02/04/2023
2nd April of 2023
#02
පාන්දර 2.30ට මං මගේ ඩයිරිය අතට ගත්තා...හිතට එන දේවල් ඔහේ ලිව්වා...ඒක පොඩි කෙටි කතාවක් වගේ!
------------------
මම සැරිසරන්නෙක් සොයායන්නෙක් සහ ෆැන්ටසිවාදියෙක් මගෙ ඉස්සරහින් ඉන්නෙ ලීසා කැතරින්.
විද්වත් නොවන විද්වත් කතාබහකට කොෆි එකක් එක්ක මේ බංකුව තරම් සැප තැනක් වෙන කොහෙද.
"හොඳයි ප්රධාන කාරණයකින් පුළුල්ව ගමන් කරමු.ඇත්තෙන්ම මම,ඔයා දන්න විද්යාදරයෙක් නෙවෙයි කොටින්ම කිව්වොත් ෆැන්ටසි වාදියෙක්.ඒ නිසා මම කියන මම අහන ප්රශ්නයට උත්තරේ සංස්කෘතිකව හොයන්න එපා.."
"අනිවාරෙන්ම"
"ෆැන්ටසි වාදී තර්කයන් සහ මතයන් ඉදිරිපත් කිරන්න මම උත්සහ කරන නිසා වැරදි නිවැරදි බාවය ඔයා ඔයා තුළින් පෙරා ගන්න."
"ලෝකය හැදුනෙ කොහොමද!?"
"ම්ම්ම්ම්හ්,අනේ මන්දා මහා පිපුරුමකින් කියලා අහලා තියනවා"
"මේ අහන්න කැතරින්,ඒ දේ කියන්නෙත් මිනිස්සු.විද්යාවෙන් හොයාගන්න දේවල් හෝ වේවා ඔප්පු කරගත්තු නියතයන් හෝ වේවා කාලෙන් කාලෙට එක එක සාධක මත අලුත් වෙන්න ගන්නවා...."
ඒක හින්දම මං කැමතියි මේ වගේ දෙයක් ඔයාට කියන්න"
"ඒ මොකක්ද"
"අපි මේ ජීවත් වෙන්නෙ නිර්යතාර්ථවාදී ලෝකෙක.කිසිම දෙයක් යතාර්ථය නෙවෙයි.ඔයා කියලා කෙනෙකුත් නෑ මම කියලා කෙනෙකුත් නෑ ලෝකයක් විශ්වයක් ඒ මුකුත් නෑ!"
"එතකොට අපි මේ ඉන්නෙ! අපිට දැනෙන්නෙ කොහොමද!?"
"මං මගේ මතය ඔයාට කිව්වෙ මේ අපි දැන් ඉන්නව කියන විශ්වය පාදක කරගෙන. ඇත්තටම මේ දේවල් අපි පාලනය කරන දෙයක් නොවෙන්න පුලුවන්.අපි ඉන්න විශ්වය ඇතුළෙ නෙවෙයි මේක illusion එකක්.
තව නිර්යතාර්ථවාදී ලෝකෙක ජීවියෙක්ගෙ හීනයක් ඇතුළෙ මේ විශ්වය හටගත්තා වෙන්න පුලුවන්...ඒ තමයි අපේ creator.අපේ universe එකට අදාළ සිහින දකින්නා ජීවත් වෙන්නෙ තවත් කාගෙ හරි හීනයක් ඇතුළෙ වෙන්න පුලුවන්"
"දෙයියනේ!"
"පුදුම වෙන්න දෙයක් නෑ....සරලව හිතන්න!මේ අපි කතාකරන් දේවල් පවා එක්තරා හිතළුවක් විතරයි.සංස්කෘතීන් ආගම් මතවාද කලාව ඔය හැම එකක්ම එක්තරා සිහින සරන්නෙක්ගෙ හිතේ ඔබමොබ කරන චිත්ත රූප වෙන්න පුලුවන්.ඉතින් මං ඔයාට දැන් කියන්න යන්නෙ......."
"හෝව් හෝව්!මට ඔලුව කැක්කුමයි..මේ කතාව අපි පස්සෙ දවසකට දාගමුද?"
"ඔයා කැමති එහෙමනම් අපි එහෙම කරමු!ඒත් මං ආයෙ මේ ගැන කතාකරන්නෙ නෑ.ඔයා ඉගනගන්න වෙනස් විදියට හිතන්න.ඔය රාමුවෙන් එළියට බහින්න මේක තමයි හොඳම කාලෙ"
-Lego's Diary-
