04/02/2025
نمازِ جنازہ
رکوع اور سجود کے بغیر کھڑے کھڑے ہی پڑھی جاتی ہے۔ اس کی چار تکبیرات ہیں۔ پہلی تکبیر (اَللّٰهُ اَکْبَرُ) کے بعد سورۂ فاتحہ اور کوئی ایک سورت یا چند آیات پڑھی جاتی ہیں۔ دوسری تکبیر کے بعد وہ درودِ ابراہیمی جو ہم نماز میں پڑھتے ہیں۔ تیسری تکبیر کے بعد میت کی مغفرت کے لیے وہ دعائیں پڑھی جاتی ہیں جو نبی ﷺ سے منقول ہیں۔ اور چوتھی تکبیر کے بعد سلام پھیر دیا جاتا ہے۔
اَللّٰهُمَّ اغْفِرْ لَهٗ وَارْحَمْهُ وَعَافِهٖ وَاعْفُ عَـنْهُ وَاَكْرِمْ نُزُلَهٗ وَوَسِّعْ مُدْخَلَهٗ وَاغْسِلْهُ بِالْـمَاءِ وَالثَّـلْجِ وَالْـبَـرَدِ وَنَـقِّهٖ مِنَ الْـخَطَايَا كَمَا نَـقَّيْتَ الثَّوْبَ الْاَبْيَضَ مِنْ الدَّنَسِ وَاَبْدِلْهُ دَارًا خَيْرًا مِّنْ دَارِهٖ وَاَهْلًا خَيْرًا مِّنْ اَهْلِهٖ وَزَوْجًا خَيْرًا مِّنْ زَوْجِهٖ وَاَدْخِلْهُ الْـجَنَّةَ وَاَعِذْهُ مِنْ عَذَابِ الْـقَبْرِ وَ مِنْ عَذَابِ النَّارِ۔
اے اللہ! اسے بخش دے اور اس پر رحم فرما اور اسے عافیت دے اور اس سے درگزر فرما اور اس کی مہمان نوازی اچھی کر اور اس کی قبر فراخ کردے اور اسے دھو دے (اس کے گناہ) پانی، برف اور اولوں کے ساتھ اور اسے گناہوں سے صاف کردے جیسے تونے سفید کپڑے کو میل کچیل سے صاف کردیا ہے اور اسے بدلے میں ایسا گھر دے جو اس کے گھر سے زیادہ بہتر ہو اور گھر والے جو اس کے گھر والوں سے زیادہ بہتر ہوں اور بیوی جو اس کی بیوی سے زیادہ بہتر ہو اور اسے جنت میں داخل فرما اور قبر کے عذاب اور آگ کے عذاب سے بچا۔
صحیح مسلم، الجنائز، باب الدعاء للمیت فی الصلاۃ، حدیث:1352
