10/08/2025
#အိမ်ခြံမြေ ဝယ်ယူမယ်ဆိုရင် #ဆောင်ရန် / #ရှောင်ရန် လေးတွေ တင်ပြပေးပါ့မယ်....
ပထမဆုံး
"ရောင်းသူရဲ့တာဝန်"ကိုတင်ပြပေးပါ့မယ်။
ရောင်းချသူရဲ့တာဝန်မှာ
-ပစ္စည်း ကို မိမိပိုင်ဆိုင်ကြောင်း၊ အရှုပ်အရှင်းမရှိကြောင်း၊ ချို့ယွင်းချက်ရှိရင် ရှိကြောင်းသေချာပြောပြဖို်တာဝန်ရှိပါတယ်။
-စရံပေးပြီးစဉ်ကစအပြီးအပိုင်ရောင်းချခြင်း မပြီးဆုံးမှီအထိ ရောင်းချသည့်ပစ္စည်းကို ထိန်းသိမ်းရန်တာဝန်ရှိပါတယ်။
-ပိုင်ဆိုင်မှု အထောက်အထား တွေကို မခြွင်းမချန် ပြသပေးဖို့တာဝန်ရှိပါတယ်။
-စရန်ငွေသည် ပစ္စည်း တန်ဖိုးတဝက်ထက်ကျော်က ပစ္စည်း (သို့) ပိုင်ဆိုင်မှု အထောက်အထား စာရွက်စာတမ်း စာချုပ်စာတမ်းများကို ဝယ်သူသို့ ပေးအပ်နိုင်ပါတယ်။
-ဝယ္သူ (သို့) ဝယ်သူညွှန်ပြသူသို့ လွဲပြောင်းပေးအပ်ဖို့တာဝန်ရှိပါတယ်။
အိမ်ခြံမြေ ဝယ်ယူတော့မယ်ဆိုရင်
၁။ အရှုပ်အရှင်းရှိမရှိ ကြည့်ပါ။
အရောင်းအဝယ်ပြုလုပ်မည့်ပစ္စည်းဟာ အရှုပ်အရှင်းရှိမရှိ ကို စီစစ်ရန်လိုအပ်ပါတယ်။
အရှုပ်အရှင်း ဟု ဆိုရာ၌
ထပ်မံရောင်းချထားခြင်း၊ပေါင်နှံထားခြင်း၊ စွန့်လွှတ်ထညးခြင်း၊ တနည်းနည်းနဲ့ လွှဲပြောင်းထားခြင်း၊ အမွေဆိုင်အရှုပ်အရှင်းမှ စ၍ ကျန် အရှုပ်အရှင်းရှိမရှိကို စိစစ်ဖို့ လိုပါတယ်။
၂။ အများသိစေရန် ကြေညာသင့်ပါတယ်။
အထက်ဖော်ပြပါ အရှုပ်အရှင်း နဲ့ပါတ်သက်ပြီး သိရှိနျိုငျရနျ အတွက် သတင်းစာကနေ အတိအလင်းကြေညာသင့်ကြောင်းအကြံပြုပါရစေ။
သတင်းစာကနေ ကန့်ကွက်နိုင်ကြောင်း ကြေညာထည့်ခြင်းဖြင့် တချို့ သော ဝယ်ရောင်းကိစ္စတွေမှာ ပိုင်ရှင် အစစ်အမှန် ပေါ်လာတာတွေ့ရပါတယ်။ အမွေဆိုင်အရှုပ်အရှင်းမှ စ၍ ကျန် အရှုပ်အရှင်းရှိမရှိကို ပါတျဝနျးကငြျတှငျလညျးစုံစမျးကွညျ့နျုငျပါတယျ။
၃။ ဝယ္သူ ရဲ့ အခွင့်အရေး
ဝယ်သူသည် စရံငွေပေးပြီးနောက် ပစ္စည်း တန္ဖိုးတက္လာပါက ဝယ်သူကရရှိသည့် အခွင့်အရေးလည်းရှိပါတယ်။ ဒါ့အပြင် သတင်းစာကြေညာထည့်သွင်းကာ မိမိဝယ်ယူမည့် ပစ္စည်း သည် အရှုပ်အရှင်း ရွိမရွိကို သေချာစွာ စုံစမ်းနိုင်ပါတယ် ။ထို့အပြင် စရံငွေပေး
ကာလအတွင်း ကန့်ကွက်မှုတစုံတရာ ပေါ်ပေါက်လာ၍ နစ္နာခဲ့ရပါက နစ်နာမှု နဲ့ပါတ်သက်ပြီး နစ်နာကြေးရထိုက်ခွင့်ကို တောင်းဆိုနိုင်ပါတယ်။
၄။ ပိုင်ဆိုင်မှုအထောက်အထား မှန်ကန်မှုရှိမရှိကို စီစစ်ပါ။
သိပ္ကို အရေးကြီးသော အချက် ဖြစ်ပါတယ်။ ပိုင်ဆိုင်မှုအထောက်အထား မှန်ကန်မှုရှိမရှိကို စီစစ်ရာမှာ ဂရံမြေဖြစ်ပါက ဂရံမှန်ကန်မှုရှိမရှိ၊ ပါမစ်မြေဖြစ်က ပါမစ်မှန်ကန်မှုရှိမရှိ၊ စာချုပ်အဆက်အစပ်ဘမှန်ကန်မှုရှိမရှိ ကို ကျွမ်းကျင်သူ (သို့) ရှေ့နေရှေ့ရပ်များနှင့် ဦးစွာစီစစ်ပြီးမှ စရံခ်ပါ။ ထို့နောက် သက်ဆိုင်ရာရုံးဌာနတို့တွင်
စီစစ် ပါ။
၅။ စာချုပ် ကိုသေချာစွာ ချုပ်ဆိုပါ။
လမ်းဘေးဆိုင်မှာ ရယ်ဒီမိတ်
အသင့်ပြုလုပ်ထားတဲ့ စာချုပ်ကိုဘအသင့်ဝယ် ကွက်လပ်ဖြည့်ချုပ်ဆိုလိုက်မယ်ဆိုရင်လည်း မရဘူးလားမေးရင် ရပါတယ်။ ဒါပေမယ့် တခါတေလ အချက်အလက်တွေ မပြည့်စုံပဲ ပြသနာဖြစ်လာလို့ တရားရုံးရောက်ပြီဆိုရင် စာချုပ်စာတမ်းရဲ့စည်းနှောင်မှုအားနည်းလို့ အမှုရှုံရတာလည်း ကြုံဖူးပါတယ်။
ဒါကြောင့် တိကျသေချာတဲ့
မျက်မြင်အကြောင်းအရာ တွေကို စာချုပ်စာတမ်းမှာ သေချာထည့်သွင်းရေးသားဖို့အရေးကြီးပါတယ်။ ဒါကြောင့် တတ်ကျွမ်းနားလည်သူ (သို့)
ကျွမ်းကျင်သော ရှေ့နေရှေ့ရပ်များ နဲ့စာချုပ်ချုပ်ဆိုဖို့အကြံပြုပါရစေ။
ရှေ့နေခ ၂သိန်း/ ၃သိန်းကို နှမြောလို့ ပြသနာတွေဖြစ်တဲ့အခါ စာချုပ်ရဲ့ ရေးသားမှု အားနည်းချက်တွေကြောင့်
အမှုရှုံသွားနိုင်သလို စာချုပ်ရဲ့အားသာချက်ကြောင့် အမှုအားသာသွားတာတွေလည်းတွေ့ရပါတယ်။
နှုတ်တရာ စာတလုံးဆိုသလို
ဒါကြောင့်စာချုပ်ချုပ်ဆို အရောင်းအဝယ်ပြုလုပ်တဲ့အခါ ခိုင်ခိုင်မာမာ ချုပ်ဆိုဖို့အရေးကြီးပါတယ်။
၆။လက်ရောက်ရယူပါ။
တန်ဖိုးငွေကျပ် ၁၀၀ နှင့်အထက်ကို မှတ်ပုံတင် စာချုပ်ချုပ်ဆို၍ဖြစ်စေ၊လက်ရောက်ပေးအပ်၍ဖြစ်စေ ရောဂ်းချမှသာလျှင် တရားဝင်ပါတယ်။.
မရွှေ့ပြောင်းနိုင်သော ပစ္စည်းကို မှတ်ပုံတင် စာချုပ်ချုပ်၍ရောင်းချရမည်ဖြစ်ကြောင်း ပစ္စည်းလွှဲပြောင်းခြင်းဥပဒေပုဒ်မ-54 တွင် ပြဌာန်းထားသော်လည်း စာချုပ်ကို မှတ်ပုံမတင်ထားပါက လက်ရောက်အပ်နှံပေးခဲ့ပြီး လက်ရောက်ရယူခဲ့ကြောင်း သက်သေထင်ရှားပြနိုင်မှ ရောင်းချခြင်းအတည်ဖြစ်ပေသည်။
ဒါကြောင့် အရောင်းအဝယ်ပြုလုပ်သည့် ပစ္စည်းကို လက်ရောက်ရယူဖို့အရေးကြီးပါတယ်။
Crd...
မူရင်းရေးသားသူအား လေးစားစွာခရက်ဒစ်ပေးပါသည်
