03/07/2023
'වරුණ' හා 'අසී' කියන ගංගා දෙක මැදිකරල තමයි 'බාරාණසී' නම් ප්රකට බරණැස් නුවර පිහිටලා තිබුණේ. ඒක මුවන්ට අභය දානය දෙන තැනක් වුණු නිසා 'මිගදාය' කියන නමිනුත් හැදින්වුණා. ඒ වගේම ඍෂිවරුන් බිමට බැස්ස තැන නිසා 'ඉසිපතන' කියලත් හැදින්වුණා.
ඉතින් මේ ශුද්ධ භූමියේ දී අද වගේ ඇසළ පොහොය දවසක තමයි අප මහ බුදුරජාණන් වහන්සේ, උන්වහන්සේ ගේ ප්රථම ධර්ම දේශනාව වූ "ධම්මචක්කප්පවත්තන" සූත්රය පස්වග මහණුන්ට දේශනා කළේ.
'ධම්ම' කියන්නේ 'ධර්මය'යි, 'චක්ක' කියන්නේ 'රෝදය' යි, 'පවත්තන' කියන්නේ 'ඉදිරියට පෙරළා යැවීම' යි. බුදුරජාණන් වහන්සේ, උන්වහන්සේගේ දහම් පණිවිඩය ප්රථම වතාවට ලෝකය වෙත පෙරළා හළ නිසායි මේ සූත්රය ධම්මචක්කප්පවත්තන නමින් හැදින්වෙන්නේ.
මේ එහි සිංහල තේරුමයි.
----------------------------------------------------------------------
මා විසින් මෙසේ අසන ලදී.
එක් සමයෙක භාග්යවත් බුදුරජාණන් වහන්සේ බරණැස ඉසිපතන මිගදායේ වැඩවසන සේක. එකල්හී භාග්යවතුන් වහන්සේ පස්වග භික්ෂූන් අමතා මේ ධම්මචක්ක දේශනය වදාළ සේක.
පින්වත් මහණෙනි, පැවිද්දන් විසින් සේවනය නොකළ යුතු වූ අන්ත දෙකකි.
යම් මේ කාමයන්හී, කාම සුඛයේ ඇලී ගැලී වාසය කිරීමක් ඇද්ද, (කාමසුඛල්ලිකානු) මෙය හීන වූ දෙයකි. පුහුදුන් ජනයා විසින් සේවනය කරන දෙයකි. උත්තම මිනිසුන් විසින් සේවනය නොකරණ දෙයකි. අනර්ථ සහිත දෙයකි.
යම් ඒ තමාව පීඩාවට පත් කරන වැඩපිළිවෙළක් ඇද්ද (අත්තකිලමථානු), එය දුක් සහිත දෙයකි. උත්තම මිනිසුන් විසින් සේවනය නොකරන අනර්ථ දෙයකි.
පින්වත් මහණෙනි, ඒ මේ අන්ත දෙකට නොපැමිණ, තථාගතයන් වහන්සේ විසින් මධ්යම ප්රතිපදාව අවබෝධ කරන ලදී. මේ මධ්යම ප්රතිපදාව නුවණැස විවර කරයි (චක්ඛුකරණී). දැනුම වැඩි කරයි (ඣාණකරණී). ගැඹුරු දැනුමට හේතු වේ (අභිඣ්ඣාය). මනා අවබෝධයට උපකාරී වේ (සම්බෝධාය). නිවන පිණිස (නිබ්බාණාය) පවතින්නේය.
පින්වත් මහණෙනි , තථාගතයන් වහන්සේ විසින් අවබෝධ කරන ලද, දහම් ඇස ලබා දෙන, නුවණ උදා කරන, සංසිදීම ඇති කරන, විශේෂ ඣාණය ඇති කරන, අවබෝධය ඇති කරන, නිවන පිණිස පවතින්නා වූ ඒ මධ්යම ප්රතිපදාව නම් කුමක්ද ?
ඒ මේ 'ආර්ය අෂ්ටාංගික මාර්ගය' ම ය.
එනම්, සම්මා දිට්ඨිය ද, සම්මා සංකප්පය ද, සම්මා වාචා ද, සම්මා කම්මන්තය ද, සම්මා ආජීවය ද, සම්මා වායාමය ද, සම්මා සතිය ද, සම්මා සමාධිය ද යන මෙයයි.
පින්වත් මහණෙනි , තථාගතයන් වහන්සේ විසින් අවබෝධ කරන ලද, දහම් ඇස ලබා දෙන, නුවණ උදා කරන, සංසිදීම ඇති කරන, විශේෂ ඣාණය ඇති කරන, නිවන පිණිස පවතින්නා වූ 'මධ්යම ප්රතිපදාව' නම් මෙයයි.
පින්වත් මහණෙනි , මෙය වනාහි 'දුක නම් වූ ආර්ය සත්යය' යි.
ඉපදීම දුකකි. ජරාවට පත්වීම ද දුකකි. රෝග පීඩා වැළදීම ද දුකකි. මරණය ද දුකකි. අප්රිය පුද්ගලයන් හා අප්රිය වස්තූන් සමග එක් වීමද දුකකි. ප්රිය පුද්ගලයන් හා ප්රිය වස්තූන්ගෙන් වෙන් වීමද දුකකි. කැමති වන්නා වූ යම් දෙයක් ඇත්ද එය නොලැබීම ද දුකකි. සංක්ෂිප්තව කීවොත් 'පංච උපාදානස්කන්ධයෝ' ම දුකකි.
පින්වත් මහණෙනි , මෙය වනාහි 'දුක ඇතිවීම නම් වූ ආර්ය සත්යය' යි.
පුනර්භවය ඇති කරන, ආශ්වාදයෙන් ඇලෙන්නා වූ, ඒ ඒ තැන සතුටින් පිළිගන්නා වූ යම් තණ්හාවක් ඇද්ද එයයි. එනම්, කාම තණ්හාව ය, භව තණ්හාව ය, විභව තණ්හාව ය.
පින්වත් මහණෙනි, මෙය වනාහී 'දුක නැතිවීම නම් වූ ආර්ය සත්යය' යි.
ඒ තණ්හාවේම ඉතිරි නැතිව, ඇල්මක් නැතිව, නිරුද්ධ වීමක් වේද, අත් හැරීමක් වේද, දුරු වීමක් වේද, තණ්හාවෙන් මිදීමක් වේද, ආලය නැති වීමක් වේද එයයි.
පින්වත් මහණෙනි, මෙය 'දුක නැතිවීම පිණිස පවතින ප්රතිපදා නම් වූ ආර්ය සත්යය' යි.
ඒ මේ 'ආර්ය අෂ්ටාංගික මාර්ගය' ම ය. එනම්, සම්මා දිට්ඨිය ද, සම්මා සංකප්පය ද, සම්මා වාචා ද, සම්මා කම්මන්තය ද, සම්මා ආජීවය ද, සම්මා වායාමය ද, සම්මා සතිය ද, සම්මා සමාධිය ද යන මෙයයි.
පින්වත් මහණෙනි, මෙය වනාහි 'දුක නම් වූ ආර්ය සත්යය' යි කියා මා හට 'පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නම් වූ ආර්ය සත්යය' පරිපූර්ණ වශයෙන් අවබෝධ කළ යුතු 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නම් වූ ආර්ය සත්යය' පරිපූර්ණ වශයෙන් අවබෝධ කරන ලදී 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , මෙය වනාහි 'දුක ඇතිවීම නම් වූ ආර්ය සත්යය' කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක ඇතිවීම් නම් වූ ආර්ය සත්යය' ප්රහාණය කළ යුතු 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක ඇතිවීම නම් වූ ආර්ය සත්යය' ප්රහාණය වූයේ'යයි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නැතිවීම නම් වූ ආර්ය සත්යය' යයි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නැතිවීම නම් වූ ආර්ය සත්යය' සාක්ෂාත් කරන ලදී 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , මෙය වනාහි 'දුක නැතිවීම පිණිස පවතින ප්රතිපදාව නම් වූ ආර්ය සත්යය' යයි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නැතිවීම පිණිස පවතින ප්රතිපදාව නම් වූ ආර්ය සත්යය' ප්රගුණ කළ යුතු 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , ඒ 'දුක නැතිවීම පිණිස පවතින ප්රතිපදාව නම් වූ ආර්ය සත්යය' ප්රගුණ කරන ලදී 'යි කියා මා හට පෙර නොඇසූ විරූ ධර්මය'න්හි නුවණැස පහළ විය (චක්ඛුං උදපාදි), දැනුම පහළ විය (ඣාණං උදපාදි), ප්රඣාව පහළ විය (පඣ්ඣා උදපාදි), විද්යාව පහළ විය (විජ්ජා උදපාදි ), මෝහන්ධකාරය නසා ප්රඣාලෝකය පහළ විය (ආලෝකෝ උදපාදි ).
පින්වත් මහණෙනි , මේ චතුරාර්ය සත්ය ධර්මයන් පිළිබඳව මේ ආකාරයට පරිවර්ත තුනකින් යුතුව ආකාර දොළොසකින් යුතුව සැබෑ තත්ත්වය නම් වූ ඣාණ දර්ශනය සුවිශුද්ධ ලෙස මා හට යම් තාක් අවබෝධ නොවූයේ වේද, ඒතාක් කල් ම,
පින්වත් මහණෙනි , දෙවියන් සහිත වූ, මරුන් සහිත වූ, බඹුන් සහිත වූ, ශ්රමණ බ්රාහ්මණයන් සහිත වූ දෙව් මිනිස් ප්රජාව තුළ මම වනාහි අනුත්තර වූ සම්මා සම්බෝධිය අවබෝධ කළෙමි'යි ප්රතිඣා නොදුන්නෙමි.
යම් කලෙක පින්වත් මහණෙනි , මා හට මේ චතුරාර්ය සත්ය ධර්මයන් පිළිබඳව මේ ආකාරයට පරිවර්ත තුනකින් යුතුව ආකාර දොළොසකින් යුතුව සැබෑ තත්ත්වය නම් වූ ඣාණ දර්ශනය සුවිශුද්ධ ලෙසට ම අවබෝධ වූයේ වේද, ඒකල්හි, පින්වත් මහණෙනි , දෙවියන් සහිත වූ, මරුන් සහිත වූ, බඹුන් සහිත වූ, ශ්රමණ බ්රාහ්මණයන් සහිත වූ දෙව් මිනිස් ප්රජාව තුළ මම වනාහි අනුත්තර වූ සම්මා සම්බෝධිය අවබෝධ කළෙමි'යි ප්රතිඣා දුන්නෙමි.
මා හට ඣාණ දර්ශනය පහළ විය . මාගේ චේතෝ විමුක්තිය වෙනස් නොවන්නේය. මෙය වනාහි අන්තිම ඉපදීම වේ. දැන් මා හට පුණර්භවයක් නැත්තේය.
භාග්යවතුන් වහන්සේ මේ ධම්මචක්ක දේශනය වදාළ සේක . අතිශයින් ම සතුටට පත් වූ ඒ පස්වග භික්ෂූන් වහන්සේලා භාග්යවතුන් වහන්සේ විසින් වදාරණ ලද මේ ශ්රී සද්ධර්මය මහත් සොම්නසින් යුතුව පිළිගත්තාහු ය.
මේ ධම්මචක්ක දේශනය වදාරණ කල්හි ආයුෂ්මත් කොණ්ඩඣ්ඣයන් වහන්සේට මේ ලෝකයේ හට ගන්නා සුළු යමක් වේද, ඒ සියල්ල නැසෙන සුළුය යන උතුම් අවබෝධය ඇතිවුණා . සියලු සංස්කාරයන්ගේ අනිත්යතාව වටහාගන්නවාත් සමගින් සක්කාය දිට්ඨි, විචිකිච්චා, සීලබ්බතපරාමාස යන සංයෝජන ධර්ම පහව ගියා. දහම් ඇස පහළ වුණා. කොණ්ඩඣ්ඣ තාපස තුමා සෝවාන් ඵලයට පත් වුණා .
භාග්යවතුන් වහන්සේ විසින් බරණැස ඉසිපතනාරාමයේ මිගදායේ දී උතුම් වූ ධර්මචක්රය ලොව වෙසෙන අන් කිසිම ශ්රමණයෙකුට හෝ බ්රාහ්මණයෙකුට හෝ දෙවියෙකුට හෝ මාරයෙකුට හෝ බ්රහ්මයෙකුට හෝ කිසිවෙකුට හෝ මෙය මෙසේ නොවේ යැයි කියා ආපස්සට පෙරළිය නොහැකි වන සේ ඉතා මැනවින් පෙරළා හැරියා යැයි පවසමින් පොලොව වාසී දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි පොළොව වාසී දෙවියන්ගේ දහම් ඝෝෂාව අසා චාතුම්මහාරාජික දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි චාතුම්මහාරාජික දෙවියන්ගේ දහම් ඝෝෂාව අසා තාවතිංස දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි තාවතිංස දෙවියන්ගේ දහම් ඝෝෂාව අසා යාම දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි යාම දෙවියන්ගේ දහම් ඝෝෂාව අසා තුසිත දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි තුසිත දෙවියන්ගේ දහම් ඝෝෂාව අසා නිම්මාණරතී දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි නිම්මාණරතී දෙවියන්ගේ දහම් ඝෝෂාව අසා පරනිම්මිතවසවත්තී දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි පරනිම්මිතවසවත්තී දෙවියන්ගේ දහම් ඝෝෂාව අසා බ්රහ්මපාරිසජ්ජ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි බ්රහ්මපාරිසජ්ජ දෙවියන්ගේ දහම් ඝෝෂාව අසා බ්රහ්මපුරෝහිත දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි බ්රහ්මපුරෝහිත දෙවියන්ගේ දහම් ඝෝෂාව අසා මහා බ්රහ්ම දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි මහා බ්රහ්ම දෙවියන්ගේ දහම් ඝෝෂාව අසා පරිත්තාභ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි පරිත්තාභ දෙවියන්ගේ දහම් ඝෝෂාව අසා අප්පමාණාභ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි අප්පමාණාභ දෙවියන්ගේ දහම් ඝෝෂාව අසා ආභස්සර දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි ආභස්සර දෙවියන්ගේ දහම් ඝෝෂාව අසා පරිත්තසුභ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි පරිත්තසුභ දෙවියන්ගේ දහම් ඝෝෂාව අසා අප්පමාණසුභ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි අප්පමාණසුභ දෙවියන්ගේ දහම් ඝෝෂාව අසා සුභකිණ්හ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි සුභකිණ්හ දෙවියන්ගේ දහම් ඝෝෂාව අසා වේහප්ඵල දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි වේහප්ඵල දෙවියන්ගේ දහම් ඝෝෂාව අසා අවිහ දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි අවිහ දෙවියන්ගේ දහම් ඝෝෂාව අසා අතප්ප දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි අතප්ප දෙවියන්ගේ දහම් ඝෝෂාව අසා සුදස්ස දෙවියෝ දහම් ඝෝෂා පැවැත්වූවාහු ය.
අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදැ'යි සුදස්ස දෙවියන්ගේ දහම් ඝෝෂාව අසා සුදස්සී දෙවියෝ දහම් ඝෝෂා පැවැත්වූවාහු ය.
සුදස්සී දෙවියන්ගේ දහම් ඝෝෂාව අසා අපගේ භාග්යවතුන් වහන්සේ විසින් බරණැස ඉසිපතන මිගදායේ දී අනුත්තර වූ ධම්මචක්කය පවත්වන ලදී. එය වනාහි ශ්රමණයෙකුට හෝ බ්රාහ්මණයෙකුට හෝ දෙවියෙකුට හෝ මාරයෙකුට හෝ බ්රහ්මයෙකුට හෝ ලෝකයෙහි වෙන කිසිවෙකුට හෝ වෙනස් කළ නොහැක්කේම යැයි කියා අකනිට්ඨ දෙවියෝ දහම් ඝෝෂා පැවැත්වූවාහු ය.
ඒ ක්ෂණයෙහි ම, ඒ මොහොතෙහි ම බ්රහ්ම ලෝක යම්තාක් වේද, ඒ තාක්ම මේ දහම් ඝෝෂාව පැතිර ගියේය. දස දහසක් ලෝක ධාතුව ම කම්පා විය.
සියලු දෙවියන්ගේ ආලෝක ධාරාවන් පරයා යන අප්රමාණ වූ ආලෝක ධාරාවක් මුළු ලෝක ධාතුව තුළ ම පැතිරී ගියා.
කොණ්ඩඣ්ඣ තාපස තුමා සෝතාපත්ති ඵ්ලයෙහි පිහිටනවා දුටු තථාගතයන් වහන්සේ තමන් වහන්සේ ගේ හදවතෙහි නැගුණ නිරාමිස සතුට උදානයක් ලෙසින් පහළ කළාහුය.
"භවත් කොණ්ඩඣ්ඣ තෙමේ ඒකාන්තයෙන්ම අවබෝධ කළා. භවත් කොණ්ඩඣ්ඣ තෙමේ ඒකාන්තයෙන්ම අවබෝධ කළා."
එතැන් පටන් ආයුෂ්මත් කොණ්ඩඣ්ඣයන් වහන්සේ , ප්රථම වතාවට සත්යය අවබෝධ කරගත් ආර්ය ශ්රාවකයා නිසා 'අඣ්ඣාකොණ්ඩඣ්ඣ්' යන මේ නාමය යෙදීම සිදුවුණා.
සාදු! සාදු!! සාදු!!!
