https://www.facebook.com/104489292168660/

New Burmese, Kuala Lumpur (2026)

17/03/2026

UNHCR မလေးရှားကနေ ပိုမိုကောင်းမွန်မြန်ဆန်တဲ့
နည်းပညာတစ်ခုရောက်လာတော့မှာပါ!!!

UNHCR Malaysia က အခုမိတ်ဆက်ပေးနေတဲ့ Digital Gateway ဆိုတာ ဒုက္ခသည်တွေနဲ့ ခိုလှုံခွင့်တောင်းခံထားသူတွေအတွက် UNHCR နဲ့ ဆက်သွယ်ရတာ ပိုမိုလွယ်ကူ၊ မြန်ဆန်ပြီး ဘေးကင်းလုံခြုံစေဖို့ ဖန်တီးထားတဲ့ Online Platform (Portal) တစ်ခု ဖြစ်ပါတယ်။

အရင်လို ဖုန်းခေါ်ရခက်တာ ဒါမှမဟုတ် ရုံးရှေ့မှာ တန်းစီစောင့်ဆိုင်းရတာမျိုးတွေကို လျှော့ချဖို့ ရည်ရွယ်တာပါ။ အဓိက ဘယ်လိုအလုပ်လုပ်သလဲဆိုတာကို အချက်အလက်လေးတွေနဲ့ ရှင်းပြပေးပါ့မယ်။

Digital Gateway ဆိုတာ ဘာလဲ။

ဒါဟာ မိမိရဲ့ ကိုယ်ပိုင် အကောင့် (Account) တစ်ခုဖွင့်ပြီး UNHCR နဲ့ တိုက်ရိုက် ချိတ်ဆက်နိုင်တဲ့ Digital လမ်းကြောင်း တစ်ခုပါ။ အီးမဲလ် (Email) ကနေတစ်ဆင့် အကောင့်ဖွင့်ပြီး အသုံးပြုရတာ ဖြစ်ပါတယ်။

သူက ဘာတွေလုပ်ပေးနိုင်သလဲ။

Digital Gateway ကို အသုံးပြုခြင်းဖြင့် အောက်ပါအကျိုးကျေးဇူးတွေကို ရရှိနိုင်ပါတယ် -

အချက်အလက် စစ်ဆေးခြင်း: မိမိရဲ့ Case အခြေအနေ ဘယ်အဆင့်ရောက်နေပြီလဲဆိုတာကို အချိန်မရွေး ကြည့်နိုင်ပါတယ်။

ချိန်းဆိုမှုများ (Appointments): UNHCR နဲ့ တွေ့ဆုံဖို့ ချိန်းဆိုချက်တွေကို ဒီ Gateway ကနေတစ်ဆင့် တောင်းဆိုနိုင်သလို၊ ချိန်းဆိုထားတဲ့ ရက်စွဲတွေကိုလည်း ပြန်ကြည့်နိုင်ပါတယ်။

ကိုယ်ရေးအချက်အလက် ပြင်ဆင်ခြင်း: ဖုန်းနံပါတ် ပြောင်းတာ၊ နေရပ်လိပ်စာ ပြောင်းတာတွေကို အွန်လိုင်းကနေ ကိုယ်တိုင် အကြောင်းကြားနိုင်ပါတယ်။

စာရွက်စာတမ်းများ တင်ပြခြင်း: လိုအပ်တဲ့ စာရွက်စာတမ်း မိတ္တူတွေကို ဓာတ်ပုံရိုက်ပြီး Gateway ထဲကနေ တိုက်ရိုက် ပေးပို့နိုင်ပါတယ်။

တိုက်ရိုက်ဆက်သွယ်ခြင်း: UNHCR ဆီကို မေးခွန်းတွေ မေးမြန်းတာ ဒါမှမဟုတ် အကူအညီတောင်းခံတာတွေကို ပိုမိုစနစ်တကျ လုပ်ဆောင်နိုင်ပါတယ်။

ဘယ်လိုစတင်အသုံးပြုရမလဲ။

အီးမဲလ်ရှိရန်လိုအပ်ခြင်း: သင်ဟာ Digital Gateway ကို သုံးဖို့အတွက် ကိုယ်ပိုင် Gmail ဒါမှမဟုတ် Outlook အီးမဲလ်တစ်ခု ရှိထားရပါမယ်။ (အဲဒီအီးမဲလ်ရဲ့ Password ကိုလည်း မမေ့ဖို့ အရေးကြီးပါတယ်)။

မှတ်ပုံတင်ခြင်း: UNHCR က ထုတ်ပြန်ထားတဲ့ Link ကနေတစ်ဆင့် မိမိရဲ့ UNHCR ID နံပါတ်နဲ့ အီးမဲလ်ကို သုံးပြီး အကောင့်စဖွင့်ရမှာ ဖြစ်ပါတယ်။

လုံခြုံရေး: ဒီစနစ်ဟာ လုံခြုံရေး အလွန်မြင့်မားတဲ့အတွက် တခြားသူကို မိမိရဲ့ Password ပေးစရာမလိုဘဲ ကိုယ်တိုင်ပဲ လုံလုံခြုံခြုံ အသုံးပြုနိုင်ပါတယ်။

14/03/2026

**အီရန်နိုင်ငံရဲ့ ခါ့ဂ်ကျွန်း (Kharg Island) ကို တိုက်ခိုက်**

အမေရိကန်သမ္မတ ဒေါ်နယ်ထရန့်က အီရန်နိုင်ငံရဲ့ ခါ့ဂ်ကျွန်း (Kharg Island) ပေါ်က စစ်ရေးပစ်မှတ်အားလုံးကို အမေရိကန်တပ်ဖွဲ့တွေက "အမြစ်ပြတ်ချေမှုန်း" လိုက်ပြီလို့ ပြောကြားလိုက်ပါတယ်။

ခါ့ဂ်ကျွန်းဟာ အီရန်ကမ်းရိုးတန်းကနေ ၂၂ မိုင်အကွာ ပါရှန်းပင်လယ်ကွေ့မြောက်ပိုင်းမှာရှိတဲ့ သေးငယ်ပေမဲ့ မဟာဗျူဟာကျတဲ့ ဆီတင်ပို့ရာနေရာတစ်ခုပါ။ အီရန်ရဲ့ ရေနံတင်ပို့မှု အတော်များများကို ဒီကျွန်းကနေ လုပ်ဆောင်တာဖြစ်ပြီး ပြီးခဲ့တဲ့ နှစ်ပတ်အတွင်းမှာလည်း ရေနံတင်သင်္ဘောတွေ လာရောက်ဆိုက်ကပ်နေတာကို တွေ့ခဲ့ရပါတယ်။

သမ္မတ ထရန့်က သူ့ရဲ့ Truth Social လူမှုကွန်ရက်စာမျက်နှာမှာ ပုံမှန်အတိုင်းပဲ ကြုံးဝါးပြီး ရေးသားခဲ့တာပါ။ အမေရိကန်စစ်တပ်ဟာ အရှေ့အလယ်ပိုင်းသမိုင်းမှာ အပြင်းထန်ဆုံး ဗုံးကြဲတိုက်ခိုက်မှုတွေထဲက တစ်ခုကို လုပ်ဆောင်ခဲ့ပြီး ကျွန်းပေါ်က စစ်ရေးပစ်မှတ်တိုင်းကို ဖျက်ဆီးပစ်လိုက်ပြီလို့ ဆိုပါတယ်။

ရေနံနဲ့ပတ်သက်တဲ့ အခြေခံအဆောက်အအုံတွေကိုတော့ ဖျက်ဆီးခဲ့ခြင်းမရှိဘူးလို့ သူက ပြောပါတယ်။ ဒါပေမဲ့ အီရန် ဒါမှမဟုတ် တခြားဘယ်သူမဆို ဟော်မုဇ်ရေလက်ကြား (Strait of Hormuz) ထဲက သင်္ဘောတွေ သွားလာမှုကို နှောင့်ယှက်မယ်ဆိုရင်တော့ အခြေအနေတွေ ပြောင်းလဲသွားနိုင်တယ်လို့လည်း သတိပေးခဲ့ပါတယ်။

အမေရိကန်တပ်ဖွဲ့တွေအနေနဲ့ တစ်ချိန်ချိန်မှာ ခါ့ဂ်ကျွန်းကို သိမ်းပိုက်ဖို့ ကြိုးစားမလားဆိုတာနဲ့ ပတ်သက်လို့တော့ ခန့်မှန်းချက်တွေ အများကြီး ထွက်နေပါတယ်။ ဒီကျွန်းကို သိမ်းလိုက်ရင် အီရန်ရဲ့ ရေနံစီးဆင်းမှုကို ဖြတ်တောက်နိုင်ရုံတင်မကဘဲ အီရန်ပြည်မကြီးကို တိုက်ခိုက်ဖို့အတွက် အခြေစိုက်စခန်းတစ်ခုအနေနဲ့လည်း အသုံးချနိုင်လို့ပါ။

အနည်းဆုံး မရိန်းတပ်သား နှစ်ထောင်လောက် တင်ဆောင်လာတဲ့ အမေရိကန် ရေနှစ်သွယ်သွား တိုက်ခိုက်ရေးသင်္ဘောတွေ ပင်လယ်ကွေ့ထဲကို စေလွှတ်နေပြီဆိုတဲ့ သတင်းတွေကြောင့်လည်း ဒီခန့်မှန်းချက်တွေက ပိုပြီး အရှိန်တက်လာပါတယ်။ ပင်တဂွန် (Pentagon) စစ်ဌာနချုပ်ကတော့ ဒါကို မှတ်ချက်ပေးဖို့ ငြင်းဆိုထားပေမဲ့ တကယ်လို့သာ ဒီတပ်ဖြန့်မှုက အတည်ဖြစ်ခဲ့ရင်တော့ စစ်ရေးစီမံကိန်းရေးဆွဲသူတွေအတွက် ရွေးချယ်စရာ နည်းလမ်းသစ်တွေ ရလာမှာပါ။

ပြီးခဲ့တဲ့ ကြာသပတေးနေ့ကတော့ ခါ့ဂ်ကျွန်းကို သိမ်းပိုက်မယ့်ကိစ္စနဲ့ ပတ်သက်ပြီး မေးမြန်းချက်တွေကို ထရန့်က ပယ်ချခဲ့ပါတယ်။ Fox News ရေဒီယိုနဲ့ အင်တာဗျူးမှာ အီရန်ရေနံတင်ပို့မှုအတွက် အရမ်းအရေးပါတဲ့ ဒီကျွန်းကို သိမ်းပိုက်ဖို့ အစီအစဉ်ရှိလားလို့ မေးတဲ့အခါမှာတော့

"အဲ့ဒါက ကျွန်တော့်ရဲ့ ဦးစားပေးစာရင်းထဲမှာ သိပ်မပါပါဘူး၊ တခြားလုပ်စရာတွေ အများကြီးရှိသေးတယ်၊ ပြီးတော့ စက္ကန့်ပိုင်းအတွင်းမှာလည်း စိတ်ပြောင်းသွားနိုင်တာပဲ" လို့ ထရန့်က ဖြေခဲ့ပါတယ်။

ဒီမေးခွန်းကြောင့် ထရန့်က စိတ်အနှောင့်အယှက်ဖြစ်ပုံရပြီး Fox သတင်းထောက် Brian Kilmeade ကိုလည်း ပြန်ပြီး ငေါ့တော့တော့ ပြောခဲ့ပါသေးတယ်။

"ဘယ်လိုလူစားမျိုးက ဒီလိုမေးခွန်းမျိုး မေးတာလဲ၊ ပြီးတော့ ဘယ်လိုအရူးမျိုးက ဒါကို ဖြေမှာလဲ။ ကဲ... ကျွန်တော် အဲ့ဒါကို လုပ်မယ်ပဲဆိုဆို၊ မလုပ်ဘူးပဲဆိုဆို၊ ခင်ဗျားကို ဘာလို့ ပြောပြရမှာလဲ"

BBC သတင်းပါ။

၁၄-၃-၂၀၂၆

09/03/2026

နိုင်ငံတကာကို ရေနံမရောင်းရလို့ စီးပွားပိတ်ဆို့ခံထားရတဲ့ ဗင်နီဇွဲလား၊ အီရန်ရဲ့ ရေနံစည် သန်းပေါင်းများစွာကို လိုင်စင်မဲ့ ရေနံတင်သင်္ဘောကြီးတွေနဲ့ ခိုးထုတ်နေတယ်လို့ စွပ်စွဲပြီး အမေရိကန်က အဲ့ဒီ ရုရှပိုင် ရေနံသင်္ဘော ၅ စီးလောက်ကို အထူးတပ်ဖွဲ့နဲ့ တက်စီးပြီး သိမ်းတယ်။

သင်္ဘောသားတွေကို အမေရိကန်တရားရုံးမှာ တရားစွဲတယ်။ ဗင်နီဇွဲလားသမ္မတကို ဖမ်းတယ်။ လက်တင်အမေရိက နိုင်ငံမို့လို့ ဖမ်းရုံဖမ်းတယ်၊ သက်ညှာတယ်ပေါ့လေ၊ အီရန်အစိုးရနဲ့ ကက်ဘိနက်အဖွဲ့ဝင်တွေကိုကျ အမြစ်ဖြတ်တယ်။ အီရန်ဟာ အစိုးရ ၂ ဆက် ဗုံးဒဏ်သင့်ပြီး အစိုးရ တည်ဆောက်မရဘူး ဖြစ်နေတယ်။

အီရန်ဟာ ယူကရိန်းစစ်ပွဲအတွက် ဒရုန်း၊ တာဝေးပစ်ဒုံးတွေ ရုရှကိုအကူအညီပေးတယ်။ ရုရှ တရုတ်နဲ့ နည်းပညာဖလှယ်ရုံမက စစ်ဘက်မဟာမိတ်အဆင့် ဖြစ်တယ်။

အီရန်၊ ဗင်နီဇွဲလား စစ်ရေးကိစ္စတွေမှာ ရုရှ၊ တရုတ်တို့ တုတ်တုတ်မှ ဝင်မပါတာ အံ့အားသင့်စရာပါပဲ၊ သတင်းတွေမှာတော့ ရုရှက အီရန်ကို အမေရိကန်ရဲ့ စစ်ရေးပစ်မှတ်တွေ၊ သတင်းအချက်အလက်တွေ ဝေမျှတယ်တဲ့၊ အမေရိကန်က ရုရှ ဝေမျှလည်း ဂရုမစိုက်ဘူး၊ အီရန်က အဲ့ဒီသတင်းတွေရလည်း အမေရိကန်ကို ဘာမှ ပြန်မလုပ်နိုင်ဘူးလို့ ဆိုပါတယ်။

သမ္မတထရန့်က အီရန်ဟာ အစ္စရေး၊ အမေရိကန်ကို ပြဿနာရှာတယ်၊ အစ္စရေးကို တိုက်ဖို့ စစ်လက်နက်၊ နျူကလီးယားစုဆောင်းတယ်။ နှစ်ပေါင်းများစွာ ခေါင်းကိုက်ခဲ့ရတယ်။ ဒီပြဿနာကို နှစ်ပေါင်းများစွာ စားပွဲဝိုင်းနဲ့ ရှင်းခဲ့ပေမယ့် မပြေလည်ခဲ့ဘူး။ ဒီတခါတော့ အီရန်ရဲ့ နျူကလီးယားရည်မှန်းချက်ကို ၅ နှစ်တခါ၊ ၁၀ နှစ်တခါ စားပွဲဝိုင်းမှာ ခဏခဏ မရှင်းချင်တော့ဘူး၊ အမေရိကန်နဲ့ အဆင်ပြေတဲ့အစိုးရ မတက်မချင်း တက်လာတဲ့ အစိုးရအဖွဲ့ကို ရှင်းမယ်လို့ ဆိုပါတယ်။ အီရန်ရဲ့ ခေါင်းဆောင် အယာတိုလာခါမေနီ မသေဆုံးခင် သူ့အရိုက်အရာ ဆက်ခံမယ့် ခေါင်းဆောင်သစ်ဟာ ရန်သူတော်တွေက မုန်းတီးသူ ဖြစ်ရမယ်လို့ စည်းမျဉ်းချမှတ်ထားပါတယ်။

အီရန်စစ်ပွဲရဲ့ထူးခြားချက်အလှည့်အပြောင်းကတော့ အီရန်ရဲ့ ဒရုန်းနဲ့ ဒုံးကျည်အန္တရာယ် ရင်ဆိုင်နေရတဲ့ ယူအေအီးနဲ့ ဆော်ဒီအာရေဗျတို့က သူတို့ကိုနောက်ထပ်တိုက်ခိုက်ရင် အီရန်ရဲ့စစ်ရေးပစ်မှတ်တွေကို ပြန်တိုက်တော့မယ်လို့ ဆိုပါတယ်။ အီရန်ဟာ မူစလင်နိုင်ငံတွေရဲ့ အမုန်းတရားကိုပါ ရင်ဆိုင်လာရပါတယ်။

စစ်ပွဲရဲ့ နောက်ဆက်တွဲအခြေအနေကတော့ အီရန်နိုင်ငံရဲ့ မြို့တော် တီဟီရန်ရဲ့ ရေနံသိုလှောင်တဲ့ နေရာ အစ္စရေး ဗုံးဒဏ်ထိပြီးမီးလောင်နေပါတယ်၊ ဆော်ဒီ၊ ကာတာ၊ ယူအေအီး၊ ကူဝိတ်ရဲ့ ရေနံချက်စက်ရုံ ဓာတ်ငွေ့စက်ရုံတွေကို အီရန်က ဒရုန်းနဲ့ တိုက်ပေမယ့် ကာကွယ်နိုင်ခဲ့လို့ အရေးမကြီးတဲ့ ပျက်စီးမှုအနည်းငယ်သာ ရှိခဲ့ပါတယ်။

ကျော်စွာမင်း

08/03/2026

ကျားဖြန့်အွန်လိုင်းငွေလိမ်ဂိုဏ်းများ တိုက်ဖျက်ရန်နှင့် လက်ခံထားသည့်နိုင်ငံများကို ပြတ်သားစွာ အရေးယူရန် အမေရိကန်သမ္မတထရမ့် အမိန့်ထုတ်

မြန်မာ အပါအဝင် ကျားဖြန့်လက်ခံထားသော နိုင်ငံများအတွက် အမေရိကန်၏ ကြီးမား ပြင်းထန်သော သတိပေးချက်ဟုဆို

ရန်ကုန်၊ မတ် ၈

နိုင်ငံဖြတ်ကျော် ကျားဖြန့်အွန်လိုင်းငွေလိမ်ဂိုဏ်းများကို တိုက်ဖျက်ရန်နှင့် လက်ခံထားသည့်နိုင်ငံများအပေါ် ပိတ်ဆို့အရေးယူရန်၊ အကူအညီများဖြတ်တောက်ရန် အမေရိကန်သမ္မတထရမ့်က မတ်လ ၆ ရက်နေ့တွင် အမိန့်ထုတ်ပြန်သည်။

အမေရိကန်မိသားစုများ၊ စီးပွားရေးလုပ်ငန်းများနှင့် အရေးကြီးသော အခြေခံအဆောက်အအုံများကို ပစ်မှတ်ထားနေသည့် နိုင်ငံဖြတ်ကျော် ဆိုင်ဘာရာဇဝတ်မှုများနှင့် ကျားဖြန့် (Scam Centers) အွန်လိုင်းငွေလိမ်ဂိုဏ်းများကို အမြစ်ပြတ်ချေမှုန်းရန် သမ္မတ ဒေါ်နယ်ထရမ့်က အမှုဆောင်အမိန့် (Executive Order) တစ်ရပ်ကို မတ်လ ၆ ရက်နေ့တွင် လက်မှတ်ရေးထိုး ထုတ်ပြန်လိုက်ခြင်းဖြစ်သည်။

အဆိုပါအမိန့်တွင် အွန်လိုင်းငွေလိမ်ဂိုဏ်းများကို မိမိတို့မြေပေါ်တွင် လက်ခံခွင့်ပြုထားသော နိုင်ငံများကို ပြတ်ပြတ်သားသား အရေးယူရန်နှင့် စီးပွားရေးပိတ်ဆို့မှု (Sanctions) ချမှတ်ရန် အပါအ၀င် နောက်ဆက်တွဲ အရေးယူမှုများစွာ လုပ်ဆောင်ရန် ပါဝင်သည်။

ထို့ကြောင့် ကျားဖြန့်ဂိုဏ်းများ ထွန်းကားတွင်ကျယ်နေသော မြန်မာ၊ ကမ္ဘောဒီးယားနှင့် လာအိုနိုင်ငံတို့ရှိ ကျားဖြန့်အခြေစိုက်ရာ နယ်မြေများနှင့် အဆိုပါဂိုဏ်းများကို အကာအကွယ်ပေးထားသည့် အာဏာပိုင်များအတွက် ကြီးမားသော သတိပေးချက် ဖြစ်လာကြောင်း နိုင်ငံတကာသတင်းများတွင် သုံးသပ်ရေး သားထားသည်။

အမေရိကန်သမ္မတ ထရမ့်က ကျားဖြန့် ရာဇဝတ်ဂိုဏ်းများကို တိုက်ဖျက်ရန်အတွက် အမျိုးသားညှိနှိုင်းရေးဗဟိုဌာန (NCC) ကို အမျိုးသားအဆင့် ဦးဆောင်အဖွဲ့အဖြစ် သတ်မှတ်လိုက်ပြီး၊ ၎င်းတို့၏ လုပ် ငန်းများကို နှောင့်ယှက်ခြင်း၊ စုံစမ်းစစ်ဆေးခြင်းနှင့် အမြစ်ပြတ်ဖြိုခွဲခြင်း (Dismantling) တို့ကို လုပ်ဆောင်မည့် လုပ်ငန်းစီမံချက် (Action Plan) တစ်ရပ်ကို ရေးဆွဲရန် ညွှန်ကြားထားသည်။

ယင်းအပြင် ဆိုင်ဘာနည်းပညာသုံး လိမ်လည်မှုနှင့် လှည့်ဖြားမှုများကို ဦးစားပေး တရားစွဲဆိုရန် ရှေ့နေချုပ်ကို ညွှန်ကြားထားပြီး၊ လိမ်လည်သူများထံမှ သိမ်းဆည်းရမိသော ရန်ပုံငွေများကို နစ်နာသူများထံ တိုက်ရိုက်ပြန်လည်ပေးအပ်ရန် "နစ်နာသူများ ပြန်လည်ကုစားရေး အစီအစဉ်" (Victims Restoration Program) ကိုလည်း တည်ထောင်သွားမည်ဖြစ်ကြောင်း သိရှိရသည်။

အမေရိကန်သမ္မတထရမ့်၏ အမိန့်အရ အမေရိကန်နိုင်ငံခြားရေးဝန်ကြီးက ကျားဖြန့်များကို လက်ခံထားသော နိုင်ငံများကို ၎င်းတို့မြေပေါ်ရှိ ရာဇဝတ်ဂိုဏ်းများကို အရေးယူရန် သက်ဆိုင်ရာ နိုင်ငံခြားအစိုးရများကို တောင်းဆိုရမည်ဖြစ်ကြောင်း၊ အဆိုပါ ကျားဖြန့်ဂိုဏ်းများကို လက်ခံခွင့်ပြုထားသော (Tolerate) နိုင်ငံများအပေါ် စီးပွားရေးပိတ်ဆို့မှုများ (Sanctions) ချမှတ်ခြင်း၊ ဗီဇာကန့်သတ်ခြင်း (Visa Restrictions)၊ နိုင်ငံခြားအကူအညီများ ကန့်သတ်ခြင်း (Foreign Assistance Limits) နှင့် ပါဝင်ပတ် သက်နေသော အရာရှိများကို နှင်ထုတ်ခြင်းတို့ ပြုလုပ်ရန် ညွှန်ကြားထားကြောင်း သိရှိရသည်။

အမေရိကန်သမ္မတ အိမ်ဖြူတော်၏ ထုတ်ပြန်ချက်အရ Ransomware၊ Phishing၊ ဘဏ္ဍာရေးလိမ်လည်မှု၊ Sextortion (လိင်ပိုင်းဆိုင်ရာ ငွေညှစ်ခြင်း) နှင့် အယောင်ဆောင်လှည့်ဖြားမှုများသည် ခေတ်မီဆန်းပြားသော နိုင်ငံဖြတ်ကျော် ရာဇဝတ်ဂိုဏ်း (TCO) များက လုပ်ဆောင်ခြင်းဖြစ်ကြောင်း၊ အခြေ အနေများစွာတွင် နိုင်ငံခြားအစိုးရများသည် ၎င်းတို့ကို သွယ်ဝိုက်၍ ထောက် ခံပေးထားပြီး အဓမ္မလုပ် အားပေးခိုင်းစေမှုနှင့် လူကုန်ကူးမှုများဖြင့် လည်ပတ်နေသော အရိပ်အောက်ရှိ စီးပွားရေးလုပ်ငန်းစုကြီးကို ဖန်တီးနေကြကြောင်း သိရှိရသည်။

၂၀၂၄ ခုနှစ်တွင် အမေရိကန် ပြည်သူများထံမှ ဆိုင်ဘာနည်းပညာသုံး လိမ်လည်မှုကြောင့် ဒေါ်လာ ၁၂ ဒသမ ၅ ဘီလီယံကျော် ဆုံးရှုံးခဲ့ကြောင်း သိရှိရသည်။

လက်ရှိတွင် အမေရိကန် FBI က ထိုင်းနိုင်ငံတွင် အခြေစိုက်၍ ထိုင်း-မြန်မာနယ်စပ်ရှိ ကျားဖြန့်ဂိုဏ်းများကို နှိမ်နင်းရန် စုံစမ်းစစ်ဆေးမှုများကို လုပ်ဆောင်နေကြောင်း ထိုင်းသတင်းများအရ သိရှိရသည်။

07/03/2026

အီရန်စစ်ပွဲ၏ အခြားဘက်မှ ဆိုက်ဖာတိုက်ပွဲ
******
၂၀၂၆ ခုနှစ်၊ ဖေဖော်ဝါရီအကုန် ၊မတ်လဆန်းပိုင်းမှာ ဖြစ်ပွားခဲ့တဲ့ အီရန်နဲ့ အစ္စရေး-အမေရိကန်တို့ကြားက စစ်ပွဲကို လူသိများကြပေမယ့် စစ်ပွဲလောက်မကြီးမားပေမယ့် ထိခိုက်မှုများပြားလှတဲ့ တိုက်ပွဲတစ်ခုလည်း ရှိနေပါသေးတယ်။ ဒါကတော့ လူမသေ၊ ခဲယမ်းမီးကျောက်မကုန်ပါပဲ ကြီးမားသော ထိခိုက်မှုတွေဖြစ်အောင် တိုက်ခိုက်နိုင်တဲ့ ဆိုက်ဘာစစ်ပွဲ (Cyber Warfare)ပဲဖြစ်ပါတယ်။ ဒီတိုက်ခိုက်မှုဟာ တကယ်ကို စိုးရိမ်စရာကောင်းတဲ့ အလှည့်အပြောင်းတစ်ခု ဖြစ်ခဲ့ပြီးတော့ အရင်ကလို လက်နက်နဲ့ပစ်တာထက် ပိုပြီး ထိရောက်တဲ့ ဒီဂျစ်တယ်တိုက်ခိုက်မှုတွေဟာ နိုင်ငံသားတွေရဲ့ နေ့စဉ်ဘဝထဲအထိ ရိုက်ခတ်လာခဲ့ပါတယ်။
၁။ အစ္စရေးနှင့် အမေရိကန်တို့၏ "Digital Sabotage" စတင်ခြင်း
မတ်လ (၃) ရက်နေ့ အစောပိုင်းမှာ အစ္စရေး၏ Unit 8200 နှင့် အမေရိကန် ဆိုက်ဘာတပ်ဖွဲ့ (US Cyber Command) တို့ ပူးပေါင်းပြီး အီရန်၏ အဓိက ကျောရိုးစနစ်များကို ပစ်မှတ်ထား၍ အောက်ပါအတိုင်း တိုက်ခိုက်ခဲ့ကြပါတယ်။
(က) SCADA စနစ်များကို ထိုးဖောက်ခြင်း:
အီရန်၏ နူကလီးယားစက်ရုံများနှင့် ရေနံချက်စက်ရုံများတွင် အသုံးပြုသည့် စက်မှုထိန်းချုပ်ရေးစနစ် (SCADA) များထဲသို့ ပြင်းထန်သော Malware များ ထည့်သွင်းခဲ့ပါတယ်။ ထိုတိုက်ခိုက်မှုက ယခင် Stuxnet ထက် ပိုမိုအားကောင်းပြီး အလိုအလျောက် ပွားများနိုင်စွမ်းရှိပါတယ်။
(ခ) လျှပ်စစ်ဓာတ်အားပေးစနစ် (Power Grid):
တီဟီရန်နှင့် အဓိက စက်မှုဇုန်များတွင် လျှပ်စစ်ဖြန့်ဖြူးမှုကို ထိန်းချုပ်သည့် Software များကို ဟက်ကာများက စီးနင်းခဲ့ပါတယ်။ ရလဒ်အနေဖြင့် စက်ရုံပေါင်း ရာနှင့်ချီ၍ စက်ရပ်သွားခဲ့ပြီး အီရန်နိုင်ငံ၏ အချို့နေရာများတွင် အမှောင်ကျသွားခဲ့ပါတယ်။
(ဂ) ဆက်သွယ်ရေးကွန်ရက်:
အီရန်အစိုးရ အချင်းချင်း ဆက်သွယ်သည့် လုံခြုံရေးမြင့်မားသော Intranet စနစ်ကိုပါ ခေတ္တဖြတ်တောက်နိုင်ခဲ့သဖြင့် အမိန့်ပေးစနစ်များ ကမောက်ကမ ဖြစ်သွားခဲ့ပါတယ်။
၂။ မတ်လ (၄) ရက် - အီရန်၏ "Asymmetric Response" (တန်ပြန်တိုက်စစ်)
အီရန်ဘက်ကလည်း လက်တုံ့ပြန်ရန် အသင့်ပြင်ထားပြီး ဖြစ်သဖြင့် မတ်လ (၄) ရက်နေ့တွင် အီရန်ကျောထောက် နောက်ခံပြု "OilRig" နှင့် "MuddyWater" ဟုခေါ်သော ဟက်ကာအုပ်စုများသည် အကြီးစား တိုက်ခိုက်မှုများကို စတင်ခဲ့ပါတယ်။
(က) အစ္စရေး၏ လေကြောင်းနှင့် ရေကြောင်း:
အစ္စရေး၏ Ben Gurion လေဆိပ်နှင့် Haifa ဆိပ်ကမ်းတို့၏ ကုန်စည်စီးဆင်းမှု စနစ်များကို Ransomware များဖြင့် တိုက်ခိုက်ခဲ့သဖြင့် သင်္ဘောကြံ့ခိုင်ရေး စစ်ဆေးမှုနှင့် ကုန်သေတ္တာ စာရင်းဇယားများ ပျက်စီးသွားသဖြင့် လည်ပတ်မှု ခေတ္တရပ်တန့်သွားခဲ့ပါတယ်။
(ခ) အမေရိကန်၏ ဘဏ္ဍာရေးကဏ္ဍ:
အမေရိကန်ရှိ အလတ်စားဘဏ်ပေါင်း (၂၀) ကျော်၏ Customer Database များကို ပစ်မှတ်ထားပြီး Distributed Denial of Service (DDoS) တိုက်ခိုက်မှုများ ပြုလုပ်ခဲ့သဖြင့် လူသန်းပေါင်းများစွာသည် ၎င်းတို့၏ ငွေစာရင်းများကို ဝင်ရောက်ကြည့်ရှု၍ မရတော့ဘဲ ငွေသားထုတ်ယူမှုများတွင် အခက်အခဲများဖြစ်ခဲ့ကြပါတယ်။
(ဂ) Social Engineering:
တစ်ချိန်တည်းမှာပင် အစ္စရေးနှင့် အမေရိကန် စစ်ဘက်ဆိုင်ရာ အရာရှိကြီးများ၏ မိသားစုဝင်များ၏ ဖုန်းများကို ဟက်ကာများက ဝင်ရောက်စီးနင်းပြီး စိတ်ဓာတ်စစ်ဆင်ရေး (Psychological Warfare) များ ပြုလုပ်ခဲ့ပါတယ်။
၃။ ထိခိုက်မှုနှင့် နောက်ဆက်တွဲ ဆိုးကျိုးများ (Detailed Impact)
ဒီနှစ်ရက်အတွင်း ဆိုက်ဘာစစ်ပွဲကြောင့် ဖြစ်လာတဲ့ ထိခိုက်မှုတွေဟာ လူသေဆုံးမှုထက် စီးပွားရေးနဲ့ လူမှုရေး ပြိုလဲမှုဆီကို ပိုဦးတည်ခဲ့ပါတယ် -
(က)စီးပွားရေး ဆုံးရှုံးမှု:
အီရန်၏ ရေနံတင်ပို့မှု ရပ်တန့်သွားခြင်းနှင့် အမေရိကန် ဘဏ်စနစ်များ ဟန့်တားခံရခြင်းကြောင့် ကမ္ဘာ့ရေနံဈေးဟာ (၂၄) နာရီအတွင်း ၁၅ ရာခိုင်နှုန်းခန့် မြင့်တက်သွားခဲ့ပါတယ်။
(ခ) လူသားချင်းစာနာမှု ဆိုင်ရာ:
အီရန်ရှိ ဆေးရုံအချို့တွင် လျှပ်စစ်မီးပြတ်တောက်မှုကြောင့် အရန်မီးစက်များ အလုပ်မလုပ်နိုင်မီ လူနာအချို့ အသက်ဆုံးရှုံးခဲ့ရပါတယ်။
(ဂ) ဒစ်ဂျစ်တယ် ယုံကြည်မှု ပျက်ပြားခြင်း:
အနောက်နိုင်ငံသားများ အနေဖြင့် ၎င်းတို့၏ ဒစ်ဂျစ်တယ် ငွေကြေးစနစ်နှင့် လျှပ်စစ်စနစ်များ မည်မျှအထိ ထိခိုက်လွယ်ကြောင်း သတိပြုမိသွားကြပြီး Cloud computing လုပ်ငန်းစုကြီးများ၏ စတော့ရှယ်ယာများ ထိုးကျသွားခဲ့ပါတယ်။
သုံးသပ်ရပါလျှင်-
၂၀၂၆ မတ်လ (၃/၄) ဖြစ်စဉ်သည် "အကြီးစား ဆိုက်ဘာစစ်ပွဲ" အဖြစ် မှတ်တမ်းဝင် ခဲ့ပါတယ်။ အရင်ကလို ဗုံးကြဲမှ မြို့ပျက်တာ မဟုတ်ဘဲ Code စာကြောင်း အနည်းငယ်ဖြင့် နိုင်ငံတစ်ခုလုံးကို ရပ်တန့် အောင် လုပ်ဆောင်နိုင်ကြောင်း ပြသခဲ့သည့် ဖြစ်စဉ်တစ်ခုလည်းဖြစ်ပါတယ်။ ယခုစာကိုရေးနေသည့်အချိန်ထိကို ဘတပြန်ကျားတပြန်တိုက်ခိုက်နေကြဆဲဖြစ်ပြီး နှစ်ဘက်လုံးမှထိခိုက်ပျက်စီးခြင်းများရှိနေကြသဖြင့် မည်သည့်ဘက်မှအရေးသာသည်ကို ဆုံးဖြတ်၍ မရသေးသောအခြေအနေဖြစ်၍ စောင့်ကြည့်ကြရမှာဖြစ်ကြောင်း ရေးသားလိုက်ပါတယ်။

01/03/2026

ခါမေနီ တကယ် သေပါပြီ

အီရန်နိုင်ငံကို ဆယ်စုနှစ် ၃ ခုကျော်ကြာ အုပ်ချုပ်ခဲ့တဲ့ အမြင့်ဆုံး ခေါင်းဆောင် အယာတိုလာ အလီ ခါမေနီဟာ အမေရိကန်-အစ္စရေး ပူးပေါင်းလေကြောင်းတိုက်ခိုက်မှုအတွင်း ကွယ်လွန်သွားပြီဆိုတာ ၁၀၀ ရာခိုင်နှုန်း အတည်ပြုလို့ ရသွားပြီ ဖြစ်ပါတယ်။

အစောပိုင်းမှာ အီရန်အစိုးရက ငြင်းဆန်ထားခဲ့ပေမယ့် အခုအခါမှာတော့ အီရန် နိုင်ငံပိုင် ရုပ်သံနဲ့ နိုင်ငံပိုင် IRNA သတင်းဌာနတွေက အသက် ၈၆ နှစ်အရွယ် ခါမေနီ သေဆုံးသွားပြီဖြစ်ကြောင်း တရားဝင် ကြေညာလိုက်ပြီ ဖြစ်ပါတယ်။

ခါမေနီ ကွယ်လွန်သွားတဲ့အတွက် အီရန်နိုင်ငံတစ်ဝန်းမှာ ရက် ၄၀ ကြာ အမျိုးသားဝမ်းနည်းခြင်း အထိမ်းအမှတ် ကာလအဖြစ် သတ်မှတ်လိုက်ပါတယ်။ တချို့သော ပြည်တွင်းသတင်းရင်းမြစ်တွေရဲ့ ဖော်ပြချက်အရ တီဟီရန်မြို့က သူရဲ့နေအိမ်ဝင်း တိုက်ခိုက်ခံရချိန်မှာ ခါမေနီအပြင် သူရဲ့ သမီး၊ သမက်နဲ့ မြေးဖြစ်သူတို့ပါ အတူတူ သေဆုံးခဲ့တယ်လို့ သိရပါတယ်။

ဒီဖြစ်စဉ်ဟာ အမေရိကန်ရဲ့ အဆင့်မြင့်ခြေရာခံစနစ်တွေနဲ့ အစ္စရေးတို့ ပူးပေါင်းလုပ်ဆောင်ခဲ့တာဖြစ်ပြီး၊ ဂြိုဟ်တုပုံရိပ်တွေအရ ခါမေနီရဲ့ လုံခြုံရေးအထူးချထားတဲ့ အိမ်တော်ဝင်းကြီးဟာ ပြာပုံဘဝရောက်ကာ လုံးဝပျက်စီးသွားခဲ့တာကို တွေ့ရပါတယ်။ အစ္စရေးဘက်ကတော့ ခါမေနီအပြင် အီရန်ထိပ်ပိုင်းခေါင်းဆောင် ၇ ဦးခန့် သေဆုံးခဲ့တယ်လို့ အတည်ပြုထားပါတယ်။

အမေရိကန်သမ္မတ ဒေါ်နယ်ထရမ့်က သူရဲ့ Truth Social ကနေတစ်ဆင့် ခါမေနီ သေဆုံးသွားပြီဖြစ်ကြောင်းကို အီရန်အစိုးရ မထုတ်ပြန်ခင်ကတည်းက အတည်ပြု ကြေညာခဲ့ပြီး "ဒါဟာ အီရန်ပြည်သူတွေနဲ့ တစ်ကမ္ဘာလုံးအတွက် တရားမျှတမှုဖြစ်တယ်" လို့ ဆိုခဲ့ပါတယ်။

ခါမေနီကို လုပ်ကြံခံရတဲ့အပေါ် အီရန်ဘက်က ပြင်းပြင်းထန်ထန် လက်တုံ့ပြန်တဲ့အနေနဲ့ ဒူဘိုင်း၊ ဒိုဟာ၊ ဘာရိန်းနဲ့ ကူဝိတ်စတဲ့ အရှေ့အလယ်ပိုင်းက အမေရိကန် စစ်စခန်းတွေနဲ့ မဟာမိတ်နိုင်ငံတွေကို ပစ်မှတ်ထားပြီး ပြန်လည်တိုက်ခိုက်မှုတွေ လုပ်ဆောင်နေပါတယ်။

ဘာသာရေးကို အကြောင်းပြပြီး အာဏာကို အလွဲသုံးစား လုပ်ခဲ့သူ၊ ပြည်တွင်းမှာ ပြည်သူတွေကို ရက်ရက်စက်စက် ဖိနှိပ်ပြီး ပြည်ပမှာ စစ်မီးမွှေးခဲ့သူ အာဏာရှင်တစ်ဦး ဖြစ်တဲ့ ခါမေနီ သေဆုံးတဲ့အပေါ် အီရန်ပြည်သူတွေဟာ လမ်းပေါ်ထွက်ပြီး အောင်ပွဲခံ အပျော် ဖော်ထုတ်နေကြ တာကိုလည်း တွေ့ရပါတယ်။

၁၉၈၉ ခုနှစ်ကတည်းက အီရန်ကို ဆယ်စုနှစ် ၃ ခုကျော် အုပ်ချုပ်ခဲ့တဲ့ ခါမေနီ သေဆုံးသွားတာဟာ အရှေ့အလယ်ပိုင်း သမိုင်းမှာ အကြီးမားဆုံး အချိုးအကွေ့တစ်ခု ဖြစ်သွားပါပြီ။ အမေရိကန်၊ အစ္စရေးနဲ့ အီရန် သုံးပွင့်ဆိုင် ထိပ်တိုက်ရင်ဆိုင်မှုတွေဟာလည်း အမြင့်ဆုံးအခြေအနေကို ရောက်ရှိနေပါတယ်။

28/02/2026

US, Israel - Iran စစ်ပွဲသတင်းသစ်
-----------------------------------------
အမေရိကန်ပြည်ထောင်စုသည် ခေတ်သစ်သမိုင်းတွင် အကြီးမားဆုံးလေကြောင်းတိုက်ခိုက်မှုတွင် ၎င်း၏အစွမ်းထက်သော F-15 တိုက်လေယာဉ်များကို စေလွှတ်ခဲ့ပြီး နိုင်ငံအားလုံးကို အံ့အားသင့်စေခဲ့သည်။

တိုက်လေယာဉ်များသည် အီရန်၏ ရှေ့တန်းစခန်းများကို တစ်နာရီလျှင် ကီလိုမီတာ ၁၅၀၀ ခန့်နှုန်းဖြင့် လျင်မြန်ပြီး ပြင်းထန်သောတိုက်ခိုက်မှုကို စတင်ခဲ့သည်။ #ထရမ့် #အမေရိကန်

28/02/2026

အစ္စရေး တိုက်ခိုက်မှုကြောင့် အီရန်ကာကွယ်ရေးဦးစီးချုပ် သေဆုံး
-----------------------------
အီရန်စစ်တပ်ရဲ့ ကာကွယ်ရေး ဦးစီးချုပ်ဖြစ်သူ အမီယာ ဟာတာမီ ဟာ ဖေဖော်ဝါရီ ၂၈ ရက်က အစ္စရေး တိုက်ခိုက် မှုအတွင်း သေဆုံးသွားကြောင်း Reuters သတင်းမှာ ဖော်ပြထားပါတယ်။
အမေရိကန်နဲ့ အစ္စရေးတို့ ပူးပေါင်းပြီး အီရန်နိုင်ငံအပေါ် ပူးပေါင်းစစ်ဆင်ရေးတွေ အရှိန်အဟုန်ပြင်းစွာ ဆင်နွှဲ နေစဉ် အတွင်း အီရန်စစ်တပ်အတွက် အလွန်ကြီးမားတဲ့ ထိုးနှက်ချက် တစ်ခုထပ်မံ ပေါ်ပေါက်လာခဲ့တာ ဖြစ်ပါ တယ်။
ကာကွယ်ရေးဦးစီးချုပ်ဖြစ်သူ အမီးယာ ဟာတာမီ လုပ်ကြံ သတ်ဖြတ် ခံလိုက်ရပြီဖြစ်ကြောင်း အစ္စရေးနဲ့ နိုင်ငံ တကာသတင်းဌာနတွေမှာလည်း အရေးပေါ် သတင်းဖော်ပြခဲ့ကြပါတယ်။
ထွက်ပေါ်လာတဲ့ မှတ်တမ်းတွေအရ တီဟီရန် မြို့တော်ရှိ လူနေရပ်ကွက် လမ်းမတစ်ခုပေါ်မှာ သွားလာနေတဲ့ သူ့ရဲ့ ယာဉ်တန်းကို အစ္စရေး လေတပ် (IAF) က ဒရုန်း ဒါမှမဟုတ် တိကျတဲ့ ဒုံးကျည်တွေသုံးပြီး ပစ်မှတ်ထား တိုက် ခိုက်ခဲ့တာ ဖြစ်ပါတယ်။

28/02/2026

🇺🇸 အီရန်ကို စစ်ကြေညာလိုက်တဲ့ ဒေါ်နယ်ထရမ့်ရဲ့ မိန့်ခွန်း အပြည့်အစုံ

မကြာမီအချိန်လေးကပဲ အမေရိကန်စစ်တပ်ဟာ အီရန်နိုင်ငံမှာ အဓိက စစ်ရေးစစ်ဆင်မှုတွေကို စတင်ခဲ့ပါတယ်။ ကျွန်တော်တို့ရဲ့ ရည်ရွယ်ချက်ကတော့ အီရန်အစိုးရဆီကနေ ကျရောက်လာနိုင်တဲ့ ခြိမ်းခြောက်မှုတွေကို ဖယ်ရှားပြီး အမေရိကန်ပြည်သူတွေကို ကာကွယ်ဖို့ပဲ ဖြစ်ပါတယ်။ အီရန်အစိုးရဆိုတာ အလွန်ကြမ်းတမ်းခက်ထန်ပြီး ဆိုးရွားတဲ့ လူယုတ်မာအုပ်စုတစ်စု ဖြစ်ပါတယ်။ သူတို့ရဲ့ ခြိမ်းခြောက်နေတဲ့ လုပ်ရပ်တွေဟာ အမေရိကန်ပြည်ထောင်စု၊ ကျွန်တော်တို့ရဲ့ တပ်ဖွဲ့ဝင်တွေ၊ နိုင်ငံရပ်ခြားက ကျွန်တော်တို့ရဲ့ စစ်စခန်းတွေနဲ့ ကမ္ဘာတစ်ဝန်းက ကျွန်တော်တို့ရဲ့ မဟာမိတ်တွေကို တိုက်ရိုက် အန္တရာယ်ပြုနေပါတယ်။

လွန်ခဲ့တဲ့ ၄၇ နှစ်ကတည်းက အီရန်အစိုးရဟာ အမေရိကန်ကို သေကျေပျက်စီးပါစေလို့ ဟစ်ကြွေးခဲ့ပြီး၊ အမေရိကန်ပြည်ထောင်စု၊ ကျွန်တော်တို့ တပ်ဖွဲ့ဝင်တွေနဲ့ နိုင်ငံများစွာက အပြစ်မဲ့ပြည်သူတွေကို ပစ်မှတ်ထားကာ သွေးချောင်းစီး လူသတ်ပွဲတွေကို အဆုံးအစမရှိ ဆင်နွှဲခဲ့ပါတယ်။ အီရန်အစိုးရရဲ့ အစောဆုံး လုပ်ရပ်တွေထဲက တစ်ခုကတော့ တီဟီရန်မြို့က အမေရိကန်သံရုံးကို အကြမ်းဖက်စီးနင်းမှုကို ကျောထောက်နောက်ခံပေးခဲ့တာဖြစ်ပြီး၊ အမေရိကန် ဓားစာခံ ဒါဇင်ပေါင်းများစွာကို ရက်ပေါင်း ၄၄၄ ရက်ကြာ ဖမ်းဆီးထားခဲ့ပါတယ်။ ၁၉၈၃ ခုနှစ်မှာ အီရန်ရဲ့ ကိုယ်စားလှယ် (ပရောက်စီ) တွေက ဘေရွတ်မြို့မှာရှိတဲ့ မရိန်းတပ်စခန်းကို ဗုံးခွဲတိုက်ခိုက်ခဲ့တဲ့အတွက် အမေရိကန် စစ်မှုထမ်း ၂၄၁ ဦး သေဆုံးခဲ့ရပါတယ်။

၂၀၀၀ ပြည့်နှစ်တုန်းကလည်း USS Cole သင်္ဘော တိုက်ခိုက်ခံရမှုကို သူတို့ သိရှိခဲ့ပြီး ပါဝင်ပတ်သက်နိုင်ခြေ ရှိပါတယ်။ အများအပြား သေဆုံးခဲ့ရပါတယ်။ အီရန်တပ်ဖွဲ့ဝင်တွေဟာ အီရတ်နိုင်ငံက အမေရိကန် စစ်မှုထမ်း ရာပေါင်းများစွာကို သေကျေဒဏ်ရာရစေခဲ့ပါတယ်။ ပြီးခဲ့တဲ့နှစ်တွေအတွင်း အရှေ့အလယ်ပိုင်းမှာ တပ်စွဲထားတဲ့ အမေရိကန်တပ်ဖွဲ့တွေအပြင် နိုင်ငံတကာ ရေကြောင်းပို့ဆောင်ရေးလမ်းကြောင်းတွေက အမေရိကန် ရေတပ်နဲ့ ကုန်သွယ်ရေး သင်္ဘောတွေကိုပါ အီရန်ရဲ့ ပရောက်စီတွေက ရေတွက်လို့မရနိုင်တဲ့ တိုက်ခိုက်မှုတွေ ဆက်တိုက် လုပ်ဆောင်ခဲ့ပါတယ်။ ဒါဟာ အစုလိုက်အပြုံလိုက် အကြမ်းဖက်မှုဖြစ်ပြီး ကျွန်တော်တို့အနေနဲ့ ဆက်ပြီး သည်းခံနေတော့မှာ မဟုတ်ပါဘူး။

လက်ဘနွန်ကနေ ယီမင်၊ ဆီးရီးယားကနေ အီရတ်အထိ၊ ဒီအစိုးရဟာ ကမ္ဘာမြေကို သွေးတွေနဲ့ ရွှဲနစ်စေခဲ့တဲ့ အကြမ်းဖက် ပြည်သူ့စစ်တွေကို လက်နက်တပ်ဆင်ပေး၊ လေ့ကျင့်ပေးပြီး ငွေကြေးထောက်ပံ့ပေးခဲ့ပါတယ်။ ပြီးတော့ အစ္စရေးနိုင်ငံအပေါ် အောက်တိုဘာ ၇ ရက်နေ့က ရက်စက်ကြမ်းကြုတ်တဲ့ တိုက်ခိုက်မှုကို စတင်ခဲ့တာဟာလည်း အီရန်ရဲ့ ပရောက်စီဖြစ်တဲ့ ဟားမတ်စ်အဖွဲ့ပဲ ဖြစ်ပါတယ်။ အဲဒီတိုက်ခိုက်မှုမှာ အမေရိကန် ၄၆ ဦး အပါအဝင် အပြစ်မဲ့ပြည်သူ ၁,၀၀၀ ကျော် သေဆုံးခဲ့ရပြီး ကျွန်တော်တို့ နိုင်ငံသား ၁၂ ဦးကို ဓားစာခံအဖြစ် ဖမ်းဆီးသွားခဲ့ပါတယ်။ အင်မတန် ရက်စက်လွန်းလှပါတယ်။ ကမ္ဘာကြီး တစ်ခါမှ မမြင်ဖူးခဲ့တဲ့ အရာမျိုးပါပဲ။ အီရန်ဟာ ကမ္ဘာပေါ်မှာ အကြမ်းဖက်မှုကို နိုင်ငံတော်အဆင့် အထောက်အပံ့ပေးနေတဲ့ နံပါတ်တစ် နိုင်ငံဖြစ်ပြီး၊ မကြာသေးမီကပဲ လမ်းမတွေပေါ်မှာ ဆန္ဒပြနေတဲ့ သူတို့ရဲ့ ကိုယ်ပိုင် နိုင်ငံသား သောင်းနဲ့ချီကို သတ်ဖြတ်ခဲ့ပါတယ်။

ဒီအကြမ်းဖက်အစိုးရဟာ နျူကလီးယားလက်နက် ဘယ်တော့မှ မရရှိစေရဘူးဆိုတာ အမေရိကန်ပြည်ထောင်စုရဲ့၊ အထူးသဖြင့် ကျွန်တော့်အစိုးရအဖွဲ့ရဲ့ မူဝါဒ အမြဲတမ်း ဖြစ်ခဲ့ပါတယ်။ ကျွန်တော် ထပ်ပြောပါမယ်။ သူတို့ နျူကလီးယားလက်နက် ဘယ်တော့မှ ရရှိနိုင်မှာ မဟုတ်ပါဘူး။ ဒါကြောင့်မို့လို့ပဲ ပြီးခဲ့တဲ့ ဇွန်လက Operation Midnight Hammer စစ်ဆင်ရေးမှာ Fordow, Natanz နဲ့ Isfahan တို့မှာရှိတဲ့ အီရန်အစိုးရရဲ့ နျူကလီးယားအစီအစဉ်ကို ကျွန်တော်တို့ အမြစ်ပြတ် ချေမှုန်းပစ်ခဲ့တာပါ။ အဲဒီတိုက်ခိုက်မှုအပြီးမှာ သူတို့ရဲ့ နျူကလီးယားလက်နက် ရယူလိုတဲ့ မကောင်းဆိုးဝါး ရည်မှန်းချက်တွေကို ဘယ်တော့မှ ပြန်မစဖို့ ကျွန်တော်တို့ သတိပေးခဲ့ပါတယ်။ ပြီးတော့ သဘောတူညီချက်တစ်ခုရဖို့ အကြိမ်ကြိမ် ကြိုးစားခဲ့ပါတယ်။ ကျွန်တော်တို့ ကြိုးစားခဲ့ပါတယ်။ သူတို့ လုပ်ချင်ခဲ့တယ်၊ ပြီးတော့ မလုပ်ချင်ပြန်ဘူး။ ထပ်ပြီး လုပ်ချင်ခဲ့တယ်၊ ပြီးတော့ မလုပ်ချင်ပြန်ဘူး။ သူတို့ ဘာဖြစ်နေမှန်း သူတို့ကိုယ်တိုင် မသိပါဘူး။ သူတို့က မကောင်းမှု ဒုစရိုက်ကိုပဲ ကျင့်သုံးချင်နေကြတာပါ။

ဒါပေမယ့် အီရန်က ငြင်းဆန်ခဲ့ပါတယ်။ ဆယ်စုနှစ်ပေါင်းများစွာ သူတို့ လုပ်ခဲ့သလိုပါပဲ။ သူတို့ရဲ့ နျူကလီးယား ရည်မှန်းချက်တွေကို စွန့်လွှတ်ဖို့ အခွင့်အရေးတိုင်းကို သူတို့ ပယ်ချခဲ့ပြီး ဒါကို ကျွန်တော်တို့ ဆက်ပြီး သည်းခံနိုင်စွမ်း မရှိတော့ပါဘူး။ အဲဒီအစား သူတို့ဟာ နျူကလီးယားအစီအစဉ်ကို ပြန်လည်တည်ဆောက်ဖို့ ကြိုးစားခဲ့ပြီး ဥရောပက ကျွန်တော်တို့ရဲ့ မိတ်ဆွေကောင်းတွေ၊ မဟာမိတ်တွေနဲ့ နိုင်ငံရပ်ခြားမှာ တပ်စွဲထားတဲ့ ကျွန်တော်တို့ရဲ့ တပ်ဖွဲ့ဝင်တွေကို ခြိမ်းခြောက်နိုင်တဲ့၊ ပြီးတော့ မကြာခင်မှာ အမေရိကန်ပြည်မကြီးအထိ ရောက်ရှိလာနိုင်တဲ့ တာဝေးပစ်ဒုံးကျည်တွေကို ဆက်လက် ထုတ်လုပ်ဖို့ ကြိုးစားခဲ့ပါတယ်။ စဉ်းစားသာ ကြည့်ကြပါ။ သူတို့သာ နျူကလီးယားလက်နက်တွေ ရရှိသွားပြီး အဲဒီလက်နက်တွေကို အသုံးပြုပြီး သူတို့ရဲ့ သတင်းစကားကို ပေးပို့လာမယ်ဆိုရင် ဒီအစိုးရ ဘယ်လောက်တောင် ရောင့်တက်လာမလဲဆိုတာကိုပေါ့။

ဒီအကြောင်းပြချက်တွေကြောင့်ပဲ အမေရိကန်စစ်တပ်ဟာ အမေရိကန်နဲ့ ကျွန်တော်တို့ရဲ့ အဓိက အမျိုးသားလုံခြုံရေး အကျိုးစီးပွားတွေကို ခြိမ်းခြောက်နေတဲ့ ဒီ အလွန်ယုတ်မာပြီး အစွန်းရောက်တဲ့ အာဏာရှင်အစိုးရကို ဟန့်တားဖို့အတွက် ကြီးမားကျယ်ပြန့်တဲ့ စစ်ဆင်ရေးကြီးတစ်ခုကို စတင်လုပ်ဆောင်နေတာ ဖြစ်ပါတယ်။ ကျွန်တော်တို့ သူတို့ရဲ့ ဒုံးကျည်တွေကို ဖျက်ဆီးပစ်မယ်၊ သူတို့ရဲ့ ဒုံးကျည်စက်မှုလုပ်ငန်းတွေကို မြေကြီးနဲ့တပြေးတည်း ဖြစ်အောင် ချေမှုန်းပစ်ပါမယ်။ ထပ်ပြောပါမယ်၊ လုံးဝ အမြစ်ပြတ် သုတ်သင်ပစ်မှာပါ။ သူတို့ရဲ့ ရေတပ်ကိုလည်း အပြတ်အသတ် ချေမှုန်းပစ်ပါမယ်။ ဒေသတွင်းက အကြမ်းဖက် ပရောက်စီတွေအနေနဲ့ ဒေသတွင်း ဒါမှမဟုတ် ကမ္ဘာကြီးကို မတည်မငြိမ်ဖြစ်အောင် မလုပ်နိုင်တော့ဖို့၊ ကျွန်တော်တို့ တပ်ဖွဲ့တွေကို မတိုက်ခိုက်နိုင်တော့ဖို့၊ ပြီးတော့ အမေရိကန်ပြည်သူ အများအပြား အပါအဝင် လူထောင်ပေါင်းများစွာကို ပြင်းထန်စွာ ဒဏ်ရာရ သေဆုံးစေတဲ့ IED (ခေါ်) လမ်းဘေးထောင်ဗုံးတွေကို ထပ်မသုံးနိုင်တော့ဖို့ ကျွန်တော်တို့ သေချာပေါက် လုပ်ဆောင်သွားပါမယ်။ ပြီးတော့ အီရန်အနေနဲ့ နျူကလီးယားလက်နက် မရရှိစေရဘူးဆိုတာကိုလည်း သေချာအောင် လုပ်သွားပါမယ်။ အင်မတန် ရိုးရှင်းတဲ့ သတင်းစကားပါ။ သူတို့ နျူကလီးယားလက်နက် ဘယ်တော့မှ ရရှိမှာ မဟုတ်ပါဘူး။

ဒီအစိုးရဟာ အမေရိကန်စစ်တပ်ရဲ့ အင်အားနဲ့ စွမ်းရည်ကို ဘယ်သူမှ စိန်မခေါ်သင့်ဘူးဆိုတာ မကြာခင်မှာ သိလာပါလိမ့်မယ်။ ကျွန်တော့်ရဲ့ ပထမအကြိမ် အစိုးရသက်တမ်းမှာ ကျွန်တော်တို့ရဲ့ စစ်တပ်ကို တည်ဆောက်ခဲ့တယ်၊ ပြန်လည်မွမ်းမံခဲ့တယ်။ ကမ္ဘာပေါ်မှာ ဘယ်စစ်တပ်မှ ကျွန်တော်တို့ရဲ့ အင်အား၊ စွမ်းရည်၊ ခေတ်မီဆန်းသစ်မှုတွေနဲ့ အနီးစပ်ဆုံးတောင် မရှိပါဘူး။ ဒေသတွင်းက အမေရိကန် ဝန်ထမ်းတွေအပေါ် အန္တရာယ်ကျရောက်နိုင်ခြေ အနည်းဆုံးဖြစ်အောင် ကျွန်တော့်အစိုးရအဖွဲ့က ဖြစ်နိုင်သမျှ အဆင့်တိုင်းမှာ လုပ်ဆောင်ထားပါတယ်။ ဒါတောင်မှ၊ ကျွန်တော် ဒီစကားကို ပေါ့ပေါ့တန်တန် ပြောနေတာမဟုတ်ပါဘူး၊ အီရန်အစိုးရဟာ သတ်ဖြတ်ဖို့ ကြိုးစားနေပါတယ်။ ရဲရင့်တဲ့ အမေရိကန် သူရဲကောင်းတွေရဲ့ အသက်တွေ ဆုံးရှုံးရနိုင်ပါတယ်၊ စစ်ပွဲတွေမှာ မကြာခဏ ဖြစ်တတ်တဲ့အတိုင်း ထိခိုက်ကျဆုံးမှုတွေ ရှိနိုင်ပါတယ်။

ဒါပေမယ့် ကျွန်တော်တို့ ဒါကို လုပ်နေတာ ယခု လက်ရှိအချိန်အတွက် မဟုတ်ပါဘူး၊ အနာဂတ်အတွက် လုပ်နေတာပါ၊ ပြီးတော့ ဒါဟာ မွန်မြတ်တဲ့ လုပ်ငန်းစဉ်တစ်ခု ဖြစ်ပါတယ်။ အမေရိကန်ပြည်သူတွေနဲ့ ကျွန်တော်တို့ရဲ့ ကလေးသူငယ်တွေကို နျူကလီးယားလက်နက်တပ်ဆင်ထားတဲ့ အီရန်က ဘယ်တော့မှ ခြိမ်းခြောက်နိုင်ခြင်း မရှိစေရဘူးဆိုတာ သေချာစေဖို့အတွက် သူတို့ရဲ့ အသက်တွေကို ကိုယ်ကျိုးစွန့်ပြီး စွန့်စားနေကြတဲ့ စစ်မှုထမ်းတိုင်းအတွက် ကျွန်တော်တို့ ဆုတောင်းပေးပါတယ်။ ဘေးအန္တရာယ်ကြားက ကျွန်တော်တို့ရဲ့ သူရဲကောင်းအားလုံးကို ကာကွယ်စောင့်ရှောက်ပေးဖို့ ဘုရားသခင်ထံ ဆုတောင်းပါတယ်။ ဘုရားသခင်ရဲ့ အကူအညီနဲ့ လက်နက်ကိုင်တပ်ဖွဲ့ဝင် အမျိုးသား၊ အမျိုးသမီးတွေ အောင်ပွဲခံနိုင်မယ်လို့ ကျွန်တော်တို့ ယုံကြည်ပါတယ်။ ကျွန်တော်တို့ဆီမှာ ကမ္ဘာ့အကောင်းဆုံးတပ်ဖွဲ့တွေ ရှိပါတယ်၊ သူတို့ အောင်ပွဲခံပါလိမ့်မယ်။

အစ္စလာမ္မစ် တော်လှန်ရေး အစောင့်တပ်ဖွဲ့ဝင်တွေ၊ လက်နက်ကိုင်တပ်ဖွဲ့တွေနဲ့ ရဲတပ်ဖွဲ့ဝင် အားလုံးကို ဒီည ကျွန်တော် ပြောချင်တာကတော့ သင်တို့ လက်နက်ချရမယ်၊ အပြည့်အဝ ကင်းလွတ်ခွင့် ရရှိမယ်၊ ဒါမှမဟုတ်ရင် သေချာပေါက် သေမင်းနဲ့ ရင်ဆိုင်ရလိမ့်မယ်။ ဒါကြောင့် လက်နက်ချပါ။ သင့်ကို တရားမျှတစွာ ဆက်ဆံပါလိမ့်မယ်၊ အပြည့်အဝ ကင်းလွတ်ခွင့် ပေးပါလိမ့်မယ်။ ဒါမှမဟုတ်ရင်တော့ သေချာပေါက် သေမင်းနဲ့ ရင်ဆိုင်ရပါလိမ့်မယ်။

နောက်ဆုံးအနေနဲ့၊ ကြီးမြတ်ပြီး ဂုဏ်ယူဝင့်ကြွားဖွယ်ကောင်းတဲ့ အီရန်ပြည်သူတွေကို ဒီည ကျွန်တော် ပြောချင်တာကတော့ သင်တို့ လွတ်လပ်ခွင့်ရမယ့် အချိန် ကျရောက်လာပါပြီ။ အိမ်ထဲမှာပဲ နေပါ၊ အိမ်ပြင်မထွက်ပါနဲ့၊ အပြင်ဘက်မှာ အရမ်း အန္တရာယ်များပါတယ်။ နေရာတိုင်းမှာ ဗုံးတွေ ကျလာပါလိမ့်မယ်။ ကျွန်တော်တို့ အလုပ်ပြီးသွားတဲ့အခါ သင်တို့ရဲ့ အစိုးရကို သင်တို့ကိုယ်တိုင် ပြန်လည်လွှဲပြောင်းရယူပါ။ အဲဒါ သင်တို့ ယူဖို့ပါပဲ။ ဒါဟာ မျိုးဆက်ပေါင်းများစွာအတွင်း သင်တို့အတွက် တစ်ခုတည်းသော အခွင့်အရေး ဖြစ်လာနိုင်ပါတယ်။ နှစ်ပေါင်းများစွာ အမေရိကန်ရဲ့ အကူအညီကို သင်တို့ တောင်းခံခဲ့ကြပေမယ့် ဘယ်တော့မှ မရခဲ့ပါဘူး။

ဘယ်သမ္မတကမှ ဒီည ကျွန်တော် လုပ်ဖို့ ဆန္ဒရှိတဲ့ အရာမျိုးကို လုပ်ဖို့ ဆန္ဒမရှိခဲ့ကြပါဘူး။ အခုတော့ သင်တို့ လိုချင်တာကို ပေးမယ့် သမ္မတတစ်ဦး သင်တို့ဆီမှာ ရှိနေပါပြီ။ ကဲ၊ သင်တို့ ဘယ်လို တုံ့ပြန်မလဲဆိုတာ ကြည့်ကြရအောင်။ အမေရိကန်ပြည်ထောင်စုက သင်တို့ကို ကြီးမားလှတဲ့ အင်အား၊ ပြီးတော့ အလုံးစုံ ပျက်စီးစေနိုင်တဲ့ စွမ်းရည်တွေနဲ့ ကျောထောက်နောက်ခံ ပေးနေပါတယ်။ အခုအချိန်ဟာ သင်တို့ရဲ့ ကံကြမ္မာကို ထိန်းချုပ်ရမယ့်အချိန်၊ ပြီးတော့ သင်တို့ လက်လှမ်းမီတဲ့ နေရာမှာ ရှိနေတဲ့ စည်ပင်ဝပြောပြီး ထွန်းတောက်တဲ့ အနာဂတ်ကို ဖော်ဆောင်ရမယ့် အချိန်ပါပဲ။ ဒါဟာ လှုပ်ရှားရမယ့် အချိန်အခါပါ။ အလဟဿ အဆုံးရှုံးမခံပါနဲ့။ အမေရိကန် လက်နက်ကိုင်တပ်ဖွဲ့တွေက ရဲရင့်တဲ့ အမျိုးသား၊ အမျိုးသမီးတွေကို ဘုရားသခင် ကောင်းချီးပေးပါစေ။ အမေရိကန်ပြည်ထောင်စုကို ဘုရားသခင် ကောင်းချီးပေးပါစေ။ သင်တို့အားလုံးကို ဘုရားသခင် ကောင်းချီးပေးပါစေ။ ကျေးဇူးတင်ပါတယ်။

19/02/2026

ဗိုလ်နဂါးစစ်တပ်ထံ အညံ့ခံပြီးနောက် ဗိုလ်နဂါးတပ်၏ နိုင်ငံရေးမှူး၊ စစ်ရေးဒုတာဝန်ခံ နှင့် တပ်ဖွဲ့ဝင် ၁၅၀ ခန့်သည် အမျိုးသားညီညွတ်ရေးအစိုးရ NUG ထံ ဘက်ပြောင်းသွားသည်။

ဗိုလ်နဂါးတပ်ဖွဲ့ဝင်ဟောင်းများသည် NUG ထံ လက်နက်ချခြင်း(သို့မဟုတ်) ဖမ်းဆီးခံရခြင်းလား ဆိုသည်ကိုတော့ ရှင်းရှင်းလင်းလင်းမသိရသေးပါ။

17/02/2026

သတိအထူးသတိပေးသတင် ကိုယ့်ရဲ့ခလေးငယ်တွေ ဖုန်းမှာဘာတွေလုပ်နေလဲဆိုတာအထူးသတိရှိကျပါဖေဖေမေမေတို့😭🙏
ဖိလစ်ပိုင်မှာအသက် (၁၄) နှစ်အရွယ် ကောင်ခလေးငယ်တစ်ဦးက မိန်းကလေးငယ်နှစ်ဦးကို ကို-ယ်ဝ-န်ရစေခဲ့လို့ဖိလစ်ပိုင်နိုင်ငံတွင်သ-က် ငယ်ကိုယ်ဝန်တည်ခဲ့မှု့ကိုအလွန်ဖြစ်နေကြသည်။ ကလေးများကိုယ်ဝန်ဆောင်တဲ့ရုပ်သံကိုမဆင်ခြင်တဲ့အွန်းလိုင်မှာတင်လိုက်လို့ကျန်တဲ့ဆယ်ကျော်အောက်ခလေးအများအပြားဝင်ကြည့်ရာမှဤကဲ့သို့ဖြစ်ရပ် ဖိလစ်ပိုင်တွင် ဆယ်ကျော်သက်များစွာကကို-ယ်ဝ-န်ဆော-င် နေကျသည်😭။ NPR အစီရင်ခံစာအရ ပြီးခဲ့သည့် ၁၀ နှစ်အတွင်း အသက် ၁၀ နှစ်မှ ၁၉ နှစ်အရွယ် မိန်းကလေးငယ် ၁.၂ သန်းကျော်ကလေးမွေးဖွားနေကျသည်
ဖိလစ်ပိုင်ကလေးအဖွဲ့အစည်းကမနှစ်ဖွယ်ရာဖြစ်ရပ်များ ထပ်မံဖြစ်ပွားခြင်းမှ ကာကွယ်ရန်အတွက် အစိုးရအနေဖြင့် ပြဿနာများကို ဖြေရှင်းရန် တောင်းဆိုခဲ့ကြသည်။
တစ်ချိန်တည်းမှာပင်၊ အရွယ်မရောက်သေးသူများပါဝင်ကို ည-စ်ည-မ်းသောဗီဒီယိုများကို မျှဝေရာတွင် သတိထားရန် ခလေးများဝင် မကြည်နိုင်ရန် အင်တာနက်အသုံးပြုသူအများအပြားက တိုက်တွန်းခဲ့ပြီး လူမှုမီဒီယာကိုအသက်မစေ့သေးတဲ့ ကလေးသူငယ်များအတွင်တင်တင်ကြပ်ကြပ် ကာကွ-ယ်ရန် အရေးကြီးကြောင်း အလေးပေးပြောကြားခဲ့သည်။

Crd

New Burmese

17/03/2026

14/03/2026

09/03/2026

08/03/2026

07/03/2026

01/03/2026

28/02/2026

28/02/2026

28/02/2026

19/02/2026

17/02/2026

Address

Website

Alerts

Shortcuts

Share

Category