02/05/2026
ලෝකයේ ධනවත්ම පුද්ගලයන් අතර මුල් ස්ථාන 10 ඉන්න මුකේෂ් අම්බානිගේ බාල පුතා, අනන්ත් අම්බානි හැමදේකටම වඩා වෙනස් විදියට හිතන, සතුන්ට පුදුම විදියට ආදරය කරන කාරුණික හදවතක් තියෙන කෙනෙක් කියලා මුළු ලෝකයම කතා වෙනවා. පබ්ලෝ එස්කොබාර් නිසා අනාථ වුණු, කොලොම්බියාවට ලොකු හිසරදයක් වුණු අහිංසක හිපෝ රැලක වගකීම තමන්ගේ කරට ගන්න අනන්ත් ඉදිරිපත් වෙලා ඉන්නවා.
කොලොම්බියාවේ මේ හිපෝලා ශීඝ්රයෙන් බෝ වෙලා එහේ පරිසරයට ලොකු හානියක් වෙන නිසා උන්ව ම,,, රා දාන්න පවා රජය යෝජනා කරලා තිබුණා. එහෙම අසරණ වුණු සත්තු 80 දෙනෙක්ට තමන්ගේ රටේ, තමන්ගේ රැකවරණය යටතේ නිදහසේ ජීවත් වෙන්න ඉඩ හදලා දෙන එක ලෙහෙසි පහසු වැඩක් නෙවෙයි.කිලෝ දහස් ගාණන් බර මේ සතුන් 80 මෙහෙම ගේන්න මිලියන සිය ගණනක් උණත් යන්න පුලුවන්. මේක නිකන්ම සත්තු ටිකක් ගේන එකක් විතරක් නෙවෙයි, උන්ගේ ජීවිත බේරාගන්න කරන මහා පින්කමක්. සල්ලි තිබුණු පළියට හැමෝටම මෙහෙම සත්තු වෙනුවෙන් හදවතින්ම ඉදිරිපත් වෙන්න බැහැ, ඒකට සතුන් කෙරෙහි තියෙන සැබෑ ලෙන්ගතුකමක් තියෙන්නම ඕනේ.
අනන්ත් අම්බානි විසින් ගුජරාටයේ නිර්මාණය කරපු වන්තරා(Vantara) කියන සත්ව රක්ෂිතය කියන්නේ අක්කර තුන්දාහකට වඩා විහිදුණු සැබෑ ස්වර්ගයක්. අසනීප වුණු, අතහැර දමපු සත්තු දහස් ගණනකට එයා එතන ආදරණීය නිවහනක් හදලා දීලා තියෙනවා. දැන් මේ කොලොම්බියානු හිපෝලටත් ඒ අතිනවීන පහසුකම් තියෙන රක්ෂිතයේ කිසිම කරදරයක් නැතුව තමන්ගේ පාඩුවේ ඉන්න පුළුවන්. ලෝක ප්රකට අපරාධකාරයෙක් ලෝකයට ඉතිරි කරලා ගිය විනාශයක්, සතුන්ට ආදරය කරන මේ වගේ තරුණයෙක් තමන්ගේ ධනයත්, කාලයත් වැය කරලා මේ විදියට රැකවරණය දෙන එක හරිම ආදර්ශමත්.
මිලියන ගණනක් වියදම් කරලා මේ දැවැන්ත සත්තුන්ව ගුවනින් ඉන්දියාවට ගේන මේ මෙහෙයුම ඇත්තටම සොබාදහමට කරන ලොකු උපහාරයක්. ධනය තියෙන්නේ තමන්ගේ සැපයට විතරක් නෙවෙයි, මේ වගේ කතා කරන්න බැරි අහිංසක සතුන්ගේ ජීවිත රැකගන්නත් කියන එක අනන්ත් අම්බානි මුළු ලෝකෙටම ප්රායෝගිකව පෙන්වලා දීලා තියෙනවා. සතුන් වෙනුවෙන් එයා කරන මේ උතුම් සහ කැපී පෙනෙන මෙහෙවරට අපේ හද පිරි ප්රණාමය හිමිවිය යුතුමයි.