24/02/2026
Средба со нуркачите од Охрид – размена на искуства и продлабочување на соработката
Во просториите на нашиот нуркачки клуб во Тетово имавме чест да бидеме домаќини на нуркачите од Охрид. Средбата помина во пријателска и професионална атмосфера, исполнета со размена на искуства, знаења и практики од областа на нуркањето и подводните активности.
Колегите од Охрид, со своето богато искуство стекнато во водите на Охридско Езеро, споделија корисни информации за условите за нуркање, безбедносните процедури, како и за предизвиците со кои се соочуваат при различни интервенции и истражувачки мисии. Од наша страна беа презентирани активностите и обуките што ги реализираме во Тетово, како и плановите за понатамошен развој на клубот.
Посебен акцент беше ставен на безбедноста при нуркање, тимската координација и можностите за заеднички вежби и обуки во иднина. Ваквите средби претставуваат одлична можност за зајакнување на соработката меѓу нуркачките клубови и придонесуваат кон подигнување на нивото на подготвеност и професионалност.
Се надеваме дека оваа средба е само почеток на една долгорочна и успешна соработка меѓу нуркачите од Охрид и нашиот клуб во Тетово.
