Neak Okhna Phou Veasna

Neak Okhna Phou Veasna I- Real Estate developer , sell land , Flat , Villa
II - Rice Export ,
III- Microfinance
IV- Agriculture, Durian
V- Vegetables Wholesale Market .

Psar Phou Puy

Sydney 02-09-2026
02/09/2026

Sydney 02-09-2026

ស៊ីដនី៖ នារសៀលថ្ងៃទី០២ ខែកញ្ញា ឆ្នាំ២០២៦ គណៈប្រតិភូសភាពាណិជ្ជកម្មកម្ពុជា ដឹកនាំដោយ អ្នកឧកញ៉ា ភួ វាសនា អនុប្រធានសភាពាណិជ្...
02/09/2026

ស៊ីដនី៖ នារសៀលថ្ងៃទី០២ ខែកញ្ញា ឆ្នាំ២០២៦ គណៈប្រតិភូសភាពាណិជ្ជកម្មកម្ពុជា ដឹកនាំដោយ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង ប្រតិភូអមដំណេីរ បានអញ្ជើញជួបពិភាក្សាការងារជាមួយ លោក ឃុន សែន ប្រធានការិយាល័យតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី ព្រមទាំងបងប្អូនអាជីវករ និងសហគមន៍ធុរកិច្ចកម្ពុជានៅប្រទេសអូស្ត្រាលី។

ជំនួបនេះមានគោលបំណងពង្រឹងកិច្ចសហប្រតិបត្តិការ និងទំនាក់ទំនងរវាងសភាពាណិជ្ជកម្មកម្ពុជា និងការិយាល័យតំណាងសភាពាណិជ្ជកម្មកម្ពុជានៅទីក្រុងស៊ីដនី ព្រមទាំងស្វែងរកឱកាសថ្មីៗសម្រាប់ជំរុញ ពាណិជ្ជកម្ម ការវិនិយោគ និងការតភ្ជាប់វិស័យឯកជន រវាងកម្ពុជា និងអូស្ត្រាលី។

ក្នុងជំនួប ភាគីទាំងពីរបានផ្លាស់ប្តូរយោបល់ និងបទពិសោធន៍អំពីស្ថានភាពធុរកិច្ច និងសក្តានុពលទីផ្សារអូស្ត្រាលី ព្រមទាំងពិភាក្សាអំពីឱកាសសម្រាប់សហគ្រាស និងអ្នកធុរកិច្ចកម្ពុជា ក្នុងការពង្រីកទីផ្សារ បង្កើនបណ្តាញអាជីវកម្ម និងស្វែងរកដៃគូពាណិជ្ជកម្ម និងវិនិយោគ។

ក្នុងឱកាសនោះ អ្នកឧកញ៉ា ភួ វាសនា បានពាំនាំការផ្តាំផ្ញើសួរសុខទុក្ខពីសំណាក់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងបានបញ្ជាក់ពីសារៈសំខាន់នៃការិយាល័យតំណាងសភាពាណិជ្ជកម្មកម្ពុជានៅក្រៅប្រទេស ក្នុងការពង្រីកបណ្តាញទំនាក់ទំនងអន្តរជាតិ និងបង្កើតឱកាសថ្មីៗសម្រាប់វិស័យឯកជនកម្ពុជា។

ជាមួយគ្នានេះ អ្នកឧកញ៉ា បានលើកឡើងពីសារៈសំខាន់នៃការបន្តពង្រឹងទំនាក់ទំនងជាមួយសហគមន៍ធុរកិច្ចកម្ពុជានៅអូស្ត្រាលី ដែលអាចរួមចំណែកក្នុងការផ្សព្វផ្សាយផលិតផលកម្ពុជា ជំរុញការតភ្ជាប់សហគ្រាស និងបង្កើតឱកាសពាណិជ្ជកម្ម និងវិនិយោគរវាងប្រទេសទាំងពីរ។

ជំនួបនេះក៏ជាឱកាសសម្រាប់ប្រមូលមតិ និងស្វែងយល់ពីតម្រូវការ បញ្ហាប្រឈម និងសក្តានុពលរបស់សហគមន៍ធុរកិច្ចកម្ពុជានៅអូស្ត្រាលី ដើម្បីបន្តស្វែងរកកិច្ចសហការដែលអាចគាំទ្រដល់ការរីកចម្រើនរបស់វិស័យឯកជន និងការពង្រីកអាជីវកម្មកម្ពុជាទៅកាន់ទីផ្សារអន្តរជាតិ។

តាមរយៈកិច្ចសហការរវាង សភាពាណិជ្ជកម្មកម្ពុជា ការិយាល័យតំណាងសភាពាណិជ្ជកម្មកម្ពុជាប្រចាំទីក្រុងស៊ីដនី និងសហគមន៍ធុរកិច្ចកម្ពុជា-អូស្ត្រាលី រំពឹងថានឹងរួមចំណែកបង្កើនការតភ្ជាប់ធុរកិច្ច ពង្រីកឱកាសទីផ្សារ ជំរុញពាណិជ្ជកម្ម និងទាក់ទាញការវិនិយោគ ព្រមទាំងពង្រឹងទំនាក់ទំនងសេដ្ឋកិច្ច និងធុរកិច្ចរវាងកម្ពុជា និងអូស្ត្រាលីឱ្យកាន់តែស៊ីជម្រៅ។

រូបភាព និងអត្ថបទ៖ នាយកដ្ឋានទំនាក់ទំនងសភាពាណិជ្ជកម្មខេត្ត-ក្រុង

មែលប៊ន៖ នាព្រឹកថ្ងៃទី៣១ ខែសីហា ឆ្នាំ២០២៦ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្...
01/09/2026

មែលប៊ន៖ នាព្រឹកថ្ងៃទី៣១ ខែសីហា ឆ្នាំ២០២៦ អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានដឹកនាំគណៈប្រតិភូសភាពាណិជ្ជកម្មកម្ពុជា ទស្សនកិច្ច និងចូលរួមក្នុងកម្មវិធីពិព័រណ៍ម្ហូបអាហារអូស្ត្រាលី(Fine Food Australia 2026) នៅទីក្រុងមែលប៊ន ប្រទេសអូស្ត្រាលី ដែលជាពិព័រណ៍ឈានមុខគេមួយក្នុងវិស័យម្ហូបអាហារ និងកសិឧស្សាហកម្ម។

ព្រឹត្តិការណ៍នេះបានប្រមូលផ្តុំអ្នកតាំងពិព័រណ៍ជាង ៩០០ ក្រុមហ៊ុន/ម៉ាក និងអ្នកជំនាញក្នុងវិស័យជាង ២៥០០០ នាក់ ដោយមានការចូលរួមពីអាជីវកម្ម និងម៉ាកផលិតផលមកពីប្រទេសជាច្រើនជុំវិញពិភពលោក។ ជាពិសេស បានបង្ហាញនូវផលិតផល បច្ចេកវិទ្យា ឧបករណ៍ និងដំណោះស្រាយថ្មីៗជាច្រើនក្នុងវិស័យម្ហូបអាហារ និងបដិសណ្ឋារកិច្ច។

ក្នុងឱកាសនោះ គណៈប្រតិភូសភាពាណិជ្ជកម្មកម្ពុជា បានផ្លាស់ប្តូរយោបល់ជាមួយថ្នាក់ដឹកនាំក្រុមហ៊ុននានា អ្នកវិនិយោគ និងដៃគូអាជីវកម្មអន្តរជាតិ ដើម្បីស្វែងរកឱកាសពង្រីកកិច្ចសហប្រតិបត្តិការ ពាណិជ្ជកម្ម និងការវិនិយោគក្នុងវិស័យម្ហូបអាហារ និងបណ្តាប្រទេសក្នុងតំបន់។

Fine Food Australia 2026 ត្រូវបានចាត់ទុកថាជាព្រឹត្តិការណ៍ពិព័រណ៍ដ៏មានឥទ្ធិពលមួយ សម្រាប់ បង្កើតទំនាក់ទំនងអាជីវកម្ម ស្វែងរកដៃគូថ្មីៗ ផ្លាស់ប្តូរបទពិសោធន៍ និងពង្រីកបណ្តាញទំនាក់ទំនងអន្តរជាតិ ជាមួយអ្នកផលិត អ្នកផ្គត់ផ្គង់ អ្នកចែកចាយ អ្នកទិញ និងអ្នកជំនាញមកពីទីផ្សារផ្សេងៗ។

ការចូលរួមរបស់សភាពាណិជ្ជកម្មកម្ពុជា ក្នុងព្រឹត្តិការណ៍អន្តរជាតិនេះ ត្រូវបានមើលឃើញថា ជាជំហានមានសារៈសំខាន់ក្នុងការពង្រឹងកិច្ចសហប្រតិបត្តិការពាណិជ្ជកម្មអន្តរជាតិ ព្រមទាំងលើកស្ទួយសក្តានុពលវិស័យម្ហូបអាហារ និងឧស្សាហកម្ម ក្នុងឱកាសវិនិយោគរបស់កម្ពុជា ទៅកាន់ទីផ្សារក្នុងតំបន់ និងពិភពលោក។

តាមរយៈដំណើរទស្សនកិច្ចនេះ ក៏ជាសក្ខីភាពនៃការប្តេជ្ញាចិត្ត និងទិសដៅដ៏មុតមាំរបស់សភាពាណិជ្ជកម្មកម្ពុជា ក្រោមការចង្អុលបង្ហាញរបស់អ្នកឧកញ៉ា គិត ម៉េង ជាប្រធាន ដែលតែងជំរុញឱ្យមានកិច្ចសហការយ៉ាងជិតស្និទ្ធជាមួយដៃគូ និងស្ថាប័នអន្តរជាតិ ក្នុងការបន្តពង្រឹងទំនាក់ទំនងលើវិស័យធុរកិច្ច ពាណិជ្ជកម្ម និងការវិនិយោគ ជាមួយបណ្តាប្រទេសនានា និងដើម្បីឱ្យសមាជិក សមាជិកា ដែលស្ថិតក្នុងវិស័យម្ហូបអាហារ ក្នុងការទទួលបានបទពិសោធន៍ និងចំណេះដឹងបន្ថែមទៀតដែលអាចយកទៅអភិវឌ្ឍក្នុងអាជីវកម្មប្រកបដោយភាពជោគជ័យ៕

Melbourne , 31-08-2026 អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានអញ្ជើ...
01/09/2026

Melbourne , 31-08-2026 អ្នកឧកញ៉ា ភួ វាសនា អនុប្រធានសភាពាណិជ្ជកម្មកម្ពុជា និងជាប្រធានសភាពាណិជ្ជកម្មខេត្តបាត់ដំបង បានអញ្ជើញចូលរួមកិច្ចពិភាក្សាការងារ និងស្វែងយល់បន្ថែមអំពីកិច្ចសហប្រតិបត្តិការលើវិស័យពាណិជ្ជកម្ម និងវិនិយោគ ជាមួយការិយាល័យតំណាងសភាពាណិជ្ជកម្មកម្ពុជាប្រចាំទីក្រុង Melbourne ព្រមទាំងមានការចូលរូមពីសភាពាណិជ្ជកម្ម និងឧស្សាហកម្មរដ្ឋ Victoria , Australia.

ការជួបពិភាក្សាខាងលើ គឺជាឱកាសដ៏មានតម្លៃក្នុងការពង្រឹងបណ្តាញទំនាក់ទំនងអន្តរជាតិ ស្វែងរកដៃគូសហការថ្មីៗ និងបង្កើតមូលដ្ឋានសម្រាប់កិច្ចសហប្រតិបត្តិការនាពេលអនាគត ជាពិសេសស្វែងយល់ពី សក្តានុពលទីផ្សារ ឱកាសវិនិយោគ ការពង្រីកទំនាក់ទំនងអាជីវកម្ម និងការតភ្ជាប់វិស័យឯកជនរវាងកម្ពុជា និងអូស្ត្រាលី ដែលអាចរួមចំណែកដល់ការជំរុញ ពាណិជ្ជកម្ម ការវិនិយោគ និងទំនាក់ទំនងធុរកិច្ច។

អ្នកឧកញ៉ា ភួ វាសនា បានឆ្លៀតពាំនាំនៅការផ្ដាំផ្ញើសួរសុខទុក្ខពីសំណាក់ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងបានលើកឡើងថា៖ ការិយាល័យតំណាងសភាពាណិជ្ជកម្មកម្ពុជានៅក្រៅប្រទេស មានតួនាទីសំខាន់ក្នុងការផ្សារភ្ជាប់ ទំនាក់ទំនងរវាងវិស័យឯកជនកម្ពុជា ជាមួយដៃគូធុរកិច្ច អ្នកវិនិយោគ និងស្ថាប័នពាក់ព័ន្ធនៅ ប្រទេសដែលខ្លួនតំណាង។

រសៀលថ្ងៃទី 29 សីហា 2026 អ្នកឧកញ៉ា ភួ វាសនា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សា...
29/08/2026

រសៀលថ្ងៃទី 29 សីហា 2026 អ្នកឧកញ៉ា ភួ វាសនា តំណាង អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា ដឹកនាំគណះប្រតិភូ សភាពាណិជ្ជកម្មកម្ពុជា ទៅចូលរួមកម្មវិធី ពាណិជ្ជកម្ម នៅទីក្រុង Melbourne និង ទីក្រុង Sydney ប្រទេស Australia ។

ខេត្តបាត់ដំបង | នៅថ្ងៃទី២៤ ខែសីហា ឆ្នាំ២០២៦ អ្នកឧកញ៉ា​ ភួ​ វាសនា​ ប្រធានសភាពាណិជ្ជកម្មខេត្តបាត់ដំបង និងជាសហប្រធាន​ក្រុមក...
24/08/2026

ខេត្តបាត់ដំបង | នៅថ្ងៃទី២៤ ខែសីហា ឆ្នាំ២០២៦ អ្នកឧកញ៉ា​ ភួ​ វាសនា​ ប្រធានសភាពាណិជ្ជកម្មខេត្តបាត់ដំបង និងជាសហប្រធាន​ក្រុមការងារផ្លូវការផ្នែករដ្ឋាភិបាលថ្នាក់ក្រោមជាតិ​ ក្រោមយន្តការភាពជាដៃគូ រវាងរដ្ឋបាលខេត្ត​ និងសភាពាណិជ្ជកម្មខេត្តបាត់ដំបង បានរៀបចំ កិច្ចប្រជុំពេញអង្គវិស័យឯកជនថ្នាក់ខេត្តបាត់ដំបង ដោយមានការគាំទ្រពី គម្រោង EU-German GATE ក្នុងគោលបំណងប្រមូលមតិយោបល់ បញ្ហាប្រឈម និងសំណើរបស់វិស័យឯកជន ព្រមទាំងសាកល្បងអនុវត្ត SOP សម្រាប់យន្តការកិច្ចសន្ទនាវិស័យឯកជនថ្នាក់ខេត្ត។

ក្នុងឱកាសនេះ មានការអញ្ជើញចូលរួមពី៖

🔹 លោក សុក ខា ទីប្រឹក្សាជាន់ខ្ពស់ គម្រោង EU-German GATE
🔹 លោក កែវ វាសនា ប្រធាននាយកដ្ឋានអភិវឌ្ឍន៍ និងសហ ប្រតិបត្តិការ និងជាលេខាធិការ នៃគណ:កម្មការសម្របសម្រួលក្រុមការងារផ្នែក ឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ)
🔹 លោក លោកស្រី តំណាងវិស័យឯកជន​ និងអនុប្រធាន សមាជិក និងសមាជិកា សភាពាណិជ្ជកម្មខេត្តបាត់ដំបង
🔹 លោក លោកស្រី តំណាងសមាគម សហគមន៍ ប្រធានចង្កោម ម្ចាស់អាជីវកម្ម ក្រុមហ៊ុន សហគ្រាស និងភាគីពាក់ព័ន្ធនានា។

កិច្ចប្រជុំនេះបានរៀបចំការពិភាក្សាជា ៣ ផ្នែកសំខាន់ៗ រួមមាន៖

🔸 ផ្នែក SME និងពាណិជ្ជកម្ម
ផ្តោតលើបញ្ហាប្រឈមរបស់សហគ្រាសធុនតូច និងមធ្យម ការធ្វើអាជីវកម្ម ការចូលទីផ្សារ ពាណិជ្ជកម្ម ការនាំចេញ ស្តង់ដារ ការវេចខ្ចប់ ភស្តុភារ និងបញ្ហាពាក់ព័ន្ធផ្សេងៗ។

🔸 ផ្នែកកសិកម្ម
ផ្តោតលើបញ្ហានៅក្នុងខ្សែសង្វាក់តម្លៃកសិកម្ម ចាប់ពីការផលិត ការប្រមូលទិញ ការកែច្នៃ គុណភាព ស្តង់ដារ ទីផ្សារ និងការនាំចេញផលិតផលកសិកម្ម។

🔸 ផ្នែកទេសចរណ៍
ពិភាក្សាអំពីបញ្ហាប្រឈម និងតម្រូវការរបស់អាជីវកម្មក្នុងវិស័យទេសចរណ៍ ដើម្បីរួមចំណែកលើកកម្ពស់បរិយាកាសអាជីវកម្ម និងការអភិវឌ្ឍវិស័យទេសចរណ៍ក្នុងខេត្តបាត់ដំបង។

តាមរយៈកិច្ចពិភាក្សា អ្នកចូលរួមបានចែករំលែក បញ្ហាជាក់ស្តែង បទពិសោធន៍ និងសំណើដំណោះស្រាយ ដែលជាធាតុសំខាន់សម្រាប់សភាពាណិជ្ជកម្មក្នុងការប្រមូល រៀបចំ និងកំណត់អាទិភាពបញ្ហារបស់វិស័យឯកជន។

កិច្ចប្រជុំនេះក៏ជាជំហានសំខាន់មួយក្នុងការសាកល្បងអនុវត្ត SOP នៃយន្តការ Public-Private Dialogue (PPD) / Provincial G-PSF នៅខេត្តបាត់ដំបង ដោយផ្តោតលើការបង្កើតយន្តការដែលមានរបៀបរៀបរយ សម្រាប់ប្រមូលបញ្ហា កំណត់អាទិភាព និងតាមដានដំណោះស្រាយរបស់វិស័យឯកជន។ ឯកសារកិច្ចសហការក៏បានកំណត់ថា សភាពាណិជ្ជកម្មនឹងបន្តរៀបចំកិច្ចប្រជុំវិស័យឯកជនជាប្រចាំ និងបង្កើតយន្តការតាមដានការឆ្លើយតបចំពោះបញ្ហាដែលបានលើកឡើង។

សភាពាណិជ្ជកម្មខេត្តបាត់ដំបង សូមថ្លែងអំណរគុណយ៉ាងជ្រាលជ្រៅដល់ គម្រោង EU-German GATE សម្រាប់ការគាំទ្រ និងកិច្ចសហការក្នុងការពង្រឹងយន្តការ Public-Private Dialogue និងសមត្ថភាពរបស់សភាពាណិជ្ជកម្មក្នុងការបម្រើវិស័យឯកជន។

ជាពិសេស សូមថ្លែងអំណរគុណដល់ លោក លោកស្រី តំណាងវិស័យឯកជន សមាគម សហគមន៍ ប្រធានចង្កោម ម្ចាស់អាជីវកម្ម ក្រុមហ៊ុន សហគ្រាស និងភាគីពាក់ព័ន្ធទាំងអស់ ដែលបានចូលរួម និងផ្តល់មតិយោបល់យ៉ាងសកម្ម។

🤝 រួមគ្នាស្តាប់បញ្ហា • រួមគ្នារកដំណោះស្រាយ • រួមគ្នាលើកកម្ពស់បរិយាកាសអាជីវកម្ម និងសេដ្ឋកិច្ចខេត្តបាត់ដំបង

#សភាពាណិជ្ជកម្មខេត្តបាត់ដំបង









រសៀលថ្ងៃទី ២០ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងជា ប្រធានក្រុមប្រឹក្សាផ្តល់យោបល់នៃវិទ្យា...
20/08/2026

រសៀលថ្ងៃទី ២០ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងជា ប្រធានក្រុមប្រឹក្សាផ្តល់យោបល់នៃវិទ្យាស្ថានពហុបច្ចេកទេសភូមិភាគតេជោសែនបាត់ដំបង វិទ្យាស្ថានបច្ចេកវិទ្យាខេត្តបាត់ដំបង និងវិទ្យាស្ថានជាតិវិជ្ជាជាវះបាត់ដំបង បានដឹកនាំកិច្ចប្រជ៉ំ ពិភាក្សា និងរៀបចំផែនការ លេីកទី ១ ដែលមានការចូលរួមពី អនុប្រធាន សមាជិក សមាជិកា នៃក្រុមប្រឹក្សាផ្តល់យោបល់នៃវិទ្យាស្ថានទាំង៣ ។
យោងតាមសេចក្តីសម្រេចរបស់ ក្រសួងការងារនិង បណ្តុះបណ្តាល វិជ្ជាជីវះ ។

រសៀលថ្ងៃទី ១៩ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង ទទួលជួប តំណាងសមាគមន៏ពាណិជ្ចករ កម្ពុជា-វៀតណា...
19/08/2026

រសៀលថ្ងៃទី ១៩ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង ទទួលជួប តំណាងសមាគមន៏ពាណិជ្ចករ កម្ពុជា-វៀតណាម ក្នុងប្រទេសកម្ពុជា តាមរយះ កុងស៊ុលវៀតណាមប្រចាំខេត្តបាត់ដំបង គោលបំណង ផ្លាស់ប្តូរពាណិជ្ជកម្មគ្នាទៅវិញ ទៅមក ។

ព្រឹកថ្ងៃទី ១១ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងអនុប្រធាន សមាជិក បានជួបប្រជុំជាមួយ ឯកឧត...
11/08/2026

ព្រឹកថ្ងៃទី ១១ សីហា ២០២៦ អ្នកឧកញ៉ា ភួ វាសនា ប្រធានសភាពាណិជ្ជកម្មខេត្តបាត់ដំបង និងអនុប្រធាន សមាជិក បានជួបប្រជុំជាមួយ ឯកឧត្តម អ៊ួង សុភារិន្ទ រដ្ឋលេខាធិការក្រសួងយុត្តិធម៌ ជាប្រតិភូក្រសួងយុត្តិធម៌ និងជាក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង , ឯកឧត្តម ឡុង គឹមឃន រដ្ឋលេខាធិការក្រសួងយុត្តិធម៌, ឯកឧត្តម ឯម ច័ន្ទមករា រដ្ឋលេខាធិការក្រសួងយុត្តិធម៌ ដើម្បីពិភាក្សា បង្ហាញពីសក្តានុពល ស្ថានភាពពាណិជ្ជកម្ម និង បញ្ហាប្រឈមផ្សេងៗ ក្នុងខេត្តបាត់ដំបង ដេីម្បីយកធាតុចូល ដោះស្រាយ និងអភិវឌ្ឍន៏អោយបានលឿនជាងមុន ក្នុងការជំរុញការវិនិយោគ និងការអភិវឌ្ឍសេដ្ឋកិច្ចក្នុងមូលដ្ឋាន ។

នៅថ្ងៃអាទិត្យ ទី៩ ខែសីហា ឆ្នាំ២០២៦ នៅស្នាក់ការបក្សឃុំរូងជ្រៃ កិច្ចប្រជុំប្រចាំខែ ត្រួតពិនិត្យវឌ្ឍនភាពការងារ និងដាក់ផែនក...
09/08/2026

នៅថ្ងៃអាទិត្យ ទី៩ ខែសីហា ឆ្នាំ២០២៦ នៅស្នាក់ការបក្សឃុំរូងជ្រៃ
កិច្ចប្រជុំប្រចាំខែ ត្រួតពិនិត្យវឌ្ឍនភាពការងារ និងដាក់ផែនការអនុវត្តបន្តសម្រាប់ខែបន្ទាប់ ក្រោមអធិបតីភាពអ្នកឧកញ៉ា ភួ វាសនា អនុប្រធានក្រុមការងារគណបក្សចុះមូលដ្ឋាន ស្រុកថ្មគោល និងជា ប្រធាន ក្រុមការងារ គណបក្សចុះមូលដ្ឋាន ឃុំ រូងជ្រៃ ដែលមានសមាភាពចូលរួមចំនួន ១១១ នាក់ ស្រី៤៦ នាក់ ។

Address

Battambang

Telephone

+85589898969

Website

Alerts

Be the first to know and let us send you an email when Neak Okhna Phou Veasna posts news and promotions. Your email address will not be used for any other purpose, and you can unsubscribe at any time.

Shortcuts

Share