13/04/2023
ਮੈਨੂੰ ਦੇਹ ਮਾਫ਼ੀ ਮੇਰੀ ਧੀ ਰਾਣੀਏ ਕਰਕੇ ਵਾਅਦੇ ਨਿਭਾ ਨਾ ਸਕਿਆ ਤੇਰੇ ਨਾਲ,
ਮੇਰੀ ਜ਼ਿੰਦਗੀ ਵਿੱਚ ਤੂੰ ਦੇਹ ਦਸਤਕ ਮੇਰੇ ਕਰਤੇ ਹੱਲ ਸਵਾਲ।
ਉਸ ਦਿਨ ਜਦ ਤੱਕਿਆ ਘਰ ਨਾਨਕੇ ਪੁੱਤ ਮਿਹਰ ਨੂੰ ਪਹਿਲੀ ਵਾਰ,
ਮੇਰਾ ਹੱਥ ਨਾ ਰਿਹਾ ਮੇਰੇ ਕਾਬੂ ਤੇ ਮੈ ਸਿਰ ਤੇ ਹੱਥ ਰੱਖ ਦਿੱਤਾ ਪਿਆਰ।
ਪੁੱਤ ਦੇਖ ਤੈਨੂੰ ਮੈ ਸਾਮਣੇ ਜਦੋਂ ਪਹਿਲੀ ਵਾਰੀ ਤੱਕਿਆ ,
ਮੈ ਰੱਬ ਨੂੰ ਨਾਲ ਹੀ ਕਰ ਸ਼ਿਕਵਾ ਤੇ ਇਹੋ ਕਹਿ ਸਕਿਆ।
ਮੈ ਉਸ ਡਾਹਡੇ ਰੱਬ ਨੂੰ ਕਿਹਾ ਉਏ ਰੱਬਾ ਮੇਰਿਆਂ ਤੂੰ ਕਿਹੋ ਜਿਹੇ ਅਸੂਲ ਬਣਾਏ,
ਇਹਨੂੰ ਭੇਜ ਤੂੰ ਸਾਡੇ ਘਰ ਦਿੰਦਾ ਨਹੀਂ ਧੀ ਬੇਕਦਰਾ ਅਪਣਾਏ।
ਇਕਨਾ ਦੇ ਵਾਸਤੇ ਤੂੰ ਵੱਡੇ ਮਹਿਲ ਮੁਨਾਰੇ ਚੁਣਕੇ ਦਿੱਨਾ ਉਸ ਮਹਿਲਾ ਵਿੱਚ ਭੇਜ,
ਧੀਆਂ ਤੇ ਸਾਰੀਆਂ ਹੁੰਦੀਆਂ ਦਾਤਾ ਤੇਰੇ ਦਰਬਾਰ ਦੀਆਂ ਸਰਦਲਾਂ ਦੀ ਸੇਜ।
ਮੇਰਾ ਮਿਹਰ ਪੁੱਤ ਜਦੋਂ ਮਿਲਿਆ ਦੂਜੀ ਵਾਰ ,
ਪਿਉ ਧੀ ਨੇ ਖ਼ੂਬ ਕੀਤੀ ਮਸਤੀ ਤੇ ਗੂੜ੍ਹਾ ਕਰਲਿਆ ਪਿਆਰ ।
ਜਦ ਮੈਂ ਕੋਲ ਹੋਵਾ ਤਾਂ ਬੇਪਰਵਾਹੀ ਨਾਲ ਖੇਡ ਰਹੀ ਮਿਹਰ ਪੁੱਤ ਨੂੰ ਤੱਕਦਾ
ਮੈਂ ਹਮੇਸ਼ਾ ਕਹਿੰਦਾ ਆਪਣੀ ਨੰਨੀ ਪਰੀ ਨੂੰ ਹਰ ਵੇਲੇ ਖੇਡੀ ਜਾਦਾ ਨਹੀ ਕਦੇ ਥੱਕਦਾ।
ਕਹਿੰਦੀ ਪਾਪਾ ਮਸਾਂ ਤੇ ਮਿਲਦਾ ਮੋਕਾਂ ਖੇਡਣ ਦਾ ਸਾਰਾ ਦਿਨ ਮੈ ਸਕੂਲ ਰਹਿੰਦਾ,
ਘਰ ਆ ਕੇ ਫਿਰ ਕਰ ਹੋਮਵਰਕ ਮੈ ਫਿਰ ਕਦੇ ਕਿਤੇ ਬੈਠ ਕਦੇ ਕਿਤੇ ਮੰਮਾ ਨੂੰ ਇਹੋ ਕਹਿੰਦਾ,
ਮੈਨੂੰ ਦਿਉ ਚੀਜੀਆ ਪਾਪਾ ਵਾਲੀਆਂ ਜੋ ਉਸ ਦਿਨ ਦੇ ਕੇ ਗਏ,
ਤੁਹਾਨੂੰ ਕਿਹਾ ਖਾ ਲੈਣ ਦੇ ਰੱਜ ਕੇ ਪੁੱਤ ਨੂੰ ਪਾਪਾ ਕਹਿ ਕੇ ਗਏ।
ਏਨੀ ਛੋਟੀ ਉੱਮਰ ਵਿੱਚ ਹੀ ਮਿਹਰ ਨੂੰ ਕਿੰਨੀ ਸਿਆਣੀ ਰੱਬ ਨੇ ਦਿੱਤਾ ਕਰ ,
ਮੈਨੂੰ ਮੁੰਹ ਢਿੱਲਾ ਕਰ ਨਿੱਤ ਕਹਿੰਦੀ ਪਾਪਾ ਆਪਾ ਕਦੋਂ ਜਾਣਾ ਆਪਣੇ ਘਰ।
ਮੈ ਸੋਚਾਂ ਵਿੱਚ ਡੁੱਬ ਕੇ ਦਿਲ ਨੂੰ ਲੱਗਿਆ ਪੁੱਛਣ ਕੀਤਾ ਹੈ ਪੁੱਤ ਨੇ ਜੋ ਸਵਾਲ ,
ਮੈ ਇੱਕ ਦਮ ਦੇਕੇ ਸਕੂਲ ਵੈਨ ਦਾ ਹਵਾਲਾ ਤੇ ਇੱਕ ਦਮ ਦਿੱਤਾ ਟਾਲ ।
ਜਦੋ ਕੱਲੀ ਮੇਰੇ ਗੋਦੀ ਆ ਬੈਠਦੀ ਤੇ ਬੜਾ ਕੁੱਝ ਪੁੱਛ ਕੇ ਮੈਨੂੰ ਸੋਚਾਂ ਵਿੱਚ ਪਾ ਦਿੰਦੀ ,
ਫਿਰ ਕਹਿਣਾ ਪਾਪਾ ਤੁਸੀ ਤੇ ਚੰਗੇ ਹੋ ਮੈਨੂੰ ਕਦੇ ਮੰਮਾ ਕਦੇ ਨਾਨੀ ਬਿਨਾ ਗਲਤੀ ਤੋ ਸਜਾ ਦਿੰਦੀ ।
ਮੈ ਘੁੱਟ ਬਾਂਹਾਂ ਵਿੱਚ ਪੁੱਤ ਮਿਹਰ ਨੂੰ ਇੱਕ ਦਮ ਇਹੋ ਕਹਿਣਾ ,
ਬੱਸ ਥੋੜ੍ਹੀ ਦੇਰ ਹੋਰ ਹੀ ਆਪਾ ਆਪਣੇ ਘਰ ਜਲਦੀ ਜਾ ਰਹਿਣਾ ।
ਫਿਰ ਮੈ ਖੂਸ਼ੀ ਖੁਸ਼ੀ ਆਪਣੇ ਸ਼ੇਰ ਪੁੱਤ ਨੂੰ ਕਈ ਕਈ ਲਾਡ ਲਡਾਉਣੇ ਤੇ ਸੀਨੇ ਲੈਣਾ ਲਾਅ,
ਅਲੱਗ ਜ਼ਿਆਦਾ ਸਕੂੰਨ ਤੇ ਮੇਰੀ ਖੁਸ਼ੀ ਦਾ ਕੋਈ ਟਿਕਾਣਾ ਨਹੀਂ ਤੇ ਸਾਂਭਿਆ ਨਾ ਜਾਂਦਾ ਚਾਅ।
ਮੈਨੂੰ ਇੱਕ ਗੱਲ ਬੜੀ ਉਹਦੀ ਜੱਚਦੀ ਜਦੋ ਕਹਿੰਦੀ ਤੁਸੀ ਗੰਦੇ ਪਾਪਾ ਹੋ,
ਤੁਸੀ ਮੈਨੂੰ ਕਹਿ ਦਿੰਦੇ ਮੇਰੇ ਮਿਹਰ ਪੁੱਤ ਨੂੰ ਕੀ ਚਾਹੀਦਾ ?ਪਰ ਫਿਰ ਨਹੀਂ ਲੈ ਕੇ ਦਿੰਦੇ ਹੋ।
ਮੈ ਟਾਲਣ ਵਾਸਤੇ ਕਹਿਣਾ ਪੁੱਤ ਮੈ ਪੈਸੇ ਮੰਮਾ ਨੂੰ ਦੇ ਦਿੱਤੇ ਸੀ ਤੇ ਕਿਹਾ ਕੇ ਜੋ ਮੰਗੇ ਮੇਰਾ ਮਿਹਰ ਪੁੱਤ,
ਫਿਰ ਤੇਰੇ ਮੰਮਾ ਵੀ ਗੰਦੇ ਜੋ ਲੈ ਪੈਸੇ ਮੇਰੇ ਕੋਲੋ ਪੁੱਤ ਨੂੰ ਕਿਉਂ ਨਹੀਂ ? ਦਿੱਤਾ ਲੈ ਕੇ ਜੋ ਮੰਗਦਾ ਸ਼ੇਰ ਪੁੱਤ।
✍️📝Ⓜ️ਬਚਿੱਤਰ ਢਿੱਲੋ🙏
