Little T Cleaning Services

Little T Cleaning Services Cleaning Service in Birmingham

18/07/2026

🤩Imagine ANATOLY joining our cleaning team…🤭💪🏻

We already deliver ✨spotless results.✨

With him on the team, things could get rather unfair for the dust. 🧹🤣

🤩Imagine ANATOLY joining our cleaning team…🤭💪🏻We already deliver ✨spotless results.✨With him on the team, things could g...
18/07/2026

🤩Imagine ANATOLY joining our cleaning team…🤭💪🏻

We already deliver ✨spotless results.✨

With him on the team, things could get rather unfair for the dust. 🧹🤣

☀️ Working in this hot weather is really tough on everyone!🔥🥵But receiving a customer’s kindness and support really give...
26/05/2026

☀️ Working in this hot weather is really tough on everyone!🔥🥵
But receiving a customer’s kindness and support really gives us an immediate boost of motivation 💛
We’ve already passed this thoughtful red pocket (bonus) 🧧on to our hardworking team members, and everyone is really happy 🥳
Thank you for the customer’s understanding and encouragement. We will continue to take care of every cleaning detail with heart! 🧽✨

#感謝 #清潔團隊 #夏天辛苦但值得 #用心服務 #完約屋清潔

🖌️⋯📮⋯💪🏻💪🏻💪🏻
07/05/2026

🖌️⋯📮⋯💪🏻💪🏻💪🏻

💖更新：搵到喇🙏🏻🙏🏻🙏🏻早日康復！🙏🏻 Please share 🙏🏻 願平安🙏🏻
04/05/2026

💖更新：搵到喇🙏🏻🙏🏻🙏🏻早日康復！

🙏🏻 Please share 🙏🏻
願平安🙏🏻

15/04/2026

**Please help**
Volunteer Driver Service needs more volunteer drivers in and nearby Solihull, as we have clients in the area who need help getting to essential appointments. Some of these journeys are just short hops across town. If you have a car, some spare time, and would like to make a difference in your local community, we'd love to hear from you.
• Receive 45p per mile starting from your door
• Flexible volunteering - you choose when you’re available

Please email:
[email protected]
to find out more

**If this isn't for you PLEASE SHARE as it might be perfect for someone you know**

🌚經一事 蔡一智｜Steam 🆚 Dry 地毯清潔小知識💡原來 Steam Cleaning 未必真係蒸氣？平時講到地毯清潔，好多人都會聽過 Steam Cleaning 同 Dry Carpet Cleaning。究竟兩者有咩分別？以下...
05/04/2026

🌚經一事 蔡一智｜Steam 🆚 Dry 地毯清潔小知識💡原來 Steam Cleaning 未必真係蒸氣？

平時講到地毯清潔，好多人都會聽過 Steam Cleaning 同 Dry Carpet Cleaning。
究竟兩者有咩分別？以下係一篇關於地毯清潔方法嘅簡單介紹（中英文資料整理）。

⸻

1. Steam Cleaning Method

蒸氣清潔方法

所謂 Steam Cleaning，其實並唔係真正用蒸氣清潔，而係一種 Hot Water Extraction（熱水抽洗） 方法。以下係基本步驟：
1. 先用吸塵機簡單吸塵，清除較大粒嘅污垢，以免影響清潔過程。
2. 噴上清潔劑預處理（pre-spray）。噴劑入面嘅成分會鬆開地毯表面嘅頑固污垢，並滲入地毯纖維。
3. 有些技術人員會用刷或者微纖維墊將清潔劑刷勻。不過呢個步驟並唔一定需要，主要視乎地毯纖維種類。
4. 之後進行熱水抽洗。使用清潔機將熱水噴到地毯上，再將預先噴上嘅清潔劑、污垢同污水一齊抽走。原理有點像使用吸塵機配合水進行清潔。

呢種地毯清潔技術係深層清潔最常用嘅方法，亦係大部分地毯清潔公司採用嘅方式。

唯一嘅缺點係：
清潔後通常需要 至少24小時 才可以再次踩上地毯。

因此比較適合安排喺週末外出或者旅行期間進行清潔。

⸻

2. Dry Carpet Cleaning Methods

乾式地毯清潔方法

乾洗其實有 三種不同方法，但只有其中一種係真正完全乾洗。
之所以稱為乾洗，是因為過程中使用嘅水量較少，所以乾燥時間通常只需幾個小時。

以下係幾種方法嘅簡單介紹：

1. Dry Powder Cleaning（乾粉清潔）

吸附式乾粉會撒喺地毯表面，或者用專用機器均勻鋪開。
乾粉含有少量水分，用作吸附載體、清潔劑同溶劑。

佢嘅作用好似無數細小海綿吸走污垢同灰塵。
當乾粉乾咗之後（約30分鐘），再用吸塵機吸走。

⸻

2. Encapsulation Cleaning（封裝清潔）

使用旋轉機器將 聚合物清潔劑 打入地毯纖維。

呢啲清潔劑會包裹住污垢同灰塵，等乾咗之後形成細小結晶，再用吸塵機吸走。

乾燥時間大約 20–30分鐘。

⸻

3. Bonnet Cleaning（Bonnet 清潔）

呢個係比較常見嘅乾式清潔方法，原理同封裝清潔有些相似。

不同之處係會使用 無泡清潔劑 或者 梳打水，並先噴上預處理清潔劑。

之後使用旋轉機器配合 bonnet 清潔墊，將地毯表面嘅污垢吸走。

乾燥時間大約 6–10小時。

⸻

3. How to Know Which Method Is Best?

點樣知道邊一種方法較適合？

如果地毯有較多舊而頑固嘅污漬，或者已經使用多年，看起來比較舊，一般會需要 專業蒸氣清潔服務。

使用乾洗方法時，舊污漬可能會褪色，但仍然存在，而且容易再次吸附新污垢。

如果只係想自己簡單清潔一下地毯，可以考慮 乾粉清潔方法。
例如使用 小蘇打粉加少量精油 作為吸附粉，都可以達到類似效果。

⸻

不建議自行嘗試其他方法，原因包括：
• 專業清潔公司使用嘅清潔劑一般市面未必買到
• 自己操作可能會使用過多水分，導致地毯受損
• 不同地毯物料需要不同清潔方式
• 如果乾洗方法操作不當，可能導致再次積聚污垢或損壞地毯
• 蒸氣清潔技術較複雜，如果沒有相關經驗並不建議自行嘗試

⸻

📖 資料來源

https://crowncleaners.org.uk/carpet-cleaning-steam-cleaning-vs-dry-cleaning

今日有好多舊客突然搵我⋯真心抱歉，要你哋擔心🙇🏻‍♀️同時好多謝大家咁信任同撐我哋。🙏🏻我真係好對唔住大家，累你哋比人屈咗做「打手」。我呢啲忙到連幫公司出post都懶嘅，原來係有打手，點搞呀🫣香港人興用「打手」嘅咩？我真係唔知😐識我哋公司嘅...
03/04/2026

今日有好多舊客突然搵我⋯真心抱歉，要你哋擔心🙇🏻‍♀️同時好多謝大家咁信任同撐我哋。🙏🏻我真係好對唔住大家，累你哋比人屈咗做「打手」。我呢啲忙到連幫公司出post都懶嘅，原來係有打手，點搞呀🫣香港人興用「打手」嘅咩？我真係唔知😐識我哋公司嘅都知我一向零宣傳，不論FB，IG，WhatsApp group 等等都極少，近乎無 ，估唔到今日竟然有人未經我同意之下幫我宣傳 。😔事件仲蔓延到不同嘅Solihull 香港人街坊群組 。好多謝我嘅舊客戶主動報料，或主動出聲幫我哋討回公道，辛苦晒大家喇🙇🏻‍♀️🙇🏻‍♀️🙇🏻‍♀️抵我真心對你哋，今日終於可以攞返小小credit 🤪
我啱啱做完嘢，都係時候交代一下呢個所謂嘅「警世文」🙏🏻
「香港人坑香港人」⋯坑？係咪要用煲冬瓜讀出嚟先順口？香港人會用「坑」定「呃」？其實呢件事我都屈咗幾個月，都係時候出下聲。成件事不如話「蟈人坑香港人」會更貼切 。
事原係25年9月嘅時候有位舊客同我講，有人喺Solihull 嘅WhatsApp group度搵人幫手新屋清潔同洗地氈，我話好，咁你叫佢打比我啦。跟住無耐就有個WhatsApp 名叫「Susanne」嘅人WhatsApp 我。要求我幫佢新屋做Carpet cleaning 同埋end of tenancy cleaning 。佢當時問咗我一句係咪steam？我衰女😑不以為意答咗一句「係」。因為有好多客，包括地產經紀，都會用Steam clean嚟形容deep clean（地氈、床褥、梳化等等），我真係無時間解釋咁多，總之我知佢想點，完成佢哋要求嘅任務就係喇⋯點知原來呢個陷阱就係咁為我掘好咗喇 。

S小姐跟住提出一連串嘅要求：
·要幫佢新屋做全屋清潔
·要deep clean carpet 去塵蟎（個仔有哮喘)
·朋友嘅洗地氈機無高溫，殺唔到塵蟎
·要去鞋印（因為間屋比幾百人踩過嚟睇樓，有潔癖，幫手清乾淨啲）
·成屋都係舊地氈，要喺我搬入去之前整乾淨佢哋
·仲有兩個廁所，都係舖咗地氈（大家唔使驚訝，英國好多偏舊式嘅屋，真係會喺廁所浴室舖地氈。係好嘔心🤢，但我哋真做過唔少）
·我之後仲想定期搵你哋幫我清潔個地氈

對於佢上面嘅情況，我提出咗啲意見比佢，例如：
佢朋友既然有部洗地氈機，入熱水嚟洗，就係你要嘅效果
你啲地氈係上一手留低，咁舊，仲有廁所咁污糟，個仔又有哮喘，不如考慮拆晒佢啦（佢聲稱個仔跳得好勁，驚比鄰居投訴，又話諗住搬好先再搵人拆）
提議佢要洗咁密就自己買部機啦，唔使比錢我哋賺。
地氈唔可以洗得咁密，因為啲污水點都會走咗落去地氈嘅底層，隔咗一排之後你張地氈就會發臭，即是會損毁地氈嘅底層，到時真係要換地氈先搞得掂。
又同佢講如果你要做全屋清潔同埋洗地氈，你就應該要做咗全屋清潔先，如果唔係個地氈又會污糟返⋯

見到佢嘅要求，相信有常識嘅朋友仔都知道佢係需要洗地氈，唔係佢口中講嘅「Steam」。可惜我哋係做清潔唔係做教育嘅😑所以我冇特登去為呢個字解釋一番俾佢聽。但係勢估唔到原來就跌咗落佢嘅陷阱。

我睇完佢話要做end of tenancy cleaning 再加洗地氈（兩房、兩廁、加個廳、仲有兩個hallway）洗地氈從來都係續個area計，唔係就咁話「兩房apartment」….嗰一刻我心裡面已經知道個價都會幾甘吓😮‍💨我仲傻更更心裡面諗，香港人啱啱嚟到，買咗間屋，會好大壓力⋯所以報價時就主動比咗個折頭佢，洗地氈嗰度收佢£210（原價£300)算啦 。
隔咗一排，25年11月嘅時候S小姐就正式向我落booking，S小姐話個全屋清潔唔做住，之後先做，做咗個「Carpet deep clean 」先，記住，佢當時就係寫要「Carpet deep clean 」，not 「Carpet Steam clean 」。
原本約咗星期六上去，星期五晚S小姐突然話唔見咗抽鎖匙，要搵咗人開鎖先 。星期六又突然話「個鎖搞掂喇，你哋可唔可以聽日嚟做？」。我公司本身bank holiday同星期日係收1.5嘅，我心知佢趕住搬，又咁不幸，算啦，幫到就幫，一口答應咗佢就算 。
星期日我真係唔想打搞我啲伙記喇，人哋都有屋企，見近近地，於是我就拉咗我老公嚟幫幫手（其實近年我老公因為有自己嘅嘢忙，除咗幫我手train新人，基本上都無時間落場幫我哋咁滯）
去到嘅時候，因為S小姐遲到，我哋等咗陣，佢帶咗我哋上一間以前Council 賣出嚟嗰種舊apartment ，三樓，無𨋢⋯睇完之後，我負責影相，我老公落去攞機同架生就準備開工 。
S小姐同我老公一齊落咗去，佢個仔就喺樓梯度不停跑上跑落（幸好當時無發作—哮喘），但鄰居突然喺屋入面好大力咁狂拍牆😱我都嚇咗一跳，我叫佢唔好再跑 。接近15分鐘，我老公都未返上嚟。我從窗門望落去，原來我老公攞住啲架生同部洗地氈機企咗喺停車場同S小姐吹緊水 。大概20分鐘左右我老公終於搬嘢上嚟喇 。
S小姐就話帶佢對8歲左右嘅龍鳳胎話出去食嘢，交底間咗屋比我哋喇 。
當時見到間屋嘅玄關位（同時係廚房門口）幅地氈好多黑忟忟嘅油漬。兩個廁所嘅廁塔圍住晒明顯嘅尿漬。企缸邊都有污垢⋯房間嘅地氈部分已經曬到甩晒色 。我哋都只能夠盡能力處理 。

先講解一下，如果本身個Carpet嘅污跡油漬係太重嘅話，我哋唔可以因為要令到佢即時睇落乾淨，而不停重複咁樣去洗佢，令佢表面睇落乾淨。因為咁樣會令到個底層儲滿咗污水無法蒸發走，過一段時間之後地氈就會發臭，所以有專業知識嘅係唔可以咁樣做。（如果張地氈係你自己擁有嘅，咁你選擇咁樣做，由你自己承擔風險嘅就另一回事。）

最終結果係我哋幫佢洗走曬佢兩個廁所塔嘅尿漬，仲有浴室嘅老泥腳印污漬，又洗好房間、房間外嘅hallway同埋廳嘅大部分污垢 。至於廚房外面嗰幅地氈我哋盡能力都只係去到八九成左右。呢樣嘢我叫S小姐返嚟檢查嘅時候，我都有同佢解釋返個情況，佢當時表現明白。另外廳中間都有一撻污垢，疑似舊嘅咖啡/茶漬，亦都係無法完全清除。我都有向S小姐交代 。
我哋臨走嘅時候S小姐仲問我想俾現金定還是過數？我就話我未得閒開單俾你住，因為我哋趕住去買餸，星期日超市就嚟閂門，我話我聽日俾張單你嘅時候你先至入數俾我哋啦。我一心諗住大家都係香港人，唔通你會走我咩。同埋問心我哋做得個效果都好好，睇落佢都好開心咁⋯⋯但係似乎我天真咗。
到咗第二日我開單俾佢，佢突然之間發咗一大條訊息過嚟就話佢唔滿意今次個服務，仲傳咗張另一個牌子嘅洗地氈機嘅相片過嚟問我點解唔係用呢部機(嗰部同樣係要用熱水操作嘅洗地氈機，並唔係佢口中嘅steam)。Rug Dr只係家用地氈機，喺超市都租到，我自己做都得。我要Steam clean ，而你係用一部家用嘅洗地氈機加一啲chemical嚟同我做，唔係我要嘅嘢，話我不誠實陳述等等。然後就傳咗一張£120轉賬紀錄過嚟，仲聲稱已經俾咗個market rate比我哋。仲話自己要用emop （我諗佢想講steam mop)跟返，仲要再比錢人做多次steam clean。

我即時成頭問號❓
· emop（steam mop) 係咪清潔地板嗰啲？認真？點洗地氈？到底呢句嘢要幾無知先可以拎出嚟講成你唔找數嘅理由？
· Rug Dr喺超市租到，咁你真係肯搬咁重嘅機同架生撐樓梯上三樓？仲未計你買專業嘅地氈水。定你一早存心坤我？
·其實所有清潔用品都可以喺一般超市買到，清潔嘅嘢人人都可以自己做到，點解仲有咁多人搵人幫手清潔？仲有咁多鐘點清潔工人？比錢人係買時間，買人哋嘅專業知識，各取所需。
·S小姐傳比我嗰部機張相，一樣係要用熱水洗地氈，佢買嘅時候有個option 可以放買埋條發熱管外置入去即時幫水加熱。但因為部機體積太大，唔適合我公司嘅業務。所以我哋選擇咗另一款專業洗地氈機Rug Dr。
·根據S小姐咁講，我係咪要去告Rug Dr自稱專業洗地氈機？網上咁多好評，佢哋係用打手？
·既然你心裡面想要另一個牌子嘅洗地氈機，點解你同我拖住部Rug Dr嘅老公喺停車場傾咗20分鐘，都唔即時要求取消order? 做完嘅時候你嚟check都見到部機，你仲笑笑口嘅？即是有心嚟食霸王餐啦，做完嘢求其搵個藉口，掉低啲block咗我就了事？呢度大6呀？呢種行動極不尊重。
·Market rate?我公司當時個price list 由23年用到而家，雖然最低工資都加幾鑊，我免得過都唔想加價，增加大家負擔，夠食夠洗咪算囉。但幾時輪到GAO小姐你幫我定價錢？
·£210已經係主動discount咗比你，你仲要貪得無厭？
·如果Steam可以清走塵蟎、灰塵、鞋印、老泥、尿漬，咁用蒸氣熨斗蒸下咪得囉⋯或者喺屋入面閂晒門窗，狂煲熱水焗下都可以。
·如果世上真係有steam 嚟clean carpet（莫講話無），而我又用咗，咁即是無去除塵蟎、鞋印、灰塵、尿漬、老泥⋯咁S小姐一樣有大條道理唔比錢⋯即係點呀？🤯
·再睇入數記錄，係一個姓「GAO」嘅人入數。膠/鳩？我讀得書少😑我唔識⋯哦⋯不過我明喇⋯蟈乜都假，只有騙子是真的！

諗完一輪，我就諗住打個訊息同佢講解清楚。但發現原來GAO小姐已經block咗我WhatsApp 。
於是我就搵咗我公司一個比我有耐性好多嘅partner打去諗住同佢溝通吓，點知GAO小姐一開口就好凶咁話：「你哋Little T唔使打電話俾我喇，我已經比咗個goodwill 嘅價錢你哋，你哋而家虛假陳述，我都未告你呀，我而家係唔比錢㗎喇，你地咪去告我囉，我預咗同你哋玩嘢㗎喇！」
我公司partner同佢講其實我哋就係唔想搞大佢，影響到你入藉先同你傾啫 。
但GAO小姐依然堅持話叫我哋快啲去告佢，佢預咗要同我哋玩到底 ！
🤯What? £90，其實真係唔係咩錢嚟⋯但呢句「虛假陳述」點啃得落呀？家陣GAO小姐你賊喊捉賊喎😑
好啦，咁唯有去small claim度追討，幫香港人攞返個公道都好吖⋯⋯
當GAO小姐收到small claim嘅信之後就unblock返我嘅WhatsApp，發咗四個語音嚟恐嚇我，話我哋點解咁小事要去告佢？！仲揚言話「我係唔會找個尾數，已經比咗市場goodwill價，你而家犯虛假陳述，我都仲未將你哋擺上網公審呀！⋯為咗£90你哋去搵律師告我？！你律師費都唔夠比啦！⋯如果你哋要告我，我就將件事擺上Solihull WhatsApp 度講，你哋以後都唔使喺Solihull做生意㗎喇！⋯下刪400字」（呢四段語音已保存，有興趣嘅朋友可以同我哋一齊重溫下）
GAO小姐見我無回應，即是知道我要go ahead 交證據上庭啦，GAO小姐好快手就將WhatsApp 設定成「在新對話中使用自動刪除訊息的預設時限。除已保留的訊息外，新訊息會在傳送90天後自動從對話中刪除。點按即可設定你的預設時限。」之前啲訊息全部無晒。我心諗⋯做咩啫，身有屎咩？幸好我通知我公司partner嘅時候都cap低咗部份內容😮‍💨叫做有啲嘢放上庭。
Small claim先搵調解員介入，當然都係傾唔掂數啦，調解員話唯有幫我將件事帶上法庭。
終於排到31/3上庭，10am開庭，GAO小姐無出現，法官話可以稍等一等，10:15am GAO小姐終於出現。可以開庭喇。
法官一開始就出晒面已經係企咗喺被告GAO小姐嗰邊。申請咗嘅翻譯員，無出現，幸好阿婆我考B1都輕輕鬆鬆攞個AA啫⋯唔使死住～
首先法官庭上幫GAO小姐問我係咪認同steam同熱水係有分別？我話其實steam係由熱水形成，我又真係要用熱水，咁有steam出嚟，你要我點答？但係GAO小姐嘅一連串要求，顯然係佢對Carpet deep clean 嘅誤解，世上根本就無齋Steam clean carpet 可以達到佢呢啲要求⋯
GAO小姐喺庭上控訴我哋只係用部家用嘅洗地氈Rug Dr機加埋啲chemical 去幫佢做，話自己個仔有哮喘㗎，好可憐咁，bilibala😩⋯
我回應返Rug Dr確實係一部「專業嘅家用洗地氈機」，我用嚟幫你洗你間舊apartment 嘅地氈，何罪之有？我而家唔係帶隻地拖上去同你拖地氈比你捉到喎。咁用家用專業洗地氈機有咩問題，好多人真係會租返去自己洗㗎（咁前提人哋梗係有壯男幫手，仲唔使抬三層樓梯嗰隻啦）。而家你要我洗會展展覽廳咩？又無端端話我好用專業洗地氈水？咁係咪用清水呀？你早講嘛，我又慳返好多，你估地氈水平呀？
一連串講晒之後，所有我講得有道理嘅points ，法官一律不預進一步去幫我去質疑被告。
GAO小姐最後仲同法官講佢覺得自己比人scam咗🥺
我即時黑人問號❓到底要幾無恥嘅極品先講得出呢句說話？自己scam人哋公司唔找數仲話被scam？我唔信有真香港人會講得出囉 。
GAO小姐仲提出話洗地氈用50-60度熱水，無steam嘅效果等等⋯咁我即時反問，即是被告原來你係認同真係要用熱水洗先達到你要求嘅效果，而唔係用齋steam喇，係咪？咁點解你話我用熱水唔係齋steam而拒絕找數？你放咗溫度計去我缸熱水度過？或者你專業地判斷到你張舊地氈要用幾多度？
除咗熱水，仲要有適當嘅專業洗地氈水，唔同需求就要用唔同嘅專業洗地氈水，唔係你一句「chemical 」就講到人哋無知識、無付出，唔值得你比返個議定價錢咁。去餐廳食飯發現原來人哋無用LC煲煮，你可以選擇唔幫襯，但唔代表你食飽晒之後，先一句「我非常唔滿意」，仲要搵個藉口屈人，自己鍾意擺低幾多就幾多，然後擔住支牙籤就行咗去㗎嘛！？
無知既人真好可怕。（🤷🏻‍♀️唔知係真黐定假傻）
法官最後講，佢睇到成件事被告要求嘅嘢雖然確實係前後矛盾，但我當時又無完全去解釋清楚，咁而家被告揸住呢個理由唔比，所以原告你就claim唔到。
我即時諗⋯即是我幫客人處理清潔問題，遇著個無知識無常識嘅，都要先同佢上個堂先，仲要唔識教到識先好幫佢做嘢？其實我當時都唔係好消化到。
直到我做完嘢返屋企同個朋友傾返嘅時候，我朋友先提我係咪唔記得咗自己移咗嚟英國？英國不嬲係偏向鍾意劫富濟貧，專懲罰啲奉公守法嘅人。正如警察都講到明啲爛仔去超市度攞嘢，唔過幾多錢嘅，佢哋都唔會派人嚟，唔會執法。犯法嘅就係可以無後果😌你整傷佢仲可以反告你㖭。犯罪天堂唔係浪得虛名㗎。政府要做好人，又孭唔起晒，咪加多腳嚟劫富濟貧吓囉。從商嘅，你哋咪幫下手孭減啲呢啲無能力嘅、窮人、homeless 、爛仔囉。
但有冇諗過其實我哋想將賺返嚟嘅錢捐去慈善機構/有需要嘅人，唔係助紂一啲無視法律嘅XX？
難怪個個咁嬲佢哋攞咗納稅人啲錢，去俾班難民住酒店。當諗到其實有咁多超市墊我底，我心情當堂好返好多😌。感恩個天比我有能力幫人，亦感謝法官咁睇得起我呢個小商家 。🥰

好喇，GAO小姐唔使找數，都仲未意識到比個法官當佢成咩品種嘅時候，就開心到鬆毛鬆翼🥳以為自己今次真係威威食雞喇～今日開始行動，喺各大Facebook 谷發動群眾力量，仲喺各Solihull 街坊群組用唔同嘅電話號碼，開我公司名誹謗我哋公司。我公司會保留一切追究嘅權利。
搞到我好多舊客嚟聯絡我，問係咪我哋公司？發生咩事？唔敢相信係我哋 。咁我就唯有將屈咗幾個月嘅怨氣一次過吐返出嚟啦。派返次花生🥜，講返個事實比大家知。
有時真係唔好跟車太貼，某蟈人一句「香港人坑香港人」個個就追住去踩多幾腳，中晒某蟈人嘅圈套，要你哋人民鬥民，係某黨一貫慣常嘅手段嚟。

用幾多度去洗都要師傅即場判斷張地氈嘅狀態，舊到咁，仲要曬到甩晒色喎⋯。其實GAO小姐原意係咪想搵老細資助換新地氈，我就不得而知喇，如果係，我勸你下次搵間唔專業嘅試吓 。鍵盤戰士話要100度先至會有蒸氣。GAO小姐當晒真🤭⋯⋯其實用100度嘅熱水去洗地氈得唔得，上網打「用100度熱水洗舊地氈會有咩後果？」AI兩秒就答到你，唔使多講 。都係嗰句，鍵盤戰士鍾意講200度都得，GAO小姐而家睇鍵盤戰士留言睇得好開心，已經改咗口話成佢係要100度熱水洗地氈，唔再死口話佢要嘅係齋steam地氈，唔係要熱水+ chemical 🤫為咗圍爐，暱名出post，鍾意講乜都得🥳～100度200度地自我陶醉中～🤭

其實我絕對相信仲有好多低調嘅香港人，喺呢度默默守護，真心經營。唔應該咁樣打沈埋佢哋。所以我就破格出嚟交代清楚。

趁着呢個機會順便交代埋呢編所謂嘅「警世文」喺上面未交代嘅嘢啦。

清潔公司為夫妻檔。李姓夫婦。又會化名姓何：
·小妹父親大人姓李嘅。所以法官稱我為Ms Lee。準確無誤。
·而我嘅「愛妻號」家姓何，所以我私人WhatsApp 都寫得好清楚我係「Mrs Ho」，GAO小姐亦一直稱呼我做何太，我亦當之無愧。我唔似得GAO小姐你一個人帶住對龍鳳胎，由頭到尾爸爸都唔見一個，又無人比意見你，本人對你哋深表同情。
我唔知點解GAO小姐出匿名post時無端端失憶定搏人認同，講到我改咗個假名出嚟搵食咁🤭其實勁好笑🤣

夫妻檔：
靜雞雞話比大家知🤫我老公其實無得閒幫手好耐㗎喇，唔係GAO小姐你玩唔見鎖匙，星期日都要招呼你，我又唔想搞到班伙記，焗住迫我老公出山，我老公喺屋企打緊機啦！懵ss！
Solihull, West Midlands 等香港人地區搵食：
對GAO小姐咁唔了解我公司確實有啲失望😢但唔怪你，我同你傾偈都無超過10分鐘。我公司嘅單，香港人job斷估都佔唔到3%🥹都係怪我無加入啲港人群 ，又唔做宣傳，又唔自我推介，啲香港人又唔去不停搬屋，我又無本事請GAO小姐口中嘅「打手」啦⋯一味識靠做做做，做到有口碑，啲客介紹我哋出去比人，我又唔識撳住佢哋。我真係唔啱 。😔
多謝GAO小姐今次帶我哋上到偉大嘅社交平台強迫我哋做宣傳，更加以誹謗，但係你未經我同意，呢點要保留。因為我好錫我班伙記，我都唔想做死佢哋。
GAO小姐嚟英國時間尚短，就教人上AI搵本地人公司，幾多嚟得耐過你好多嘅香港人已經舐過晒嘢，你自己好好慢慢體驗下英國日常，不過唔該你唔好再害我哋啲真香港人喇！邊個國家都有無恥小人，只係某蟈特別強啫，呢點GAO小姐你心知肚明啦～呵，唔使我多講 😑
我知道亦相信仲有好多好努力同用心幫自己人嘅香港人商戶嘅。唔係啲某蟈人出段「警世文」就可以打散我哋 。我哋點解要嚟英國，我仲好清楚！麻煩你唔好再冤魂不息咁樣纏住我哋啦！

Address

Birmingham
B92

Opening Hours

Monday 8:30am - 6pm
Tuesday 8:30am - 6pm
Wednesday 8:30am - 6pm
Thursday 8:30am - 6pm
Friday 8:30am - 6pm
Saturday 8:30am - 1:30pm

Telephone

+447741590235

Website

Alerts

Be the first to know and let us send you an email when Little T Cleaning Services posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Little T Cleaning Services:

Shortcuts

Share

Category