Garmian Real Estate- راویژکاری خانووبەرەی گەرمیان-استشارات عقارية

20/09/2022

🔴 #ماستەرکڵاس #وخولی #تایبەتی #مارکیتینگی #عەقارات


پلاتفۆڕمی رووبەر (ROOBAR) بە هاوکاری دامەزراوەی لید (LEAD ) وپەیمانگەی پیت (PIT) و عەقارات دووان(DUWAN) بە هاوکاری لە گەڵ پارتنێرەکانی دیکە لە کوردستان وباکووری ئەمریکا پاکێجی " ماستەر کڵاسی مارکیتینگی عەقارات" ی تایبەت و بە شێواز و
ستراتیژیەتیکی نوێ بۆ خاوەن کۆمپانیاکانی عەقارات، خاوەن نووسینگەکانی عەقارات و ئارەزوومەندانی ستارتئاپ (startup)لە کەرتی عەقارات رادەگەیەنێت.



🔴 #ماوەی #خوولەکە:

🔻ئەم کۆرسە( ٢٠) کاتژمێرە ، و هەفتانە( ٤)کاژێر دەبێت بۆ ماوەی (٥) هەفتە.
🔻هەموو ماستەر کڵاس و خولەکە بە شێوەی ئۆلاینە لە رێگای زوومەوە.

🔴 #تایبەتمەندی #ئەم #ماستەر #کڵاس و #خوولی #تایبەتە:

🔻فێرکردن بەشێوازی پڕاکتیکی و تیۆریە.

🔻ڕاهێنان بە ستایلی ئەمریکیە.

🔻١٨ ساڵ ئەزموونی پڕاکتیکی،و ئەکادیمی لە بزنسی عەقارات.
🔻تیمێکی پسپۆڕ وانەکان دەڵێنەوە.
🔻وەرگرتنی بڕوانامەی باکوری ئەمریکا
🔻وەرگرتنی کتێب و بەردەست بوونی سەرچاوەی زانستی دیجیتاڵی بۆ بەژداربووان.

🔻 سەپۆرت و هاوکاری پێشکەش دەکرێت بە بەشداربووان پاش کۆرسەکە.

🔻داشکاندنی ٣٠٪ بۆ (کچان و ئافرەتان، کەس و کاری پلە یەکی شەهیدان، خوێندکاران، ئەوانەی بە گرووپ بەشداردەبن بە مەرجێ لە سێ کەس کەمتر نەبێت).

🔶 #تێبینی//

🔻ئەم کۆرسە لە ٢٠٢٢/١٠/٢٨ دەست پێدەکات.

🔻 زانیاری زیاتر لە کۆمێنتی یەکەم بخوێنەوە.

🔻بۆ زانینی نرخی ئەم ماستەر کڵاسە و چۆنیەتی بەشداری کرد، کۆمێنت بنووسە بەنامەی تایبەت زانیاریت پێ دەگات. یان پەیوەندی بکە بە ٠٧٧٠١٢٨٥١٤٦

29/01/2022

کۆریای باشور جۆرێک لە ئۆتۆمبێلەکانی بە تێچووی 5000 هەزار دۆلار دروستدەکات ...!
ئینجا دەیفرۆشێتە وڵاتانی عەرەب و ڕۆژهەڵاتی ناوەڕاست بە 7000 هەزار دۆلار !!

پاشان بەشێک لەو وڵاتانە کە نوقمی (گەندەڵی) بونەتەوە٫ هەڵدەستن بە دانانی (ڕەسم و گومرگێکی) زۆر لەسەر ئەو ئۆتۆمبێلانە، ئیدی تا دەگاتە دەستی بەکاربەر نرخی دەگاتە (20,000) هەزار دۆلار ...!

بۆت دەردەکەوێت ئەو کۆریایەی کە (2000) هەزار دۆلاری لە(یک سەیارە) (قازانج) کرد٫ ئەوندە (دەوڵەمەند) و (پێشکەوتووە)..
بۆتە یەکێک لە 20 گەورە ئابووریەکانی جیهان و لە پلەی (12)ە دایە.
ئەو وڵاتانەی کە (13000)هەزار دۆلاریان لە(یەک سەیارە) قازانج کرد،بێ ئەوەی (هیچ ئەرک و ماندوبونێک) بکێشن، وڵاتی دواکەوتوون و ڕێژەی هەژاری و بێکاری و برسێتیان زۆرە ...
قەرزاری زەوی و ئاسمانیشن !

ئامادەکردنی :منذر هەولێری
گروپی [ بیردۆزی ئابووری ]

28/01/2022

ئایا پێت وایە ئەم جۆرە دەستپێشخەریانە لە بەرژەوەندی چینی هەژار و کەم دەرامەتە؟
گروپی جیهان وبنەماڵەی حاجی یەحیا باجگر لەرێگەی سەیف هۆم safe home ەوە خانوو ،شووقە ،ئۆتۆمبێل بەقیستی درێژخایەن دەبەخشن بەهاوڵاتیان.

26/01/2022

رێکخراوی شەفافیەتی نێودەوڵەتی لیستی شەفافترین و گەندەڵترین وڵاتانی بڵاوکردەوە؛ لە رووی شەفافیەتەوە، لە کۆی 180 وڵات و هەرێم، عێراق و سێ وڵاتی دیکە لە پلەی 157ـەمیندا دێن، واتە عێراق دەیەم گەندەڵترین وڵاتی جیهانە، لە شەفافیەتدا، 23 نمرەی لەسەر 100ی هێناوە.

24/01/2022

عەلی حەمە ساڵح، ئەندامی پەرلەمانی کوردستان رایگەیاند، ھەرێمی کوردستان بە بەراورد لەگەڵ دەوڵەتانی جیھان، حەوتەم دەوڵەمەندترینە لە یەدەگی غازی سروشتیدا کە خاوەنی (5.7 ترلیۆن پێ سێجای غازە)، بۆیە باوەڕی وایە "بەپلانێکی تۆکمە نەک گرفتی غاز و کارەبا، خۆشگوزەرانیشی دەھێنا".

19/01/2022

لەماوەی پێنج ساڵدا لەهەولێر نرخی موڵک بەڕێژەی 37.45% بەرزبوونەوەی بەخۆیەوە بینیوە

موڵک نیوز/هەولێر
کۆمپانیای عەقاراتی حاجی سەلام لە کۆنگرەیەکی ڕۆژنامەوانیدا، ئامار و بەراوردی 5 ساڵی ڕابردووی کەرتی خانووبەرەیان خستەڕوو بۆ شاری هەولێر و دەوروبەری بەپێی ئامارەکانیش نرخی موڵک بەرزبونێکی بەرچاوی بەخۆیەوە بینیوە.

بەپێی ئامارەکان دەردەکەوێت بەشێوەیەکی گشتی نرخی موڵک لەهەموو سێکتەرەکانی (نیشتەجێبوون، کشتوکاڵ، بازرگانی) بەرزبونیان بەخۆیەوە بینیوە، تێکڕای بەرزبوونی گشتی موڵک لە نێوان ساڵانی 2016 تاوەکو 2021 بەڕێژەی 37.45% بووە.

لەئامارەکە ئەوە خراوەتەڕوو کە کەرتی نیشتەجێبوون بەڕێژەی 30.78% بەرزبوونی هەبووە، نرخی موڵکی بازرگانی بەڕێژەی 15.30% بەرزبوونی تۆمارکردوە، زەوی کشتوکاڵیش بەشێوەیەکی بەرچاو بەرزبوونی تۆمار کردوە بەڕێژەی 66.28%.

13/01/2022

وەزارەتی کار 2000هەلی کار دابین دەکات.

ئەمڕۆ چوارشەممە وەزارەتی کار و کاروباری کۆمەڵایەتی هەرێمی کوردستان راگەیێنراوێکی بڵاوکردەوە و رایگەیاند: "بۆ ئەو گەنج و لاوانەی كە ئارەزووی دامەزراندن دەكەن لە كۆمپانیاكان وەزارەتی كاروكاروباری كۆمەڵایەتی و بەڕێوەبەرایەتی گشتیی كار و دەستەبەری كۆمەڵایەتی ئەم هەلەتان بۆ دەرەخسێنێ بۆ ئەوەی لە یەكێك لە كۆمپانیاكانی كەرتی تایبەت كار بكەن چ لەڕێگای سەردانكردن بۆ بەڕێوەبەرایەتییەكانی كار لە هەرێمی كوردستان یاخود سەردانی ئەم لینكە (https://www.evtc-krg.org/ )بکەن و فۆرمی تایبەت بە هەلی كار پڕبكەنەوە، کە زیاتر لە دوو هەزار هەلی کاری تێدایە".

To be able to apply for a vacancy, you will need to have an account. You can use following links to create one or login if you already have an account.

12/01/2022

کام نهۆم لە شوقە بۆ ژيان گونجاوترینە؟

موڵک نیوز
نهۆمەکانی شوقە جیاوازی خۆیان هەیە بۆ ژیان تەنانەت لە جۆری دانیشتوانەکەشیدا، لێرەدا جۆری نهۆمەکان و گونجاوی بۆ ئاستەکانی دانیشتووان دەخەینەڕوو تاوەکو بە ئاسانترین شێوە بتوانن نهۆمی دڵخواز هەڵبژێرن:

نهۆمی خوارەوە
1-بە ئاسانی کەلوپەل و شتومەکەکانت دەگوازیتەوە.
2- بەراورد بە نهۆمەکانی سەرەوە نهۆمەکانی خوارەوە فێنکترن و پێویست بە فێنککەرەوەی زۆر ناکات.
3- لە کاتی ڕوودانی هەر حاڵەتێکی کتوپری وەک بومەلەرزە یاخود ئاگرکەوتنەوە بەزووترین کات لە باڵەخانەکە دەردەچیت.
4- بەکارهێنانی کەمترین قادرمە بۆ سەرکەوتن.

نهۆمی ناوەڕاست
1-دەنگەدەنگی کەمتر و بوونی ئارامی زیاتر.
2- پلەی گەرمیێکی جێگیر و گونجاو لە هەر چوار وەرزەکەدا.
3- بەکارهێنانی قادرمە بە ڕێژەیەکی کەم
4- بینینی دیمەنی ناوشارەکە بەئاستێکی تا ڕادەیەک باش.

نهۆمەکانی سەرەوە
1- نەبوونی مێش و مەگەز و مێرووەکان کە بەهۆی بەرزی نهۆمەکان ناتوانن هەڵگەڕێن بەسەریاندا.
2-کەمترین هەوڵی دزیکردن ڕوودەدات تێیاندا چونکە بەگشتی کەسانی دزیکەر و تاوانکەر بەدوای ئاسانترین ماڵەکاندا دەگەڕێن نەوەک نهۆمی بەرز و سەخت.
2- دەنگەدەنگی کەمتر، بەهۆی بەرزی نهۆمەکەوە دووردەبیت لە قەرەبالغی و جەنجاڵی و دەنگەدەنگی دانیشتوانی نهۆمەکانی خوارەوە.
3- لە زستاندا پێویست بە زۆر بەکارهێنانی ئامێرەکانی گەرمکەرەوە ناکات بەهۆی سرووشتی بوونی هەوای گەرم لە نهۆمە بەرزەکاندا.
4- دیاربوونی دیمەنی جوانی ناوشارەکە لە نهۆمە بەرزەکانەوە.

تۆ کام نهۆم هەڵدەبژێریت؟

11/01/2022

کوێستان محەممەد، وەزیرى کار و کاروبارى کۆمەڵایەتیى هەرێمی کوردستان دەڵێت، "ئەو کرێکارانەى دەستەبەریان بۆ کراوە، دواى 25 ساڵ خانەنشینى وەردەگرن، یان کە مردن خانەنشینى بۆ کەسوکارەکەى دەبەسترێت".

بە گوتەى وەزیرى کار، سندوقى دەستەبەرى کۆمەڵایەتى حەوت ملیار دۆلارى کۆکردووەتەوە، کە بەپێى یاسا کرێکار دواى ساڵێک لە نەمانى کارەکەى دەتوانێت وەریبگرێتەوە، ئەگەرنا دواى 25 ساڵ بە مووچەى بنەڕەتییەکەى خانەنشینى بۆ دەبەسترێت.

11/01/2022

11/01/2022

لە ماوەی ۱٦ ساڵدا بە بەهای ٥۹ ملیار دۆلار وەبەرهێنان کراوە لە هەرێمی کوردستان
سەرچاوە:دەستەی وەبەرهێنان

10/01/2022

کێشەی وەرین ستی چارە کراوە، دراوە بە وەبەرهێنەرێکی نوێ

موڵک نیوز/هەولێر
ئەمڕۆ یەکشەممە ڕێکەووتی 9-1-2022 سەرۆکی دەستەی وبەرهێنەران، چاوی کەوت بە خاوەن یەکەکانی وەرین ستی کە کێشەی لەسەر بوو

محمد شوکری؛ سەرۆکی دەستەی وەبەرهێنەران ڕایگەیاند: لەگەڵ ئەنجومەنی وەزیران لەهەوڵی جددی و بەردەوامین بۆ چارەسەر کردنی سەرچەم کێشەکانی پرۆژەکە.

هەروەها وتیشی: پرۆژەی وەرین ستی یەکێک بوو لەو پرۆژانەی کە کێشەی هەبووە، بەڵام لەکابینەی نۆیەم چارەسەر کراوە و ئێستا داوە بە وەبەرهێنەرێکی نوێ، لەماوەیەکی نزیکدا مۆڵەتی کارکردنی پێدەدرێتەوە، مافی هاوڵاتیان دەدرێتەوە.

پڕۆژەی وەرین ستی لە كەرتی 90ی پیرزین لە ساڵی 2010 لەسەر رووبەری 350 دۆنم دەست بە دروستكردنی كراوە كە 1500 یەكەی نیشتەجێبوونی بە رووبەری جیاواز لەخۆدەگرت، بەڵام وەبەرهێنەری پرۆژەکە کارەکەی تەواو نەکرد و پارەیەکی زۆری بەڵێندەران و خەڵکی برد.