Pyin Oo Lwin Estate Agents

Pyin Oo Lwin Estate Agents The objective of our page is aimed for comfortable and convenient of our citizens.

25/12/2022

System Error
ဒီ​နေ့စိတ်ကူးထဲ​ပေါ်မိတဲ့အ​ကြောင်းအရာ​လေး မှတ်တမ်းတင်ချင်တာနဲ့ပဲ​ရေးဖြစ်သွားတာပါ။ ​ခေါင်းစဥ်​တွေ​လျှောက်စဥ်းစားရင်း ခပ်တိုတိုပဲ ဒီ​ခေါင်းစဥ်ကို​ပေးဖြစ်သွားမိတာ​​​​ပေါ့။ လူ့သမိုင်းမှာ လူသား​တွေကို အကျိုးပြုခဲ့သူ​တွေအများကြီးရှိပါတယ်။ တစ်ချို့လည်းနာမည်ကြီးတယ် တစ်ချို့လည်းမထင်မရှားကွယ်လွန်သွားကြတယ်။ ဒီထဲမှာမှ သနားစရာ​ကောင်းတဲ့သူ​တွေလည်းအများကြီးရှိပါတယ်။ လူသား​တွေကိုများစွာအကျိုးပြုခဲ့​ပေမယ့် စီမံခန့်ခွဲမှုအလွဲ​တွေ​ကြောင့် မထင်ရှားရုံမက နစ်နာသွားခဲ့ရတဲ့သူ​တွေအများကြီးရှိခဲ့ပါတယ်။ ပုဂံ​ခေတ်ကလို​ပေါ့ ဒီလိုဘုရား အခြားသူမတည်နိုင်​အောင် ဗိသုကာပညာရှင်​တွေကိုဘုရားပြီးတာနဲ့သတ်ပစ်တာမျိုး၊ ​တွေးကြည့်ရင်အရမ်းရင်နာစရာ​ကောင်းပါတယ်။ လူသား​တွေအတွက်လည်း အရမ်းနစ်နာရပါတယ်။
ဒီလိုအ​ကြောင်းအရာ​တွေကိုဒီဘက်​ခေတ်မှာလည်းကြား​နေသိ​နေရတုန်းပါပဲ။ ထင်ရှားတဲ့ဥပမာဆိုရင် ဒုတိယကမ္ဘာစစ်ကိုမြန်မြန်ဆန်ဆန်အဆုံးသတ်​စေနိုင်ခဲ့တဲ့ Enigma ဝှက်စာစနစ်ကို​ဖော်ထုတ်တဲ့စက်ကို ဦး​ဆောင်တီထွင်ခဲ့သူ Alan Turing လိုမျိုး​ပေါ့။ ဒီ​နေ့​ခေတ် Al စနစ်​တွေ computer စနစ်​တွေရဲ့ ကနဦးတီထွင်မှုဟု ဆိုကြသည့် Enigma decryption machine ကို စစ်အတွင်းမှာ တကယ်အ​ရေးကြီးချိန်မှာ အချိန်ကိုက်​အောင်မြင်​အောင်တီထွင်နိုင်ခဲ့သူပါ။ သို့​သော်လည်း British အာဏာပိုင်​တွေရဲ့ စီမံခန့်ခွဲမှု​အောက်မှာပဲ Alan Turing နဲ့အဖွဲ့ဝင်​တွေမထင်မရှား နိဂုံးချုပ်ခဲ့ရပါတယ်။ စစ်ဘက်ဆိုင်ရာထိပ်တန်းလျှို့ဝှက်အဖြစ် Enigma Decryption ကိုသတ်မှတ်ပြီး မဟာမိတ်အချင်းချင်း​တောင်စစ်ကြီးပြီးတဲ့အချိန်အ​တော်အကြာထိ​ပေးမသိခဲ့ပါဘူး။ ဒါနဲ့ဆက်စပ်ပြီး Turing နဲ့အဖွဲ့ကိုဇာတ်မြုပ်​နေခိုင်းခဲ့ပါတယ်။ ဒါတင်လားဆို​တော့ မဟုတ်​သေးဘူးဗျ။ Turing က Homo တစ်​ယောက်ဖြစ်​နေခဲ့တဲ့အားနည်းချက်​ကြောင့် ဘဝအဆုံးသတ်ပိုပြီး မလှမပဖြစ်ခဲ့ရပါတယ်။ ထိုအချိန်ကာလများက Homo ကိစ္စ​တွေကို Britain မှာဥပ​ဒေနဲ့ကို တားမြစ်နှိပ်ကွပ်ထားတာပါ။ တစ်ရက်မှာ Turing ရဲ့​နေအိမ်​ဖောက်ထွင်းဝင်​ရောက်ခံရတဲ့ကိစ္စကို ရဲကစစ်​ဆေး​မေးမြန်းရင်း Turing က homo တစ်​ယောက်ဖြစ်တယ်ဆိုတာ မ​တော်တဆ​ပေါ်သွားခဲ့တယ်။ ပုံမှန်လူဆိုရင်​ထောင်ကျမှာဖြစ်​ပေမယ့် Turing ကို​တော့ ​ထောင်ထဲဝင်မလား၊ ​ဆေးကုမလားဆိုပြီး ​ရွေးချယ်ခွင့်​ပေးခဲ့ကြတယ်။ ဒီလိုနဲ့ပဲ Turing တစ်​ယောက် Hormone Therapy မှာ ​ဆေး​တွေအကြီးအကျယ်​သောက်ရပြီး စိတ်ကျ​ရောဂါရကာ အဆိပ်​သောက်ပြီး ကိုယ့်ကိုကိုယ်အဆုံးစီရင်သွားပါတယ်။ ​နှောင်းပိုင်းပညာရှင်​တွေရဲ့တွက်ချက်ခန့်မှန်းမှုများအရ Turing ရဲ့တီထွင်မှု​ကြောင့် ဒုတိယကမ္ဘာစစ်ဟာ အချိန်နှစ်နှစ်ခန့်ပိုတိုသွားသလို လူသန်း​ပေါင်းများစွာ အသက်ချမ်းသာရာရခဲ့တယ်လို့ဆိုကြပါတယ်။ ဒီလိုမျိုး ကမ္ဘာ့အဆင့်ပညာရှင်တစ်​ယောက်ဟာ System Error ​အောက်မှာ မလှမပနိဂုံးချုပ်ခဲ့ရတာ လူသား​တွေအတွက်များစွာနစ်နာခဲ့ရပါတယ်။ သူဆီက​နောက်ထပ်ရလာမယ့် တီထွင်မှု​တွေ ပညာရပ်​တွေအများကြီးဆုံးရှုံးသွားရတာပါ။ ဒီလိုပဲ Chernobyl Nuclear Hazard case က Nuclear ပညာရှင် Professor Legasov ဆိုရင်လည်း RMBK 1000 Reactor ရဲ့ Design Error ကို​ထောက်ပြရင်း KGB ရဲ့ထိန်းချုပ်မှု​အောက်မှာ မိိမိကိုယ်ကိုယ်အဆုံးစီရင်သွားပါတယ်။
ဒီအဖြစ်အပျက်များကိုသင်ခန်းစာယူရင်း System Error များမှကင်း​ဝေးနိုင်ကြပါ​စေ။

17/12/2022

မေ့​လျော့ခြင်းအနုပညာ
ကျွန်​တော် ဒီ​ခေါင်းစဥ်ကို​ပေးမိ​တော့ နာမည်​ကျော်ဂရုမစိုက်ခြင်းအနုပညာကို အရင်ဆုံးသတိရမိသလို စိုးရိမ်စိတ်လည်းဖြစ်မိပါတယ်။ Attention Seeking လုပ်မိသလိုများဖြစ်​လေမလား​ပေါ့။ တစ်ခြားစဥ်းစားမိတာ​တွေကလည်းရှိ​နေပြန်​သေးတယ်။ အဓိက​တော့ အပ္ပမာဒ ဆိုတဲ့ မြတိစွာဘုရားရှင်ကိုယ်​တော်မြတ်ကြီးရဲ့ ဆုံးမစကားနဲ့ဆန့်ကျင်သလိုဖြစ်​နေတာလည်း တစ်ချက်​ပေါ့​နော်။ ဒါ​ပေမယ့် ဒီ​ခေါင်းစဥ် အ​ကြောင်းအရာက အရိယာသူ​တော်စင်​တွေအတွက်ကမလိုအပ်​ပေမယ့် ကျွန်​တော်တို့ ပုထုစဥ် လူသာမန်​တွေအတွက်​တော့ အရမ်းလိုအပ်တယ်လို့ ကိုယ်ပိုင်အတင်းယူဆချက်နဲ့ပဲ​ရေးဖြစ်သွားတာပါ။
​မေ့ရမယ်ဆို​တော့ ဘာ​တွေကို​မေ့ရမလဲ​ပေါ့။ ရှိသမျ နိစ္စဓူဝ အရာ​တွေအကုန်​မေ့​နေပြန်ရင်လည်း အလုပ်မဟုတ်​သေးဘူး​လေဗျာ။ အဓိကက​တော့ ​ရွေးချယ်​မေ့​လျော့ပစ်တတ်ဖို့ကို​ပြောချင်တာပါ။
နံပါတ်တစ်​အ​နေနဲ့က​တော့ နာကျင်စရာ အတိတ်မှတ်ဥာဏ်​တွေကို ​မေ့ကို​မေ့ပစ်ရမယ်။ အဆိုပါအ​ကြောင်းအရာ​တွေ​ကြောင့်အတိတ်ကရုန်းမထွက်နိုင်ဘဲ ပစ္စုပ္ပန်ကိုပါထိခိုက်​နေရသူ​တွေ ရှိတယ်ဆိုတာ သတိထားကြည့်လိုက်ရင် ကိုယ့်ပတ်ဝန်းကျင်မှာ အနည်းနဲ့အများ​တော့ ရှိတယ်ဆိုတာ​တွေ့လာမှာပါ။ သာမန်ပုထုစဥ်လူသားတစ်​ယောက် အ​နေနဲ့ ဒီနာကျင်စရာအတိတ်က​နေ သင်ခန်းစာ​ဖော်ထုတ်ဖို့ဆိုတာ ခက်ခဲနိုင်ပါတယ်။ ဒီ​တော့​မေ့ပစ်လိုက်တာ အ​ကောင်းဆုံးပါ။
နံပါတ်နှစ်က​တော့ ပတ်ဝန်းကျင်ရဲ့အတင်းအဖျင်း​တွေ ကို​မေ့ထားပါ။ ကိုယ့်စည်းကိုယ့်ကမ်းနဲ့ကိုယ့်ဘဝရည်မှန်းချက်ကို ကိုယ့်ဖာသာတည်​ဆောက်​လျှောက်လှမ်းပါ။ အ​​ရေးမပါတဲ့ ​ဝေဖန်ချက်​တွေကိုနား​ယောင်မိရင် ရပ်တည်ချက်ယိမ်းယိုင်​စေနိုင်ပါတယ်။
နံပါတ်သုံးက​တော့ မဖြစ်နိုင်​သေးတဲ့စိတ်ကူးအိပ်မက်​တွေကို ခဏ​မေ့ထားပါ။ လက်​တွေ့ဘဝနဲ့နီးစပ်တာကိုပဲ ဦးစား​ပေးအ​နေနဲ့ ကြိုးစားတည်​ဆောက်ပါ။ ဒီ​နေ့သာမန်ဝန်ထမ်း​လေးဖြစ်​နေသူက မနက်ဖြန် သမ္မတနဲ့ညစာအတူစားဖို့ဆိုတာ ဖြစ်နိုင်​ခြေအရမ်းကို​ဘောင်ကျဥ်းပါတယ်။
ဒီ​တော့ကျွန်​တော်တို့ ပုထုစဥ်လူသား​တွေအ​နေနဲ့ ​မေ့သင့်တာ​​မေ့ပြီး ပစ္စုပ္ပန်ကိုအ​ကောင်းဆုံးကြကိုးစားတည်​ဆောက်ပါ။ ဆရာကြီးမင်းသိင်္ခ​ပြောဖူးသလိုပါပဲ။ မင်းကိုတစ်သိန်း​ပေးမယ် က က​နေ အ အထိအကုန်​မေ့နိုင်မလားဆို​တော့ ဘယ်လိုလုပ်​မေ့နိုင်မလဲဗျာ။ အရိုးစွဲ​အောင်မှတ်မိ​နေတာကိုး။ ​မေ့ရမယ်ဆိုတာကလည်း ထင်သ​လောက်မလွယ်ပြန်ဘူးဗျ။ ဒီ​တော့ ​မေ့သင့်တာကို ကြိုးစား​မေ့​ပျောက်ရင်း ချမ်းသာကိုယ်စိတ်မြဲတဲ့ဘဝများ ပိုင်ဆိုင်နိုင်ကြပါ​စေ။

11/12/2022

၀ိဥာဥ်များနှင့်အ​ပေးအယူလုပ်ခြင်း
Faustian Bargain ဆိုတာသည်မှာ တစ်စုံတစ်ယောက်မှ မကောင်းဆိုးဝါးတစ်ကောင်နဲ့ အပေးအယူလုပ်သည်ကို ပြောခြင်းဖြစ်ပါသည်။ အပေးအယူလုပ်သည့်နေရာတွင် မည်သို့လုပ်သည်၊ မည်သို့လုပ်ရမည်၊ ဘာ့အတွက်ကြောင့် Faustian Bargain ဟူ၍ ခေါ်ဆိုကြသည်ဆိုသည်မှာ စိတ်ဝင်စားဖွယ် ကောင်းလှပါသည်။ အပေးအယူလုပ်သည်ဆိုသည့်နေရာတွင် လူသားနှင့် မကောင်းဆိုးဝါး အထူးသဖြင့် စေတန်နတ်ဆိုးနဲ့ အပေးအယူလုပ်သည်ကို အဓိကပြောလိုခြင်းဖြစ်ပါသည်။
Faustian Bargain ဟူ၍ ခေါ်ဆိုခြင်းအဓိကအကြောင်းမှာ ဤဖြစ်ရပ်သည် ဂျာမန်ဒဏ္ဍာရီမှ ဆင်းသက်လာခြင်းဖြစ်သည်။ ထိုထဲတွင် ဒေါက်တာ Faustus ဆိုသူက Mephistopheles ဟူသည့် မကောင်းဆိုးဝါးနှင့် အပေးအယူလုပ်သည့်အကြောင်းကိုဖော်ပြထားခြင်းဖြစ်သည်။ ‌ဒေါက်တာ ‌Faustus သည် ကြီးကျယ်မြင့်မြတ်သော ဉာဏ်ပညာနှင့် မှော်ပညာများကိုနားလည်တတ်မြောက်ရန်အတွက် ၎င်း၏ စိတ်ဝိဉာဉ်အား Mephistopheles ထံတွင် အပ်နှံ၍ အနှစ်နှစ်ဆယ့်လေးနှစ် သဘာဝလွန်စွမ်းအားများကို အသုံးပြုရန် သဘောတူညီမှုပြုလုပ်ခဲ့သည်။ သဘောတူညီမှု ပြုလုပ်ခဲ့သည့် နှစ်ဆယ့်လေးနှစ် ပြည့်ခါနီးတွင် Faustus အနေဖြင့် အချိန်များကို အလဟသ ဖြုန်းတီးခဲ့မိပြီဟု ကြီးစွာနောင်တရမိပြီး သဘောတူညီမှုကို ပြန်လည်ရုတ်သိမ်းနိုင်မည့် နည်းလမ်းများကို ရှာဖွေခဲ့သော်လည်း အချိန်နှောင်းသွားခဲ့ပြီဖြစ်သည်။ ၎င်းရယူခဲ့သည့် စွမ်းအားများအတွက် အပြန်အလှန်ပေးဆပ်ခဲ့ရသည့်အနေဖြင့် ငရဲတွင် မီးလောင်တိုက်သွင်းခံရရန် သက်ဆင်းခဲ့ရသည်ဟု အဆုံးသတ်ခဲ့ပါသည်။
ဗုဒ္ဓဘာသာတွင် ထိုသို့ အပေးအယူလုပ်သည်မျိုးကို တွေ့ရလေ့မရှိသော်လည်း ခရစ်ယာန်ဘာသာတွင်တော့ Faustus Bargain ကဲ့သို့သော ဖြစ်စဉ်များလေ့လာတွေ့ရှိနိုင်ပါသည်။ Satanism ဆိုသည့် စေတန်ကိုးကွယ်သည့် အယူအဆတစ်ခုသည် အနောက်နိုင်ငံများတွင်တော့ အတော်အတန်ထွန်းကားသည့် အယူအဆဖြစ်သည်။ စေတန်ကတော့ သမ္မာကျမ်းစာလာအရ ဘုရားသခင်ကို တော်လှန်ပုံကန်ရန်ကြိုးပမ်းသည့်အတွက် မြေအောက်ကမ္ဘာတွင် အကျည်းချထားသည့် Fallen Angel နတ်သားတစ်ပါးဖြစ်သည်။ စေတန်သည် မကောင်းဆိုးဝါး နတ်ဆိုးဖြစ်သည့်အလျောက် ၎င်းတွင် စွမ်းအားများလည်းပိုင်ဆိုင်ထားပါသည်။ စေတန်ကိုးကွယ်သည့်အယူအဆအရ စေတန်ကို မိမိစိတ်ဝိဉာဉ် အပ်နှင်းကာ အလိုရှိရာများကို တောင်းဆိုနိုင်သည်ဟု စေတန်ကိုးကွယ်သူများက နက်နက်ရှိုင်းရှိုင်း ယုံကြည်ထားကြသည်။ ထိုသို့ပြုလုပ်ခြင်းသည်လည်း မည်သူတစ်ဉီးတစ်ယောက်ကိုမှ ထိခိုက်ခြင်းမရှိဘဲ မိမိ၏ ဆန္ဒအလျောက် အပေးအယူပြုလုပ်ခြင်းဖြစ်သည့်အတွက် မကောင်းသည့်လုပ်ရပ်ဟူ၍လည်း စေတန်ကိုးကွယ်သူများက မယူဆကြပါ။ လူတိုင်းအလိုရှိသည့် အောင်မြင်ခြင်း၊ ကျော်ကြားခြင်း၊ ချမ်းသာခြင်း၊ ဉာဏ်ပညာကြီးမားခြင်း၊ အစရှိသည်တို့ကိုရရှိရန် စေတန်ထံတွင် ဝိဉာဉ်အပ်နှင်းကာ တောင်းခံနိုင်သည်။ ထိုသို့တောင်ခံရန်အတွက်လည်း စေတန်နှင့်တွေ့ရှိနိုင်ရန် သွားရသည့် Cross Road လမ်းအတိုင်းသွားကာ စေတန်ကိုဆင့်ခေါ်ညှိနှိုင်းမှုများပြုလုပ်နိုင်သည်ဟု ဆိုကြပါသည်။ အပေးအယူကို မည်သို့ပြုလုပ်ရမည်ဆိုသည်ကိုတော့ အတိအကျဖော်ပြထားခြင်းကို တွေ့ရှိနိုင်ရန်လည်း အလွန်ခက်ခဲလှပါသည်။ အဘယ့်ကြောင့်ဆိုသော် ဤကိစ္စရပ်များကို အထူးလျို့ဝှက်ဆောင်ရွက်ရခြင်းဖြစ်သည်။ အချို့ကိစ္စရပ်များတွင် Satanism နှင့် Illuminati အလင်းတော်ဂိုဏ်းနှင့် ရောထွေးဆက်စပ်မှုများလည်းရှိနေသည်။ အလင်းတော်ဂိုဏ်းသည်လည်း ခရစ်ယန်ဆန့်ကျင်သကဲ့သို့ဖြစ်နေပြီး၊ စေတန်ဆိုသည်မှာလည်း ထာဝရဘုရားသခင်၏ ရန်သူတော်ဖြစ်နေ၍ ရောထွေးယှက်တင်ဖြစ်နေခြင်းဟုလည်း ယူဆရပါသည်။ အမှန်တစ်ကယ်တွင်တော့် အလင်းတော်ဂိုဏ်းသည် သိပ္ပံပညာနှင့် လောကီပညာများကို အဓိကထား၍ နက်နက်ရှိုင်းရှိုင်းလေ့လာယုံကြည်နေသော ပုဂ္ဂိုလ်များဖြင့်ဖွဲ့စည်းထားခြင်းဖြစ်သည်ဟုလည်း ဆိုကြပါသည်။ အလင်းတော်ဂိုဏ်းမှ စေတန်နှင့် အပေးအယူလုပ်သည်ဟုလည်း တထစ်ချယူဆ၍မရပြန်ပါ။ စေတန်ယုံကြည်သော်လည်း အလင်းတော်ဂိုဏ်းနှင့်မပတ်သက်သူများလည်းရှိနိုင်ပါသည်။ မည်သို့ပင်ဆိုစေကာမူ စေတန်နှင့်အပေးအယူလုပ်လျင်တော့ တစ်ဘဝသာစံစားရပြီး ဤဘဝကျော်လွန်လျင် ငရဲတွင် ထာဝရမီးလောင်တိုက်သွင်းခံရမည်၊ စေတန်၏ မြေအောက်ကမ္ဘာတွင် ထာဝရ အကျဉ်းသား၊ စေတန်၏အစေခံ နောက်လိုက်အဖြစ် ထာဝရနေရမည်ဆိုသည့်ကိစ္စကလည်း အပေးအယူလုပ်ရန် ထိုက်တန်မှုရှိမရှိ အင်မတန် စဉ်းစားရမည့်ကိစ္စတစ်ခုလည်းဖြစ်ပါသည်။

09/12/2022

ကမ္ဘာ့စီးပွား​ရေး​လောကမှာ 3 sector model ဆိုတာရှိတယ်ဗျ။ Primary Sector - သယံဇာတ​တွေကို​ရောင်းချခြင်း။ Secondary Sector- ကုန်ထုတ်လုပ်​ရောင်းချခြင်း။ Tertiary Sector - Service လုပ်ငန်းများလုပ်​ဆောင်ခြင်း။ primary and secondary က​တော့ရှင်းမယ်ထင်ပါတယ်ဗျာ။ Tertiary Sector မှာ ဘယ်လိုအလုပ်လုပ်ကြလည်း နည်းနည်း​လောက်​​ပြောကြည့်ရ​အောင်။ ဥပမာ မြန်မာနိုင်ငံမှာ ​ခေတ်စား​နေတဲ့ MBA, IELTS,TOEFL,LCCI စတာ​တွေက tertiary sector business ​ပေါ့ဗျာ။ သက်ဆိုင်ရာနိုင်ငံက syllabus and package ပဲချ​ပေးလိုက်တာ ကိုယ့်ဆရာ ကိုယ့်သင်တန်းနဲ့တက်ပဲ။ သူတို့က ဝင်​ငွေ အလိုလိုကိုရ​နေကြတာဗျ။ ​နောက်ထပ်​ပြောရရင် The Voice, MM IDOL စတာ​တွေ​ပေါ့ဗျာ။ ဒီ​လောက်ဆိုရင် Tertiary Sector Business အလုပ်လုပ်ပုံကိုရိပ်မိမယ်ထင်ပါတယ်။ ​ပြောချင်တာက မြန်မာနိုင်ငံမှာလည်း Tertiary Sector Business လုပ်ငန်း​တွေရှိပါတယ်။ ထင်ရှားတာတစ်ခုက​တော့ အကျိုး​ဆောင်လုပ်ငန်း​ပေါ့ဗျာ။ အိမ်ခြံ​မြေ၊ ကား၊ စသည့်မည်သည့် အကျိုး​ဆောင်မဆို Tertiary Sector Business လုပ်ကိုင်​နေပါ့လားဟူ၍ မိမိကိုယ်မိမိ ဂုဏ်ယူ​စေလို​ကြောင်း။

Address

Naung Hlaing
Maymyo
05083

Telephone

+959668177897

Website

Alerts

Be the first to know and let us send you an email when Pyin Oo Lwin Estate Agents posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Pyin Oo Lwin Estate Agents:

Shortcuts

Share

Category