ရွှေမြင့်မိုရ် Real Estate

12/07/2026

အကျိုးဆောင်လုပ်တော့မယ်ဆိုရင်...
အကျိုးဆောင်လို့ မိမိကိုယ်ကို အမည်ခံထားရင်...
ရောင်းသူ ဝယ်သူ၏ အရေးကို ပထမ ဦးစားပေးပါ။
သူတို့ နှစ်ဦး အဆင်ပြေသွားရင် ပီတိဖြစ်လိုက်ပါ။
-
ရောင်းသူဝယ်သူအပေါ် မရိုးမသားမလုပ်ကြပါနဲ့...။
ပွဲညွန့်တင်ပြီး ရောင်းတဲ့ အလုပ်ကို ဘယ်တော့မှ
မလုပ်ကြပါနဲ့...။
-
ကိုယ်ပိုင်တဲ့ မြေ ရောင်းခဲ့ရင်တောင်
နောက်လူ ဝယ်သူအတွက် ကျန်အောင်
ဈေးချန်ပေးခဲ့ပါ။ မျှမျှ တတပေါ့။
ကိုယ်အမြတ်ရသလို သူလည်းမြတ်ပါစေ ဆိုတဲ့
စိတ်မျိုးထား- မြေက များများ အကျိုးပေးပါတယ်။
-
ရောင်းသူက ပွဲခထုတ်မပေးဘူး ဆိုရင်တောင်မှ
ညှိနှိုင်းပြီး အကောင်းဆုံး ဆောင်ရွက်သင့်ပါတယ်။
-
မြေဆိုတာ နတ်ကြီးပါတယ်
မြေကို ခုတုံး လုပ်ပြီး . လုပ်စားနေရင်...
မြေမြိုမှာပဲ..။
-
အကျိုးဆောင် ဆိုတာ အကျိုးဆောင်ပေးလိုက်တဲ့ အပေါ်မှာ
ကျသင့်တဲ့ အကျိုးဆောင်ခ ရရင် တော်ပြီပေါ့..။
မတော်လောဘ မတိုက်ကြပါနဲ့..။
-
ပွဲညွန့်တင်လို့ ရလာတဲ့ ငွေကကော ဘယ်လောက်ကြာကြာ သုံးရမှာမို့လဲ
အဲလိုနည်းနှင့်ရတဲ့ ငွေ ဟာ ဆေးရုံပေါ်မှာ ပက်လက်နေတဲ့ အချိန်
ကုန်သွားပါလိမ့်မယ်..။မြဲမြဲ မှတ်ထားပါ။
-
ဘယ်တော့ မှာ ပွဲညွန့်မတင်နဲ့....
ကိုယ်ချင်းစာပါ။
-
အကျိုးဆောင်ကောင်းများ ဖြစ်ကြပါစေ...။

MKK Business Group

11/02/2026

အကွက်ရိုက်တွေမကောင်းဘူးတဲ့
တချို့အကွက်ရိုက်တွေကကောင်းပါတယ်လို့
စည်းကမ်းနဲညီရင်ပေါ့
ဂရံတွေဝယ်ပြီးရင်လဲသက်တမ်းတိုးပါလို့
စလစ်ကွက်တွေကလူလဲမနေဘူးတဲ့
အဲ့ဒါဝယ်ဥလေးတွေအကွက်ပါလို့
သားစာသမီးစာပါလို့

ယနေ့မြို့ပြင်
နောင်တချိန်မြို့လယ် တဲ့စကားပုံကသိဖို့

25/12/2025

09/12/2025

မြို့အစွန်ကျတဲ့ အိမ်ခြံမြေဈေးကွက်ဟာ
အရောင်းအဝယ်ပိုပြီး ဖြစ်လာနိုင်ပါတယ်။
-
အကြောင်းကတော့
မြို့အတွင်းမှာရှိနေတဲ့ မြေကွက်ဈေးနှုန်းတွေ
မြင့်တက်လာခြင်းကြောင့်
မြို့အစွန်က မြေအချို့ အရင်ကထက်
အရောင်းအဝယ်သွက်လာနိုင်ပါတယ်။
-
ဝယ်သူအများစုကလည်း
မိမိတို့နိုင်တဲ့ ငွေကြေးကို ချိန်ဆလုပ်ကိုင်ကြရတာ
ဖြစ်တဲ့အတွက်-မြို့အလယ်က မြေဈေးကို မနိုင်တော့
အစွန်က မြေကို နိုင်ရာ ဝယ်ကြရတော့တာပါပဲ။
ငွေနိုင်တဲ့သူကတော့-မြို့အလယ်ကမြေကို ဝယ်မှာပါပဲ။
-
ဝယ်ချင်တာ-နေချင်တာကတော့
နီးနီး နားနား နေချင်-ဝယ်ချင်သော်လည်း
လက်ထဲမှာ ရှိတဲ့ငွေနှင့် နိုင်တဲ့နေရာမှာ
ဝယ်ထားကြရတာလည်း ဖြစ်နိုင်ပါတယ်။
-
လက်ထဲမှာ ကြာကြာ ကိုင်ထားတဲ့ ငွေကြေးဟာလည်း
အချိန်ကြာလေ တန်ဖိုးကျလေမို့ ကြာကြာ ကိုင်မထားရဲကြဘူး။
ငွေကိုဆက်ကိုင်ထားပြန်ရင်လည်း ကြာရင် မြေဆိုတာ
ဆီမီးခွက်တောင် ဝယ်လို့ ရမှာ မဟုတ်တော့ဘူး။
ဒါကြောင့်
အစွန်အဖျားမြေတွေဟာ
ခုက,စ နောက်ပိုင်း ပိုပြီး အရောင်း
အဝယ်သွက်လာနိုင်ပါတယ်။
-
ငလျင်ဖြစ်ပြီးတဲ့ နောက်ပိုင်းမှာတော့ လူအများစုဟာ
တစ်ထပ်အိမ်အတွက် မြေ ကိုပိုပြီး စိတ်ဝင််စားလာကြတယ်..။
-
တချို့ကတော့
မြို့ အလယ်မှာရှိတဲ့ တိုက်ခန်းကို စိတ်ဝင်စားမှု
နည်းလာတဲ့အတွက်ကြောင့်လည်း
တစ်ဝန်း တစ်ခြံကို ပိုပြီး စိတ်ဝင်စားကြတယ်ထင်ပါတယ်။
-
မြို့အစွန်မြေဈေးနှုန်းများဟာ မြို့တွင်းဈေးနှုန်းထက်
သက်သာနေတာဖြစ်ပြီး ခုအချိန်ဟာ ဈေးသင့်နေသေးတယ်....
မဆိုးသေးဘူးပြောရမှာပါပဲ။
-
နေထိုင်ရန် လူသားတွေ
ပေါက်ဖွားလာခြင်းနှင့် ထပ်ချဲ့စရာ မြေနေရာ မရှိခြင်းဟာ
မြို့အစွန်က မြေတွေကို ပိုမို ဝယ်ယူလာကြခြင်းဖြစ်ပါတယ်။
လူဦးရေ တိုးပွားလာတာဖြစ်ပြီး-မြေနေရာ မတိုးပွားဘဲ
နေထိုင်ရန် နယ်မြေချဲ့ထွင်လာကြတဲ့ အတွက်....
မြို့အစွန်မြေဟာ အရောင်းအဝယ် ဖြစ်လာပါတယ်။
-
မြို့ပြလူနေမှု တိုးပွားလာခြင်းအတွက်
မြေဈေးသက်သာ နိုင်တဲ့ အစွန် အဖျား-
ဆင်ခြေဖုံးနေရာတွေမှာ ယခင်ကထက် သိသိသာသာ
အရောင်း အဝယ် ဖြစ်လာနိုင်ပါတယ်။
-
ဒါကြောင့် ငွေပိုရှိရင်
မြို့အစွန်မှာ ကြိုတင် ဝယ်ယူသင့်ပါတယ်။
-
MKK Business Group...
_Ko Min Min

04/12/2025

🔷 ငွေပိုလျှင် မြေဝယ်ပါ။🔷

အိမ်ခြံမြေဆိုတာ ငွေပိုရှိရင် ဝယ်ထားသင့်ပါတယ်။ (၁၀) နှစ် (၁၅) နှစ်လောက် အောင်းထားနိုင်လေ ပိုကောင်းလေပါပဲ။ ပိုအကျိုးရှိလေပါပဲ။

🔷 ငွေနဲနဲပဲ ရှိတယ်ဆိုရင်တောင် မြို့အစွန်အစပ်က မြေရနိုင်တာတွေကို ချိန်ဆ ဝယ်ထား၊ ရင်းထားသင့်ပါတယ်။

🔷 မြို့အစွန် ဆင်ခြေဖုံးရပ်ကွက်တွေမှာရှိကြတဲ့ (၂၀×၆၀)/ (၄၀×၆၀) မြေတွေဟာ လွန်ခဲ့တဲ့ ၁၅ နှစ်ကဖြစ်ပေါ်ခဲ့တဲ့ မြေဈေးကို ပြန်ကြည့်ကြည့်လိုက်ပါ။ ခုလက်ရှိဈေးနဲ့ တူသေးရဲ့လားလို့​။

🔷 အခုလည်း ဒီလိုပါပဲ။ လက်ထဲမှာ ငွေလေးပိုလာရင် နိုင်တဲ့ နေရာအစွန်အဖျား ဆင်ခြေဖုံးရပ်ကွက်က မြေကိုဦးစားပေးဝယ်ထားပါ။

🔷 ငွေပိုတာကို မြေ မဝယ်ဘဲ သူများကို ငွေတိုး မချေးပေးလိုက်နဲ့၊ ဒူးနဲ့မျက်ရည်သုပ်ပြီး မအိပ်နိုင် မစားနိုင်အဖြစ်မျိုးကြုံနေရမယ်။

🔷 မြေကိုဝယ်ထား၊ ရင်းထားမယ်ဆိုရငိ
ကိုယ်ကိုယ်တိုင် အကျိုးမခံစားရရင်တောင်မှ ကိုယ့်မျိုးဆက်အတွက်
နေရာကောင်း ဖြစ်လာပါလိမ့်မယ်။
တန်ဖိုးကြီးလာလိမ့်မယ်။

🔷 မြေကြောင့် ကုန်ဖူးလားလို့တော့ မမေးနဲ့ ဘယ်အလုပ်ဖြစ်ဖြစ်၊
မကျွမ်းကျင်ရင် ကုန်တတ်ပါတယ်။

🔷 ကိုယ် ကိုယ်တိုင်မှ မသိ နားမလည်ရင်တော့ ကြိုက်တာလုပ် ကုန်မှာပဲ။
ဒါကြောင့် နားလည်တတ်ကျွမ်းသူများနဲ့တိုင်ပင်ပါ၊ လေ့လာပါ၊ ပြီးမှဝယ်ပါ။
🔷 မြေဝယ်တတ်ရင် အရှုံးဆိုတာ မရှိပါဘူး။ ရောင်းတဲ့အခါလည်း အေးအေးဆေးဆေး ထားပြီးရောင်းပါ။
🔷 လောလောနဲ့ရောင်းရင်တော့ အရှုံးဆိုတာ ရှိတတ်ပါတယ်။

🔷 ဒါကြောင့် ငွေပိုရင် မြေဝယ်ပါ မိတ်ဆွေ။

အားလုံးကျန်းမာချမ်းသာကြပါစေ။

#မူရင်းရေးသားသူအားလေးစားစွာခရက်ဒစ်ပေးပါသည်

24/11/2025

#မြေပေးမိန့်အမည်ပေါက်မရှိတော့လျင်

သို့

#ဆက်သွယ်လို့ မရတော့ရင် #တရားရေးနဲ့ သွားရတာမို့
#အမည်ပေါက်ရဖို့

အတွက် ပို ပြီး အချိန်ပေးရပါတယ် တစ်နည်းအားဖြင့် #ဂရန်ဂတုံးနဲ့ တူပါတယ် ရှင်

သာမာန်စာရွက်စာတမ်းပြည့်စုံ အမည်ပေါက်လည်းရှိ သို့ Special power အဟောင်း ကိုင်ထားသူရှိတဲ့ မြေကွက်တွေ အမည်ပြောင်းတဲ့ ကာလ က ၆ လဆိုလျှင် တရားစွဲနဲ့ သွားတဲ့ အကွက်တွေက ၁၂ လ ကြာနိုင်ပါတယ်

တရားသူကြီးအ‌ပြောင်းအလဲတွေရှိရင်လည်းသတ်မှတ်ကာလထက်အချိန်ပိုပေးရတတ်ပါတယ်

#ပိုင်ဆိုင်မှုကတော့ ခိုင်မာပါတယ် အမည်ပြောင်းကြာချိန်ပိုမယ်
ဝယ်ရောင်းထက်နေသူ ပိုအဆင်‌ ပြေပြီး ဂရန်ရှိပြီးသား အကွက်တွေထက် ကာလ ပေါက်ဈေးထက် ပိုသက်သာပါတယ်

#အမည်ပေါက်မရှိရင်‌တောင်
အ‌မွေ ဆက်ခံမဲ့ ဇနီး/ ခင်ပွန်း ရှိရင်

နောက်အိမ်ထောင် မပြုထားလျင်
ရပ်ကွက်ရဲစခန်းထောက်ခံချက်
သေစာရင်းတွေနဲ့အတူ

မှတ်ပုံတင်မူရင်း သန်ခေါင်စာရင်းမူရင်း ပိုင်ဆိုင်တဲ့ စာရွက်စာတမ်း မူရင်းနဲ့အတူ အမွေဆက်ခံ ကျမ်းကျိန်

ကျမ်းကျိန်ကို စာချုပ်စာတမ်းရုံးမှာ မှတ်ပုံတင်ပြီး တာနဲ့ ကျမ်းကျိန်ရတဲ့ နေ့မှာ

စည်ပင်မှာ
ကျမ်းကျိန် မူရင်း( မှတ်ပုံတင်ထားသော )
မြေပေးမိန့် မူရင်း
မှတ်ပုံတင် သန်ခေါင်စာရင်းမူရင်း
စည်ပင်က ‌လျောက်လွှာ

မြေပေးမိန့်မြေကွက်တွေက
နှစ်စဉ်မြေခွန်ဆောင်ထားသော‌ပြေစာမလိုပါဘူးရှင်

မြေပြင်ဓာတ်ပုံ ခြံဓာတ်ပုံ

ဂရန်ဆိုလျှင်သာ နှစ်စဉ်‌‌ ဆောင်ထားသော မြေခွန် ‌ပြေစာထဲမှာ
နောက်ဆုံးနှစ်မှာ ဆောင်ထားသည့်
မြေခွန် ပြေစာ သို့ မြေခွန်ကင်းရှင်းကြောင်းထောက်ခံချက်လိုပါတယ်

မိထ္ထူတစ်စုံလိုပါတယ်

မူရင်းပြမှတ်ပုံတင်သန်းခေါင်စာရင်းမူရင်းပြ လူတိုက်စစ် ပြီး အမှုတွဲ တင်ခဲ့ရပါမည်

(အမည် ပေါက်သူ နှင့် အမည်ဖောက်မဲ့ သူ )မှတ်ပုံတင် သန်ခေါင်စာရင်းမိထ္ထူ အမည် ပေါက်ရှိလျှင်

တရားရုံးမှာ အမွေဆက်ကျမ်းကျိန်နဲ့ သွားလို့ရမယ် မိသားစုဝင်တွေလည်း ရှိတယ် ဆိုရင် မိသားစုဝင်တွေနဲ့ ပါ တွေ့ဆုံ၍ အမွေစီးဆင်းပုံအတိုင်း အထက်မှ အောက်သို့ စီးဆင်း၍ ဆင့်ကဲ အမည်ပေါက်‌ ပြောင်းလို့ ရပါတယ်

အမွေဆက်ခံ မိသားစုဝင် ကိုပါ ချိတ်ဆက်လို့ မရတော့ရင် အမည်ပေါက် ရရှိ ရေးအတွက် တရားရေးနဲ့ သွားရတာမို့

ဝယ်ရောင်းအတွက် အဆင်မပြေ
ဝယ်ဥ တွေ အတွက် နဲ့ နေထိုင်မဲ့ သူအတွက်ကတော့ ကိုယ့်အမည်ပေါက် ကို နေရင်းနဲ့ ပြောင်းလ့်ုရတာမို့

ဂရန်အပါ မြေကွက်ထက် ဈေးတန်းတစ်ခု ပိုသက်သာတာမို့ နေဖို့ ဝယ်ချင်သူ Investment လုပ်ထားနိုင်သူ အတွက် အဆင်‌ပြေပါတယ်

အိမ်ခြံမြေအကြောင်းစိတ်ပါဝင်စားသူများအတွက်အသင်းဝင်သစ်များအတွက်ပါ

မြေပေးမိန့်မှ ဂရန်သွားနည်း လုပ်ငန်း‌အဆင့်ဆင့် နှင့်

ဂရန် အမည်ပြောင်းသွားနည်း အဆင့်ဆင့်ကို လည်း နောက်ရက် တင်ပေးထားပါမည် ရှင့်
ကျေးဇူးတင်ပါတယ်ရှင့်


စီနီယာများနှင့် ‌စီနီယာရှေ့နေ ဆရာဆရာမ များကို လေးစားလျက်

23/11/2025

ကျွန်တော့် ကိုယ်ပိုင်ခြံထဲမှာ မနေနိုင်လို့ အခြား လူတစ်ဦးကို အခမဲ့နေထိုင်ခွင့်ပြုထားတာ ၁၅ နှစ်ရှိပါပြီ ။ တချို့သူတွေက ပိုင်ရှင်ဖြစ်သူဟာ သူ့အိမ် ဒါမှမဟုတ် သူ့မြေကွက်ထဲမှာ တစ်စုံတစ်ယောက်ကို အခမဲ့နေထိုင် ခွင့်ပြုထားတာ ၊ ကာလရှည်ငှားရမ်းထားတာ ၁၂ နှစ်ကျော်ရင် ဖယ်ရှားလို့ မရတော့ဘူးဆိုတဲ့ ဥပဒေရှိသလိုလို ၊ စီရင်ထုံး ရှိသလိုလို ပြောဆိုနေကြတာတွေ ရှိပါတယ် ။ ဥပဒေကြောင်းအရ ရှင်းရှင်းလင်းလင်း သိပါရစေ ။

ဒါကအရပ်ထဲမှာပြောနေကြတာ .. အခုတလောပေါ့နော် ။ ဘာဖြစ်လို့လဲဆိုတော့ တစ်ခြားလူကို သွားပြီးတော့ ကိုယ့်အိမ်မှာပေါ့၊ နှစ်ရှည်မငှားထားနဲ့ နှင်လို့မရဘူးဖြစ်သွားမယ်။ အိမ်ငှားလည်း ကြာကြာမငှားနဲ့ နှင်လို့မရဘူး ဖြစ်သွားမှာ စိုးရိမ်တယ်။

တစ်ချို့ကလည်း နှစ်ကြာသွားရင် ပိုင်သွားတယ်။ အိမ်ငှားက အိမ်ပိုင်ဖြစ်သွားတယ်လို့ ဒီလိုလည်း ပြောကြတယ်။ ဒါနဲ့ပတ်သက်လို့သတိထားစရာတစ်ခုတော့ရှိတာပေါ့ ။ ဘာဖြစ်လို့လဲဆိုတော့ ခွင့်ပြု ချက်နဲ့ထားတဲ့သူက ဘယ်နနှစ်ပဲကြာကြာ ခွင့်ပြုချက်နဲ့ထားတဲ့သူက ခွင့်ပြုချက်နဲ့ထားတာပဲ ၊ သူက အိမ်ပိုင် သွားစရာ အကြောင်းမရှိဘူး။

ငှားထားတဲ့သူလည်း ဒီလိုပဲ အိမ်ငှားဆိုရင်လည်း သူ့ကိုငှားထားတယ်။ ဘယ်နနှစ် ငှားငှား ဆယ်နှစ်ငှားငှား၊ အနှစ် နှစ်ဆယ်ငှားငှား ၊ အိမ်ငှားက အိမ်ပိုင်ဖြစ်မလာနိုင်ဘူး။

ဒါပေမဲ့ အမှားအယွင်းလေးတစ်ခု ဖြစ်သွားရင် စိုးရိမ်စရာလေးတစ်ခု ရှိတယ်။ အဲ့ဒါ ဘာလဲဆိုရင် ဥပမာ ဆိုကြ ပါစို့ ။ ခွင့်ပြုချက်နဲ့ထားတယ် ။ အဲ့ဒီခွင့်ပြုချက်န ဲ့ထားတဲ့သူကို ကိုယ့်က ဖယ်ချင်ပြီဆိုရင် အစ်မဖယ်ပေး ပါလို့ ပြောလိုက်လို့ရှိရင် ပြဿနာမရှိဘူး။ မဖယ်ပေးဘူးဆိုရင် သူက ဘာလုပ်ရသလဲ၊ နို့တစ်ထုတ်ရတာပေါ့ ။

နို့တစ် ထုတ်တယ်ဆိုတဲ့အခါကျတော့ ခွင့်ပြုချက်ထားတဲ့ဟာကို ပြန်ရုပ်သိမ်းလိုက်ပါပြီ ဆိုတာကို သူသိအောင် ပြော ရတာ ၊ အဲ့ဒီလို ခွင့်ပြုချက်နဲ့ထားတာကို ခွင့်ပြုချက်နဲ့ရုပ်သိမ်းပြီးပြီးဆိုမှ တရားက စွဲလို့ရတယ်။ ခွင့်ပြုချက် ကို မရုပ်သိမ်းပဲနဲ့ တရားတဘောင်စွဲလို့မရဘူး။

အဲဒီတော့ တစ်ချို့က ခွင့်ပြုချက်ကို ရုပ်သိမ်းလိုက်တယ်ပေါ့ ။ ရုပ်သိမ်းလိုက်ပြီးတဲ့အခါကျတော့ အမှုစွဲမှ အချိန် ကျတော့မှ မစွဲဖြစ်ဘူးဖြစ်သွားတယ်။ အဲ့ဒီလို မစွဲဖြစ်ဘူး ဖြစ်သွားရင် ။ သူက ကာလစည်းကမ်းသတ် ဥပဒေ ဆိုတာက ရှိသေးတယ်။ ဘယ်အချိန်မှာ အမှုက စွဲရမယ်။ မစွဲလို့ရှိရင် အခွင့်အရေးက ဆုံးရှုံးတယ် စသဖြင့် ကာလစည်းကမ်းသတ်ဥပဒေက လူတိုင်းသိသင့်တာ။

အမှန်က အဲ့ဒါကို သတိမထားမိရင်တော့ သူက အမှား အယွင်းဖြစ်တတ်တယ်။ ဆိုတော့ အဲ့ဒီကာလစည်းကမ်းသတ်ဥပဒေက ဆိုလို့ရှိရင် ခွင့်ပြုချက်နဲ့ထားတာကို ပြန်ရုပ်သိမ်းပြီး ဆိုရင်တဲ့ ၆နှစ်အတွင်း စွဲပါ။ ဒီလိုဆိုထားပါတယ်။

၆ နှစ်အတွင်း စွဲရမယ်ဆိုတာကတော့ ကာလ စည်းကမ်းသတ်ဥပဒေ၊ ပထမဇယား၊ စာတိုင်မှာ ၁၂၀ မှာ ဒီလိုဆိုထားတာပေါ့ ။ ၆ နှစ်ကျော်သွားပြီးဆိုရင် ဘာဖြစ်လဲ ။ ခွင့်ပြုချက်နဲ့ ထားတဲ့သူကို နှင်လို့ မရတော့ဘူး။ တရားစွဲလို့မရတော့ဘူး။ ဒါက သတိထားရမဲ့ အချက်ပါ။

ဒီလိုပဲ အိမ်ရှင်အိမ်ငှားဆိုတော့လဲ အိမ်ငှားထားတယ်။ သူ့ဘာသာသူ ဆယ်နှစ်လဲ အိမ်ငှားပဲ ၊ အိမ်ပိုင်မဖြစ် လာနိုင်ဘူး။ သို့သော် အိမ်ငှားတစ်ယောက်ကို နှင်တော့မယ်ဆိုလို့ရှိရင် သူက ပထမဆုံး ဘာလုပ်ရလဲ ။ ပစ္စည်း လွှဲပြောင်းခြင်းဥပဒေ ပုဒ်မ ၁၀၆ နဲ့အညီ နို့တစ်စာ ပေးရတာပေါ့ ။

နို့တစ်စာပေးတယ်ဆိုတာကတော့ အိမ်ငှား အဖြစ်ဖြတ်တောက်လိုက်ပြီး ဒီတာမနိတ် လုပ်လိုက်တယ်ဆိုတာ သူသိအောင်လို့ ပြောရတာ။ ဘယ်နေ့၊ ဘယ် ရက်မှာတော့ ဆင်းပေးတော့ဆိုတာ ဒီနို့တစ်စာမှာ ပါရတယ်။ ဘယ်နေ့မှာ ငှားရမ်းခကုန်ဆုံးတယ်။ အဲ့ဒီနေ့ ည ၁၂နာရီကျော်လို့ရှိရင် ဒီဥစ္စာလက်ရောက်ပေးအပ်ပါတော့.. ဒါမျိုးက နို့တစ်စာ ထုတ်လေ့ရှိတယ်။

အဲ့ဒီလိုထုတ်ပြီးပြီး ငှားရမ်းခဖြတ်တောက်ပြီးပြီးဆိုရင် တရားစွဲရမယ်လေ။ အဲ့ဒီလို တရားမစွဲပဲ သွားရင် ကာ လစည်းကမ်းသတ်ဥပဒေမှာ ပါတာပေါ့ ၊ စောစောကပြောတာ ၁၁၀ အခုဟာက စာတိုင် ၁၃၉ မှာပါတယ်။ အိမ်ငှားတစ်ယောက်ကို ငှားရမ်းမှုဖြတ်တောက်ပြီး ၁၂နှစ်အတွင်း သူက စွဲရတာ။

၁၂နှစ်အတွင်းမှ မစွဲရင် အဲ့ဒီ အိမ်ငှားကို နောက်တရားစွဲပြီး နှင်ထုတ်ဖို့ ခက်ခဲသွားပြီး ။ ဒါက သတိပြုရမှာပေါ့ ။ အဲ့ဒီမှာသတိပြုဖို့ကတော့ ဥပမာ မစွဲဖြစ်ဘူး ဆိုပါတယ်တော့ကွယ်။ နို့တစ်ထုတ်လိုက်တယ်၊မစွဲဖြစ်ဘူးဆိုရင် အဲ့ဒီထုတ်ထားတဲ့နို့တစ်ကို ပြန်ရုပ်သိမ်းလိုက်လို့ရတယ်။

တရားဝင်ပြန်ရုပ်သိမ်းထားလိုက်နော်။ ဒါဆိုရင် ကာလစည်းကမ်းသတ်နဲ့ အကျုံး မဝင်တော့ဘူး။ သို့သော် အဲ့ဒီလိုရုပ်သိမ်းရာမှာ ပျက်ကွက်သွားရင် တော့ ဒီကာလစည်းကမ်းဥပဒေနဲ့ အကျုံး ဝင်သွားလို့ ဟိုခွင့်ပြုချက်နဲ့ ထားတဲ့သူဆိုရင် ၆နှစ်အတွင်းစွဲ ၊ မစွဲရင်နောက်ထပ်စွဲလို့မရတော့ဘူး။ နှင်လို့ မရတော့ဘူး ။

အိမ်ငှားဆိုလည်း ဒီလိုပဲ နို့တစ်စာ ပေးပြီးပြီးဆိုရင် ၁၂နှစ်အတွင်း စွဲရင် စွဲ နို့တစ်ပေးပြီး ဖြတ် တောက်ပြီးပြီးဆိုရင်စွဲတော့ ။ မစွဲဖြစ်ရင်လဲပြန်ရုပ်သိမ်းလိုက် ။

ဒီနို့တစ်စာကို အဲ့လိုမရုပ်သိမ်းပဲထားရင်တော့ ၁၂ နှစ် ကျော်ရင် တရားစွဲနှင်လို့မရတဲ့အတွက် အဲ့ဒီအချက်ကတော့ အထူးသတိပြုရမယ်လို့ပဲဖြေကြားချင်ပါတယ်။

DVB Law Lab

18/11/2025

တိုက်ခန်းဝယ်တော့မယ်ဆိုရင် တောင်းယူရမည့် စာရွက်စာတမ်းများ

တိုက်ခန်းဝယ်တော့မယ်ဆိုရင်.
တိုက်ခန်း အရောင်းအဝယ်လုပ်တဲ့အခါ ဝယ်ယူသူတွေအနေနဲ့ ပိုပြီးခိုင်မာမှုရှိအောင် တောင်းယူရမယ့် စာရွက်စာတမ်းတချို့ကို မဖြစ်မနေ တောင်းယူသင့်ပါတယ်။
အရောင်းအဝယ် လုပ်တဲ့အခါ ရောင်းသူနဲ့ပွဲစားတွေရဲ့ ပြောစကားတွေကိုသာ ဝယ်သူတွေက ယုံကြည်ကြရပါတယ်။
ဒါကြောင့် အရောင်းအဝယ် လုပ်တဲ့အခါ ပိုပြီးစိတ်ချနိုင်အောင် လုပ်သင့်တာတွေ ရှိပါတယ်။
စရန်ပေးရင် ပိုင်ဆိုင်မှု မိတ္တူတောင်းပါ။ ဝယ်ယူသူတွေအနေနဲ့
တိုက်ခန်းနဲ့ ပတ်သက်တဲ့ စာရွက်စာတမ်းတွေ မှန်ကန်အောင် ပြည့်စုံအောင် သေချာမသိကြဘူး။
ဈေးတန်ရင် ဈေးဆစ်ဝယ်ကြတာပါပဲ။
ကိုယ်ဝယ်မယ့်တိုက်ခန်းစာရွက် စာတမ်းတွေကလည်း စရန်မြေပေး စာချုပ်ချုပ်တော့မှ ထုတ်ပြကြတာပါ။
တစ်ခါတရံရောင်းသူတွေက ကျန်ငွေချေတဲ့အခါမှသာ မူရင်းပေးမယ်လို့ ပြောတတ်ကြပြီး ဒါတွေကို သတိထားသင့်ပါတယ်။ စာရွက်စာတမ်းကျွမ်းကျင်သူ ဝယ်သူတော်တော်များများက စရန်ပေး စာချုပ်ချုပ်တဲ့အခါ ရှေ့နေခေါ်ဖို့ မလိုဘူးထင်ပြီး ပွဲစားတွေ ယူလာတဲ့ အိမ်ခြံမြေအရောင်းအဝယ်စာချုပ်တွေ တိုက်ခန်းအရောင်းအဝယ် စာချုပ်တွေနဲ့ပဲ စရန်ငွေပေးပြီး စလွယ်လုပ်တတ်ကြပါတယ်။
ဒါကြောင့်ဝယ်တဲ့အခါ ခိုင်မာအောင် စာရွက်စာတမ်း ကျွမ်းကျင်သူတွေကို ခေါ်ယူသင့်ပါတယ်။
ရောင်းသူထံက တောင်းယူမယ့် စာရွက်စာတမ်း ကန်ထရိုက်ထံက တိုက်ခန်း တိုက်ရိုက်ဝယ်ယူတဲ့အခါ မြေရှင်နဲ့ ကန်ထရိုက်တို့ အခန်းအပေးအယူ သဘောတူစာချုပ်ချုပ်ထားတဲ့ ကတိစာချုပ် (မိတ္တူ)၊ ရောင်းသူနဲ့ကျန် ကန်ထရိုက်တာနှစ်ဦး အခန်းခွဲဝေတဲ့ သဘောတူစာချုပ်(မူရင်း)၊ BCC လူနေထိုင်ခွင့် လက်မှတ် (မိတ္တူ)တွေကို ရောင်းသူထံက တောင်းယူဖို့ လိုအပ်ပါတယ်။ ပြီးမှ ရောင်းသူထံက မှတ်ပုံတင်မိတ္တူနဲ့ အိမ်ထောင်စု စာရင်းမိတ္တူ တောင်းယူသင့်ပါတယ်။
မြေရှင်လက်မှတ်ယူပါ။
တိုက်ခန်းအရောင်းအဝယ် စာချုပ်ပြီး အခွန်မဆောင်ရင်တော့ မိမိဝယ်တဲ့တိုက်ခန်းနဲ့ မြေရှင်လက်မှတ်ယူသင့်ပါတယ်။
အရင်ဆုံး မြေရှင်လက်မှတ်ထိုးခအဖြစ် မြေနဲ့အိမ်တန်ဖိုးပေါ်မူတည်ပြီး (တစ်ရာခိုင်နှုန်း/နှစ်ရာခိုင်နှုန်း)ပေးရပါတယ်။
မြေရှင်လက်မှတ် ထိုးပေးတဲ့အတွက် အရောင်းအဝယ် ကောင်းစွာပြုလုပ်နိုင်ပါတယ်။

13/11/2025

ကြိုဆို ဂုဏ်ပြုပါသည် ။ ။ ။