo Fayyisaa Ijjiiguu fi Haadha isaa Addee Waahindhibnee Ayyaana irraa Amajjii 07/bara 1995 Godina Wallaggaa Lixaa Aanaa Boojjii Dirmajjii ganda Agaloo Meexxii jedhamu keessatti dhalate.
‎
‎ Umuriin isaa baruumsaaf geenyaan mana baruumsaa sadarkaa 1ffaa bakkuma dhaloota isaatti kutaa 1-5 kan barate yoo ta’u,kutaa 6-8 immoo Magaalaa Najjootti mana baarumsaa Leetenaal koloneel Abdiisaa Aagaatti barate.
‎
‎Isa booda fedhii loltummaa qabu irraa ka’uun bara 2013 miseensa Poolisii Oromiyaa ta’ee dorgomuun filatamee ogummaa poolisummatiin erga leenji’ee booda hojiidhaaf bakka adda addaatti ramadamee hojjachaa tureera.
‎
‎Guyyaa qabsoo Poolisii Oromiyaatti makame irraa kaasee Roorroo fi dhibbaa farreen nageenyaa kallatti adda addaatiin uummata oromoo irraan gahaa jiran ittisuuf beelaa fi Dheebuu jedhee otoo hin jilbeeffatiin baddaa fi gammoojjii Oromiyaa guutuu keessatti goototaa fi jaallewwan akka isaa waliin qabsoo gootummaa gaggeessaa ture.
‎
‎ Dirree Oromiyaa dirree nagaa fi tasgabbiin keessatti dagaagee fi mirkanaa’e gochuu fi diina uummata Oromoo kan akka ABO shanee fi Finxalleeyyii Faannoo dura dhabbachuun gahee gootummaa gumaacheera.
‎
‎Goota keenya, Saajin Daani'eel Fayyisaa Ijjiiguu Inni, goota uummata isaa tiksuuf ofii isaa wareegee, nagaa fi tasgabbii Oromiyaa mirkaneessuuf, lafa lolaatti rasaasaa fi boombii fixee aarsaa guddaa kaffaleedha.
‎
‎"Lola Godina Gujii Bahaa Aanaa Aagaa Wayyuu gandaa Burii Ejeersa iddoo addaa Magaalaa Daawwaa ykn net workii jedhamutti gaafa guyyaa 23/9/2018 ABO shanee waliin gaggeffamee keessatti, inni ofiisaa wareegamee miseensota poolisii Jaallewwan isaa baay'ee baraaree wareegamuu isaatiin nagaa uummata keenyaaf gatii guddaa kaffale."Seenaan gootummaa saajiin Daani'eel Fayyisaa hundaa keenyaaf fakkeenya ta'eera.
‎
‎Gootummaan kee seenaa, aarsaan kee gaachana; rasasni kee nagaa, lubbuun kee wareegama biyyaa ta'ee maqaan kee ni yaadatama.
‎Oromiyaan goota ishee hin irraanfattu; maqaan kee lola keessatti wareegamte sun bara baraan ni jiraata.

‎Maqaa kee dhaga'ee, seenaan si waama, gootummaa keetiin lubbuun kee bara baraan jiraata.
‎Ati miseensota Poolisii Oromiyaatiif, fakkeenya taate.
Gotummaan kees seenaa fi siidaa dhalootaa fi poolisii Oromiyaa ta’ee bara baraan ni jiraata.
‎Poolisiin Oromiyaa dirqama irratti wareegamu Saajiin Daani'eel Fayyisaa gadda itti dhaga’ame ibsaa, Waaqayyoo jannataan yaa gahu jechaa maatii fi firoottan isaaniitiif jajjabina hawwa.

16/06/2026

14/06/2026

Poolisiin Oromiyaa, eegduu nageenyaa fi mallattoo gootummaati.

05/06/2026

Nageenyi keenya mootummaa fi uummata keenyaaf qabeenya guddaa dha. Nageenyi yeroo mirkanaa’u hojii misoomaa saffisaan adeema jireenyi uummataas fooyya’a. Kanaaf nageenya tikfachuu keessatti mootummaa fi Qaamolee nageenya qofa osoo hin taane lammiileen hundi gahee isaanii bahuun barbaachisaa dha. Tokkummaa, waliigaltee fi hojii cimaadhaan nageenya keenya cimsinee biyya keenyaa dhaloota irraa dhalootatti ceesisuun dhaamsa keenya.@