https://www.facebook.com/1010768252122390/

Père Jean Yvon, Lazariste, Fort-Dauphin (2026)

22/06/2026

Alatsinainy 22 Jona 2026
💎 Alatsinainy faha-12 tsotra mandavan-taona ⛪
💎Md Thomas More🙏
💎Loko Maintso 🟩
➖➖➖
Tenin'Andriamanitra 📖 :
1️⃣2 Mpanjaka 17, 5-8. 13-15a. 18
❤️ Tezitra indrindra tamin'i Israely ny Tompo, ka nesoriny tsy ho eo imasony izy. Ny fokon'i Jodà irery no sisa.
➖➖➖
➡️Salamo 59
Fiv : Ny tananao, aoka hamonjy anay, ry Tompo.
➖➖➖
2️⃣ Evanjely : Md Matio 7, 1-5
Tamin’izany andro izany, i Jesoa niteny tamin’ny mpianany nanao hoe: “Aza mitsara mba tsy hotsaraina ianareo; fa araka ny fitsarana ataonareo no hitsarana anareo, ary araka ny famarana hamaranareo no hamarana ho anareo koa. Ary nahoana ianao no mahita ny tapak’ahitra ao amin’ny mason’ny rahalahinao, nefa tsy mahita ny sakamandimby izay eo amin’ny masonao? Ary ahoana no ilazanao amin’ny rahalahinao hoe: “Avelao hesoriko ny tapak’ahitra amin’ny masonao”, nefa indro fa misy sakamandimby eo amin’ny anao? Ry mpihatsaravelatsihy, esory aloha ny sakamandimby izay ao amin’ny masonao, ary rahefa izany dia ho hitanao tsara ny hanesoranao ny tapak’ahitra ao amin’ny mason’ny rahalahinao.”
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary herinandro vaovao mahafinaritra ho antsika rehetra 🥰🙏

21/06/2026

Alahady 21 Jona 2026
💎 Alahady faha-12 tsotra mandavan-taona ⛪
💎 Lohahevitra: Mahatoky Andriamanitra ka reseo ny tahotra
💎Loko Maintso 🟩
➖➖➖
Tenin'Andriamanitra :
1️⃣Jeremia 20, 10-13
➖➖➖
➡️Salamo 68
➖➖➖
2️⃣Rômanina 5, 12-15
➖➖➖
3️⃣ Evanjely : Matio 10, 26-33
Tamin’izany andro izany, i Jesoa nilaza tamin’ny Apôstôly hoe: “Aza matahotra ny olona ianareo, fa tsy misy takona izay tsy haseho, na miafina izay tsy ho fantatra. Izay lazaiko aminareo ao amin’ny maizina dia ambarao eo amin’ny mazava; ary izay bitsibitsihina amin’ny sofinareo, torio eny ambony tafon-trano; ary aza matahotra izay mamono ny vatana, fa tsy mahay mamono ny fanahy, fa aleo matahotra izay mahay mamarina ny vatana sy ny fanahy any amin’ny afobe. Moa tsy varifitoventy monja va no vidin’ny fody roa. Kanefa na ireny aza tsy hisy latsaka amin’ny tany iray akory, raha tsy avelan’ny Rainareo. Na ny volon-dohanareo aza dia efa voaisa avokoa. Koa aza matahotra fa mihoa-bidy lavitra noho ny fody maro ianareo. Ary amin’izany, izay rehetra hanaiky Ahy eo anatrehan’ny olona, dia hoekeko kosa izy eo anatrehan’ny Raiko izay any an-danitra; ary izay handà Ahy eo anatrehan’ny olona, dia holaviko kosa izy eo anatrehan’ny Raiko izay any an-danitra”.
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary Alahady sambatra ho antsika rehetra 🥰🙏

20/06/2026

Asabotsy 20 Jona 2026
💎 Asabotsy faha-11 tsotra mandavan-taona ⛪
💎 Md Sylvere
💎Loko Maintso 🟩
➖➖➖
Tenin'Andriamanitra 📖 :
1️⃣2 Tantara 24, 17-25
➖➖➖
➡️Salamo 88
➖➖➖
2️⃣ Evanjely: Matio 6, 24-34
Tamin’izany andro izany, i Jesoa niteny tamin’ny mpianany nanao hoe: “Tsy misy olona mahay manompo tompo roa, fa ny anankiray ho halany, ary ny anankiray ho tiany, na ny anankiray hombany, ary ny anankiray hoesoiny. Koa tsy mahay manompo an’Andriamanitra sy ny vola ianareo. Noho izany, izao no ataoko aminareo: Aza manahy foana ny amin’ny ainareo, dia izay hohaninareo na hosotroinareo, na ny amin’ny tenanareo, dia izay hotafinareo. Moa tsy ny aina no ambony noho ny hanina, ary ny tena noho ny fitafiana? Jereo ny voro-manidina, fa tsy mba mamafy na mijinja, na manangona an-tsopitra ireny, fa ny Rainareo izay any an-danitra no mamelona azy; ka moa tsy mihoatra lavitra noho ireny va ianareo? Ary iza aminareo, na dia manahy aza, no mahay manalava ny tenany na dia iray hakiho ihany aza? Ary ahoana no anahianareo ny amin’ny fitafiana? Zahao ny fanirin’ny lisy any an-tsaha, fa tsy mba miasa, na mamoly ireny; kanefa lazaiko aminareo fa na dia i Salômôna teo amin’ny voninahiny rehetra aza dia tsy mba nitafy tahaka ny anankiray amin’izy ireny. Ka raha toy izany no fanafin’Andriamanitra ny ahitra any an-tsaha izay eny anio nefa hatsipy any am-patana rahampitso tsy mihoatra noho izany va no hataony aminareo ry kely finoana? Noho izany aza manahy ianareo manao hoe: Inona no hohaninay, na inona no hosotroinay na inona no hotafinay? Fa ny Jentily no mikatsaka izany rehetra izany; ary fantatry ny Rainareo izay any an-danitra fa ilainareo izany. Koa katsaho àry aloha ny fanjakan’Andriamanitra sy ny fahamarinany dia homena izany rehetra izany ianareo ho fanampiny. Ary aza manahy ny ho ampitso ianareo, fa ny ampitso hanahy ny azy, ary ny anio efa ampy ny fahoriana midona aminy.”
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖
🎙️ Bn journée 🙏

19/06/2026

Zoma 19 Jona 2026
💎Zoma faha-11 tsotra mandavan-taona ⛪
💎Md Romuald 🙏
💎Loko Maintso 🟩
➖➖➖
Tenin'Andriamanitra 📖 :
1️⃣2 Mpanjaka 11, 2-4. 9-18. 20
❤️Nohosoran'ny vahoaka i Jôasa, ary nataony hoe: Ho ela velona anie ny mpanjaka.
➖➖➖
➡️Salamo 131
Fiv: Ny Tompo nifidy an'i Siôna izay tiany hatao fonenana.
➖➖➖
2️⃣ Evanjely : Matio 6, 19-23
Tamin’izany andro izany, i Jesoa niteny tamin’ny mpianany nanao hoe: “Aza mihary harena ho anareo etý an-tany izay misy harafesina sy kalalao manimba, ary mpangalatra manamy trano sy mangalatra; fa miharia harena ho anareo any an-danitra izay tsy misy harafesina na kalalao manimba, sady tsy misy mpangalatra manamy trano na mangalatra. Fa izay itoeran’ny harenao no itoeran’ny fonao koa. Ny maso no jiron’ny tena: raha tsara ny masonao, dia hazava avokoa ny tenanao rehetra; fa raha ratsy kosa ny masonao, dia ho maizina avokoa ny tenanao rehetra, ka raha zary maizina àry ny fahazavana izay eo amin’ny tenanao, fahamaizinana manao ahoana izany!”
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary tontolo andro mahafinaritra ho antsika rehetra 🙏

18/06/2026

Alakamisy 18 Jona 2026
💎 Alakamisy faha-11 tsotra mandavan-taona ⛪
💎Md Léonce 🙏
💎Loko Maintso 🟩
➖➖➖
Tenin'Andriamanitra 📖 :
1️⃣Eklesiastika 48, 1-14
❤️Nony voahodidin'ny tadio i Elia dia tonga feno ny fanahiny i Elisea.
➖➖➖
➡️Salamo 96
Fiv : Mifalia ao amin'ny Tompo, ry olo-marina
➖➖➖
2️⃣ Evanjely : Matio 6, 7-15
Tamin’izany andro izany, i Jesoa niteny tamin’ny mpianany nanao hoe: “Raha mivavaka ianareo dia aza mba maro teny tahaka ny jentily, fa ataony ho ny hamaroan’ny teniny no hihainoana azy. Koa aza manahaka azy ianareo, fa na mbola tsy mangataka aminy aza ianareo, fantatry ny Rainareo izay ilainareo. Koa mivavaha toa izao ianareo:

Rainay any an-danitra, hohamasinina anie ny Anaranao, ho tonga anie ny fanjakanao, ho tanteraka anie ny sitra-ponao etý an-tany tahaka ny any an-danitra. Omeo anay anio ny hanina sahaza ho anay; avelao ny fahotanay tahaka ny amelanay izay nanao ratsy taminay, aza avelanao ho resin’ny fitaoman-dratsy izahay, fa manafaha anay amin’ny ratsy. Amen.

Fa raha mamela ny hadisoan’ny olona ianareo, dia havelan’ny Rainareo any an-danitra koa; fa raha tsy mamela ny hadisoan’ny olona kosa ianareo, dia tsy havelan’ny Rainareo koa ny hadisoanareo.”
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Bonne journée à nous tous 🙏

17/06/2026

Alarobia 17 Jona 2026
💎 Alarobia faha-11 tsotra mandavan-taona ⛪
💎Md Hervé 🙏
💎Loko Maintso 🟩
➖➖➖
Tenin'Andriamanitra 📖 :
1️⃣ 2 Mpanjaka 2, 1. 6-14
➖➖➖
➡️Salamo 30
➖➖➖
2️⃣ Evanjely : Matio 6, 1-6. 16-18
Tamin’izany andro izany, i Jesoa niteny tamin’ny mpianany nanao hoe: “Tandremo sao hataonareo eo imason’ny olona ny asa soa hataonareo mba hahitany azy; fa raha izany, dia tsy hahita valisoa amin’ny Rainareo izay any an-danitra ianareo. Koa amin’izany raha manao fiantrana ianao, dia aza mitsoka trômpetra eo alohanao tahaka ny fanaon’ny mpihatsaravelatsihy ao amin’ny sinagôga sy eny an-dalam-be, mba hankalazan’ny olona azy. Lazaiko aminareo marina tokoa fa efa azony ny valisoany. Fa raha manao fiantrana ianao, aoka ny tananao havia tsy Halala izay ataon’ny havanana, mba hiafina ny fiantrana ataonao, ary ny Rainao izay mahita ny miafina no hamaly soa anao. Ary raha mivavaka ianareo, aza mba manao tahaka ny mpihatsaravelatsihy, izay tia ny mivavaka mitsangana ao amin’ny sinagôga sy eny an-joron-dalana, mba hahitan’ny olona azy. Lazaiko aminareo marina tokoa fa efa azony ny valisoany. Fa ianao kosa raha hivavaka, dia midira ao amin’ny efitranonao, ka rahefa voarindrinao ny varavarana, dia mivavaha amin’ny Rainao izay ao amin’ny mangingina, ary ny Rainao izay mahita ao amin’ny mangingina no hamaly anao. Ary raha mifady hanina ianareo, dia aza manjombona endrika tahaka ny ataon’ny mpihatsaravelatsihy, izay mampisotisoty ny tavany mba hahitan’ny olona fa mifady izy. Lazaiko aminareo marina tokoa fa efa azony ny valisoany. Fa ianao kosa raha mifady hanina, dia hosory zava-manitra ny lohanao, ary sasao ny tavanao, mba tsy ho ny olona no hahita anao hoe mifady hanina, fa ny Rainao izay ao amin’ny mangingina; ary ny Rainao izay mahita ao amin’ny mangingina no hamaly soa anao ".
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary tontolo andro mahafinaritra ho antsika rehetra 🙏

16/06/2026

Talata 16 Jona 2026
💎 Talata faha 11 tsotra mandavan-taona ⛪
💎 Md Jean François Régis 🙏
💎Loko Maintso 🟩
➖➖➖
Tenin'Andriamanitra 📖 :
1️⃣1 Mpanjaka 21, 17-29
❤️Nampanota an'i Israely ianao.
➖➖➖
➡️Salamo 50
Fiv : Iantrao aho, ry Andriamanitra, araka ny hatsaram-ponao.
➖➖➖
2️⃣ Evanjely: Matio 5, 43-48
Tamin'izany andro izany, i Jesoa niteny tamin'ny mpianany nanao hoe : "Efa renareo fa voalaza hoe : Ho tia ny namanao ianao ary hankahala ny fahavalonao. Fa Izaho kosa milaza aminareo : Tiavo ny fahavalonareo manaova soa amin'izay mankahala anareo, ary mivavaha ho an'izay manenjika sy manendrikendrika anareo; mba ho zanaky ny Rainareo izay any an-danitra ianareo, dia Ilay mampiposaka ny masoandrony amin'ny tsara fanahy sy ny ratsy fanahy, ary mandatsaka ranonorana amin'ny marina sy ny tsy marina. Fa raha izay tia anareo ihany no tianareo, inona no valisoa ho azonareo ? Moa va na dia ny poblikanina aza tsy manao izany koa? Ary raha ny rahalahinareo ihany no arabainareo, inona no mihoatra amin'ny ataonareo? Moa na dia ny jentily aza tsy mba manao izany ihany koa ? Koa aoka ho lavorary ianareo tahaka ny fahalavorarian'ny Rainareo izay any an-danitra ".
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary tontolo andro mahafinaritra e 🥰🙏

15/06/2026

Alatsinainy 15 Jona 2026
💎 Alatsinainy faha 11 tsotra mandavan-taona ⛪
💎Mb Germaine 🙏
💎Loko Maintso 🟩
➖➖➖
Tenin'Andriamanitra 📖 :
1️⃣1 Mpanjaka 21, 1-16
❤️Notoraham-bato i Nabôta ka maty.
➖➖➖
➡️Salamo 5
Fiv : Mba henoy ny fitarainako, ry Tompo.
➖➖➖
2️⃣ Evanjely: Matio 5, 38-42
Tamin'izany andro izany, i Jesoa niteny tamin'ny mpianany nanao hoe : "Efa renareo fa voalaza hoe: Maso efai-maso, nify efai-nify. Fa Izaho kosa milaza aminareo tsy hamaly ratsy akory; fa raha misy mamely tehamaina ny takolakao ankavanana, dia atolory azy koa ny ilany; ary raha misy te-hiady aminao mba hahazoany ny ankanjonao dia afoizo ho azy ny lambanao; ary raha misy manery anao hiaraka aminy arivo dingana, miaraha aminy roa arivo. Omeo izay mangataka aminao, ary aza ilaoza-mihataka izay te-hisambotra aminao".
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary tontolo andro mahafinaritra ho antsika rehetra 🙏

14/06/2026

Alahady 14 Jona 2026
💎 Alahady faha 11 tsotra mandavan-taona ⛪
💎 Lohahevitra : Ianareo no fanjaka-mpisorona
💎Loko Maintso 🟩
➖➖➖
Tenin'Andriamanitra 📖 :
1️⃣ Eksaody 19, 2-6a
❤️ Ianareo no fanjakà-mpisorona sy firenena masina ho Ahy.
➖➖➖
➡️Salamo 99
Fiv : Isika no vahoaka sy ondry fiandriny
➖➖➖
2️⃣Rômanina 5, 6-11
❤️Fony mbola mpanota isika no maty hamonjy antsika i Kristy; koa maika fa izao efa nohamarinina tamin'ny Rany izao.
➖➖➖
3️⃣ Evanjely: Matio 9, 36-10,8
Tamin'izany andro izany i Jesoa dia onena nahita ireto vahoaka be nijaly sy nafoy toy ny ondry tsy misy mpiandry. Dia hoy Izy tamin'ny mpianany : "Ny vary hojinjaina be, fa ny mpinjinja no vitsy; koa mihantà amin'ny tompom-bary mba haniraka mpinjinja amin'ny variny". Ary niantso ny mpianany roa ambin'ny folo lahy Izy, ka nanome azy fahefana handroaka fanahy maloto, sy hanasitrana ny aretina mbamin'ny rofy rehetra. Ary ireto no anaran'ny Apôstôly roa ambin'ny folo lahy : Ny voalohany dia Simôna izay atao hoe Piera, dia Andre rahalahany, Jakôba zanak'i Zebede sy Joany rahalahiny, Filipo sy Bartelemy, Tômà sy Matio ilay pôblikanina, Jakôba zanak'i Alfe sy Tade, Simôna ilay kananeanina ary Jôdasy iskariôta ilay namadika Azy. Ireo ny roa ambin'ny folo lahy izay hirahin'i Jesoa rehefa nohafatrafarany hoe : " Aza manaraka ny lalana mankany amin'ny Jentily ary aza miditra amin'ny tanànan'ny Samaritanina, fa aleo mankany amin'ny ondry very amin'ny taranak'i Israely. Ary raha mandeha ianareo, mitoria hoe : " Efa akaiky ny fanjakan'ny lanitra. Sitrano ny marary, atsangano ny maty, diovy ny boka, roahy ny demony: nahazo maimaim-poana ianareo, koa manomeza maimaim-poana".
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary Alahady sambatra ho antsika rehetra 🙏🙏🥰

13/06/2026

Asabotsy 13 Jona 2026
💎 Fankalazana ny Fo Madion'i Maria 🙏
💎Md Antoine de Padoue 🙏
💎Loko fotsy ⬜
➖➖➖
Tenin'Andriamanitra 📖 :
1️⃣Izaia 61, 9-11
❤️Feno hafaliana ao amin'ny Tompo aho.
➖➖➖
➡️Salamo: 1 Samoela 2
Fiv : Ravo ao amin'ny Tompo ny fanahiko
➖➖➖
2️⃣ Evanjely : Lioka 2, 41-51
Ary isan-taona ny Ray aman-dreniny dia nankany Jerosalema amin'ny andro fetin'ny Paka; ka nony efa roa ambin'ny folo taona izy, dia niakatra araka ny fanao amin'izany fety izany izy ireo, ary nony tampitra ny andro fety ka nody izy, dia nijanona tany Jerosalema Jesoa zazakely, nefa tsy fantatry ny rainy aman-dreniny izany. Nataon'izy ireo ho niaraka tamin'ny niray dia taminy izy, ka nandeha lalàna indray andro vao nitady azy tamin'ny havany sy ny olom-patany; ary nony tsy nahita azy, dia niverina tany Jerosalema indray nitady nitady azy.
Ary nony afaka hateloana, dia hitany tao amin'ny tempoly izy nipetraka teo afovoan'ny mpampianatra ka nihaino sady nanontany azy, ary talanjona izay rehetra nandre azy noho ny fahendreny sy ny famaliny. Ary nony nahita azy izy ireo dia gaga, ary hoy reniny taminy : Anaka, nahoana hianao no nanao toy izany taminay? Inty rainao sy izaho malahelo nitady anao. Fa hoy izy taminy : Nahoana no nitady ahy ianareo ? Tsy fantatrareo va fa tsy maintsy ho ao amin'ny Raiko aho? Saingy tsy azon'izy ireo ny teny nolazainy taminy. Dia niara-nidina taminy nankany Nazareta izy, ary dia nanaiky azy; fa reniny kosa nandinika tsara izany zavatra rehetra izany tao am-pony.
➖ Izany àry ny tenin'ny Tompo
➖Dera anie ho Anao ry Kristy !
➖➖➖➖➖➖➖➖➖➖➖➖➖➖➖➖
🎙️ Mirary faran'ny herinandro mahafinaritra ho antsika rehetra 🥰🙏

Père Jean Yvon

22/06/2026

21/06/2026

20/06/2026

19/06/2026

18/06/2026

17/06/2026

16/06/2026

15/06/2026

14/06/2026

13/06/2026

Address

Website

Alerts

Shortcuts

Share

Category