14/06/2025
📢📢📢ໂອກາດດີໆ ໃນການຊິງທຶນດຳເນີນທຸລະກິດກະສິກໍາຂອງແມ່ຍິງ ມາອີກແລ້ວເດີ!!! ✨✨✨
ແຂ່ງຂັນ ຊິງທຶນທຸລະກິດກະສິກຳ ປີທີ 02 ສໍາລັບແມ່ຍິງ ແລະ ໄວໜຸ່ມຍິງ ເພື່ອໃຊ້ເຂົ້າໃນການດໍາເນີນທຸລະກິດກະສິກຳ ພ້ອມທັງໄດ້ຮຽນຮູ້ການເປັນຜູ້ນໍາ ແລະ ເປັນສ່ວນໜຶ່ງໃນການສົ່ງເສີມວຽກງານບົດບາດຍິງ-ຊາຍ ແລະ ການແບ່ງວຽກງານເບິ່ງແຍງດູແລໃນຄົວເຮືອນ. ສາມາດສົ່ງແບບຟອມສະໝັກຂອງທ່ານໄດ້ແລ້ວຕອນນີ້!! ດ່ວນໆ ຢ່າລືມ ຢ່າພາດ ໂອກາດດີໆນີ້, ເພາະໂຄງການມີການຈໍາກັດເວລາ ແລະ ຈໍານວນຜູ້ສະໝັກ!!
🎯ເງື່ອນໄຂໃນການສະໝັກ:
✔ ຮັບແບບຟອມຈາກຜູ້ສະໝັກເປັນເພດຍິງ, ເປັນກຸ່ມແມ່ຍິງ ຫຼື ບຸກຄົນ ທີ່ມີປະສົບການໃນການເຮັດກະສິກໍາ ເເລະ ມີເນື້ອທີ່ການຜະລິດເປັນຂອງຕົນເອງ (ເປັນຜູ້ທີ່ບໍ່ໄດ້ສັງກັດອົງການລັດ ແລະ ເອກະຊົນໃດຫນຶ່ງ).
✔ ຜູ້ສະໝັກ ເພດຍິງ ມີອາຍຸບໍ່ເກີນ 45 ປີ
✔ ຜູ້ສະໝັກຕ້ອງເປັນບຸກຄົນທີ່ມາຈາກເເຂວງ ສາລະວັນ, ສະຫວັນນະເຂດ, ຜົ້ງສາລີ, ອຸດົມໄຊ, ໄຊຍະບູລີ, ເຊກອງ ແລະ ແຂວງ ວຽງຈັນ ເທົ່ານັ້ນ
✔ ມີປະສົບການ ເຮັດການຜະລິດກະສິກໍາເພື່ອເປັນສິນຄ້າ ຫຼື ມີພື້ນຖານທຸລະກິດທີ່ກ່ຽວຂ້ອງກັບກະສິກຳການປູກຝັງ, ລ້ຽງສັດ ແລະ ການແປຮູບອາຫານຈາກຜົນຜະລິດກະສິກຳ ແລະ ອື່ນໆ ທີ່ກ່ຽວຂ້ອງກັບກະສິກຳ ແລະ ຕ້ອງການພັດທະນາໃຫ້ດີຂື້ນ
✔ ຖ້າເປັນກຸ່ມ ຕ້ອງມີໂຄງຮ່າງກຸ່ມ, ນະໂຍບາຍ, ມີຄູ່ມືຈັດຕັ້ງປະຕິບັດກຸ່ມ ຫຼື ກົດລະບຽບ. ມີປະສົບການ ຢ່າງໜ້ອຍ 2 ປີ ສຳລັບກຸ່ມທີ່ຍັງປະຕິບັດຢູ່ ເເລະ 1 ປີສຳລັບກຸ່ມທີ່ສ້າງໃຫມ່ (ຍັງບໍ່ທັນຂຶ້ນທະບຽນ) ແລະ ກຳລັງເຮັດການຜະລິດຢູ່ແລ້ວ ສຳລັບບຸກຄົນ.
✔ ສາມາດເຂົ້າຮ່ວມກິດຈະກຳຂອງໂຄງການໄດ້ ໂດຍຕ້ອງໄດ້ຈັດຕັ້ງປະຕິບັດຕາມໄລຍະເວລາຂອງໂຄງການກໍານົດ (ຈົນຮອດເດືອນ ມີນາ 2026).
🎯ຜົນປະໂຫຍດທີ່ທ່ານຈະໄດ້ຮັບ:
▪ໂອກາດໃນການເຂົ້າຮ່ວມການຂຽນເເຜນໂຄງການ ເເລະ ຝຶກອົບຮົມການພັດທະນາເເຜນທຸລະກິດ ທີ່ເເຂວງຂອງທ່ານ.
▪ໄດ້ຮັບທຶນສະໜັບສະໜູນຂະໜາດນ້ອຍສູງສຸດ 6,000 ໂດລາ/ທຶນ.
▪ໄດ້ຮັບການຝຶກຝົນການເປັນຜູ້ປະກອບການ ເເລະ ທັກສະຄວາມເປັນຜູ້ນຳ, ຄວາມສະເໝີພາບທາງເພດກັບທີມງານອົງການອັອກສະຟາມ ປະຈໍາລາວ, ສະມາຄົມ ເພື່ອການສະໜັບສະໜູນ ແລະ ປັບປຸງຊົນນະບົດ (ສພປ/ARMI) ເເລະ ຄູຝຶກຈາກພາກລັດຖະບານ ເພື່ອປັບປຸງຍຸດທະສາດດ້ານທຸລະກິດ ເເລະ ການຕະຫຼາດ.
▪ໂອກາດໃນການເເລກປ່ຽນຄວາມຮູ້ກັບເຄືອຂ່າຍຜູ້ເຂົ້າຮ່ວມ ເເລະ ເຊື່ອມໂຍງກັບນັກທຸລະກິດຍິງ, ໄວໜຸ່ມເພດຍິງທີ່ມີເຄືອຂ່າຍຢ່າງກວ້າງຂວາງ.
🎯ປິດຮັບສະໝັກ ເວລາ 12:00 ໂມງ ທ່ຽງຄືນ ວັນທີ 20 ມິຖຸນາ 2025
🎯ວິທີການສະໝັກ:
ດາວໂຫຼດແບບຟອມສະໝັກດ້ານລຸ່ມ, ປະກອບແບບຟອມ ແຜນທຸລະກິດ (ຂຽນໃສ່ເຈ້ຍເປົ່າໃຫ້ໄດ້ຕາມຮ່າງແບບຟອມ ແລະ ພິມເອົາກໍ່ໄດ້) ແລະ ສົ່ງແຜນທຸລະກິດຕາມລິ້ງ ແລະ ເບິໂທດ້ານລຸ່ມ, ຕ້ອງຄັດຕິດເອກະສານກ່ຽວຂ້ອງເພື່ອສະແດງຕົວຕົນ ແລະ ພື້ນຖານຄວາມຮູ້ ແລະ ທຸລະກິດຂອງທ່ານທີ່ມີ, ເຊັ່ນ ບັດປະຈໍາໂຕ, ສໍາມະໂນຄົວ, ເປັນຮູບພາບ ແລະ ວິດີໂອແນະນຳຜົນງານການເຮັດການຜະລິດຂອງທ່ານເຂົ້າແຂ່ງຂັນມາທີ່ອີເມວ: [email protected] ຫຼື ສົ່ງເອກະສານມາໄດ້ທີ່ ຫ້ອງການສະມາຄົມ ເພື່ອການສະໜັບສະໜູນ ແລະ ປັບປຸງຊົນນະບົດ (ສພປ/ARMI), ນະຄອນຫຼວງວຽງຈັນ.
ລິ້ງແບບຟອມສະໝັກ
https://tinyurl.com/zzdtdpjn
ຖ້າທ່ານມີຄຳຖາມກ່ຽວກັບການສະໝັກ, ສາມາດຕິດຕໍ່ສອບຖາມຕື່ມໄດ້ໃນໂມງລັດຖະການທີ່ເບີຜູ້ປະສານງານ:
ນ. ບຸນສຸດາລາ ພົມມະວົງສາ: 020 29 821 977
ນ. ສຸພາພອນ ສີລິພົງ: 020 222 64 664
ທ. ທອງຈັນ ບຸຜາວົງ: 020 556 11 784
Oxfam in Laos ສູນກາງສະຫະພັນກຳມະບານລາວ LFTU
