02/02/2026
"ငါဘာရခဲ့လဲ"
လူ့ဘဝဆိုတာ မွေးလာခြင်းနဲ့ သေဆုံးခြင်းကြားက ခဏတာလမ်းကြောင်းတစ်ခုပဲ။
အဲ့ဒီလမ်းပေါ်မှာ လူတွေက မပြတ်မနား လှမ်းလျှောက်ကြရတယ်။
ဒေါသကို ကျောပိုးအဖြစ် ထမ်းပြီး
လောဘကို လက်ဆွဲကာ
မောဟကို မျက်စိကာထားပြီး လျှောက်ကြရတယ်။
ပိုက်ဆံရှာရင်း အသက်ရှုတာကို မေ့သွားကြတယ်။
အောင်မြင်မှုလိုက်ရင်း ကိုယ့်ကိုယ်ကို ပျောက်သွားကြတယ်။
ချစ်ခြင်းကို နောက်မှထားပြီး
အနိုင်ရခြင်းကို အရင်ရွေးကြတယ်။
ဒါပေမယ့်…
ညအိပ်ချိန်မှာတော့ လူတိုင်း တိတ်တိတ်လေး ကိုယ့်စိတ်ကိုမေးကြတယ်—
“ဒီနေ့ ငါ ဘာရခဲ့လဲ”
ပိုက်ဆံလား၊ နာမည်လား၊
ဒါမှမဟုတ်… စိတ်ပင်ပန်းမှုတစ်စုံတစ်ရာပဲလား။
နောက်ဆုံးမှာ လူတစ်ယောက်ရဲ့တန်ဖိုးကို
သူရှာခဲ့တဲ့ငွေနဲ့ မတိုင်းတာကြဘူး။
သူထားခဲ့တဲ့ စိတ်ကောင်းမှု၊
သူပေးနိုင်ခဲ့တဲ့ နွေးထွေးမှုနဲ့ပဲ
လောကက မှတ်မိသွားတတ်ကြတာပဲ။
Kaung Htwe "မလမ"
