ថៃ ហេង - Thai Heng

28/07/2026

😃 ចេញសម្តែងលើកដំបូង
👉 មកដល់ពេលនេះ ទើបបងដឹងថា ⚖️
♥️ អូនជាមនុស្សសំខាន់បំផុតសម្រាប់បង។
⭐️ចាប់ពីថ្ងៃនេះតទៅ បងស្តាប់តែអូនម្នាក់។
👍ព្រោះអូន ជាអ្នកដែលនៅក្បែរ និងមើលថែបងច្រើនជាងគេទៅថ្ងៃមុខ។
👉 អូន ជាជើងមុខ
👉 បង ជាជើងក្រោយ

10/06/2026

26/06/2025

ខ្ញុំជាឪពុក មិនត្រឹមបង្កើតកូននិងចិញ្ចឹមទេ… តែខ្ញុំចង់បង្កីត ធនធានសម្រាប់សង្គម!

ខ្ញុំបង្រៀនកូនស្រី៖
1️⃣ ស្មោះត្រង់ – ទទួលស្គាល់ការពិត និងទទួលខុសត្រូវ
2️⃣ ខិតខំសិក្សា – ដើម្បីមានចំណេះដឹងជួយជាតិ
3️⃣ គោរពអ្នកដទៃ – ចេះសហការជាក្រុម
4️⃣ សប្បុរស – ចេះជួយអ្នកខ្សោយដោយមិនរើសអើង
5️⃣ ជឿខ្លួនឯង – ដើម្បីក្លាយជាអ្នកដឹកនាំសង្គមថ្ងៃស្អែក

👉 កូនម្នាក់ល្អ អាចបំផុសសង្គមមួយឲ្យរីកចម្រើន ❤️🇰🇭
សង្គមល្អ ចាប់ពីគ្រួសារល្អ។

28/01/2024

ចេញរកស៊ី មិនងាយខាត តាមក្បួនទាំង៥នេះ

ក្បួនទី១. ត្រូវរកស៊ីលើអ្វីដែលខ្លួនស្រលាញ់បំផុត៖ ការរកស៊ីប្រៀបដូចជាការលេងហ្គេមអ៉ីចឹង បើយើងមិនចូលចិត្តហ្គេមដែលយើងលេងទេនោះ គឺយើងមិនអាចជោគជ័យបានទេ។ ពីព្រោះបើគ្មានក្តីស្រលាញ់ មនុស្សយើងមិនអាចយកឈ្នះឧបសគ្គ ឬការលំបាក នៅក្នុងអាជីវកម្មបានឡើយ។

ក្បួនទី២. រកស៊ីលើអ្វីដែលខ្លួនចេះ ហើយទីផ្សារត្រូវការ៖ ជាការពិត បើយើងកើតមកជាកូនអ្នកមាន មានដើមទុនច្រើន យើងអាចសាកចេញរកស៊ីតាមចិត្តយើងចង់បាន ព្រោះយើងមានឱកាសដួលច្រើនដង ដើម្បីបានបទពិសោធន៍ ប៉ុន្តែបើយើងគ្មានលទ្ធភាពដួលច្រើនដងទេ យើងមិនគួររកស៊ីលើរបរណាដែលយើងពុំមានចំណេះ ពុំមានជំនាញ ហើយពុំមានបទពិសោធន៍នោះទេ។

ក្បួនទី៣. អ្នកគួរមានដើមទុនសមល្មមដើម្បីចាប់ផ្តើម៖ ចៀសវាងការខ្ចីបុលគេយកមករកស៊ី ដែលអាចបង្ករឱ្យមានហានិភ័យខ្ពស់ ក្នុងការសងត្រឡប់ទៅវិញ ក្នុងនាមជាម្ចាស់អាជីវកម្ម អ្នកគួរមានដើមទុនផ្ទាល់ខ្លួនសមល្មមដើម្បីចាប់ផ្តើម និងសម្រាប់ត្រៀមការខាតពី៣ ទៅ៦ខែ ឬ១ឆ្នាំ កាន់តែល្អ។ មានអ្នករកស៊ីច្រើនណាស់ ដែលមិនអាចឈរជើងបានយូរ ក៏ព្រោះតែមិនមានចំប្រាក់បម្រុងដើម្បីខាត ឬអាចនិយាយបានថា ចេញរកស៊ីគិតតែពីចំណេញ មិនបានគិតអំពីបញ្ហាដែលអាចកើតឡើងដោយចៃដន្យ។

សូមចាំថា ជាអ្នករកស៊ី ចំណេះ ជំនាញ គឺជាស្លាបស្តាំ រីឯ ដើមទុន គឺជាស្លាបឆ្វេង។ បើសិនជាអាជីវកម្មរបស់អ្នកត្រូវការលុយមួយម៉ឺនដុល្លារ ដើម្បីបើកដំណើរការ អ្នកគួរមានលុយយ៉ាងតិច៣ម៉ឺនដុល្លារនៅក្នុងដៃ ដោយមួយម៉ឺនដុល្លារសម្រាប់ការបើកដំណើរការអាជីវកម្ម ហើយមួយម៉ឺនដុល្លារទៀត សម្រាប់ត្រៀមខាត និងមួយម៉ឺនដុល្លារចុងក្រោយ សម្រាប់ធ្វើទីផ្សារជំរុញការលក់។

ក្បួនទី៤. អ្នកគួរមានទំនាក់ទំនងល្អឱ្យបានច្រើន មុនចេញរកស៊ី៖ សូមកុំយកទ្រឹស្តីដែលថា អ្នកស្គាល់គ្នា គេមិនជួយទិញយើងទេ យកមកប្រើអី ព្រោះនៅក្នុងការរកស៊ី អ្នកដែលអាចជួយមកគាំទ្រយើងមុនគេ គឺជាមនុស្សជិតស្និតរបស់យើងនេះហើយ។ ដូចនេះ ចូរអ្នកខំកសាងទំនាក់ទំនងជាមួយគ្រួសារ មិត្តភក្តិ បងប្អូន ក្រុមការងារ និងសង្គមខាងក្រៅឱ្យបានច្រើន មុននឹងចេញរកស៊ីខ្លួនឯង។

ក្បួនទី៥. ចាប់ផ្តើមពីដើមទុនតិចបំផុត៖ ជាការពិតបើទោះបីជាយើងមើលឃើញថា អាជីវកម្មដែលយើងចង់ធ្វើនោះមានទីផ្សារ ហើយយើងមានជំនាញច្បាស់ក៏ដោយ ក៏យើងមិនគួរដាក់លុយម្តងទាំងអស់ ទៅក្នុងការរកស៊ីអ្វីមួយដែរ។ ហេតុនេះ បើអ្នកមានលុយ៥ម៉ឺនដុល្លារ អ្នកគួរបែងចែកវាជាកញ្ចប់ៗ ដោយចាប់ផ្តើមពី៥០០០ ទៅ ១ម៉ឺនដុល្លារ នៅក្នុងឆ្នាំដំបូង ហើយចាំធ្វើការវិនិយោគពង្រីកអាជីវកម្ម ឬសេវាកម្មបន្ថែមទៀត ទៅតាមស្ថានភាពតម្រូវការជាក់ស្តែង។ ដូចមហាសេដ្ឋី Warren Buffett ធ្លាប់បានផ្តាំថា “កុំលូកជើងចូលទឹកទន្លេម្តងទាំងពីរ បើអ្នកមិនដឹងអំពីជម្រៅរបស់វាច្បាស់ ហើយកុំវិនិយោគលុយអស់ពីខ្លួន រហូតដល់ធ្វើឱ្យអ្នកបាត់បង់ឱកាសចាប់អ្វីដែលថ្មី” ។

ការចេញរកស៊ីដោយប្រើដើមទុនចាប់ផ្តើមតិច គឺជាមធ្យោបាយដ៏ត្រឹមត្រូវបំផុត សម្រាប់អ្នករកស៊ីថ្មីថ្មោងទាំងអស់គ្នា។ លើសពីនេះ អ្នកក៏អាចប្រើយុទ្ធសាស្រ្ត ធ្វើការបណ្តើរ ឆ្លៀតរកស៊ីបណ្តើរបានដែរ តែកុំឱ្យប៉ះពាល់ដល់ការងារក្រុមហ៊ុន។ ការធ្វើបែបនេះ បើសិនជាការរកស៊ីមិនសូវល្អ អ្នកនៅមានប្រាក់ខែខ្លះ ដើម្បីទប់ទល់នឹងការខាតផ្សេងៗ ហើយនៅពេលដែលអាជីវកម្មអ្នករឹងដៃរឹងជើងហើយ អ្នកអាចលោតចូលសមរភូមិអ្នករកស៊ីពេញទីបាន ដោយមិនសូវមានហានិភ័យខ្ពស់ឡើយ។

ជាចុងក្រោយ សូមជូនពរអ្នកដែលចង់ចាប់ផ្តើមអាជីវកម្ម និងអ្នកដែលកំពុងចាប់ផ្តើមអាជីវកម្មរួចហើយ ឱ្យទទួលបាននូវភាពរីកចម្រើន និងជៀសផុតពីការខាតទាំងអស់គ្នា។ ហើយប្រសិនជាបងប្អូនចង់ស្វែងយល់បន្ថែមពីគន្លឹះរកស៊ីកុំឱ្យខាត និងក្បួនដោះខាត បងប្អូនអាចទិញសៀវភៅ ដោះខាត ដែលនិពន្ធដោយ លោក Meng Songly និពន្ធនាយក Business Cambodia យកទៅអានបន្ថែមបាន។ សៀវភៅ ដោះខាត តម្លៃ ១ក្បាល ១២ដុល្លារ ទំនាក់ទំនង ទិញតាម Telegram https://t.me/hangchhengH24

12/09/2023

ស្រឡាញ់គ្នាទាល់តែមានទំនួលខុសត្រូវទាំងសងខាង ទើបអាចរីកចម្រើនទៅមុខបាន💪🏻 ពេលឃើញដៃគូពិបាក រឿងណាដែលអាចដោះស្រាយជាមួយគ្នាបាន គួរតែជួយគ្នា កុំចាំតែអបអរពេលជោគជ័យ តែត្រូវចេះយកអាសារពេលដែលកំពុងជួបបញ្ហា នេះហើយទើបហៅថាជាការស្រឡាញ់ដែលស្ម័គ្រស្មោះ😇

#ប្រភពពីFB