17/06/2026
سلامت رہے میرا جنڈ، سلامت رہے میرا ضلع اٹک! 🇵🇰
سوشل میڈیا پر پچھلے کچھ گھنٹوں سے پنڈ سلطانی سے منسلک صحافی محترم محمد شفیق صاحب اور مسلم لیگ (ن) پی پی 5 (تحصیل جنڈ) کے سیکرٹری اطلاعات محترم ملک انصر اعوان صاحب کے مابین جاری لفظی تلخی دیکھ کر دلی افسوس ہوا۔
کوئی بھی تالی ایک ہاتھ سے نہیں بجتی۔ صحافت کا ایک وقار ہوتا ہے اور قلم اٹھاتے وقت غیر جانبداری کا خیال رکھنا ضروری ہے، جہاں شفیق صاحب سے لکھنے میں تھوڑی چوک یا غصہ ہوا، وہیں دوسری طرف ملک انصر اعوان صاحب کو بھی ایک سیاسی عہدے دار ہونے کے ناطے زیادہ بردباری اور بڑے پن کا مظاہرہ کرنا چاہیے تھا۔ سیاستدان کا ظرف بڑا ہونا چاہیے جو تنقید کو خندہ پیشانی سے برداشت کر سکے۔
سیاسی نظریات اور صحافتی تنقید اپنی جگہ، لیکن اس اختلاف کو ذاتی رنجش یا سوشل میڈیا پر عوامی تماشے میں تبدیل نہیں ہونا چاہیے۔ فیس بک کی یہ بحثیں عارضی ہیں، جبکہ ہمارے آپس کے خاندانی، علاقائی اور بھائی چارے کے رشتے نسلوں پر محیط ہوتے ہیں۔
میری دونوں بھائیوں سے دلی گزارش ہے کہ بات کو مزید بڑھانے کے بجائے اس تلخی کو یہیں ختم کریں۔ جب علاقے کے پڑھے لکھے اور ذمہ دار لوگ آپس میں الجھتے ہیں، تو نقصان صرف ہمارے اپنے ماحول کا ہوتا ہے۔
آئیں مل کر ایک ایسا ماحول بنائیں جہاں تنقید بھی ہو تو احترام کے دائرے میں، اور اختلاف بھی ہو تو تہذیب کے ساتھ۔ اللہ پاک ہمارے پورے حلقے کو امن، محبت اور اتفاق کا گہوارہ بنائے رکھے۔ آمین!
#لنگر
