11/02/2025
: جامعہ میں جشن کا ماحول
مدرسہ جامعہ مدینۃ العلوم رسولی ضلع بارہ بنکی کے دس ہونہار طلبہ نے ایک ہی نشست میں مکمل قرآن مجید سنانے کی سعادت حاصل کی ہے۔ یہ طلبہ صبح سے لے کرعشاء تک پورا قرآن مجید ضلع کے مختلف مدرسوں کے اساتذہ کی نگرانی میں سنایا۔ سبھی طلبہ اور اساتذہ کو اعزازی طور پر انعامات سے نوازا گیا۔ اور بعد نماز ظہر دعائیہ نشست کا انعقاد عمل میں آیا۔ جس میں سبھی طلبہ کی حوصلہ افزائی اور تہنیت کی گئی۔ اس موقع پرمینیجر جامعہ حافظ ایازاحمدمدینی نے تمام اساتذہ ، طلبہ اور ان کے والدین کو مبارکباد پیش کرتے ہوئے کہا کہ اللہ کے فضل وکرم سے ضلع بارہ بنکی کے کسی مدرسے کا یہ پہلا موقع ہے کہ ایک نشست میں دس طلبہ نے مکمل قرآن کریم سنایا ہے۔ اللہ تعالیٰ اپنے محبوب بندوں کے سینوں میں قرآن مقدس کو محفوظ کرتا ہے ورنہ کسی انسان کے بس کی بات نہیں کہ ایک نشست میں مکمل قرآن مجید سنا سکے۔ جامعہ کے سینئر استاد مولانا ارشد قاسمی نے کہا کہ اس سے پہلے بھی جامعہ کے طلبہ ایک بیٹھک میں مکمل قرآن سناتے رہے ہیں۔ لیکن طلبہ کی اتنی بڑی تعداد کا ایک ساتھ ایک بیٹھک میں مکمل قرآن کریم سنانا اپنے آپ میں ایک رکارڈ ہے۔ پرنسپل جامعہ مقبول احمدقاسمی نے اپنی خوشی کا اظہار کرتے ہوئے کہا کہ یہ بڑی سعادت مندی اور خوش نصیبی کی بات ہے۔ ہم سبھی طلبہ ، اساتذہ اور جامعہ کے مستقبل کے لئے دعا گو ہیں کہ اللہ تعالیٰ تمام طلبہ اور اساتذہ کو دنیا و آخرت اس کا بہترین بدلہ عطا فرمائے۔
قرآن کریم سننے والے اساتذہ میں قاری عبدالستار بلالی ضیاء الاسلام فتحپور ، قاری وصی احمد امدادالعلوم زیدپور ، قاری محمدزیدمظاہری مجددیہ انوارالعلوم رامپور، قاری امانت حسین دارالعلوم سترکھ ، حافظ محمدعربی دارالعلوم بارہ بنکی ، قاری محمدعقیل دار الرشاد بنکی ، مولانا عبدالرحیم دارالعلوم بارہ بنکی ، قاری محمداسجد دارالعلوم بارہ بنکی ، ان کے علاوہ جامعہ کے اساتذہ میں سے مولانا محمدوسیم مدینی ، مفتی محمدراشدقاسمی ، مولانا محمداحترام ندوی ، مولانا محمدیاسرقاسمی ، قاری ابوذر ثاقبی ، قاری محمدحسان فرقانی ، قاری اسماعیل اکرم اور قاری محمدحماد کے نام قابل ذکر ہیں۔
Ayaz Ahmad
Siddiqui
