Zaar.96 Official

15/07/2026

نہ جانے کتنے دنوں بعد نعت گوئی کا
چراغ دل میں جلا ہے حضور دیکھیں نا

زارؔ

26/05/2026

اپنی ناکام محبت کی کہانی کا مذاق
ایک دن جم کے اڑاؤں گا چلا جاؤں گا

زارؔ

25/04/2026

سہرا شریف
بموقع شادی خانہ آبادی عزیزم حافظ و قاری محمد شوکت رضا رضوی

23/04/2026

20/04/2026

بے سود میں پڑا ہوں کنارے پہ روڈ کے

شاعری سے شغف رکھنے والے گرہ لگائیں

17/04/2026

دود دل

میں چلا دوست کی خوشیوں میں جو شامل ہونے
بے حیا دوست نہ مجھ کو کہیں شاید سمجھے

دل تو چاہتا ہے کہ اس سے نہ کبھی آنکھ لڑے
پھر یہ کہتا ہوں کہ مولا تو بھلا،خیر کرے

تجھ کو تکلیف ہے دل اس کی زباں سے لیکن
کیا تو وہ ہے جو بھلا اس سے کبھی بیر رکھے

دل نہ مانے یہ الگ بات ہے پر میری ضمیر
ایسی باتوں کو نہ مانے نہ کبھی کان دھرے

اپنے پہلو میں وہ ہر دم ہی کھڑا پائے گا
مجھ کو وہ تھوڑی تو آواز لگا کر دیکھے

ہے مری رب سے دعا کہ مرے احباب کے بن
میرے آنگن میں کوئی گل نہی گل زار کھلے

تجھ کو احباب سے شکوے ہیں ہزاروں لیکن
زارؔ اب چھوڑ دو ان کو کہ کوئی بات بنے

از قلم✍️:- محمد دلنواز رضا زارؔ

07/04/2026

سہرا شریف
بموقع شادی خانہ آبادی حضرت حافظ و قاری محمد شوکت رضا رضوی

سر پہ شوکت کا ہے انوار خدا کا سہرا
یعنی سرکار دوعالم کی عطا کا سہرا

دست دلہن میں جو شوکت ہے حنا کا سہرا
فضل مولا سے تری ہو یہ بقا کا سہرا

تجھ کو سرکار مدینے میں بلا کر، اپنی
باندھے سر پر تری رحمت و رضا کا سہرا

الفتِ فاطمہ زہراؓ و علیؓ کا صدقہ
ڈالے سر پر ترے رحمت کی ردا کا سہرا

ہو طبیعت میں لطافت ترے اولادوں کی
اور سر پر ہو سدا فہم و زکا کا سہرا

حشر تک یوں ہی چمکتا رہے سر پر تیرے
جو ترے سر پہ بندھا ہے یہ وفا کا سہرا

تیرے ماں باپ کے دل کی یہ دعا کا ہے صلہ
جو ترے سر پہ سجا عز و علا کا سہرا

بھائی رضوی اور ذیشان و مظفر، مشفق
دیکھ کر خوش ہیں ترے سر پہ قضا کا سہرا

دیکھ کر چہرے کی رونق ترے احباب سبھی
کہہ رہے ہیں کہ ہے یہ تیری وفا کا سہرا

زارؔ خستہ کی ہے تجھ کو یہ دعا کا تحفہ
تیری شادی سے ملے تجھ کو شفا کا سہرا

از قلم:- محمد دلنواز رضا زارؔ

17/01/2026

*الوداعی ترانہ جامعہ اشرفیہ مبارک پور*

اے عزیزی چمن، پاسباں دین کا
الوداع الوداع الوداع الوداع
اے ادب گاہِ علم و ہنر جاں فزا
الوداع الوداع الوداع الوداع

باغِ فردوس ہے تیرا تاریخی نام
دل میں باقی رہے گا ترا احترام
یاد آئے گی ہر دم یہ علمی فضا
الوداع الوداع الوداع الوداع

مسلکِ اہل سنت کی تو شان ہے
تجھ پہ بوالفیض کا کتنا فیضان ہے
تو بزرگوں کی ہے منفرد اک دعا
الوداع الوداع الوداع الوداع

مثلِ بلبل بہت دن چہکتے رہے
تیری خوشبو سے ہر دم مہکتے رہے
تو نے ڈالی ہے ہم پر ادب کی ردا
الوداع الوداع الوداع الوداع

ہجر کی ہے گھڑی دل یہ غمگین ہے
روئے احساس نالوں سے رنگین ہے
دامنِ دل پہ آنسو کا قطرہ گرا
الوداع الوداع الوداع الوداع

تیرے دیوار و در کی یہ رعنائیاں
ہم کہاں پائیں گے تیری شادابیاں
یاد آئیں گی ہم کو یہ صبح و مسا
الوداع الوداع الوداع الوداع

تیری چوکھٹ پہ آئے تھے بے علم ہم
تونے ہم کو سنوارا ترا ہے کرم
تیرا احسان ہم پر رہے گا سدا
الوداع الوداع الوداع الوداع

سارے استاذ کے جملہ احسان کا
ان کی شفقت کا اور علمی فیضان کا
شکریہ کیسے ہو پائے ہم سے ادا
الوداع الوداع الوداع الوداع

باغبانِ چمن ہو کرم کی نظر
دوستو! یاد رکھنا ہمیں عمر بھر
معاف کرنا اگر ہو گئی کچھ خطا
الوداع الوداع الوداع الوداع

حافظِ دین و ملت کا در چھوڑ کر
اپنا پیارا چمن پیارا گھر چھوڑ کر
کیسے جائیں گے ہم اے نوازشؔ رضا
الوداع الوداع الوداع الوداع

از قلم ✍️:- محمد نوازشؔ رضا مصباحی پورنوی

09/01/2026

کوچۂ یار میں پھر نے کا مزا ہے کیسا
وہ بتائیں جو ہے اس راہ سے پھرنے والے

زارؔ پورنوی

22/12/2025

ہو طبیعت میں لطافت ترے اولادوں کی
اور سر پر ہو سدا فہم و زکا کا سہرا

زارؔ پورنوی