TIMES BIZ

25/02/2026

Casagrand Mandarin | 3 BHK 2016sft & 2227sft | 4 BHK 3156sft | Launching offer price 5999/- to 6299/-

Contact 9346115872

25/02/2026

24/02/2026

23/02/2026

తాగే పాలలో కల్తీ రసాయనాలు కలిపారు. అమాయకుల ప్రాణాలను పొట్టనబెట్టుకున్నారు. రాజమండ్రిలో కల్తీ పాలు తాగి నలుగురు మృతి చెందారు. మరో 10 మంది ఆస్పత్రిలో చికిత్స పొందుతున్నారు. వీరిలో పిల్లలు, మహిళలు ఉన్నారు.

21/02/2026

"సమాజాన్ని కూల్చేసి స్మారకాలా?"
--- రేవంత్ పై ఘంటా చక్రపాణి ఫైర్

రాజకీయ నాయకులకు వారిని మీరు ఎంతప్రేమిస్తున్నారు అనే దానితో పనిలేదు. వారు ఎవరిని ప్రేమిస్తున్నారో, ఆ ప్రేమ ప్రకటించుకోవడం వల్ల వారికి ఎంత లాభం ఉంటుందో అదే ముఖ్యం. ఇప్పుడు హైదరాబాద్ నగరం నడిబొడ్డున గాంధీ పేరుతో కొత్త సరోవరం నిర్మిస్తామని ప్రభుత్వం ప్రకటించి దానికోసం వేలాదిమంది ని నిరాశ్రయులను చేసే పనికి పూనుకుంది. లక్షల కోట్ల రూపాయల విదేశీ రుణం తీసుకువచ్చి మూసీ తీరంలో ఒక వందల ఎకరాల వాణిజ్య వీధిని ఏర్పాటు చేయడానికి ప్రణాళికలు సిద్ధం చేసినట్టు చెపుతున్నారు. దానికోసం మీరు మీ ఇళ్లను ఖాళీచేసి వెళ్తే ఖరీదు చెల్లిస్తాం అని నోటిఫికేషన్ కూడా ఇచ్చేసారు.

మిత్రమా ఇల్లంటే నివాసం మాత్రమే కాదు. ఆ నివాసం చుట్టూ అల్లుకున్న జీవితం. దాని పునాదులు మొదలు ఆ ఆవరణం అంతటా పెనవేసుకుని ఒదిగిన జ్ఞాపకాల సమూహం. మా పిల్లలు ఎదిగిన పర్యావరణ ప్రపంచం. మా పెద్దలు ఒదిగిపోయిన సముదాయం. భావోద్వేగాలు, బంధాలు, అనుబంధాల సమాహారం.అది మా చెమట చుక్కల సరోవరం. సమాజాన్ని కూల్చేసి సరస్సులు, సరోవరాలు నిర్మించడం స్మారకాలు కట్టించడం ఎక్కడా జరుగలేదు.

ఇక్కడ గాంధీ గారి ఎత్తయిన విగ్రహాన్ని నెలకొల్పడం భక్తికోసం కాదు. బడా వాణిజ్యవేత్తల భుక్తి కోసం. అంబానీ, అదానీ లేదా వారి బినామీల కోసం. మేం దీన్ని వ్యతిరేకిస్తున్నాం. ఎందుకంటే అది మా ఇల్లు. ఇల్లంటే భవనం కాదు. అది మా జీవనం. మూసీ ఒడ్డున నిటారుగా నిలబడి 450 మందికి ఆవాసమైన మధు పార్క్ రిడ్జ్ ఆ నదిపై విరిసిన సప్తవర్ణ సింగిడి. దానిని అంగడి చేయాలనే ఆలోచనే అసంబద్ధం. పైసపైసా పేర్చుకుని కట్టుకున్న ఇల్లు ఖాళీ చేసి వెళ్ళిపోవడం అంటే జీవితాన్ని వదిలేసి పోవడం. అందుకే ఖాళీ చేసే ముచ్చటే లేదంటున్నారు. అయినా మీరు ఊడ్చేస్తారని తెలిసే ఈ దుఃఖం!

20/02/2026

అమెరికా సుప్రీంకోర్టు సంచలన తీర్పు. ట్రంప్‌ టారిఫ్‌లను కొట్టివేసిన అమెరికా సుప్రీంకోర్టు. సుంకాలు విధంచే హక్కు అధ్యక్షుడికి లేదన్న సుప్రీంకోర్టు.

18/02/2026

న్యూఢిల్లీలో ఈరోజు నిర్వహించిన “AI ఇంపాక్ట్ సమ్మిట్ 2026”లో గ్రేటర్ నోయిడాకు చెందిన Galgotias University వివాదంలో చిక్కుకుంది. చైనాలో తయారైన రోబోటిక్ కుక్కను “Orion” పేరుతో తమ సొంత ఆవిష్కరణగా ప్రదర్శించిందనే ఆరోపణల నేపథ్యంలో యూనివర్సిటీకి సమ్మిట్ నిర్వాహకులు గట్టి హెచ్చరికలు జారీ చేసి కార్యక్రమం నుంచి తప్పించారు.

ఈ వివాదానికి కేంద్రబిందువుగా నిలిచిన ప్రొఫెసర్ నేహా సింగ్ తన వ్యాఖ్యలు తప్పుగా అర్థం చేసుకున్నారని వివరణ ఇచ్చారు. రోబోట్ యాజమాన్యంపై తాను చేసిన ప్రకటనలను “మిస్ ఇంటర్‌ప్రెట్” చేశారని ఆమె పేర్కొన్నారు. అయితే ఈ పరిణామాల తర్వాత యూనివర్సిటీ యాజమాన్యం ఆ యంత్రాన్ని తామే రూపొందించామనే వాదనల నుంచి దూరంగా నిలిచింది.

తాజా పరిణామాల అనంతరం నేహా సింగ్ లింక్డ్‌ఇన్ ప్రొఫైల్‌లో ‘ఓపెన్ టు వర్క్’ అని ప్రదర్శించబడటం గమనార్హం. కమ్యూనికేషన్ విభాగానికి చెందిన ప్రొఫెసర్‌గా ఆమె తన లింక్డ్‌ఇన్ బయోలో భాషా పటిమ, వేదికపై వ్యక్తీకరణ సామర్థ్యంతో ఇతరులను ప్రేరేపించే నైపుణ్యం తనకుందని పేర్కొన్నారు.

“సరైన సమయంలో సరైన మాటలు అన్నింటినీ మార్చగలవు” అనే నమ్మకంతో సంవత్సరాలుగా వ్యక్తులకు తమ భావాలను స్పష్టంగా వ్యక్తపరచేందుకు సహాయపడుతున్నానని ఆమె తన బయోలో పేర్కొన్నారు.

ఈ ఘటన దేశవ్యాప్తంగా ప్రైవేట్ విశ్వవిద్యాలయాల పరిశోధన ప్రమాణాలు, సాంకేతిక ఆవిష్కరణల విశ్వసనీయతపై చర్చకు దారితీసింది.

17/02/2026

కాంగ్రెస్ ఖాతాలో మరో 7 మునిసిపాలిటీలు

నిన్న వాయిదా పడ్డ జనగామ, తొర్రూరు, డోర్నకల్, ఇల్లందు, జహీరాబాద్ సహా మరో 2 మునిసిపాలిటీలలో ఈరోజు జరిగిన బల నిరూపణలో కాంగ్రెస్ విజయం సాధించింది. ఆపార్టీ అభ్యర్థులు చైర్మన్లుగా ఎన్నికయ్యారు.

17/02/2026

ఇల్లందు; నిన్న వాయిదా పడ్డ భద్రాద్రి కొత్తగూడెం జిల్లా ఇల్లందు మున్సిపల్ కూడా ఈరోజు కాంగ్రెస్ ఖాతాలో పడింది. చైర్మన్ గా దొడ్డ కిరణ్ మిత్ర, వైస్ చైర్మన్ గా పెండ్యాల రాజు ఎన్నికయ్యారు. మున్సిపాలిటీలో 24 వార్డులకుగాను, 19 కాంగ్రెస్ పార్టీ గెలవగా, ఇద్దరు స్వతంత్ర అభ్యర్థులు కూడా కాంగ్రెస్ కండువా కప్పుకున్నారు. మొత్తం బలం 21కి చేరింది.ఈరోజు ప్రమాణస్వీకారం జరిగింది.

17/02/2026

ఐ బొమ్మ రవికి షరతులతో కూడిన బెయిల్ మంజూరు. పాస్ పోర్టు సరెండర్ చేయాలని నాంపల్లి కోర్టు ఆదేశించింది. ప్రతి రోజూ పీఎస్ లో హాజరుకావాలని సూచించింది.

17/02/2026

కాంగ్రెస్ ఖాతాలో మరో 4 మునిసిపాలిటీలు

నిన్న వాయిదా పడ్డ జనగామ, తొర్రూరు, డోర్నకల్, జహీరాబాద్ మునిసిపాలిటీలలో ఈరోజు జరిగిన బల నిరూపణలో కాంగ్రెస్ విజయం సాధించింది. ఆపార్టీ అభ్యర్థులు చైర్మన్లుగా ఎన్నికయ్యారు.

17/02/2026

నిన్న వాయిదా పడ్డ జనగామ, తొర్రూరు, డోర్నకల్, జహీరాబాద్ మునిసిపాలిటీలలో ఈరోజు జరిగిన బల నిరూపణలో కాంగ్రెస్ విజయం సాధించింది. ఆపార్టీ అభ్యర్థులు చైర్మన్లుగా ఎన్నికయ్యారు.