आपला विवेक बाजपेई

आपला विवेक बाजपेई "विचारांना दिशा, प्रश्नांना आवाज.राजकीय घडामोडी, व्यवसाय आणि सामाजिक व राजकीय विषयांवर परखड भाष्य."

13/08/2026

लातूर शहर विधानसभेत भाजपा निष्ठावंतांवर अन्याय का?
लातूर शहर भाजपातील निष्ठावंत कार्यकर्त्यांच्या मनात आज एकच प्रश्न आहे—पक्षासाठी ३०-४० वर्षे रक्ताचे पाणी करणाऱ्यांना न्याय कधी मिळणार?
लातूर महानगरपालिका निवडणुकीतील भाजपाचे रामायण-महाभारत आता लपून राहिलेले नाही. तिकीट वाटप करताना विद्यमान नगरसेवक, जुने निष्ठावंत कार्यकर्ते आणि पक्षासाठी वर्षानुवर्षे झटणाऱ्यांना योग्य प्रतिनिधित्व मिळावे, अशी मागणी होती. मात्र अनेक ठिकाणी मनमानी पद्धतीने निर्णय झाले, विद्यमान नगरसेवकांची तिकिटे कापली गेली आणि त्यामुळे पक्षांतर्गत असंतोष उफाळून आला.
याचा सर्वात मोठा परिणाम कोणावर झाला? त्या कार्यकर्त्यांच्या कुटुंबावर!
ज्या कार्यकर्त्याने लग्न झाल्यापासून संसारापेक्षा पक्षाला अधिक वेळ दिला, आंदोलनांपासून राममंदिर आंदोलनापर्यंत, लोकसभा-विधानसभा-महानगरपालिका-जिल्हा परिषद निवडणुकांमध्ये रात्रंदिवस पक्षासाठी धावपळ केली, पोस्टर लावले, सतरंज्या उचलल्या—त्याच्या पाठीशी उभे राहून संसाराचा गाडा पुढे नेणाऱ्या त्या माय-माऊलीची वेदना आपण समजून घेणार आहोत की नाही?
पतीला पक्षाची उमेदवारी मिळाली नाही म्हणून एखाद्या कार्यकर्त्याच्या पत्नीने अपक्ष निवडणूक लढवली, तर त्यामागची परिस्थिती समजून घेणे गरजेचे आहे. बंडखोरीचे समर्थन नाही; पण बंडखोरीमागची वेदना समजून घेण्याची संवेदनशीलता पक्षात असली पाहिजे.
आणखी एक गंभीर प्रश्न आहे—ज्यांनी यापूर्वी पक्षाच्या अधिकृत उमेदवाराविरोधात काम केले, ज्यांच्यावर पक्षविरोधी कारवायांचे आरोप झाले, अशांची ‘घरवापसी’ सहज होते; मग चार दशके पक्षासाठी कोणताही वैयक्तिक स्वार्थ न ठेवता काम करणाऱ्या निष्ठावंत कार्यकर्त्यांबाबतच कठोर भूमिका का?
निष्ठा ही निवडणुकीच्या वेळी आठवणारी गोष्ट नसते. निष्ठा ही आयुष्यभराची कमाई असते!
आज पद मिळाले म्हणून काही जण मनमानी करतील, जुने कार्यकर्ते दुर्लक्षित करतील आणि पक्षासाठी आयुष्य झिजवणाऱ्यांना अपमानित करतील, तर याचा विचार भारतीय जनता पार्टी महाराष्ट्र प्रदेशाने गांभीर्याने करण्याची वेळ आली आहे.
ज्या कार्यकर्त्यांचा राजकारणात प्रवेश झाला, त्यापूर्वीपासून हे कार्यकर्ते पक्षाचा झेंडा खांद्यावर घेऊन फिरत आहेत. आज ते वयाने मोठे झाले असतील, पण त्यांची पक्षनिष्ठा अजूनही तरुण आहे.
म्हणून महाराष्ट्र प्रदेश भाजपाने लातूर शहरातील निष्ठावंत कार्यकर्त्यांच्या प्रश्नाकडे तातडीने लक्ष द्यावे.
पक्षात मतभेद असू शकतात, नाराजी असू शकते; पण न्यायाची अपेक्षा ठेवणे हा गुन्हा नाही.
आज निष्ठावंत कार्यकर्त्यांच्या मनात निर्माण झालेली खदखद वेळेत दूर केली नाही, तर त्याचा फटका संघटनेलाच बसतो.
भाजपा ही कोणाच्या बापाची किंवा कोणाच्या पदाची मालमत्ता नाही—भाजपा ही लाखो कार्यकर्त्यांच्या त्याग, संघर्ष आणि निष्ठेने उभी राहिलेली संघटना आहे.
प्रदेश नेतृत्वाने खडबडून जागे व्हावे, लातूर शहरातील निष्ठावंतांचा आवाज ऐकावा
आणि “निष्ठेला न्याय, कार्यकर्त्याला सन्मान” या भूमिकेने पुढे जावे.
कारण…
ज्यांनी पक्षासाठी आयुष्य दिले, त्यांना पक्षाने आयुष्याच्या या टप्प्यावर एकटं सोडू नये!
आपला विवेक विध्याभुषण बाजपेई.
tavde rane Ravi Anaspure bjp

Nation First: देश प्रथम... बाकी सर्व नंतर!"राष्ट्र प्रथम" ही केवळ घोषणा नाही, तर भारताच्या उज्ज्वल भविष्याचा पाया आहे. ज...
28/07/2026

Nation First: देश प्रथम... बाकी सर्व नंतर!
"राष्ट्र प्रथम" ही केवळ घोषणा नाही, तर भारताच्या उज्ज्वल भविष्याचा पाया आहे. ज्या देशात राष्ट्रहितापेक्षा पक्षहित, स्वार्थ किंवा राजकीय गोंधळ मोठा मानला जातो, त्या देशाची प्रगती थांबते.
आज भारत एका नव्या युगात प्रवेश करत आहे. जग भारताकडे विश्वासाने पाहत आहे. अर्थव्यवस्था, संरक्षण, अवकाश, डिजिटल क्रांती, पायाभूत सुविधा आणि जागतिक नेतृत्व या सर्व क्षेत्रांत भारताने मोठी झेप घेतली आहे. अशा वेळी प्रत्येक भारतीयाने स्वतःला एक प्रश्न विचारला पाहिजे—
आपल्यासाठी प्रथम काय? राष्ट्र की राजकारण?
देशाच्या सुरक्षेचा प्रश्न असो, विकासाचा विषय असो किंवा संसदेतील जबाबदारी—प्रत्येक निर्णयामध्ये Nation First ही भावना सर्वात वर असली पाहिजे.
टीका करणे हा लोकशाहीचा भाग आहे, पण विकासाच्या प्रत्येक पावलावर अडथळे निर्माण करणे, संसदेचे कामकाज ठप्प करणे किंवा देशाच्या प्रतिमेला धक्का पोहोचवणारे वर्तन करणे हे लोकशाहीचे बळ नसून तिचे नुकसान आहे.
आज भारताला अशा नागरिकांची गरज आहे जे म्हणतील—
"माझा पक्ष नंतर... माझा देश आधी!"
जेव्हा १४० कोटी भारतीय Nation First या एका ध्येयाने एकत्र येतात, तेव्हा भारताला जगातील कोणतीही शक्ती रोखू शकत नाही.
राष्ट्र सर्वोच्च... भारत प्रथम... हाच नवा भारताचा संकल्प आहे!
🇮🇳 भारत माता की जय!
🇮🇳 वंदे मातरम्!
आपला विवेक विद्याभूषण बाजपेई

15/07/2026

भारतीय जनता पक्षाचा विजय महत्त्वाचा... भूतकाळातील आरोप-प्रत्यारोप नव्हे!
2019 च्या महाराष्ट्र विधानसभा निवडणुकीत औसा मतदारसंघातून भारतीय जनता पक्षाचे उमेदवार मा. अभिमन्युजी पवार विजयी झाले, तो क्षण प्रत्येक निष्ठावान भाजप कार्यकर्त्यासाठी अभिमानाचा आणि आनंदाचा होता. अनेक वर्षांच्या संघटनात्मक परिश्रमांना आणि कार्यकर्त्यांच्या अथक मेहनतीला मिळालेले ते यश होते.
त्यावेळी मा. बसवराजजी पाटील हे काँग्रेस पक्षात होते. त्यामुळे काँग्रेसमधील अंतर्गत गटबाजी, मतभेद किंवा राजकीय समीकरणांशी भारतीय जनता पक्षाच्या कार्यकर्त्यांचा कोणताही संबंध नव्हता. भाजप कार्यकर्त्यांसाठी महत्त्वाचा मुद्दा एकच होता—औसा मतदारसंघात पहिल्यांदाच भारतीय जनता पक्षाचा आमदार निवडून आला.
आज परिस्थिती बदलली आहे. मा. बसवराजजी पाटील यांनी भारतीय जनता पक्षात प्रवेश केला आणि मा. देवेंद्रजी फडणवीस यांच्या नेतृत्वाखाली त्यांना आमदार होण्याची संधी मिळाली. त्यामुळे प्रत्येक भाजप कार्यकर्त्याचा आनंद द्विगुणित झाला आहे. कारण पक्षाचा विस्तार, नवीन नेतृत्वाचे स्वागत आणि विचारधारेची ताकद वाढणे हेच भारतीय जनता पक्षाचे वैशिष्ट्य आहे.
म्हणून आजही 2019 च्या निवडणुकीकडे पाहताना "कोणत्या काँग्रेस नेत्याने बसवराजजी पाटील यांना पाडले?" याची चर्चा करण्यात फारसा अर्थ नाही. त्यापेक्षा "औसा मतदारसंघात पहिल्यांदाच भारतीय जनता पक्षाचा आमदार निवडून आला" हा इतिहास अधिक महत्त्वाचा आहे.
राजकारणात भूतकाळातील आरोप-प्रत्यारोपांपेक्षा वर्तमानातील एकजूट आणि भविष्याची वाटचाल अधिक महत्त्वाची असते. भारतीय जनता पक्षाची विचारधारा व्यक्तीपेक्षा पक्ष, पक्षापेक्षा राष्ट्र आणि विकासाला प्राधान्य देणारी आहे. त्यामुळे आज सर्वांनी एकत्रितपणे पक्ष संघटना अधिक मजबूत करण्यासाठी कार्य करणे हीच काळाची गरज आहे.
भाजप कार्यकर्त्यांचा खरा आनंद व्यक्तींच्या पराभवात नसून, भारतीय जनता पक्षाच्या विजयात आणि विचारांच्या विस्तारात आहे.
आपला विवेक विध्याभुषण बाजपेई

05/07/2026

चौकशी सुरू आहे... मग न्यायालयाचा निकाल आधी की विरोधकांचा?
अयोध्येतील श्रीराम मंदिर ट्रस्ट संदर्भातील कथित आर्थिक अनियमिततेची चौकशी सुरू आहे. संबंधित यंत्रणा आपले काम करत आहेत. अशा वेळी काय अपेक्षित आहे? सत्य समोर येईपर्यंत संयम, जबाबदारी आणि कायद्यावरील विश्वास.
परंतु काँग्रेस आणि काही स्वयंघोषित पुरोगामी विरोधी पक्षांची भूमिका पाहिली तर असे वाटते की चौकशी संपण्याआधीच त्यांनी निकाल जाहीर करून टाकला आहे. आरोप झाले म्हणजे दोष सिद्ध झाला, असा न्याय देशात कधीपासून सुरू झाला?
भारतीय न्यायव्यवस्था "आरोप" आणि "दोष सिद्ध होणे" यामध्ये स्पष्ट फरक करते. चौकशी करणाऱ्या संस्थांना त्यांचे काम करू द्या. जर कोणी दोषी असेल तर त्याच्यावर कठोर कारवाई व्हायलाच हवी. पण चौकशीच्या नावाखाली संपूर्ण मंदिर, ट्रस्ट किंवा कोट्यवधी रामभक्तांच्या श्रद्धेलाच लक्ष्य करणे हे केवळ राजकारण आहे.
ज्या पक्षांनी अनेक मोठ्या घोटाळ्यांच्या वेळी "चौकशी होऊ द्या" अशी भूमिका घेतली, तेच आज चौकशी पूर्ण होण्यापूर्वी राजकीय आरडाओरडा करत आहेत. हा दुटप्पीपणा जनतेपासून लपून राहणार नाही.
श्रीराम मंदिर हे केवळ दगडांचे बांधकाम नाही; ते कोट्यवधी भारतीयांच्या श्रद्धेचे प्रतीक आहे. जर कोणत्याही व्यक्तीने गैरव्यवहार केला असेल, तर त्याला शिक्षा व्हायलाच हवी. पण एखाद्या व्यक्तीच्या कथित कृत्याच्या आधारे संपूर्ण संस्थेला आणि श्रद्धेला बदनाम करण्याचा प्रयत्न कधीही स्वीकारला जाऊ शकत नाही.
राजकारण करा, पण श्रद्धेच्या नावावर दिशाभूल करू नका. चौकशीला तिचे काम करू द्या, सत्य बाहेर येऊ द्या आणि दोषींना शिक्षा होऊ द्या. पण न्यायालयाच्या आधी राजकीय न्यायालय भरवण्याची घाई लोकशाहीला शोभणारी नाही.
जय श्रीराम!
अयोध्येतील श्रीराम मंदिर ट्रस्ट संदर्भातील कथित आर्थिक अनियमिततेची चौकशी सुरू आहे. संबंधित यंत्रणा आपले काम करत आहेत. अशा वेळी काय अपेक्षित आहे? सत्य समोर येईपर्यंत संयम, जबाबदारी आणि कायद्यावरील विश्वास.
परंतु काँग्रेस आणि काही स्वयंघोषित पुरोगामी विरोधी पक्षांची भूमिका पाहिली तर असे वाटते की चौकशी संपण्याआधीच त्यांनी निकाल जाहीर करून टाकला आहे. आरोप झाले म्हणजे दोष सिद्ध झाला, असा न्याय देशात कधीपासून सुरू झाला?
भारतीय न्यायव्यवस्था "आरोप" आणि "दोष सिद्ध होणे" यामध्ये स्पष्ट फरक करते. चौकशी करणाऱ्या संस्थांना त्यांचे काम करू द्या. जर कोणी दोषी असेल तर त्याच्यावर कठोर कारवाई व्हायलाच हवी. पण चौकशीच्या नावाखाली संपूर्ण मंदिर, ट्रस्ट किंवा कोट्यवधी रामभक्तांच्या श्रद्धेलाच लक्ष्य करणे हे केवळ राजकारण आहे.
ज्या पक्षांनी अनेक मोठ्या घोटाळ्यांच्या वेळी "चौकशी होऊ द्या" अशी भूमिका घेतली, तेच आज चौकशी पूर्ण होण्यापूर्वी राजकीय आरडाओरडा करत आहेत. हा दुटप्पीपणा जनतेपासून लपून राहणार नाही.
श्रीराम मंदिर हे केवळ दगडांचे बांधकाम नाही; ते कोट्यवधी भारतीयांच्या श्रद्धेचे प्रतीक आहे. जर कोणत्याही व्यक्तीने गैरव्यवहार केला असेल, तर त्याला शिक्षा व्हायलाच हवी. पण एखाद्या व्यक्तीच्या कथित कृत्याच्या आधारे संपूर्ण संस्थेला आणि श्रद्धेला बदनाम करण्याचा प्रयत्न कधीही स्वीकारला जाऊ शकत नाही.
राजकारण करा, पण श्रद्धेच्या नावावर दिशाभूल करू नका. चौकशीला तिचे काम करू द्या, सत्य बाहेर येऊ द्या आणि दोषींना शिक्षा होऊ द्या. पण न्यायालयाच्या आधी राजकीय न्यायालय भरवण्याची घाई लोकशाहीला शोभणारी नाही.
जय श्रीराम!

संघर्षातून घडलेले नेतृत्व… माझा जिवलग मित्र अभिमन्युजी पवार यांना वाढदिवसाच्या मनःपूर्वक शुभेच्छा!1 जुलै हा माझ्यासाठी क...
01/07/2026

संघर्षातून घडलेले नेतृत्व… माझा जिवलग मित्र अभिमन्युजी पवार यांना वाढदिवसाच्या मनःपूर्वक शुभेच्छा!
1 जुलै हा माझ्यासाठी केवळ एका आमदाराचा वाढदिवस नाही, तर माझ्या जिवलग मित्राचा, सहप्रवाशाचा आणि भारतीय जनता पक्षाच्या विचारांसाठी आयुष्य वाहिलेल्या एका निष्ठावान कार्यकर्त्याचा वाढदिवस आहे.
प्रिय मित्र मा. आमदार अभिमन्युजी पवार, आपण आणि मी 1991–92 पासून भारतीय जनता पक्षाचे काम करत आहोत. त्या काळातील संघर्ष, पदयात्रा, सभा, संघटन बांधणी, कार्यकर्त्यांसोबत घालवलेले असंख्य दिवस आणि पक्षवाढीसाठी केलेले अथक परिश्रम आजही डोळ्यांसमोर उभे राहतात.
कार्यकर्त्यांतून घडलेले नेतृत्व म्हणजे अभिमन्युजी पवार. कोणत्याही राजकीय घराण्याचा आधार नसताना केवळ कष्ट, निष्ठा, संघटन कौशल्य आणि जनतेचा विश्वास यांच्या बळावर आपण आज महाराष्ट्र विधानसभेत औसा मतदारसंघाचे प्रतिनिधित्व करत आहात, ही प्रत्येक जुन्या कार्यकर्त्यासाठी अभिमानाची बाब आहे.
आज आपण विधानभवनात जनतेचे प्रश्न मांडत आहात. मात्र एवढे मोठे पद मिळूनही कार्यकर्त्यांशी असलेले आपले प्रेम, आपुलकी आणि साधेपणा आजही तसाच कायम आहे. हीच आपल्या नेतृत्वाची खरी ओळख आहे.
आपल्या वाढदिवसानिमित्त परमेश्वराकडे एकच प्रार्थना—आपल्याला उत्तम आरोग्य, दीर्घायुष्य, अखंड ऊर्जा आणि जनसेवेचे अधिक सामर्थ्य लाभो. औसा मतदारसंघासह महाराष्ट्राच्या विकासासाठी आपल्या हातून अधिकाधिक कार्य घडो आणि आपल्या यशाची उंची दिवसेंदिवस वाढत राहो.
प्रिय मित्र अभिमन्युजी, वाढदिवसाच्या मनःपूर्वक हार्दिक शुभेच्छा!
ईश्वर आपल्या सर्व मनोकामना पूर्ण करो आणि आपण सदैव जनतेच्या सेवेसाठी कार्यरत राहा, हीच सदिच्छा.
– आपला जिवलग मित्र,
विवेक विद्याभूषण बाजपेई

"मैत्री जपली विचारांनी, संघर्ष जिंकला निष्ठेने… अशा माझ्या जिवलग मित्र मा. अभिमन्युजी पवार यांना वाढदिवसाच्या लाख लाख शुभेच्छा!"

30/06/2026

परिवारवादाची राजकारणावरची पकड आणि भारतीय जनता पक्षाचा विचारांचा मार्ग
राष्ट्रवादी काँग्रेस (पवार गट), काँग्रेस आणि शिवसेना (उद्धव बाळासाहेब ठाकरे) यांच्या राजकारणात एक समान धागा दिसतो—परिवारवाद. नेतृत्व, पक्षाची सूत्रे आणि पुढील पिढीचे राजकारण हे अनेकदा एकाच कुटुंबाभोवती केंद्रित असल्याची टीका सातत्याने होत आली आहे.
लोकशाहीमध्ये सर्वात मोठा सन्मान हा कार्यकर्त्याच्या संघर्षाचा असतो. पण जेव्हा पक्षात आडनावाला कर्तृत्वापेक्षा अधिक महत्त्व मिळते, तेव्हा सामान्य कार्यकर्त्याची स्वप्ने मर्यादित होतात. वर्षानुवर्षे पक्षासाठी राबणारा कार्यकर्ता पाहत राहतो, आणि सत्तेचा वारसा काही मोजक्याच घराण्यांमध्ये फिरत राहतो.
याउलट भारतीय जनता पक्षाने विचार, संघटन आणि कार्यकर्त्यांच्या बळावर स्वतःची ओळख निर्माण केली आहे. या पक्षात सामान्य कार्यकर्त्यालाही सर्वोच्च पदापर्यंत पोहोचण्याची संधी आहे, असा दावा भाजप सातत्याने करत आला आहे. पक्षाचे बळ कोणत्याही एका कुटुंबात नसून लाखो निष्ठावान कार्यकर्त्यांमध्ये आहे.
आजची लढाई केवळ सत्तेची नाही, तर परिवारवाद विरुद्ध विचारवाद अशी आहे. लोकशाही वारशाने चालत नाही; ती जनतेच्या विश्वासाने आणि कार्यकर्त्यांच्या कष्टाने उभी राहते.
घराण्यांचे राजकारण देशाला पुढे नेत नाही; कार्यकर्त्यांचे नेतृत्व राष्ट्र घडवते.
म्हणूनच प्रश्न प्रत्येक मतदाराने स्वतःला विचारला पाहिजे—आपल्याला परिवारवादी पक्ष हवे आहेत की विचारांवर चालणारे पक्ष? निर्णय जनतेचाच असेल, पण भवितव्यही त्यावरच ठरणार आहे.

30/06/2026

2029: देशाला सक्षम नेतृत्व हवे, केवळ विरोधासाठी विरोध नव्हे
2029 ची लोकसभा निवडणूक जसजशी जवळ येईल, तसतशी विविध विरोधी पक्ष एकत्र येण्याचा प्रयत्न करतील. परंतु केवळ एकत्र येणे म्हणजे सक्षम आणि स्थिर सरकार देण्याची हमी नसते. देशाला असे नेतृत्व हवे असते जे स्पष्ट धोरण, ठोस निर्णयक्षमता आणि दीर्घकालीन विकासाचा आराखडा देऊ शकेल.
काँग्रेस असो, उद्धव ठाकरे यांची शिवसेना असो, समाजवादी पक्ष असो किंवा शरद पवार यांच्या नेतृत्वाखालील तुलनेने लहान राजकीय पक्ष—या सर्वांची विचारसरणी, प्राधान्यक्रम आणि राजकीय भूमिका अनेकदा एकमेकांपेक्षा वेगळी दिसते. त्यामुळे केवळ सत्तेसाठी निर्माण झालेली आघाडी दीर्घकाळ स्थिर आणि प्रभावीपणे चालेल का, हा प्रश्न अनेक मतदारांच्या मनात उपस्थित होतो.
भारतासारख्या विशाल आणि विविधतेने नटलेल्या देशाला मजबूत अर्थव्यवस्था, राष्ट्रीय सुरक्षा, पायाभूत सुविधा, रोजगार, शिक्षण आणि परराष्ट्र धोरण यांसारख्या विषयांवर सातत्यपूर्ण निर्णय घेणारे सरकार आवश्यक असते. मतदारांनी कोणत्याही पक्षाला मतदान करताना केवळ घोषणा किंवा आघाड्या न पाहता, त्या पक्षाची कामगिरी, नेतृत्वाची क्षमता आणि देशासाठीचा दीर्घकालीन दृष्टिकोन यांचाही विचार करणे गरजेचे आहे.
लोकशाहीत अंतिम निर्णय जनतेचाच असतो. मतदारांनी तथ्यांच्या आधारे, विवेकाने आणि देशहिताला प्राधान्य देऊन मतदान केल्यासच भारताला सक्षम, स्थिर आणि विकासाभिमुख सरकार मिळू शकते.
"देश प्रथम, पक्ष नंतर" हा विचार प्रत्येक राजकीय पक्ष आणि प्रत्येक मतदाराने मनात ठेवला, तरच भारताची लोकशाही अधिक मजबूत होईल.

देश प्रथम... पक्ष नंतर!माजी पंतप्रधान अटल बिहारी वाजपेयी यांचे हे विचार आजही तेवढेच प्रेरणादायी आणि मार्गदर्शक आहेत."अगर...
29/06/2026

देश प्रथम... पक्ष नंतर!
माजी पंतप्रधान अटल बिहारी वाजपेयी यांचे हे विचार आजही तेवढेच प्रेरणादायी आणि मार्गदर्शक आहेत.
"अगर तुम अपनी पसंदीदा पार्टी की गलतियों पर चुप हो, तो तुम देश प्रेमी नहीं, सिर्फ एक 'पार्टी प्रेमी' हो। पार्टियां आएंगी-जाएंगी लेकिन देश रहना चाहिए।"
या एका वाक्यात लोकशाहीचा खरा आत्मा दडलेला आहे. कोणत्याही पक्षावर प्रेम असणे चुकीचे नाही. प्रत्येक नागरिकाला आपल्या विचारसरणीनुसार पक्ष निवडण्याचा अधिकार आहे. परंतु त्या पक्षाकडून चूक होत असेल, भ्रष्टाचार होत असेल किंवा जनहिताला बाधा पोहोचत असेल, तर त्यावर मौन बाळगणे म्हणजे लोकशाहीशी प्रामाणिक न राहणे होय.
खरा राष्ट्रप्रेमी तोच, जो पक्षापेक्षा राष्ट्राला मोठे मानतो. जो योग्य गोष्टींचे समर्थन करतो आणि चुकीच्या गोष्टींवर निर्भीडपणे आवाज उठवतो. टीका ही द्वेषातून नव्हे, तर राष्ट्रहिताच्या भावनेतून झाली पाहिजे. कारण विधायक टीका ही लोकशाहीला अधिक मजबूत बनवते.
आज सोशल मीडियाच्या युगात अनेकदा पक्षनिष्ठा इतकी प्रबळ होते की सत्य, विवेक आणि राष्ट्रहित दुय्यम ठरते. आपल्या आवडत्या पक्षाची प्रत्येक कृती योग्य आणि विरोधकांची प्रत्येक कृती चुकीची, असा दृष्टिकोन लोकशाहीसाठी घातक आहे. विचारांवर चर्चा व्हावी, व्यक्तीपूजा किंवा आंधळे समर्थन नव्हे.
अटलजींनी आपल्या संपूर्ण राजकीय कारकिर्दीत मतभेदांना स्थान दिले, विरोधकांचा आदर केला आणि राष्ट्रहिताला सर्वोच्च मानले. म्हणूनच ते केवळ एका पक्षाचे नेते नव्हते, तर संपूर्ण देशाचे आदरणीय नेते होते.
चला, आपणही अशीच भूमिका घेऊया—
पक्षावर प्रेम असू द्या, पण देशावर त्याहून अधिक प्रेम असू द्या.
कारण पक्ष बदलतात, सत्ता बदलते; पण भारत कायम राहिला पाहिजे.
🇮🇳 राष्ट्र प्रथम... पक्ष नंतर! 🇮🇳

27/06/2026

माझा छोटा मुलगा चि.वेदांत यांस वाढदिवसानिमित्त शुभ आर्शीवाद....

27/06/2026

गैरसमज संपले... आता विषयही संपवूया!
काल सारथीच्या कार्यक्रमात मा. राज्यसभा खासदार सौ. मेधाताई कुलकर्णी आणि आमदार अभिमन्युजी पवार यांच्यातील गैरसमज दूर झाल्याचे पाहायला मिळाले. दोघेही भारतीय जनता पार्टीचे जबाबदार नेते आहेत. मेधाताई या ज्येष्ठ नेत्या आहेत, तर अभिमन्युजी पवार हे पक्षाच्या विचारांवर वाढलेले युवा नेतृत्व आहेत.
भारतीय जनता पार्टीची संस्कृती ही संवाद, संयम आणि संघटनाला सर्वोच्च मानणारी आहे. मतभेद असू शकतात, पण ते मनभेदात बदलू नयेत, हीच आपल्या पक्षाची शिकवण आहे.
त्यामुळे आता सोशल मीडियावर कोणत्याही नेत्याविषयी द्वेष, अपमान किंवा चुकीचे संदेश पसरवणाऱ्या पोस्ट टाकणे किंवा शेअर करणे टाळावे, ही सर्व कार्यकर्ते आणि समर्थकांना मनापासून नम्र विनंती.
आपण सर्वजण एकाच विचारपरिवाराचे घटक आहोत. व्यक्तीपेक्षा पक्ष, पक्षापेक्षा विचार आणि विचारापेक्षा राष्ट्रहित मोठे आहे. एकमेकांविषयी आदर राखत संघटनेची ताकद वाढवणे, हीच खरी कार्यकर्त्याची ओळख आहे.
चला, मतभेद विसरून एकजुटीने पक्ष आणि समाजासाठी कार्य करूया.
#एकजूट #संघटन_सर्वोपरि

Address

सहजीवन नगर जुना औसारोड लातुर
Latur
413512

Website

Alerts

Be the first to know and let us send you an email when आपला विवेक बाजपेई posts news and promotions. Your email address will not be used for any other purpose, and you can unsubscribe at any time.

Shortcuts

Share

Category