21/09/2021
ខាងក្រោមនេះជាគន្លឹះខ្លះៗដើម្បីជាទុន ចំណេះដឹងជូនបងប្អូនក្នុងការសម្រេចចិត្តថាតើពេលណាដែលល្អក្នុងការទិញផ្ទះ៖
🔑គន្លឹះទីមួយ៖ គួរទិញពេលអ្នកគណនាឃើញពីឱកាសចំណេញ
តើអ្នកទិញផ្ទះនេះចំណេញដែលឬទេ? លោកអ្នកសាកគណនាពីតម្លៃនៃការទិញផ្ទះ នោះ ហើយអាចលក់ចេញក្នុងរយះពេលខ្លី ឬ វែង ដែលលោកអ្នកបានកំណត់ ហើយទទួលបានផលចំណេញដែល
ឬទេ?
ឧទាហរហ៍៖ លោកអ្នកទទួលបានពត៌មានពីបុរីមួយដែលហាងឆេងក្នុងទីផ្សារលក់ចន្លោះ40000ដុល្លា-60000ដុល្លា គម្រោងបុរីនោះលក់ផ្ទះក្នុងតម្លៃ40000ដុល្លាហើយរយះពេល១ឆ្នាំក្រោយលោកអ្នកអាចលក់ចេញក្នុងតម្លៃ 52000ដុល្លា នោះលោកអ្នកអាចចំណេញដល់ទៅ ៣០%នៃទំហំទឹកប្រាក់ដែលលោកអ្នកបានចំណាយក្នុងមួយឆ្នាំ។
តើធ្វើដូចម្តេចទើបដឹងថាទិញក្នុងតម្លៃនៃហាងឆេង ហើយទទួលផលចំណេញ?
👉 លោកអ្នកអាចសឹក្សាដឹងពីតម្លៃទីផ្សារតាមរយះពត៌មាន មួយចំនួន ដូចជា៖
• សិក្សាពីអ្នកទើបតែលក់ផ្ទះនៅក្បែរនោះ
• សិក្សាតម្លៃជាមធ្យមនៅតំបន់នោះ
• លោកអ្នកអាចសិក្សាពីកត្តាទីតាំងភូមិសាស្រ្ត និងប្រជាសាស្រ្តថា តើទីតាំងនោះមានសក្តានុពល លំហូរសេដ្ឋកិច្ចនិងជាទីតាំងល្អសម្រាប់តម្រូវការរស់នៅដែលឬទេ?
• សិក្សាពីវិសាលភាព និងទំហំនៃការអភិវឌ្ឍគម្រោងមួយនោះធៀបនិងពេលវេលាអ្នកលោកអ្នកចង់ចំណេញ។
ជាទូទៅតម្លៃនៃអចលនទ្រព្យអាចកើនឡើងបានក្នុងចន្លោះ១០%ទៅ២០% ក្នុងមួយឆ្នាំ។
🔑គន្លឹះទី២៖អ្នកគួរទិញប្រសិនបើផ្ទះនោះបង្កើតលំហូរសាច់ប្រាក់អកម្មដល់អ្នកប្រចាំថ្ងៃ ឬប្រចាំខែ ឬប្រចាំឆ្នាំ
ប្រសិនបើផ្ទះដែលលោកអ្នកសម្រេចចិត្តនិងទិញនោះជាទីតាំងល្អសម្រាប់ជួលបន្ត ឬជាទីតាំងដែលជួយអ្នកបង្កើនចំនូលអកម្ម(Passive income) អ្នកគួរជ្រើសរើសទិញវាតែម្តង ព្រោះវាអាចជួយបង្កើនចំនូលសម្រាប់អ្នក។
តើធ្វើដូចម្តេចទើបដឹងថាផ្ទះនោះអាចបង្កើនចំនូលជូនលោកអ្នកបាន?
លោកអ្នកអាចសិក្សាពីទីតាំងជុំវិញផ្ទះនោះថាតើ មានផ្លូវឆ្លងកាត់សមរម្យដែលឬទេ មានប្រជាជនរស់នៅដែរឬទេ តើមានតំបន់ពាណិជ្ជកម្ម សាលារៀន និងលំហូរតម្រូវការនៃ ការរស់នៅ ឬអាជីវកម្ម ឬការចំណាកស្រុកដើម្បីមកបំពេញការងារ ឬបើកអាជីវកម្មដែលឬទេ? ឬជាតំបន់ទិសដៅអភិវឌ្ឍរបស់រដ្ឋាភិបាលឬគម្រោងវិនិយោគធំៗដទៃឬទេ?
ជាទូទៅលោកអ្នកអាចសិក្សាពីតម្រូវការទាំងនោះចម្លោះពី១គីឡូម៉ែត្រ ឬ២គីឡូម៉ែត្រជុំវិញទីតាំង និងសកម្មភាព សង្វាក់ផ្គត់ផ្គងនានា និងវិសាលភាពនៃប្រជាជន ទាំងការងារនិងសេដ្ឋកិច្ចនោះលោកអ្នកអាចវាយតម្លៃលើតម្រូវការនៃការជួលបន្តរបស់អ្នកបាន។
🔑គន្លឹះទី៣៖ លោកអ្នកគួរទិញនៅពេលលោកអ្នកមានតម្រូវការ។
លោកអ្នកគួរតែទិញប្រសិនបើលោកអ្នកមានតម្រូវការនៃការរស់នៅ ក្នុងគន្លឺះនេះតើមានកត្តាអ្វីខ្លះដែលត្រូវសិក្សាក្នុងការសម្រេចចិត្តទិញ?
មានកត្តាមួយចំនួនដែលលោកអ្នកត្រូវស្វែងយល់ ទាក់ទងនឹង អារម្មណ៍និង តម្រូវការ
• កត្តាទី១៖ កត្តាគ្រួសារប្រសិនបើលោកអ្នកគិតថាលោកអ្នកត្រូវតែមានតម្រូវការផ្ទះ ព្រោះដើម្បីបំពេញសុភមង្គលដល់គ្រួសារលោកអ្នក លោកអ្នកគួរសម្រេចចិត្តទិញគឺល្អបំផុត ប៉ុន្តែក្នុងករណីនេះលោកអ្នកត្រូវសិក្សាពី ទីតាំង និងភាពងាយស្រួល សុវត្ថិភាព ជាដើម។
• កត្តាទី២៖ តម្រូវការក្នុងការបង្កើនកិត្តិយស(Credit) និង បំពេញនៅសេចក្តីសុខផ្លូវចិត្តផ្សេងៗ។
លោកអ្នកប្រាដកជាចង់បានការរស់នៅដែលមានភាពខ្ពង់ខ្ពស់ សុភមង្គល និងមានផាសុកភាព ប្រសិនបើផ្ទះដែលលោកអ្នកជ្រើសរើសគម្រោងលំឋានដែលអាចបំពេញនៅអ្វីដែលលោកអ្នកចង់បានលោកអ្នកគួរទិញ ព្រោះវាអាចបំពេញនៅសេចក្តីសុខផ្លូវកាយ និងផ្លូវចិត្ត ហើយវាក៏ជាកត្តា នាំលោកអ្នកឱ្យសម្រេចកិច្ចការផ្សេងៗបានល្អ ប្រសិនបើលោកអ្នកមានលំនៅឋានដែលល្អ ដែលអាចផ្តល់សុភមង្គលដល់គ្រួសាររបស់លោកអ្នក។
• កត្តាទី៣៖ តម្រូវការក្នុងការពង្រីកអាជីវកម្ម។ លោកអ្នកគួរទិញប្រសិនបើលោកអ្នកមានគម្រោងក្នុងការពង្រីកអាជីវកម្ម គួរស្វែងរកផ្ទះដើម្បីសាកសមនឹងប្រភេទអាជីវកម្មរបស់អ្នក។ នេះជាគន្លឹះនៃផលចំណេញមួយក្នុងការសម្រេចចិត្តទិញ។ តើចំនេញដូចម្តេច?
លោកអ្នកអាចនឹងជួលទីតាំងមួយក្នុងតម្លៃ 500$ទៅ1000$ដើម្បីបើកអាជីវកម្ម លោកអ្នកនិងតម្រូវអោយកក់មុនរយះពេលមួយឆ្នាំ ឬ ៦ខែ ក្នុងតម្លៃ 1000$ ឬ6000$មុនក្នុងកុងត្រាជួល5ឆ្នាំ(តាមការចរចារ)។ ក្នុងករណីនេះលោកអ្នកត្រូវមានលទ្ធភាពក្នុងការទិញ ឬរំលោះ ប្រសិនសិនបើការចំណាយប្រចាំខែ លើការរំលោះ អាចស្មើ ឬលើសតម្លៃជួល បន្តិចបន្តួច ព្រោះអ្នកជាកម្មសិទ្ធអចលនទ្រព្យអ្នកអាចមានឱកាសចំណេញពីតម្លៃអចលនទ្រព្យចន្លោះ ១០%ទៅ២០%ក្នុងមួយឆ្នាំជារបស់អ្នក។
⚠️កត្តាគួរចៀសវាងក្នុងការទិញផ្ទះ!!!!
១ មិនគួរទិញផ្ទះនៅពេលដែលចំនូលលោកអ្នកមិននឹងនរ!
២ មិនគួរទិញផ្ទះនៅពេលដែលគម្រោងគ្មានភាពច្បាស់លាស់ ទាក់ទងនឹងសំណង់ និងផ្លូវច្បាប់
៣ មិនគួរទិញប្រសិនបើលោកអ្នកគ្មានតម្រូវការ និងផ្ទះដែលមិនងាយក្នុងការលក់ចេញ ឬ ផ្ទះដែលមិនអាចបង្កើតចំនូលបន្ថែមបាន។
#តើពេលណាល្អគួរទិញផ្ទះ?
#អត្ថបទរក្សាសិទ្ធិដោយ© My V Property - 2021
សូមទំនាក់ទំនងមកពួកយើងប្រសិនបើមានបំណងក្នុងការផុសបន្តអត្ថបទនេះ
_____________________________________________
សូមចុចLIKE និង SHARE ប្រសិនបើអត្ថនេះមានអត្ថប្រយោជន៍សម្រាប់លោកអ្នក។
សូមចុច LIKE PAGE : My V Property ដើម្បីទទួលបានចំនេះដឹងអចលនទ្រព្យល្អៗ
