31/12/2023
ပဌာန်းဆက်ဆိုတာ အချိန်ကျမှ ဆုံဖြစ်တာပါ
လူတွေ တစ်ဦးနဲ့တစ်ဦး ချစ်ချစ်ခင်ခင် နေလို့ရတယ်ဆိုတာ…
(၁) အတိတ်ဘဝက အကြောင်း ပဌာန်းဆက်ရှိလို့ရယ်။
(၂) လက်ရှိဘဝမှာ တစ်ဦးအကျိုးကို တစ်ဦးက ဆောင်နေကြလို့ရယ်။
ဒီအကြောင်း နှစ်ပါးကြောင့် ဆုံနေကြရတာပါ။ ဒါကိုပဲ ပဌာန်းဆက်ရှိလို့၊ ရေစက်ရှိလို့ဆိုပြီး ပြောကြတာပါ။
တကယ်တော့ ပဌာန်းဆက်ကို လျှော့တွက်လို့မရဘူး။ အချိန်မတန်သေးလို့ ရေစက်မဆုံဖြစ်ကြသေးပေမယ့် အချိန်တန်ရင်တော့ ဘယ်မှာပဲဖြစ်ဖြစ်၊ ဘယ်သူနဲ့ဖြစ်ဖြစ် ဆုံဖြစ်ကြတာပါပဲ။ အချိန်မတန်သေးလို့ကတော့ အိမ်ချင်းကပ်နေတာတောင် သိချင်မှ သိကြတာမဟုတ်ဘူး။
ဒါကြောင့် အကြောင်းပဌာန်းဆက်ရှိလို့ ဆုံနေကြရတဲ့ဘဝမှာ ဆုံနိုင်ခွင့်တွေ၊ တွဲလက်ဆက်နိုင်ဖို့ တစ်ဦးအကျိုးကို တစ်ဦးကလိုလားတဲ့ မေတ္တာဓာတ်နဲ့အတူ တွဲယှက်ခရီးဆက်ကြဖို့ပဲ မဟုတ်လား👍
